Kaca:Bali-lontar-gaguritan-sangkur-udhang-02-300ppi.pdf/141

Saking Wikisource
Kaca puniki sampun kauji-wacén

[᭑᭔᭐ 140B]
᭑᭔᭐
ᬳᬶᬓᬗᬭᬦ᭄ᬋᬧᬢ᭄ᬫᬚ᭟ᬭᬳᬤᬾᬦ᭄ᬳᬭᬶᬲ᭄ᬳᬗᬸᬘᬧ᭄᭞ᬫᬲᬸᬦ᭄ᬮᬗ᭄ᬕᬦᬾᬂᬓᬵᬧ᭄ᬢᬶ᭞ᬫᭀᬗ᭄ᬰᬢᬶᬯᬰᬶᬓᬗ᭄ᬭᬓ᭄ᬱ᭞ᬳᬮᬳᬸᬕᬍᬯᬶᬄᬰᬓ᭄ᬢᬶ᭞ᬩᬶᬱᬤᬾᬦᬵᬳᬶᬭᬗᬶᬧ
ᬢᬶ᭞ᬤᬾᬭᬾᬂᬳᬯᬲᬫ᭄ᬧᬸᬦ᭄ᬯ᭄ᬭᬸᬄ᭞ᬤᬾᬦ᭄ᬭᬓ᭄ᬱᬳᬬᬸᬳᬮ᭞ᬬᬾᬦᬶᬗ᭄ᬲᬸᬦ᭄ᬤᬾᬭᬶᬦᬓ᭄ᬱᬦᬶᬦ᭄᭞ᬲᬫ᭄ᬬᬫᬢ᭄ᬬ᭞ᬬᬾᬦᬶᬂᬳᬧ᭄ᬭᬂᬳᬶᬗᬬᬸᬤ᭄ᬥ᭟ᬳᬶᬩᬸᬦᬶᬭᬫᬗ᭄ᬓᬾ
ᬗᬸᬘᬧ᭄᭞ᬲᬶᬂᬤᬾᬦᬸᬘᬧ᭄ᬲᬫ᭄ᬩᬤᬦᬶᬦ᭄᭞ᬳ᭄ᬬᬂᬗᬶᬭᬳᬦᬸᬳᬸᬦ᭄ᬓ᭄ᬭᬱ᭞ᬲᬓ᭄ᬭᬱᬦᬶᬭᬦᬓ᭄ᬫᬫᬶ᭞ᬫᬗ᭄ᬓᬾ ᬳᬦᬲᬸᬦ᭄ᬯᬾᬳᬶᬦ᭄᭞ᬦᬵᬕᬫᬲ᭄ᬩᬶᬱᬳᬸᬫᬫ᭄ᬩᬸᬃ᭞ᬧᬸᬦᬶᬓᬤᬾ
ᬦ᭄ᬢᬶᬢᬶᬳ᭞ᬫᬶᬯᬄᬧᬦᬄᬲᬶᬓᭂᬨᬶᬓᬶ᭞ᬦᬸᬮ᭄ᬬᬳᬕ᭄ᬮᬶᬲ᭄᭞ᬳᬗᬸᬦ᭄ᬤᬂᬦᬕᬳᬯᬸᬲ᭄ᬧ᭄ᬭᬧ᭄ᬢ᭟ᬕᬕᬫᬦᬶᬭᬯᬸᬲ᭄ᬲᬫᬧ᭄ᬢ᭞ᬧᬸᬦᬂᬦᬕᬩᬶᬱᬳᬗ᭄ᬮᬶᬂ᭞ᬳᬾᬄᬦᬵᬕᬢᬮᬸ
[᭑᭔᭑ 141A]
ᬗ᭄ᬳᬵᬲᬶᬭ᭞ᬕᬯᬦᬦᬳᬦᬓ᭄ᬫᬫᬶ᭞ᬧᬸᬦᬂᬦᬕᬫᬗ᭄ᬓᬾᬳᬗ᭄ᬮᬶᬂ᭞ᬲᬶᬗ᭄ᬕᬶᬄᬕᬸᬲ᭄ᬢᬶᬳᬫ᭄ᬩᬦᬸᬳᬸᬦ᭄᭞ᬳᬫ᭄ᬩᬦᭀᬭᬍᬗ᭄ᬕᬦ᭞ᬫᬗ᭄ᬓᬾᬮᬶᬗᬾᬫᬺᬢ᭄ᬢᬧᬢᬶ᭞ᬳᬾᬄᬢᬦᬵ
ᬕ᭞ᬫᭀᬦ᭄ᬤ᭄ᬭᬓᬮᬲᬶᬭᬳᬸᬗ᭄ᬲ᭄ᬬᬂ᭟ᬫᬺᬢ᭄ᬢᬧᬢᬶᬳᬦᬓᬶᬗ᭄ᬯᬂ᭞ᬳᬚᬧᬾᬧᬾᬓᬳᬶᬂᬫᬃᬕ᭄ᬕᬶ᭞ᬲᬸᬦ᭄ᬲ᭄ᬭᬳ᭄ᬦᬜᬯᬦᬶᬭ᭞ᬫᬭᬶᬂᬳᬶᬂᬳ᭄ᬬᬂᬫᬅᬍᬯᬶᬄ᭞ᬦᬸᬮ᭄ᬬᬭᬳᬤᬾᬦ᭄ᬫᬦ᭄ᬢ᭄ᬭᬶ᭞
ᬳᬸᬧᬫᬶᬢᬶᬂᬳᬶᬧᬸᬦᬶᬧᬸᬦ᭄᭞ᬫᬲᬩᭀᬤᭀᬫᬦᬶᬭᬦᬸᬮ᭄ᬬᬫ᭄ᬢᬸᬳᬶᬂᬚ᭄ᬭᭀᬧᬸᬭᬶ᭞ᬳᬶᬂᬧᬲᬾᬩᬦ᭄᭞ᬳᬦᬸᬗ᭄ᬕᬂᬕᬶᬕᬶᬭᬶᬂᬦᬕ᭟ᬫᬲ᭄᭟ᬯᬸᬲ᭄ᬫᬍᬲᬢ᭄ᬧᬸᬦᬂᬦᬕ
ᬳᬗᬯ᭄ᬬᬢᬶ᭞ᬳᬤᭀᬄᬮᬫ᭄ᬧᬳᬶᬭ᭞ᬳᬯᭀᬃᬮᬯᬦ᭄ᬫᬾᬖᬧᬸᬢᬶᬄ᭞ᬮ᭄ᬯᬶᬃᬫᬭᬸᬣᬮᬫ᭄ᬧᬳᬶᬭ᭟ᬢᬦ᭄ᬓᬯᬃᬡ᭄ᬦᬮᬫ᭄ᬧᬳᬾ ᬫᬗ᭄ᬓᬾ ᬭᬶᬂᬫᬃᬕ᭄ᬕᬶ᭞ᬭᬤᬾᬦ᭄ᬫᬺᬢ᭄ᬢᬧᬢ᭄ᬬ