Kaca:Bali-lontar-gaguritan-sangkur-udhang-01-300ppi.pdf/62

Saking Wikisource
Kaca puniki sampun kauji-wacén

[᭖᭑ 61 B] (physical label incorrect, should have been 60 B)
᭖᭐
ᬳᬮᬶᬗ᭄ᬕᬶᬄ᭟ᬦ᭄ᬤᬦ᭄ᬲᬂᬦᬵᬢ᭄ᬣᬪᬵᬹᬜᬃᬲᬓᬶᬂᬧᬲᬾᬩᬦ᭄᭞ᬫᬦ᭄ᬓᬶᬂᬫ᭄ᬯᬶᬂᬚ᭄ᬭᭀᬦᬶᬂᬧᬸᬭᬶ᭞ᬧᬺᬫᬦ᭄ᬢ᭄ᬭᬶᬲᬤᬬ᭞ᬲᬫᬫᬦ᭄ᬢᬸᬓ᭄ᬲᭀᬯᬂᬲᭀᬯᬂ᭞ᬳ᭄ᬦᭂᬗᬓ᭄ᬦᬢᬫᬗ᭄ᬓᬾᬓᬶ᭞ᬳᬦᬓᭀᬘᬧ᭞ᬭᬵᬤ᭄ᬬᬦ᭄ᬕᬦ᭄ᬤᬯᬢ᭄ᬣᬶ᭟ᬬᬢᬲᬶᬭᬭᬳᬤᬾᬦ᭄ᬩᬤᬶᬅ᭄ᬳᬲ᭄ᬓᬵᬃ᭞ᬗ᭄ᬮᬶᬂᬯᬘᬦ
ᬫᬵᬦᬶᬲ᭄᭞ᬳᬾᬄᬬᬬᬶᬲᬂᬭᬢ᭄ᬦ᭞ᬬᬬᬶᬓᬵᬦ᭄ᬢᬸᬦᬲᬶᬭ᭞ᬳᬶᬗ᭄ᬲᬸᬦ᭄ᬳᬫᬶᬢ᭄ᬫᬗ᭄ᬓᬾᬬᬬᬶ᭞ᬮᬸᬗᬫ᭄ᬭᬶᬂᬗᬭᬩ᭄᭞ᬳᬗᬸᬮᬢᬶᬭᬵᬫᬵᬚᬶ᭟ᬳᬾᬜ᭄ᬚᬂᬳᬾᬜ᭄ᬚᬶᬂᬬᬦ᭄ᬓᬢ᭄ᬫᬸᬮᬯᬦ᭄ᬭᬫ᭞ᬲᬸᬦ᭄ᬕᭂᬮᬶᬲ᭄ᬫᬮᬶᬄᬗᬸᬫ᭄ᬩᬮᬶ᭞ᬓᬧᬗ᭄ᬕᬶᬄᬮᬦ᭄ᬲᬶᬭ᭞ᬕᬦ᭄ᬤᬯᬢᬶᬳᬗᬸᬘ
ᬧ᭄᭞ᬓᬳᬸᬮᬳᬸᬫᬵᬢᬸᬃᬫᬗ᭄ᬓᬶᬦ᭄᭞ᬲᬶᬗ᭄ᬕᬶᬄᬢᬓᬓᬂᬓᬵᬯᬸᬮᬫᬸᬓ᭄ᬢᬶᬭᬶᬂ᭟ᬦᭀᬭᬩ᭄ᬢᬄᬓᬳᬸᬮᬫᬗ᭄ᬓᬾᬓᬵᬦ᭄ᬢᬸᬦ᭞ᬢᬦ᭄ᬯᬗ᭄ᬤᬾᬳᬫ᭄ᬩᬗ᭄ᬫᬲᬶᬦ᭄᭞ᬳᬫ᭄ᬩᬢᬸᬫᬸᬣᬸᬖ᭄ᬕ᭞ᬤᬾᬦ᭄ᬧᬲᬺᬂᬗᬧᬢᬶᬕ᭄ᬱᬶ᭞ᬬᬦ᭄ᬫᬗ᭄ᬓᬦᬫᬗ᭄ᬓᬾᬬᬬᬶ᭞ᬳᬕᬾᬫᬵᬢᬸᬭ᭞ᬫᬭᬳᬶᬂ
ᬭᬫᬳᬚᬶ᭟ᬳᬢᬸᬋᬦᬫᬗ᭄ᬓᬾᬲᬶᬭᬬᬬᬶᬳᬾᬦᬵᬕ᭄ᬕᬮ᭄᭞ᬧ᭄ᬥᭂᬓ᭄ᬫᬭᬶᬂᬭᬵᬫᬳᬚᬶ᭞ᬫᬗ᭄ᬓᬾᬢᬲᬋᬗ᭞ᬦᬸᬮ᭄ᬬᬓᬮᬶᬄᬧᬋᬓ᭞ᬲᬂᬦᬝᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬳᬦᬓᬶᬗ᭄ᬯᬂ᭞ᬧᬭᬦ᭄ᬕᬯᬾᬫᬭᬶᬓᬶ᭟ᬬᬢᬺᬫᬢᬸᬃᬭᬳᬤᬾᬦ᭄ᬩᬥᬶᬅ᭄ᬳᬲ᭄ᬓᬵᬃ᭞ᬓᬯᬸᬮ
[᭖᭒ 62 A] (physical label incorrect, should have been 61 B)
ᬳᬦ᭄ᬤᬧᬫᬶᬢ᭄᭞ᬩ᭄ᬘᬶᬓᬦ᭄ᬤᬶᬓᬓᬦ᭄ᬢᬸᬡ᭄ᬦ᭞ᬳᬫ᭄ᬩᬫᬗ᭄ᬓᬾᬳᬫᬶᬢ᭄ᬣ᭞ᬫᬭᬶᬂᬳᬭᬩ᭄ᬳᬗᬸᬮᬢ᭄ᬝᬶ᭞ᬚᭂᬗ᭄ᬭᬫ᭄ᬫᬳᬫ᭄ᬩ᭞ᬤᬶᬫᬾᬦᬾᬳᬕᬾᬧᬗ᭄ᬕᬶᬄ᭟ᬦ᭄ᬤᬦ᭄ᬲᬂᬦᬝᬗᬦ᭄ᬤᬶᬓᬤᬸᬄᬳᬦᬓᬶᬗ᭄ᬯᬂ᭞ᬧᬸᬦᬧᬚᬃᬗᭀᬂᬫᬗ᭄ᬓᬶᬦ᭄᭞ᬮᬄᬮᬸᬗᬢᬲᬶᬭ᭞ᬕᬵᬯᬦᬭᬳᬶᬦᬶᬭ᭞᭠
ᬮᬯᬦ᭄ᬩᬮᬦᬶᬭᬲᬫᬶ᭞ᬲᬶᬭᬗᬲᬸᬗ᭞ᬲᬓᬾᬳᬾᬧᬸᬦᬵᬂᬚᬤ᭄ᬫᬶ᭟ᬕᬵᬯᬦᬵᬦᬳᬶᬂᬫᬗ᭄ᬓᬾᬳᬦᬓᬶᬗ᭄ᬯᬂ᭞ᬲᬫᬤᬦ᭄ᬕᬯᬳᬸᬕᬶ᭞ᬳᬚᬦᬓᬵᬦ᭄ᬢᬸᬦ᭞ᬩᬤᬶᬅ᭄ᬳᬵᬲ᭄ᬓᬵᬃᬫᬢᬸᬭ᭞ᬓᬯᬸᬮᬳᬦ᭄ᬤᬳᬫᬶᬢ᭄᭞ᬳᬫ᭄ᬩᬢᬵᬦ᭄ᬕᬯ᭄ᬯ᭞ᬧᬺᬱᬫᬓᬵᬃᬭ᭄ᬬᬾᬂᬭᬶᬓᬶ
᭟ᬳᬗᬶᬂᬲᬶᬚᬶᬫᬗ᭄ᬓᬾᬓᬯᬸᬮᬳᬫ᭄ᬩᬓ᭄ᬢ᭞ᬧᬸᬢ᭄ᬭᬦ᭄ᬤᬶᬓᬲᬂᬦᬤᬾᬯᬶ᭞ᬳ᭄ᬬᬓᬯᬸᬮᬳᬫ᭄ᬩᬓ᭄ᬢ᭞ᬧᬦᭀᬭᬬᬸᬦ᭄ᬓᬦ᭄ᬢᬸ᭠ᬦ᭞ᬲᬂᬦᬝᬗᬦ᭄ᬤᬶᬓᬳᬭᬶᬲ᭄᭞ᬲᬸᬓᬸᬃᬳᬦᬓ᭄ᬗ᭄ᬯᬂ᭞ᬩ᭄ᬘᬶᬓ᭄ᬕᬯᬳᬦᬓ᭄ᬫᬫᬶ᭟ᬦᬸᬮ᭄ᬬᬳᬫᬶᬢ᭄ᬭᬳᬤᬾᬦ᭄ᬩᬤᬶᬅ᭄ᬳᬲ᭄ᬓᬵᬃ᭞ᬲᬋᬂᬲᬂᬤᬾ
ᬯᬶᬳᬫᬶᬢ᭄᭞ᬳᬫ᭄ᬩᬳᬵᬫᬶᬢ᭄ᬭᬫ᭄ᬫ᭞ᬳᬤᬦ᭄ᬫᬗ᭄ᬓᬾᬲᬓ᭄ᬱᬡ᭄ᬦᬵ᭞ᬦᬸᬮ᭄ᬬᬳᬕ᭄ᬮᬶᬲ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬜᬶᬫ᭄ᬧᭂᬦᬵᬦ᭞ᬳᬶᬂᬘᬸᬧᬸᬲᬶᬫ᭄ᬧᭂᬦᬕ᭄ᬮᬶᬲ᭄᭟ᬯᬸᬲᬶᬦᬶᬫ᭄ᬧᭂᬦᬸᬮ᭄ᬬᬳᬫᬶᬢ᭄ᬫᬗ᭄ᬓᬾᬲᬶᬭ᭞ᬯᬶᬚᬶᬮ᭄ᬲᬓᬶᬂᬚ᭄ᬭᭀᬧᬸᬭᬶ᭞ᬧ᭄ᬭᬧ᭄ᬢᬳᬶᬂᬧᬲᬾᬩᬦ᭄᭞ᬦᬸᬮ᭄ᬬᬫ