Kaca:Bali-lontar-gaguritan-sangkur-udhang-01-300ppi.pdf/45

[᭔᭔ 44 B] (physical label incorrect, should have been 43 B)
᭔᭓
ᬫ᭄ᬩᬦ᭄ᬤ᭄ᬯᬾᬘᬸᬧᬸ᭞ᬳᬶᬂᬘᬸᬧᬸᬳᬵᬫ᭄ᬩᬳᬸᬫᬵᬜ᭄ᬚᬶᬂ᭞ᬦᭀᬭᬳᬫ᭄ᬩᬢᭀᬡ᭄ᬦ᭞ᬩᬸᬦ᭄ᬢᭂᬮ᭄ᬦᬤᬾᬦᬕ᭄ᬮᬶᬲ᭄᭛ᬫᬵ᭛ᬓᬯᬵᬃᬦᬳᬮᬫ᭄ᬧᬳᬶᬭᬫᬗ᭄ᬓᬾᬓᬮᬶᬄ᭞ᬯᬸᬲᬸᬭᬸᬧ᭄ᬳ᭄ᬬᬂᬗᬃᬓ᭄ᬓ᭞ᬲᬂᬧᬸᬢ᭄ᬭᬶᬆᬦᬵᬩ᭄ᬤᬳᬭᬶᬲ᭄᭞ᬭᬳᬤᬾᬦ᭄ᬯᬸᬲ᭄ᬳᬶᬗᬵᬢᬸᬭᬦ᭄᭟
ᬤᬵᬯᭂᬕ᭄ᬓᬓᬂᬫᬵᬭᬶᬂᬕ᭄ᬮᭀᬂᬓᬦ᭄ᬢᬸᬦ᭄ᬲᬯ᭄ᬗᬶ᭞ᬯᬸᬲᬶᬭᬫᬜ᭄ᬚᬶᬂᬗ᭞ᬫᬭᬶᬂᬕ᭄ᬥᭀᬂᬫᬗ᭄ᬓᬾᬳᬕ᭄ᬮᬶᬲ᭄᭞ᬯᬸᬲ᭄ᬧ᭄ᬭᬧ᭄ᬢᬄᬚ᭄ᬭᭀᬡ᭄ᬦᬵᬶᬂᬓᬵᬜ᭄ᬘᬭ᭟ᬦᭀᬭᬧ᭄ᬕᬵᬢ᭄ᬤᬾᬦᬶᬭᬳᬗᬵᬭᬶᬄᬳᬭᬶᬄ᭞ᬳᬵᬦᬫᬗ᭄ᬓᬾᬧ᭄ᬭᬧ᭄ᬢ᭞ᬧᬫ᭄ᬗᬦᬶᬭᬲᬂᬤᬾᬯᬶ᭞ᬲᬶᬗᬩᬦ᭄ᬢᬾᬂᬫᬶᬯᬄᬕᬵ
ᬚᬄ᭟ᬓᬶᬤᬂᬓᬦ᭄ᬪᬶᬮ᭄ᬧᬺᬱᬫᬫᬗ᭄ᬓᬾᬬᬧ᭄ᬭᬧ᭄ᬢᬶ᭞ᬲᬫᬶᬗ᭄ᬫᬶᬢ᭄ᬱᬂᬭᬢ᭄ᬦ᭞ᬰ᭄ᬯᬭᬦᬾᬓᬂᬯᬯᬸᬧ᭄ᬭᬧ᭄ᬢᬶ᭞ᬗ᭄ᬭᬓ᭄ᬭᬶᬓ᭄ᬢᬦ᭄ᬧᬾᬦ᭄ᬤᬄᬓᬶᬮᬧ᭄᭟ᬭᬳᬤ᭄ᬬᬦ᭄ᬳᬦᬩ᭄ᬤᬯᬘᬦᬫᬦᬶᬲ᭄᭞ᬲ᭄ᬯᬭᬧᬵᬭᬵᬦ᭄ᬳᬶᬓ᭞ᬲᬂᬧᬸᬢ᭄ᬭᬶᬳᬦᬵᬩ᭄ᬥᬳᬭᬶᬲ᭄᭞ᬧᬫ᭄ᬗᬦ᭄ᬲᬸᬦ᭄ᬲ
ᬓᬶᬂᬫᬵᬮᬶᬕ᭄ᬬ᭟ᬓᬮᬤᬮᬸᬧ᭄ᬭᬲᬫᬫᬵᬗ᭄ᬓᬾᬬᬧ᭄ᬭᬧ᭄ᬢᬶ᭞ᬳᬶᬓᬗ᭄ᬫᬶᬢ᭄ᬓᬳᬸᬮ᭞ᬬᬦ᭄ᬭᬳᬶᬦᬘᬵᬫᬫᬵᬗ᭄ᬲᬶ᭞ᬳᬶᬂᬤᬵᬮᬦ᭄ᬳᬶᬂᬲᬗ᭄ᬓᬹᬃᬳᬸᬤᬵᬂ᭟ᬧᬦ᭄ᬧᬸᬦᬶᬓᬧᬺᬱᬫᬫᬗ᭄ᬓᬾᬦᬸᬗ᭄ᬕᭀᬡ᭄ᬦᬶ᭞ᬳᬾᬜ᭄ᬚᬂᬓᬢᬵᬮᬶᬯᬢ᭄᭞ᬳᬫ᭄ᬩᬲᬵᬫ᭄ᬩᬵᬢ᭄ᬤᬶᬤᬶᬦᬾᬗᬾᬫ᭄ᬩᬵ
[᭔᭕ 45 A] (physical label incorrect, should have been 44 A)
ᬮᬶ᭞ᬧᬸᬦᬶᬓᬧᬫ᭄ᬗᬦ᭄ᬳᬫ᭄ᬩᬵ᭟ᬭᬳᬤ᭄ᬬᬦ᭄ᬲᬳᬸᬭᬾᬫᬗ᭄ᬓᬶᬦ᭄ᬳᬫᬦᬶᬲ᭄᭞ᬳᬥᬸᬄᬫᬶᬭᬳᬶᬗ᭄ᬯᬂ᭞ᬫᬲᬩᭀᬤᭀᬳᬶᬗ᭄ᬲᬸᬦ᭄ᬬᬬᬶ᭞ᬮᬄᬬᬬᬶᬲᬋᬂᬗᬦᬶᬤᬺ᭟ᬦᬸᬮ᭄ᬬᬕ᭄ᬮᬶᬲᬋᬂᬓᬮᬶᬄᬫᬗ᭄ᬓᬾᬕᬸᬮᬶᬂ᭞ᬲᬂᬤ᭄ᬬᬄᬭᬚᬧᬸᬢᬺ᭞ᬚ᭄ᬭᭀᬦᬶᬂᬕ᭄ᬥᭀᬂ
ᬫᬗ᭄ᬓᬾᬕᬸᬮᬶᬂ᭞ᬭᬵᬚᬧᬸᬢᬺᬱᬫ᭄ᬧᬸᬡ᭄ᬦᬵᬶᬤᬺ᭟ᬤᬵᬫᬵᬃᬕ᭄ᬥᬄᬧᬤᬗᬾᬮ᭄ᬯᬶᬃᬓᬤᬶᬤᬰᬶᬄ᭞ᬤᬵᬫᬵᬃᬳᬓᭂᬫ᭄ᬩᬵᬭᬦ᭄᭞᭠ ᬓᬵᬢᭀᬦ᭄ᬘᬬᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬮᬯᬦ᭄ᬫᬗ᭄ᬓᬾᬲᬂᬤᬾᬢ᭄ᬬ᭟ᬲᬂᬲᬸᬧᬸᬢ᭄ᬭᬶᬳᬫᬶᬘᬭᬾᬂᬚ᭄ᬭᭀᬦᬶᬂᬳᬢ᭄ᬣᬶ᭞ᬤᬸᬤᬸᬯᭀᬂᬲᬚᬸ
ᬭ᭄ᬯ᭞ᬯᬃᬦᬦᬾᬤᬢᬦ᭄ᬧᬢᬡ᭄ᬥᬶᬂ᭞ᬯᭀᬂᬗ᭄ᬳᬕᬸᬂᬫᬗ᭄ᬓᬾᬧᬸᬦᬶᬓ᭟ᬲᬂᬰᬸᬤᬾᬯᬶᬦᭀᬭᬩ᭄ᬢᬳᬶᬓᬗ᭄ᬳᬢ᭄ᬣᬶ᭞ᬲᬂᬭᬵᬢ᭄ᬦᬳᬗᬭᬦ᭄᭞ᬯᬦ᭄ᬢᬶᬯᬦ᭄ᬢᬶᬳᬗᬭᬲᬶᬦ᭄᭞ᬧᬶᬧᬶᬓᬮᬶᬄᬳᬶᬗᬭᬲᬦ᭄᭟ᬭᬚᬧᬸᬢ᭄ᬭᬧᬕᬸᬮᬯᬢ᭄ᬥᬾᬜᬕᬸᬮᬶᬂ᭞ᬲᬂᬧᬸ
ᬢ᭄ᬭᬶᬳᬭᬭᬲ᭄᭞ᬲᬗᭂᬢ᭄ᬧᬗᬵᬭᬲᬶᬭᬾᬓᬶ᭞ᬭᬚᬧᬸᬢᬺᬫᬗ᭄ᬓᬾᬢᬗ᭄ᬳ᭄ᬬ᭟ᬭᬚᬧᬸᬢ᭄ᬭᬶᬕ᭄ᬮᬶᬲ᭄ᬫᬗ᭄ᬓᬾᬤᬾᬦᬶᬭᬕᬸᬮᬶᬂ᭞ᬫᬾᬭᬗᬾᬓᬮᬶᬦ᭄ᬢᬵᬂ᭞ᬲᬸᬦ᭄ᬗᬭᬲ᭄ᬤᬾᬦᬶᬭᬢᬗᬶ᭞ᬫᬦᬵᬯ᭄ᬯᬯ᭄ᬭᬸᬄᬧᭀᬮᬳᬶᬭ᭟ᬲᬂᬲᬸᬧᬸᬢ᭄ᬭᬶᬦᬸᬮ᭄ᬬᬫᬗ᭄ᬓᬾᬲᬶᬭᬮᬶᬗ᭄ᬕᬶᬄ᭞ᬳ