[᭑᭕᭑ 151B]
᭑᭕᭑
ᬢᬸᬢᬸᬃᬳᬦᬓᬶᬭᬾᬓᬵᬳᬸ᭞ᬭᬫᬦᬶᬭᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬜᬯᬳᬦᬓᬶᬗ᭄ᬯᬗ᭄᭞ᬫᬗ᭄ᬓᬾ ᬳᬸᬚᬃᬦᬶᬗ᭄ᬲᬸᬦ᭄᭞ᬫᬗ᭄ᬓᬾ ᬢᬳᬶᬲ᭄ᬢᬸᬓ᭄ᬦᬲᬶᬭ᭞ᬳᬦᬓᬶᬗ᭄ᬯᬂ᭞ᬳᬚᬢᬍ
ᬗ᭄ᬕᬦᬾᬦᬵᬕ᭄ᬓᬧ᭄ᬢᬶ᭞ᬫᬗ᭄ᬓᬦᬳᬸᬚᬭᬶᬗ᭄ᬯᬂ᭟ᬩᬥᬶᬅᬲ᭄ᬓᬃᬲᬸᬦ᭄ᬳᬓᭀᬦ᭄ᬳᬗᬸᬮᬢᬶ᭞ᬲᬶᬃᬳᬜᬯ᭞ᬲᬸᬦ᭄ᬳᬓᭀᬦ᭄ᬳᬗ᭄ᬕᬯ᭞ᬲᬸᬭᬢ᭄ᬲᬸᬦ᭄ᬢᬶᬩᬳᬶᬂᬫᬗ᭄ᬓᬾ᭞ᬓᬬᬗᬧᬲᬶᬭᬾᬓᬸ
᭞ᬭᬶᬲᬫ᭄ᬧᬸᬦ᭄ᬲᬶᬭᬗ᭄ᬕᬯᬢᬸᬮᬶᬲ᭄᭞ᬧᬭᬦ᭄ᬯᬶᬭᬱᬦ᭄ᬲᬸᬭᬢ᭄᭞ᬫᬭᬱᬢᬦ᭄ᬓᬍᬩᬹ᭞ᬋᬧᬢ᭄ᬫᬚᬳᬯᭀᬢ᭄ᬲ᭄ᬓᬃ᭞ᬲᬶᬗ᭄ᬕᬶᬄᬭᬫ᭞ᬢᬦ᭄ᬯᬦᬶᬍᬗ᭄ᬕᬡᬾᬂᬓᬧ᭄ᬢᬶ᭞ᬫᬭᬳᬶᬂᬧ
ᬓᭀᬦ᭄ᬢᭂᬂᬭᬫ᭟ᬰ᭄ᬭᬢ᭄ᬭᬫᬯᬸᬲ᭄ᬓᬯᬸᬮᬳᬦᬶᬗ᭄ᬳᬮᬶ᭞ᬳᬫ᭄ᬩᬢᬦ᭄ᬯ᭄ᬭᬸᬄ᭞ᬯᬃᬡ᭄ᬦᬶᬫᬦᬶᬡᬶᬓ᭄ᬰᬰ᭄ᬬ᭞ᬤᬾᬦᬾᬓᬸᬮᬤᬾᬭᬾᬂᬢᬸᬫᭀᬦ᭄᭞ᬚᬬᬾᬂᬭᬡᬗᬦ᭄ᬤᬶᬓᬭᬸᬫ᭄᭞ᬳᬾᬄ
[᭑᭕᭒ 152A]
ᬢᬲᬸᬯᭀᬗ᭄ᬰᬳᬦᬓ᭄ᬫᬫᬶ᭞ᬫᬗ᭄ᬓᬾ ᬲᬶᬭᬳᬓᬸᬯ᭞ᬫ᭄ᬭᬶᬂᬲᬶᬭᬲ᭄ᬦᬕ᭄ᬳᬬᬸ᭞ᬤᬾᬦ᭄ᬢᬸᬮᬸᬲᬱᬦᬓ᭄ᬭᬩ᭄ᬬ᭞ᬩᬥᬶᬅᬲ᭄ᬓᬃ᭞ᬲᬶᬃᬯᬳᬓ᭄ᬯᬳᬦᬓ᭄ᬫᬗ᭄ᬓᬶᬦ᭄᭞ᬲᬶᬭᬳᬓ᭄ᬯ᭄ᬳᬳᬦᬓ᭄ᬫᬗ᭄ᬓᬶᬦ᭄᭞ᬫ
ᬭᬳᬶᬂᬩᬥᬶᬅᬲ᭄ᬓᬃ᭟ᬬᬦ᭄ᬲᬶᬭᬢᬸᬮᬸᬲ᭄ᬳᬲᬦᬓ᭄ᬭᬩᬶ᭞ᬳᬾᬜ᭄ᬚᬂᬳᬾᬜ᭄ᬚ᭄ᬚᬶᬂ᭞ᬲᬸᬦᬚᭀᬕ᭄ᬮᬮᬫᬃ᭞ᬥᬢᭂᬗᬾᬂᬲᬗ᭄ᬓᬸᬃᬉᬥᬂᬫᬗ᭄ᬓᬾ᭞ᬳᬶᬓᬭᬸᬧᬲᬗᬬᬸ᭞ᬳᬮᬶᬗ᭄ᬕᬶᬳ
ᬫᬭᬳᬶᬂᬗᬸᬭᬶ᭞ᬲᬋᬂᬮᬦ᭄ᬫᬦ᭄ᬢᬸᬦᬶᬭ᭞ᬭᬩᬶᬦᬶᬓᬭ᭄ᬯᬾᬓᬸ᭞ᬓᬲᬶᬄᬤᬾᬯᬶᬫᬶᬥ᭄ᬬᬓᭂᬜ᭄ᬘᬦ᭞ᬓᬂᬲᬯᬶᬚᬶ᭞ᬳᬶᬓᬂᬗᬭᬦ᭄ᬳᬶᬦ᭄ᬤ᭄ᬭᬲᬭᬶ᭞ᬯᬃᬡ᭄ᬦᬦ᭄ᬬᬲᬫᬧᬾᬮᬵᬳᬕ᭄᭟ᬋᬧᬵ
ᬢ᭄ᬫᬚᬢᬦ᭄ᬧ᭄ᬕᬢ᭄ᬜ᭄ᬮᬶᬗ᭄ᬮᬶᬂ᭞ᬫᬡᬶᬓ᭄ᬰᬰᬶᬄᬢᬸᬫᬸᬗ᭄ᬓᬸᬮ᭟ᬲᬃᬯ᭄ᬯᬶᬲᬶᬭᬧᬶᬓᬶᬃᬚ᭄ᬭᭀᬦᬶᬂᬳᬢᬶ᭞ᬢᬦ᭄ᬭᬸᬂᬳᬸᬮᬶᬄ᭞ᬦ᭄ᬬᬓᬲᬦ᭄ᬤᬸᬃᬢᬶᬗ᭄ᬳᬮ᭄᭞ᬓᬂᬮᬶᬃᬓᬶᬮᬢ᭄ᬢᬢᬶᬢ᭄ᬫᬗ᭄ᬓᬾ᭞ᬲᬂᬭ
Kaca:Bali-lontar-gaguritan-sangkur-udhang-02-300ppi.pdf/152
Kaca puniki sampun kauji-wacén
