Kaca:Bali-lontar-gaguritan-sangkur-udhang-02-300ppi.pdf/107

Saking Wikisource
Kaca puniki sampun kauji-wacén

[᭑᭐᭖ 106B]
᭑᭐᭖
ᬧᬗ᭄ᬕᬶᬄᬮᬦ᭄ᬓᬸᬮᬦ᭄ᬢᬾᬓᬸ᭞ᬤᬸᬢᬭᬚᬫᭀᬦ᭄ᬤ᭄ᬭᬓᬮ᭟ᬢ᭄ᬮᬲ᭄ᬓᬢᬸᬃᬫᬗ᭄ᬓᬾ ᬲᬫᬶ᭞ᬚᬬᬾᬂᬭᬡᬳᬗᬦ᭄ᬤᬶᬓ᭞ᬳᭂᬦ᭄ᬤᬶᬓᬲᬸᬭᬢᬾᬫᬗ᭄ᬓᭀ᭞ᬳᬕᬾᬲᬸᬦ᭄ᬫᬗ᭄ᬓᭀ
ᬳᬸᬦᬶᬗ᭞ᬫᬃᬫᬬᬫᬢᬸᬭᬂᬲᬸᬭᬢ᭄᭞ᬚᬬᬾᬂᬭᬡᬦᬫ᭄ᬧᬲᬫ᭄ᬧᬸᬦ᭄᭞ᬲ᭄ᬯᬮᬧᬢ᭄ᬭᬧᬸᬦᬶᬓ᭟ᬦᬸᬮ᭄ᬬᬫᬗ᭄ᬓᬾ ᬚᬬᬾᬂᬧᬢᬶ᭞ᬩᬶᬦᬸᬓᬲ᭄ᬓᬂᬧᬸᬦᬂᬲᬸᬭᬢ᭄᭞ᬦᬸᬮ᭄ᬬᬵ
ᬕ᭄ᬮᬶᬲᬶᬭᬫᬗ᭄ᬓᭀ᭞ᬯᬶᬦᬘᬦᬸᬓ᭄ᬱ᭄ᬫᬾᬂᬯᬺᬥᬬ᭞ᬯᬸᬲ᭄ᬧᬸᬧᬸᬢ᭄ᬳᬦᬶᬦᬶᬂᬲᬸᬭᬢ᭄᭞ᬚᬬᬾᬂᬭᬡᬗᬦ᭄ᬤᬶᬓᬵᬲ᭄ᬭᬸᬄ᭞ᬳᬾᬄᬲᬓ᭄ᬯᬾᬳᬾᬧᬭᬦᬵᬣ᭟ᬧᬶᬭᬸᬗ᭄ᬯᬦᬳᬸ
ᬚᬃᬫᬫᬶ᭞ᬧ᭄ᬭᬲᬫᬦᬾ ᬧᬭᬦᬵᬣᬦ᭄ᬤᬾᬦ᭄ᬲᬫᬶᬧ᭄ᬭᬶᬬᬢ᭄ᬦᬫᬗ᭄ᬓᭀ᭞ᬲᬓᬾᬳᬾ ᬲᬶᬭᬲᬤᬬ᭞ᬤᬾᬦ᭄ᬧ᭄ᬭᬲᬫᬧᬥᬲᬬᬕ᭞ᬰᬢ᭄ᬭᬸᬳᬕᬸᬂᬳᬕᬾᬭᬯᬸᬄ᭞ᬳ
[᭑᭐᭗ 107A]
ᬕ᭄ᬮᬶᬲ᭄ᬳᬢᬕ᭄ᬦᬲᬥᬬ᭟ᬳᬤᬦ᭄ᬢᬫᬗ᭄ᬓᬾ ᬧ᭄ᬭᬲᬫᬶ᭞ᬯᬸᬲ᭄ᬘᬯᬶᬲ᭄ᬫᬗ᭄ᬓᬾ ᬲᬥᬬ᭞ᬳᬤᬦ᭄ᬫᬗ᭄ᬓᬾ ᬧᬭᬓᬢᭀᬂ᭞ᬲᬯᬸᬲᬾ ᬫᬗ᭄ᬓᬾ ᬧ᭄ᬭᬲᬫ᭞ᬳᬤᬦ᭄ᬫᬦ᭄ᬢᬸᬓ᭄᭞ᬲᭀᬯᬂ
ᬲᭀᬯᬂ᭞ᬚᬬᬾᬦᬵᬕ᭄ᬭᬡᬯᬸᬲ᭄ᬫᬍᬩᬸᬄ᭞ᬫᬗ᭄ᬕᬶᬄᬧ᭄ᬭᬫᬶᬰ᭄ᬯᬭᬦᬶᬭ᭟ᬳ᭄ᬦᭂᬗᬓ᭄ᬦᬚᬬᬾᬂᬧᬢᬶ᭞ᬋᬧᬵᬢ᭄ᬫᬚᬫᬗ᭄ᬓᬾ ᬓᭀᬘᬧ᭄᭞ᬗᬦ᭄ᬤᬶᬓᬭᬶᬂᬧᬭᬓᬢᭀᬂ᭞ᬤ᭄ᬫᬸᬂᬤ᭄ᬫᬂ
ᬳᬃᬬᬲᬦ᭄ᬢᬦ᭞ᬧᬭᬦ᭄ᬢᬥᬬᬦᬶᬭ᭞ᬫ᭄ᬚᬳ᭄ᬦᬭᬭᬾᬧᬸᬦᬶᬓᬸ᭞ᬤᭀᬱᬦᬾ ᬗᬓᬸᬳᬶᬗ᭄ᬯᬂ᭟ᬤ᭄ᬫᬸᬂᬤ᭄ᬫᬂᬫᬢᬸᬃᬳᬭᬶᬲ᭄᭞ᬳᬦ᭄ᬤᬶᬓᬳᬬᬸᬦ᭄ᬫᭂᬚᬳ᭄ᬦ᭞ᬮᬶᬦ᭄ᬢᬂᬰᬓ᭄ᬢᬶᬭᬭᬾ ᬫ
ᬗ᭄ᬓᭀ᭞ᬳᬦᬲ᭄ᬯᬶᬚᬶᬤᬬᬦ᭄ᬓᬸᬮ᭞ᬩ᭄ᬘᬶᬓ᭄ᬳᬫ᭄ᬩᬶᬮ᭄ᬓᬸᬤᬦᬶᬭ᭞ᬘᬫ᭄ᬝᬶᬮᬦ᭄ᬩᬚᬸᬦᬶᬧᬸᬦ᭄᭞ᬤᬶᬫᬾᬦᬾᬳᬦᬚᬮᬭᬦ᭄ᬧ᭄ᬚᬄ᭟ᬲᬯᬸᬲᬾᬲᬫᬶᬳᬶᬗᬫ᭄ᬩᬶᬮ᭄᭞ᬳᬚᬓ᭄ᬦ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-sangkur-udhang-02-300ppi.pdf/107&oldid=60788"