Kaca:Bali-lontar-gaguritan-sangkur-udhang-01-300ppi.pdf/99

[᭙᭘ 98 B] (physical label incorrect, should have been 97 B)
᭙᭗
ᬭᬦᬓᬵᬭᬶ᭞ᬭᬚᬦᬸᬃᬲᬶᬯᬦ᭄‌ᬗ᭄ᬕᬯᬾᬧᬦᬲᬶᬂᬦᬵᬮ᭟ᬚᬬᬾᬦᬵᬕ᭄ᬭᬡ᭄ᬦᬵᬭᬶᬲ᭄ᬗᬦ᭄ᬤᬶᬓ᭞ᬩ᭄ᬦᭂᬃᬫᬗ᭄ᬓᬾᬧᬸᬢᬸᬫᬵᬫᬶ᭞ᬬᬦᬸᬃᬲᬶᬯᬦ᭄ᬳᬮᬤᬵᬳᬢ᭄᭞ᬢᬵᬦ᭄ᬧ᭄ᬕᬵᬢ᭄ᬗ᭄ᬭᬾᬄᬧᬭᬳᬚᬶ᭞ᬦᭀᬭᬦᬦᬺᬩᬾᬇᬲᬶᬦ᭄᭞ᬤᬵᬢᬵᬦ᭄ᬧ᭄ᬕᬵᬢ᭄ᬫᬶᬦ᭄ᬢᬵᬅ᭄ᬩᬦ᭄ᬢᬸ᭞ᬭᬢᬸᬳᬓᬾᬄᬤᬾᬦ᭄ᬭᬾᬳᬵ᭞
ᬤᬦ᭄ᬩᬤᬶᬅ᭄ᬳᬲ᭄ᬓᬵᬃᬳᬕ᭄ᬮᬶᬲ᭄᭞ᬦ᭄ᬤᬳᬫᬶᬢ᭄ᬫᬭᬶᬂᬲᬶᬭᬚᬬᬾᬦᬵᬕ᭄ᬭᬡ᭄ᬦᬵ᭟ᬫᬶᬯᬄᬳ᭄ᬬᬂᬮᬦ᭄ᬳᬶᬩᬸᬦᬶᬭ᭞ᬓᬯᬸᬮᬳᬦ᭄ᬤᬳᬫᬶᬢ᭄᭞ᬲᬂᬦᬝᬳᬮᭀᬦ᭄ᬳᬗᬸᬘᬧ᭄᭞ᬮᬄᬮᬸᬗᬳᬧᬸᬢᬸᬫᬵᬫ᭄ᬫᬶ᭞ᬰ᭄ᬭᬳ᭄ᬦᬫᬭᬶᬂᬳ᭄ᬬᬂᬍᬯᬶᬄ᭞ᬫᭀᬕᬭᬶᬦᬵᬓ᭄ᬱᬗ᭄ᬳᬕᬸᬂ᭞ᬤᬾᬦ᭄ᬩᭂᬘᬶᬓ᭄ᬫᬗ᭄ᬓᬾᬮᬸᬫᬵ
ᬫ᭄ᬧᬄ᭞ᬳ᭄ᬬᬗᬶᬭᬗᬦ᭄ᬤᬶᬓᬫᬮᬶᬄ᭞ᬮᬄᬮᬸᬗᬳᬳᬚᬓᬸᬭᬂᬧᬭᬶᬬᬢ᭄ᬦ᭟ᬬᬦ᭄ᬲᬶᬭᬓᬲᭀᬃᬳᬬᬸᬤ᭞ᬳᬾᬜ᭄ᬚᬂᬗᬾᬜ᭄ᬚᬶᬂ᭠ᬳᬶᬂᬗᬚᬸᬭᬶᬢ᭄᭞ᬳᬸᬘᬧ᭄ᬦᬳᬕᬾᬳᬶᬗ᭄ᬯᬂ᭞ᬦᭀᬭᬯᬗ᭄ᬤᬾᬳᬶᬂᬲᬸᬦ᭄ᬧ᭄ᬭᬧ᭄ᬢᬶ᭞ᬳᬢᬸᬮᬸᬂᬲᬶᬭᬓᬓᬶ᭞ᬩᬤᬶᬅ᭄ᬳᬲ᭄ᬓᬵᬃᬳᬭᬶᬲ᭄ᬫᬢᬹᬃ᭞ᬳᬕ᭄ᬮᬶᬲ᭄ᬳᬦᬸᬗ᭄ᬕᬵᬂᬓᬸ
ᬤ᭞ᬚᬬᬾᬦᬵᬕ᭄ᬭᬡ᭄ᬦᬵᬳᬫᭂᬢ᭄ᬯᬾᬓᬶ᭞ᬲᬫᬦᬸᬗ᭄ᬕᬂᬭᬤᬾᬦ᭄ᬫᬓ᭄ᬢᬮ᭄ᬳᬦᬾᬂᬗᬸᬦ᭄ᬢᬵᬢ᭄᭟ᬫᬡᬵᬶᬓ᭄ᬱᬰᬶᬄᬳᬗᬸᬫ᭄ᬩᬵᬭ᭞ᬲᬹᬋᬂᬮᬯᬦ᭄ᬱ᭄ᬭᬶᬪᬵᬹᬧᬢ᭄ᬣᬶ᭞ᬫᬭᬶᬂᬢᬵᬯᬂᬳᬗᬶᬫ᭄ᬩᬵᬗ᭞ᬪᬵᬤᬶᬅ᭄ᬳᬲ᭄ᬓᬵᬃᬮᬜ᭄ᬚᬬᬾᬦᬵᬕ᭄ᬭᬸᬶᬧᬢ᭄ᬣᬶ᭞ᬲᬓ᭄ᬱᬦᬗ᭄ᬓᬾᬧ᭄ᬭᬧ᭄ᬢᬶ᭞ᬳᬶᬂᬧᬮᬕᬦ᭄ᬗᬸᬯᬸᬄᬳᬸᬯᬸᬄ
[᭙᭙ 99 A] (physical label incorrect, should have been 98 A)
ᬳᬶᬂᬦ᭄ᬤᬶᬭᬚᬦᬸᬃᬲᬶᬯᬦ᭄᭞ᬚᬬᬾᬦᬵᬕ᭄ᬭᬡ᭄ᬦᬵᬳᬶᬓᬶᬧ᭄ᬭᬧ᭄ᬢᬶ᭞ᬭᬚᬦᬸᬃᬲᬶᬯᬦ᭄ᬓᬕᬾᬢ᭄ᬤᬾᬦᬶᬭᬫ᭄ᬮᬬ᭄ᬯ᭟ᬧᬮᬬᬸᬦᬾᬤᬸᬗ᭄ᬓ᭄ᬭᬅ᭄ᬥᬸᬗ᭄ᬓ᭄ᬭᬅ᭄᭞ᬦᭀᬭᬦᬵᬦᬫᬶᬮᬶᬄᬫᬵᬃᬕ᭄ᬕᬶ᭞ᬳᬦᬋᬓᬾᬦᬶᬩᬾᬂᬚᬸᬭᬂ᭞ᬦᭀᬭᬳᬤᭀᬄᬧᬢᬶᬄᬓᬮᬶᬄ᭞ᬓᬶᬧᬢᬶᬄᬫᬶᬮ᭄ᬯᬮᬭᬶ᭞ᬦᬸᬂᬲᬶᬯᬦ᭄ᬧᬶᬲᬄᬮ᭄ᬫᬬᬸ᭞ᬧ᭄ᬮᬬᬸᬦᬾᬢᬶᬩᬧ
ᬭᬦ᭄᭞ᬢᬶᬦᬸᬢᬶᬂᬯᬤ᭄ᬯᬳᬮᬭᬶ᭞ᬦᬸᬮ᭄ᬬᬧᬶᬲᬄᬫᭀᬦ᭄ᬤᬺᬓᬮᬗᬸᬗ᭄ᬲᬶᬗᬵᬭ᭟ᬦᭂᬗᬓ᭄ᬦᬭᬚᬦᬸᬃᬲᬶᬯᬦ᭄᭞ᬫᭀᬦ᭄ᬤᬺᬓᬮᬮᬚᬸᬮᬭᬶ᭞ᬢᭀᬦ᭄ᬓᬾᬢᬂᬤᬸᬃᬕᬵᬦᬾᬂᬫᬵᬃᬖ᭄ᬕ᭞ᬢᬶᬦᬸᬓᬶᬂᬲᬸᬓᬸᬦᬶᬂᬳᬸᬓᬶᬃ᭞ᬢᬵᬦᬵᬦᬗᬵᬫ᭄ᬩᬵᬄᬫᬵᬃᬕᬶ᭞ᬳᭀᬭᬂᬳᬶᬤᬶᬂᬤᬾᬦ᭄ᬢᬶᬦᬸᬚᬸ᭞ᬦᭂᬗᬓ᭄ᬦᬳᬦᬾᬦᬵᬕ᭄ᬫᬵᬃᬕ᭞ᬓᭀ
ᬘᬧᬲᬂᬚᬬᬾᬂᬧᬢ᭄ᬣᬶ᭞ᬲᬋᬂᬧᬸᬢᬸᬦᬶᬭᬭᬵᬤᬾᬦ᭄ᬩᬤᬶᬅ᭄ᬳᬲ᭄ᬓᬵᬃ᭟ᬲᬂᬱᬸᬤᬾᬯᬶᬫᬡᬵᬶᬓ᭄ᬲᬰ᭄ᬬ᭞ᬢᬸᬫᬸᬭᬸᬦ᭄ᬲᬓᬶᬂᬯ᭄ᬬᬢᬶ᭞ᬲᬂᬦᬝᬫᬗ᭄ᬓᬾᬢᬸᬫ᭄ᬥᭂᬓ᭄᭞ᬳᬫᬭᬦᬶᬦ᭄ᬚᬬᬾᬂᬧᬢᬶ᭞ᬲᬓ᭄ᬲᬡᬵᬫᬗ᭄ᬓᬾᬧ᭄ᬭᬧ᭄ᬢᬶ᭞ᬬᬢᬲᬋᬂᬫᬗ᭄ᬓᬾᬮᬸᬗ᭄ᬕᬸᬄ᭞ᬧᬺᬭᬢᬸᬯᬸᬲ᭄ᬓᬩᬸᬜ᭄ᬘᬮ᭄᭞ᬲᬓᬶᬂᬓᭀᬘᬭᬦᬾᬗᬸ
ᬦᬶ᭞ᬯᬸᬲ᭄ᬯᬮᬸᬬᬲᬫᬗᬶᬭᬶᬂᬚᬬᬾᬂᬭᬡ᭄ᬦᬵ᭟ᬦᬸᬮ᭄ᬬᬭᬤᬾᬦ᭄ᬩᬤᬶᬅ᭄ᬳᬲ᭄ᬓᬵᬃᬦᭀᬭᬳᬾᬘᬚ᭄ᬭᭀᬦᬶᬂᬗᬢ᭄ᬣᬶ᭞ᬤᬾᬦᬾᬦᭀᬭᬲᬤ᭄ᬬᬧ᭄ᬚᬄᬫᭀᬦ᭄ᬤᬺᬓᬮᬮᬦ᭄ᬫᬤᬵᬳᬶᬦ᭄᭞ᬦᭀᬭᬋᬡ᭄ᬦᬵᬓᬗᬢ᭄ᬣᬶ᭞ᬬᬦ᭄ᬢᬦ᭄ᬲᬤ᭄ᬬᬫᬗ᭄ᬓᬾᬮᬫ᭄ᬧᬸᬲ᭄᭞ᬳᬫᬶᬢᬓᬵᬯᬸᬮᬢ᭄ᬯᬦ᭄᭞ᬗᬸᬮᬢᬶᬫᭀᬦ᭄ᬤᬺᬓᬵᬮᬾ