Kaca:Bali-lontar-gaguritan-sangkur-udhang-01-300ppi.pdf/67

Saking Wikisource
Kaca puniki sampun kauji-wacén

[᭖᭖ 66 B] (physical label incorrect, should have been 65 B)
᭖᭕
ᬧᬺᬦᬄᬲᬦᬓ᭄ᬮᬦ᭄ᬫᬫᬶ᭟ᬳᬸᬫᬵᬃᬫᬬᬳᬭᬡ᭄ᬦᬶᬗ᭄ᬯᬂ᭞ᬢᬸᬳᬸᬲᬶᬭᬫᬗ᭄ᬓᬾᬧᬸᬢᬸᬫᬵᬫ᭄ᬫᬶ᭞ᬪᬵᬤᬾᬅ᭄ᬳᬲ᭄ᬓᬵᬃᬫᬗ᭄ᬓᬾᬫᬸᬯᬸᬯ᭄ᬲ᭄᭞ᬳᬾᬄᬲᬶᬭᬳᬸᬫᬵᬃᬫᬬ᭞ᬳᬚᬳᬓ᭄ᬯᬾᬄᬳᬸᬚᬭᬦᬾᬫᬗ᭄ᬓᬾᬳᬶᬓᬸ᭞ᬧᬬᬸᬫᬮᬶᬄᬩᬵᬦ᭄ᬤᬬᬸᬤ᭞ᬤᬸᬭᬸᬂᬯᬦᭂᬄᬲᬸᬦ᭄ᬳᬚᬸᬭᬶᬢ᭄᭟ᬳᬸᬫᬵᬃ
ᬫᬬᬕ᭄ᬮᬶᬲ᭄‌ᬗ᭄ᬭᬗ᭄ᬓᬸᬮ᭄᭞ᬲᬃᬯ᭄ᬯᬶᬲᬶᬭᬫᬗ᭄ᬓᬾᬤᬾᬦᬭᬸᬫ᭄ᬭᬸᬫᬶᬦ᭄᭞ᬳᬚᬫᬗ᭄ᬓᬦᬧᬸᬢᬸᬦ᭄ᬲᬸᬦ᭄᭞ᬲᬚᬢᬶᬧᬸᬢᬸᬦᬶᬗ᭄ᬯᬂ᭞ᬳᬶᬂᬲᬸᬦᬶᬓᬶᬳᬶᬗ᭄ᬳᬭᬩ᭄ᬦᬕᬭᬦᬶᬂᬲᬸᬦ᭄᭞ᬬᬢᬫᬗ᭄ᬓᬾᬩᬤᬶᬅ᭄ᬳᬲ᭄ᬓᬵᬃ᭞ᬳᬗ᭄ᬭᬲᬰᬵᬚ᭄ᬭᭀᬦᬸᬂᬳᬢ᭄ᬣᬶ᭟ᬲᬶᬗ᭄ᬕᬶᬄᬳᭂᬦ᭄ᬤᬶᬦ᭄ᬕᬭᬾᬂᬳᬭᬩ᭄
᭞ᬢᬸᬤᬸᬳ᭄ᬦᬫᬗ᭄ᬓᬾᬳᬶᬂᬲᬸᬦ᭄ᬤᬾᬦᬕ᭄ᬮᬶᬲ᭄᭞ᬫᬗ᭄ᬓᬦᬲᬋᬂᬮᬸᬫᬓᬸ᭞ᬭᬶᬲᬫ᭄ᬧᬸᬦ᭄ᬲᬫᬗ᭄ᬓᬡ᭄ᬦᬵ᭞ᬦᬸᬮ᭄ᬬᬲᬋᬂᬫᬵᬫᬬᬫᬗ᭄ᬓᬾᬮᬸᬫᬓᬸ᭞ᬳ᭄ᬦᭂᬗᬓ᭄ᬦᬲᬭᬾᬂᬫᬵᬃᬖ᭄ᬕ᭞ᬲᬫ᭄ᬧᬸᬦ᭄ᬲᬶᬭᬫᬗ᭄ᬓᬾᬧ᭄ᬭᬧ᭄ᬢᬶ᭟ᬦᬸᬮ᭄ᬬᬫᬜ᭄ᬚᬶᬂᬦ᭄ᬕᬭᬾᬂᬗᬭᬩ᭄᭞ᬳᬸᬫᬵᬃᬫᬬᬫᬗ᭄ᬓᬾᬢᬲᬶᬭᬳ
ᬗ᭄ᬮᬶᬂ᭞ᬳ᭄ᬬᬇᬳᬭᬩ᭄ᬦᬕᬵᬦ᭄ᬢᬸᬦ᭄᭞ᬫᬾᬗ᭄ᬓᬾᬦᬾᬢᬭᬸᬧᬦ᭄ᬬ᭞ᬫᬗ᭄ᬓᬾᬓᬮᬶᬦ᭄ᬢᬂᬲᬫᬸᬦᬾᬫᬗ᭄ᬓᬾᬳᬶᬓᬸ᭞ᬧ᭄ᬭᬲᬫᬫᬗ᭄ᬓᬾᬯᬸᬲ᭄ᬧ᭄ᬚᬄ᭞ᬳᬸᬫᬵᬃᬫᬬᬳᬗ᭄ᬮᬶᬜᭀᬓᬶᬦ᭄᭟ᬓ᭄ᬭᬲᬳᬗᬤ᭄ᬯᬂᬬᬸᬤ᭞ᬤᬶᬥᬶᬫᬾᬦᬾᬗ᭄ᬓᬳᬸᬮᬶᬳᬚᬸᬭᬶᬢ᭄᭞ᬬᬦ᭄ᬲᬢᬸ
[᭖᭗ 67 A] (physical label incorrect, should have been 66 A)
ᬳᬸᬧᬸᬢᬶᬡ᭄ᬦᬵᬶᬂᬲᬸᬦ᭄᭞ᬳᬤᬸᬦᭂᬦ᭄ᬮᬦ᭄ᬲᬸᬯᭀᬂᬲ᭞ᬫᬶᬯᬄᬮᬾᬯᬦ᭄ᬳ᭄ᬬᬂᬗᬶᬭᬚᬬᬾᬂᬲᬢ᭄ᬭᬸ᭞ᬇᬂᬲᬸᬦ᭄ᬫᬗ᭄ᬓᬾᬳᬦᭀᬦ᭄ᬢᭀᬦ᭞ᬳᬶᬂᬓᭀᬲᬦᬾᬭᬭᬾᬳᬶᬓᬶ᭟ᬳᬸᬫᬵᬃᬬᬦᬸᬮ᭄ᬬᬗᬸᬘᬧ᭄᭞ᬭᬫᬳ᭄ᬬᬸᬗᬶᬭᬯᬸᬲᬫᬳᬗ᭄ᬫᬲᬶᬦ᭄᭞ᬧᬶᬦ᭄ᬚᬄᬤᬾᬦᬶᬂᬲᬂᬧ᭄ᬭ᭠
ᬪᬵᬹ᭞ᬓᬬᬗᬧᬢᬲᬶᬭ᭞ᬳᬶᬂᬫᬗ᭄ᬓᬾᬬᬳᬶᬂᬲᬸᬦ᭄ᬳᬦ᭄ᬤᬮᬸᬫᬓᬸ᭞ᬳᬗ᭄ᬭᬶᬲ᭄ᬢᬫ᭄ᬥᬳᬶᬦ᭄ᬕᬭᬶ᭞ᬤᬶᬦᬦᬾᬫᬗ᭄ᬓᬾᬮᬸᬫᬭᬶᬲ᭄᭟ᬫᬵᬃᬫᬵᬬᬮᬦ᭄ᬪᬤᬶᬅ᭄ᬳᬲ᭄ᬓᬵᬃ᭞ᬳᬶᬂᬲᬸᬦ᭄ᬧᬚᬃᬢᬫᬗ᭄ᬓᬾᬧᬸᬢᬸᬫᬫᬶ᭞ᬲᬯᬸᬲᬾᬧ᭄ᬭᬧ᭄ᬢᬳᬶᬂᬭᬶᬓᬸ᭞ᬳᬚᬦᬶᬭᬢᬓᭀᬦ᭞
ᬫᬸᬓ᭄ᬦᬯᭀᬂᬫ᭄ᬤᬳᬶᬦ᭄ᬲᬫᬳᬶᬓᬸ᭞ᬕ᭄ᬮᬶᬲᬶᬭᬕᭂᬪᬵᬹᬭᬵᬦ᭞ᬦᬸᬮ᭄ᬬᬕ᭄ᬮᬶᬲ᭄ᬫᬗ᭄ᬓᬾᬮᬸᬫᬭᬶᬲ᭄᭟ᬩᬤᬶᬅ᭄ᬳᬲ᭄ᬓᬵᬃᬦᬸᬗ᭄ᬕᬵᬂ᭠ᬓᬸᬤ᭞ᬳᬕ᭄ᬮᬶᬲᬶᬭᬗᬸᬫ᭄ᬩᬭᬫᬗ᭄ᬓᬾᬢᬾᬓᬶ᭞ᬕ᭄ᬮᬶᬲ᭄ᬧᬗᬸᬫ᭄ᬩᬭᬦᬶᬧᬸᬦ᭄᭞ᬢᬦ᭄ᬓ᭄ᬯᬃᬦᬲᬶᬭᬾᬗ᭄ᬳᬯᬦ᭄᭞ᬦᬸᬮ᭄ᬬᬧ᭄ᬭᬧ᭄ᬢᬳᬶᬂᬫ᭄ᬤᬳᬶ
ᬗ᭄ᬓᬾᬲᬫ᭄ᬧᬸᬦ᭄᭞ᬳᬤᭀᬄᬫᬗ᭄ᬓᬾᬧᬺᬦᬄᬦᬾᬓ᭞ᬫᬵᬃᬫᬬᬫᬵᬗ᭄ᬓᬾᬳᬜᬶᬗᬶᬤ᭄᭟ᬪᬵᬤᬶᬅ᭄ᬳᬲ᭄ᬓᬵᬃᬳᬗᬫᬸᬓ᭞ᬤᬵᬢᬵᬦᬵᬦᬫᬗ᭄ᬓᬾᬬᬤᬾᬦ᭄ᬢᬓᭀᬦᬶᬦ᭄᭞ᬲᬶᬂᬓᬧᬧᬕ᭄ᬧᬶᬜ᭄ᬚᬳᬶᬓᬸ᭞ᬳᬲ᭄ᬮᬸᬭᬦ᭄ᬩᬮᬳᬭᬩ᭄᭞ᬦᭀᬭᬩᬶᬲᬢᬶ