Kaca:Bali-lontar-gaguritan-sangkur-udhang-01-300ppi.pdf/41

[᭔᭐ 40 B] (physical label incorrect, should have been 39 B)
᭓᭙
ᬗ᭄ᬓᬾᬭᬳᬤ᭄ᬬᬦ᭄᭞ᬦᬸᬮ᭄ᬬᬳᬕ᭄ᬮᬶᬲ᭄ᬳᬲᬸᬲᬸᬘᬶ᭟ᬓ᭄ᬭᬲᬦᬾᬫᬗ᭄ᬓᬾᬫᬵᬗ᭄ᬓᬢ᭄ᬣ᭞ᬳᬵᬦᬵᬦ᭄ᬤᬫᬭᬶᬂᬳ᭄ᬬᬂᬫᬵᬅ᭄ᬳᬍᬯᬶᬄ᭞ᬦᬸ᭠ᬮ᭄ᬬᬕ᭄ᬮᬶᬲ᭄ᬭᬤᬾᬦ᭄ᬩᬵᬕᬸᬲ᭄᭞ᬦᬸᬓᬸᬫᬵᬭᬵᬳᬶᬂᬯᬡ᭄ᬦ᭞ᬬᬢ᭄ᬣᬳᬕ᭄ᬮᬶᬲ᭄ᬫᬗ᭄ᬓᬾᬢᬲᬶᬭᬮᬸᬫᬵᬓᬸ᭞ᬫ᭄ᬭᬶᬂᬧ᭄ᬭᬦᬳᬶᬭᬢᬨ᭞ᬬᬢᬳᬕ᭄ᬮᬶ
ᬲ᭄ᬫᬗ᭄ᬓᬾᬧ᭄ᬭᬧ᭄ᬢᬶ᭟ᬳᬫᬭᬦᬶᬦ᭄ᬲᭀᬭᬶᬂᬕᬸᬃᬤ᭞ᬫᬭᬶᬂᬧ᭄ᬭᬦᬳᬶᬭᬫᬗ᭄ᬓᬾᬳᬢᬧᬶ᭞ᬲᬓᬶᬂᬧᬺᬫᬦᬶᬂᬳ᭄ᬬᬂᬳᬕᬸᬂ᭞ᬤᬶᬦᬸᬮᬸᬭᬦ᭄ᬢᬲᬶᬭ᭞ᬤᬾᬦᬶᬭᬫᬗ᭄ᬓᬾᬤᬾᬭᬳ᭄ᬬᬂᬫᬵᬅ᭄ᬳᬮᬸᬳᬸᬃ᭞ᬬᬣᬓᬢᬸᬭᬸᬦᬵᬦ᭄ᬱ᭄ᬯᬭ᭞ᬘᬸᬘᬸᬧᬸᬯᬾᬄᬲᬸᬦᬶᬭᬾᬓᬶ᭟ᬫᬶᬯᬄᬳᬶᬂᬲᬸᬦ᭄ᬯᬾᬄ
ᬧᬗᬶᬦᬂ᭞ᬦᬵᬗᬶᬂᬦᭀᬭᬦᬵᬦᬳᬳᬶᬲᬶᬤᬕᬶᬂ᭞ᬳᬦᬲᬩ᭄ᬤᬲ᭄ᬯᬭᬳᬭᬸᬫ᭄᭞ᬳᬗᬶᬂᬦᭀᬭᬦᬓᬢᬶᬗᬮ᭄᭞ᬳᬫᬸᬂᬲ᭄ᬯᬭᬫᬗ᭄ᬓᬾᬢᬓᬧ᭄ᬬᬵᬃᬲᬳᬶᬓᬸ᭞ᬳᬯᬯᬭᬄᬧᬸᬦᬂᬲᬩ᭄ᬤ᭞ᬧ᭄ᬗᬶᬦᬂᬘᬸᬧᬸᬝᬦ᭄ᬧ᭄ᬤᬕᬶᬂ᭟ᬫᬗ᭄ᬓᬾᬳᬶᬗ᭄ᬲᬸᬦ᭄ᬳᬗ᭄ᬯᬾᬄᬲᬶᬭ᭞ᬘᬸᬘᬸᬧᬸ
ᬧ᭄ᬗᬶᬦᬂᬤᬵᬢᬦ᭄ᬧ᭄ᬤᬕᬶᬂ᭞ᬲᬶᬂᬓ᭄ᬭᬲᬳᬸᬘᬧ᭄ᬦᬳᬶᬓᬸ᭞ᬲᬤ᭄ᬬᬫᬵᬭᬳᬶᬂᬲᬶᬭ᭞ᬳᬮᬳᬬᬸᬳᬵᬦᬳᬸᬖ᭄ᬕᬭᬶᬂᬘᬘᬸᬧᬸ᭞ᬫᬶᬯᬄᬫᬭᬳᬶᬂᬧᬵᬗᬶᬦᬂ᭞ᬧᭀᬫᬳᬾᬮᬶᬂᬳᬚᬮᬮᬶ᭟ᬫᬗ᭄ᬓᬾᬲᬶᬭᬕᬵᬤᬸᬳᬓ᭄ᬦ᭞ᬧ᭄ᬭᬶᬓ᭄ᬱᬵᬦᭂᬦ᭄ᬳᬸᬕᬳᬚᬲᬶᬭᬮᬮᬶ᭞ᬧᬸᬦᬂ
[᭔᭑ 41 A] (physical label incorrect, should have been 40 A)
ᬲᬩ᭄ᬤᬳᬳᬶᬩ᭄ᬲᬫ᭄ᬧᬸᬦ᭄᭞ᬫᬸᬲ᭄ᬡᬤᬢᬦ᭄ᬓᬢᬶᬗᬵᬮ᭄᭞ᬭᬶᬲᬓ᭄ᬱᬵᬡ᭄ᬦᬭᬳᬤᬾᬦ᭄ᬫᬗ᭄ᬓᬾᬳᬸᬫᬦ᭄ᬢᬸᬓ᭄᭞ᬫᬵᬭᬶᬂᬧᭀᬦ᭄ᬤᭀᬓᬶᬭᬧ᭄ᬭᬧ᭄ᬢ᭞ᬩᬶᬩᬶᬦᬶᬭᬓᬵᬭᬶᬕᬸᬮᬶᬂ᭟ᬦᬸᬮ᭄ᬬᬢᬵᬢᬵᬲ᭄ᬓᬂᬭᬳᬶᬡ᭄ᬦᬵ᭞ᬬᬝᬫᬶᬚᬶᬮ᭄ᬧᬸᬦᬂᬲᬸᬮᬩᬕ᭄ᬦᬶ᭞ᬦᬸᬮ᭄ᬬᬢᬗᬶ
ᬳᬶᬩᬸᬦᬶᬧᬸᬦ᭄᭞ᬫᬶᬯᬄᬦᬶᬓ᭄ᬯᬲ᭄ᬢ᭄ᬭᬢᬗ᭄ᬬ᭞ᬤᬵᬤ᭄ᬬᬲᬶᬭᬫᬗ᭄ᬓᬾᬢᬧᬵᬋᬂᬳᬮᬸᬗ᭄ᬕᬸᬄ᭞ᬭᬶᬂᬧ᭄ᬮᬗ᭄ᬓᬦ᭄ᬱᬋᬂᬢᬶᬖ᭄ᬕ᭞ᬭᬳᬤᬾᬦ᭄ᬳᬗ᭄ᬮᬶᬂᬳᬭᬶᬲ᭄᭟ᬳᬦᬩ᭄ᬤᬭᬶᬂᬳᬶᬩᬸᬡ᭄ᬦᬵᬶᬭ᭞ᬳᬾᬄᬢᬪ᭄ᬬᬫᬗ᭄ᬓᬾᬳᬦ᭄ᬤᬳᬫᬶᬢ᭄᭞ᬳᬶᬓᬶᬯᭂᬦ᭄ᬢᭂᬦ᭄ᬫᬗ᭄ᬓᬾ
ᬳᬶᬪᬵᬹ᭞ᬳᬶᬗ᭄ᬲᬸᬦ᭄ᬯᬾᬄᬩ᭄ᬬᬂᬧᬗᬶᬦᬵᬂ᭞ᬳᭀᬮᬶᬄᬳᬶᬗ᭄ᬲᬸᬦ᭄ᬳᬢᬵᬧᬳᬸᬦᬶᬳᬶᬂᬤᬮᬸ᭞ᬩᬶᬩᬶᬧ᭄ᬭᬶᬓ᭄ᬱᬓᬂᬧᬗᬶᬦᬂ᭞ᬳᬲᬶᬂᬓ᭄ᬭᬲᬦᬾᬩ᭄ᬬᬂᬫᬗ᭄ᬓᬶᬦ᭄᭟ᬳᬫ᭄ᬩᬢᭂᬡ᭄ᬦᬵᬳᬸᬕᬩ᭄ᬬᬂ᭞ᬳᬦᬳᬸᬕᬲᬶᬂᬓᬬᬸᬦ᭄ᬫᬗ᭄ᬓᬾᬩᬶᬩᬶ᭞ᬮᬦ᭄ᬧᬗᬗ᭄ᬕᬾᬧᬗ
ᬦ᭄ᬓᬶᬦᬸᬫ᭄᭞ᬲᬓ᭄ᬭᬲᬦᬾᬳᬦᬳᬸᬖ᭄ᬕ᭞ᬳᬗᬶᬂᬫᬗ᭄ᬓᬾᬳᬶᬗ᭄ᬲᬸᬦ᭄ᬳᬫᬶᬢ᭄ᬫᬭᬶᬂᬳᬶᬪᬵᬹ᭞ᬗᬶᬂᬲᬧᬸᬗ᭄ᬓᬸᬃᬩ᭄ᬬᬂᬢᬢᬵᬧ᭞ᬳᬚᬳᭀᬩᬄᬳᬬ᭄ᬯᬮᬮᬶ᭟ᬳᬶᬩᬸᬦᬶᬭᬫᬗ᭄ᬓᬾᬗᬸᬘᬧ᭄᭞ᬮᬄᬮᬸᬗᬳᬆᬦᬓᬶᬂᬲᬸᬦ᭄ᬤᬾᬦ᭄ᬳᬩ᭄ᬥᬶᬓ᭄᭞ᬫᭀᬕᬦᬾ