Kaca:Bali-lontar-gaguritan-sangkur-udhang-02-300ppi.pdf/109

Saking Wikisource
Kaca puniki sampun kauji-wacén

[᭑᭐᭘ 108B]
᭑᭐᭘
ᬩᬥᬶᬅᬲ᭄ᬓᬃᬳᬗᬫᬶᬢ᭄ᬳᬶᬓᬸ᭞ᬦᬸᬮ᭄ᬬᬳᬤᭀᬄᬢ᭄ᬗᬳᬶᬂᬳᬮᬲ᭄᭟ᬲᬫ᭄ᬬᬕ᭄ᬮᬶᬲ᭄ᬳᬗ᭄ᬕ᭄ᬭᭀᬳᬶᬦ᭄᭞ᬩᬥᬶᬅᬲ᭄ᬓᬃᬫᬗ᭄ᬓᬾ ᬳᬾᬗ᭄ᬕᬮ᭄᭞ᬳᬦᬸᬗ᭄ᬕᬂᬓᬸᬤᬢᬫᬗ᭄ᬓᭀ᭞ᬳᬫ᭄ᬩᬭ
ᬦᬶᬦ᭄ᬧᬸᬦᬂᬲᬫ᭄ᬲᬫ᭄᭞ᬧ᭄ᬭᬲᬫᬢ᭄ᬮᬲ᭄ᬫᬮᬬ᭄ᬯᬵ᭞ᬧᬮᬬᬸᬦᬾ ᬦᬵᬕᬸᬗ᭄ᬲᬶᬮᬯᬸᬢ᭄᭞ᬧᬶᬗ᭄ᬕᬶᬃᬮᬯᬢ᭄ᬓᬢ᭄ᬭᬸᬕ᭄ᬢᬸᬕᬦ᭄᭞ᬩᬥᬶᬅᬲ᭄ᬓᬃᬳᬦᬸᬫ᭄ᬩᬓᬶᬦ᭄᭞ᬳᬕ᭄ᬮᬶᬲ᭄ᬧ᭄ᬭᬧ᭄ᬢᬩᬮᬓ
ᬢᬄ᭞ᬩᬥᬶᬅᬲ᭄ᬓᬃᬩᬶᬦᬸᬭᬸᬫᬗ᭄ᬓᭀ᭞ᬓᬶᬦᭂᬧᬸᬗᬦ᭄ᬤᬾᬦᬶᬂᬩᬮ᭞ᬩᬥᬶᬅᬲ᭄ᬓᬃᬓᬶᬦᬶᬫ᭄ᬧᬸᬲᬦ᭄᭞ᬩᬮᬓᬢᬄᬫᬗ᭄ᬓᬾ ᬭᬯᬸᬄ᭞ᬦᬸᬮ᭄ᬬᬲᬶᬭᬋᬧᬵᬢ᭄ᬫᬚ᭟ᬓᬶ
ᬦᬾᬦ᭄ᬩᬮᬳᬗᬺᬩᬸᬢᬶᬦ᭄᭞ᬭᬶᬦᭂᬩᬸᬢᬦ᭄ᬩᬥᬶᬅᬲ᭄ᬓᬃ᭞ᬦᬸᬮ᭄ᬬᬕᭂᬮᬶᬲ᭄ᬩᬶᬦᬡ᭄ᬦ᭄ᬥᬋᬓᭀ᭞ᬲᬸᬓᬸᬢᬗᬦ᭄ᬢᬶᬦᬮᬾᬦᬦ᭄᭞ᬩᬥᬶᬅᬲ᭄ᬓᬃᬳᬗᬸᬘᬧ᭄᭞ᬧᬭᬦ᭄ᬤᭀᬱᬦᬾ
[᭑᭐᭙ 109A]
ᬫᬗ᭄ᬓᬾᬓᬸ᭞ᬓᬭᬦᬶᬗ᭄ᬲᬸᬦ᭄ᬢᬶᬦᬮᬾᬦᬦ᭄᭟ᬲᬸᬫᬯᬸᬃᬩᬜ᭄ᬚᬭᬦ᭄ᬲᬭᬶ᭞ᬳᬾᬄᬲᬾᬢᬦ᭄ᬯ᭄ᬭᬸᬳᬦᬶᬭ᭞ᬳᬶᬗ᭄ᬲᬸᬦ᭄ᬲᬤ᭄ᬬᬗᬧᬸᬲ᭄ᬫᬗ᭄ᬓᭀ᭞ᬤᭀᬱᬦᬶᬭᬗᬓᬸᬳᬶᬗ᭄ᬯᬂ᭞ᬮᬶ
ᬜᭀᬓ᭄ᬫᬸᬯᬦᬶᬗᬓ᭄ᬯ᭞ᬲᬃᬯᬶᬢᬶᬦᬸᬤᬶᬗᬦ᭄ᬳᬶᬓᬸ᭞ᬯᭀᬂᬲᬚᬸᬭᬸᬚᬸᬭᬸᬲᬶᬭ᭟ᬩᬥᬶᬅᬲ᭄ᬓᬃᬳᬦᬯᬸᬭᬶᬦ᭄᭞ᬳᬕᬾᬧ᭄ᬢᬳ᭄ᬦᬳᬶᬗ᭄ᬯᬂ᭞ᬮᬶᬦ᭄ᬢᬂᬫᬾᬭᬂᬳᬯᬓ᭄ᬳᬶᬗᭀᬂᬲᬸᬓᬧ᭄ᬚᬄ
ᬳᬯᬓᬶᬗ᭄ᬯᬂ᭞ᬫᬾᬗ᭄ᬓᬾᬦᬾ ᬧᬦ᭄ᬫᬸᬦᬶᬭ᭞ᬦᬸᬮ᭄ᬬᬲᬮᬫ᭄ᬮᬯᬦ᭄ᬲᬸᬚᬸᬤ᭄᭞ᬓᬯᬸᬮᬦ᭄ᬥᬵᬲᬶᬦᬫ᭄ᬧᬸᬭ᭟ᬤᬂ᭟ᬭᬸᬗᬸᬦᭂᬦ᭄ᬳᬸᬚᬃᬓᬯᬸᬮᬫᬗ᭄ᬓᬶ᭞ᬲᬚᬢᬶᬦᬾ ᭞
ᬲᭀᬓᬯᬸᬮᬗᬓ᭄ᬯ᭞ᬳᬦ᭄ᬤᬶᬓᬵᬢᬓᬃᬱᬫᬗ᭄ᬓᬾ᭞ᬬᬦ᭄ᬢᬸᬳᬸᬦᬓ᭄‌ᬦ᭄ᬤᬶᬓᬶᬓᬸ᭞ᬫᭀᬖᬫᬗ᭄ᬕᬶᬄᬲᬶᬧᬢ᭄ᬫᬳᬲᬸᬘᬶ᭞ᬭᬶᬦᬓ᭄ᬱᬳ᭄ᬬᬂᬲᬸᬓ᭄ᬱ᭄ᬫᬵ᭞ᬲᬢᬶᬩᬧᬭᬦ᭄ᬮ