Kaca:Bali-lontar-gaguritan-sangkur-udhang-01-300ppi.pdf/87

Saking Wikisource
Kaca puniki sampun kauji-wacén

[᭘᭖ 86 B] (physical label incorrect, should have been 85 B)
᭘᭕
ᬓᬶᬂᬢᬯᬂ᭞ᬧᬺᬦᬄᬳᬶᬭᬫᬦᬄ᭞ᬕ᭄ᬮᬶᬲ᭄ᬧ᭄ᬭᬧ᭄ᬢᬫᬗ᭄ᬓᬾᬭᬤᬾᬦ᭄᭞ᬳ᭄ᬬᬂᬗᬶᬭᬫᬶᬯᬳᬶᬪᬵᬹ᭞ᬳᬶᬂᬮᬸᬳᬸᬃᬧᬺᬦᬳᬾᬭᬾᬓᬶ᭞ᬫᬗᬦ᭄ᬤᬧ᭄ᬲᬓᬶᬂᬢᬯᬂ᭞ᬢᬦ᭄ᬓ᭄ᬯᬃᬡ᭄ᬦᬳᬾᬗᭂᬦᬸ᭞ᬦᬸᬮ᭄ᬬᬧ᭄ᬭᬧ᭄ᬢᬲᬶᬭᬾᬂᬤᬭᬢ᭄᭞ᬢᬦ᭄ᬓᬢᬶᬗᬮ᭄᭞ᬲᬂᬤᬾᬯᬶᬓᬢᬯᬦ᭄ᬢᬗᬶᬲ᭄᭞ᬲᬂᬭᬢ᭄ᬦ
ᬫᬸᬤ᭄ᬬᬓᭂᬜ᭄ᬘᬡ᭄ᬦᬵ᭟ᬦᬸᬮ᭄ᬬᬕ᭄ᬮᬶᬲ᭄ᬫᬗ᭄ᬓᬾᬳᬫᬭᬦᬶᬦ᭄᭞ᬩᬤᬶᬅ᭄ᬳᬲ᭄ᬓᬵᬃ᭞ᬲᬋᬂᬳ᭄ᬬᬂᬳᬶᬪᬵᬹᬦ᭄ᬬ᭞ᬲᬫᬧ᭄ᬭᬧ᭄ᬢᬳᬶᬂᬧᬺᬦᬳᬾ᭞ᬲᬂᬭᬢ᭄ᬦᬕ᭄ᬮᬶᬲ᭄ᬭᬶᬦᬗ᭄ᬓᬸᬮ᭄᭞ᬧᬺᬲᬫ᭄ᬬᬢᬸᬲ᭄ᬢᬳᬶᬂᬗᬢ᭄ᬝᬶ᭞ᬬᬢᬲ᭄ᬮᬾᬂᬢᬶᬦᬸᬭᬦ᭄᭞ᬢ᭄ᬮᬲ᭄ᬢᬶᬦᬸᬢᬸᬃᬲᬫ᭄ᬧᬸᬦ᭄᭞ᬳᬶᬂᬧᬹᬃᬯ᭄ᬯᬮᬯᬦ᭄ᬯᬶ
ᬯᬶᬢᬦ᭄᭞ᬫᬦᬶᬅ᭄ᬱᬰᬶᬄ᭞ᬳᬦᬵᬫ᭄ᬩᬦᬶᬦ᭄ᬫᬦ᭄ᬢᬸᬦᬾᬓᬶ᭞ᬯᬸᬲ᭄ᬢᬶᬦ᭄ᬭᬧ᭄ᬳᬶᬂᬳᬸᬲᬤ᭟ᬦᬸᬮ᭄ᬬᬯᬭᬲ᭄ᬓᬂᬢᬸᬢᬸᬦᬶᬭᬾ᭠ᬓᬶ᭞ᬕ᭄ᬮᬶᬲ᭄ᬯᬮ᭄ᬯᬶᬬ᭞ᬲᬶᬃᬦᬢᬢᬸᬦᬶᬭ᭞ᬲᬂᬭᬢ᭄ᬦᬳᬾᬕᬃᬫᬦᬳᬾ᭞ᬩᬤᬶᬅ᭄ᬳᬲ᭄ᬓᬵᬃᬫᬶᬢᬶᬂᬳᬶᬩᬸ᭞ᬫᬶᬯᬄᬫᬭᬶᬂᬳ᭄ᬬᬂᬗᬶᬭᬳᬫᬶᬢ᭄
᭞ᬓᬯᬸᬮᬫᬶᬢ᭄ᬢᬗ᭄ᬓᬾᬳ᭄ᬬᬂᬲᬂᬦᬝᬳᬫᬸᬯᬸᬲ᭄᭞ᬮᬄᬮᬸᬗᬳᬧᬸᬢ᭄ᬭᬦᬶᬂᬗ᭄ᬯᬂ᭞ᬤᬾᬦ᭄ᬧᬺᬶᬬᬢ᭄ᬦ᭞ᬫᬦᬶᬭᬫᭀᬂᬗᬶᬭᬾᬓᬶ᭞ᬦᬵᬯ᭄ᬬᬫᬸᬲᬸᬄᬳᬶᬂᬢᬯᬂ᭛ᬤᬹᬃ᭛ᬦᬸᬮ᭄ᬬᬫ᭄ᬤᬮ᭄ᬩᬤᬶᬅ᭄ᬳᬲ᭄ᬓᬵᬃᬳᬶᬂᬧᬮᬖ᭄ᬕ᭞ᬧᬶᬦᬸᬮᬄᬧᬸᬦᬂᬗᬱ᭄ᬝᬶ᭞ᬬᬾᬦ᭄ᬢᬶᬦᭀ
[᭘᭗ 87 A] (physical label incorrect, should have been 86 A)
ᬦ᭄ᬭᬳᬤ᭄ᬬᬦ᭄᭞ᬮ᭄ᬯᬶᬃᬩᬦ᭄ᬢᬾᬂᬩ᭄ᬭᬦᬵᬦ᭄᭞ᬳᬲᬶᬓᭂᬧ᭄ᬥᬂᬳᬜ᭄ᬚ᭄ᬭᬶᬳᬶᬦ᭄᭞ᬳᬗᬫᭂᬮ᭄ᬧ᭄ᬥᬂ᭞ᬲᬃᬯ᭄ᬯᬶᬲᬸᬲᬸᬫ᭄ᬩᬵᬃᬢᬾᬓᬶ᭟ᬳᬾᬄᬯᭀᬂᬗ᭄ᬳᬭᬩ᭄ᬳᬕᬾᬫ᭄ᬢᬸᬧᬧᬕ᭄ᬳᬶᬗ᭄ᬯᬂ᭞ᬲᬶᬂᬲᬧᬩᭀᬲᭂᬦ᭄ᬳᬸᬭᬶᬧ᭄᭞ᬳᬕᬾᬧᬫᭂᬢᬸᬯ᭄ᬯ᭞ᬳᬸᬫᬃᬫᬤᬶᬳᬫ᭄ᬬᬵᬃᬲ᭞ᬲᬸᬲᬸᬫ᭄ᬩᬵᬃᬭᬾᬭᬤᬾ
ᬦ᭄ᬫᬦ᭄ᬢ᭄ᬭᬶ᭞ᬤᬦ᭄ᬳᬸᬫᬵᬃᬫᬤ᭄ᬬ᭞ᬦᭀᬭᬩ᭄ᬝᬳᬫ᭄ᬬᬵᬃᬰᬶ᭟ᬬᬝᬳᬫᬶᬢ᭄ᬫᬭᬶᬂᬲᬶᬭᬚᬬᬾᬂᬭᬡ᭄ᬦᬵ᭞ᬯᭀᬂᬫᬾᬦᬓ᭄ᬗᬦ᭄ᬤᬶᬓᬭᬶᬲ᭄᭞ᬳᬾᬄᬢᬳᬸᬫᬵᬃᬫᬤ᭄ᬬ᭞ᬲᬸᬦ᭄ᬱ᭄ᬭᬳᬫᬭᬶᬂᬗᬮᬄ᭞ᬫᭀᬕᬭᬶᬦᬵᬓ᭄ᬱᬳ᭄ᬬᬂᬯᬶᬤᬶ᭞ᬤᬾᬦ᭄ᬬᬢ᭄ᬦᬲᬶᬭ᭞ᬫᬵᬃᬫᬤᬶᬢᬸᬫᬡ᭄ᬤᬂᬕ᭄ᬮᬶᬲ᭄
᭟ᬳᬸᬫᬵᬃᬫᬤᬶᬰ᭄ᬭᬗᭂᬦ᭄ᬫᬗ᭄ᬓᬾᬲᬶᬭᬗᬸᬘᬧ᭄᭞ᬳᬾᬄᬢᬯᭀᬂᬭᬭᬾᬳᬮᬶᬢ᭄᭞ᬢᬵᬦ᭄ᬳᬃᬲᬯᭀᬗ᭄ᬳᬭᬩ᭄᭞ᬯᬯᬵᬭᬄᬓᬂᬦᬵᬫ᭄ᬫ᭞ᬩᬓ᭄ᬲᬶᬭᬲᬧᬳᬶᬓᬶ᭞ᬫ᭄ᬯᬄᬦ᭄ᬕᬵᬭᬡ᭄ᬦᬵᬶᬭ᭞ᬳᬕᬾᬯᬭᬳ᭄ᬦᬵᬫᬫ᭄ᬫᬶ᭟ᬮᬯᬦ᭄ᬫᬮᬶᬄᬳᬾᬫᬦ᭄ᬫᬢᬶᬢᬵᬦ᭄ᬧᬳᬭ
ᬦ᭄᭞ᬪᬵᬤᬶᬅ᭄ᬳᬲ᭄ᬓᬵᬃᬦᬵᬯᬸᬭᬶᬦ᭄᭞ᬳᬾᬄᬢᬯ᭄ᬭᬸᬳᬦᬶᬭ᭞ᬲᬓᬶᬂᬕᬸᬦᬸᬂᬫᬶᬮᬦᬶᬗ᭄ᬯᬂ᭞ᬫ᭄ᬦᬶᬭᬯᬶᬯᬶᬢ᭄ᬧᬺᬚᬸᬭᬶᬢ᭄᭞ᬢᬦᬺᬩᬾᬳᬭᬦ᭄᭞ᬦᭀᬭᬳᬶᬪᬵᬹᬝᬦ᭄ᬧᬳᬚᬶ᭟ᬩᬮᬶᬓᬲᬶᬭᬲᬧᬢᬳᬭᬦᬶᬭ᭞ᬩ᭄ᬦᭂᬄᬧᬂᬩᬦᬵᬯᬂᬓᬳᬶ᭞ᬲᬸᬦ᭄ᬭᬢᬸᬫᬕᬼ