Kaca:Bali-lontar-gaguritan-sangkur-udhang-01-300ppi.pdf/39

Saking Wikisource
Kaca puniki sampun kauji-wacén

[᭓᭘ 38 B] (physical label incorrect, should have been 37 B)
᭓᭗
ᬭᬶᬂᬳ᭄ᬬᬂᬫᬵᬦ᭄ᬓᭀ᭞ᬫᬵᬭᬶᬂᬤᬾᬲᬳᬤᬶᬮᬸᬮᬄ᭞ᬳ᭄ᬬᬾᬗᬶᬭᬳᬕᭂᬂᬤᬸᬓ᭞ᬤᬾᬦᬾᬲᬶᬯᬳᬶᬩᬸᬦᬾᬓᬸ᭞ᬢᬵᬦ᭄ᬯᬗ᭄ᬤᬾᬧᬶᬦ᭄ᬚᬄᬮᬦ᭄ᬲᬶᬭ᭟ᬳᬾᬲ᭄ᬢᬸᬓ᭄ᬦᬳᬸᬚᬵᬃᬫᬫ᭄ᬫᬶ᭞ᬩ᭄ᬘᬶᬓ᭄ᬫᬗ᭄ᬓᬾᬲᬋᬂᬮᬸᬫᬵᬫ᭄ᬧᬄ᭞ᬭᬳᬤᬾᬦ᭄ᬳᬤᬵᬦ᭄ᬳᭂᬮᬶᬗᬾ᭞ᬩ᭄ᬘᬶᬓ᭄ᬮᬸᬗᬓ
ᬓᬶᬭᬶᬳᬶᬦᬵᬦ᭄᭞ᬳᬾᬜ᭄ᬚᬂᬳᬫ᭄ᬩᬮᬸᬫᬫ᭄ᬧᬄ᭞ᬳᬫ᭄ᬩᬯᬭᬄᬩ᭄ᬬᬂᬭᬸᬫᬸᬳᬸᬦ᭄᭞ᬤᬶᬫᬾᬦ᭄ᬯ᭄ᬭᬸᬄᬳᬵᬫ᭄ᬩᬮᬸᬫᬵᬫ᭄ᬧᬄ᭟ᬭᬶᬲᬫ᭄ᬧᬸᬦ᭄ᬫᬗ᭄ᬓᬡ᭄ᬦᬵᬢᬾᬓᬶ᭞ᬧᬸᬦᬗ᭄ᬧᬓ᭄ᬱᬶᬫᬗ᭄ᬓᬾᬗᬸᬘᬧ᭄᭞ᬧᬸᬢᬸᬡ᭄ᬦᬵᬶᬗ᭄ᬲᬸᬦ᭄ᬳᬚᬯᬗ᭄ᬤᬾ᭞ᬧᬶᬢᬸᬳᬸᬳᬚᬯᬗ᭄ᬤᬾᬬ
᭞ᬳᬶᬗ᭄ᬲᬸᬦ᭄ᬳᬗᬦ᭄ᬢᭀᬲᬰᬶᬭ᭞ᬳᬶᬗ᭄ᬲᬸᬦ᭄ᬫᬗ᭄ᬓᬾᬢᬮᬸᬫᬵᬓᬸ᭞ᬲᬸᬡ᭄ᬝᬵᬶᬮᬵᬃᬓᬓᬶᬧᬸᬗ᭄ᬓᬸᬭᬵᬦ᭄᭞᭛ᬧᬂ᭛ᬦᬸᬮ᭄ᬬᬧᬵᬓ᭄ᬱᬶᬳᬗᬸᬫ᭄ᬩᬵᬭ᭞ᬗᬯᬂᬗᬯᬂᬫᬸᬮᬸᬓ᭄ᬫᬭᬶᬂᬗᬯ᭄ᬬᬢ᭄ᬣᬶ᭞ᬮᭀᬃᬯᬾᬢᬵᬦ᭄ᬮᬓᬸᬡ᭄ᬦᬵᬶᬧᬸᬦ᭄᭞ᬢᬵᬦ᭄ᬧ᭄ᬕᬢ᭄ᬭᬳᬤᬾᬦ᭄ᬫᬯᬲ᭄᭞ᬲᬧᬭᬦᬾ
ᬤᬾᬦᬵᬯᬲ᭄ᬫᬗ᭄ᬓᬾᬓᬢᬾᬗ᭄ᬲᬸᬦ᭄᭞ᬲᬓᬶᬂᬳᬕ᭄ᬮᬶᬲᬶᬂᬘᬭᬶᬢ᭄ᬣ᭞ᬲᬧᬸᬓᬵᬯᬲ᭄ᬧᬭᬦᬾᬓᬶ᭟ᬳᬓᬸᬦᬶᬭᬧᬸᬦᬵᬂᬧᬵᬓ᭄ᬱ᭄ᬬ᭞ᬦᬸᬮ᭄ᬬᬳᬕ᭄ᬮᬶᬲᬺᬳᬤᬾᬦ᭄ᬫᬗ᭄ᬓᬾᬫᬸᬮᬶᬄ᭞ᬓᭀᬤᭀᬗᬾᬪᬵᬶᬦᬓ᭄ᬢᬫᬦ᭄ᬢᬸᬓ᭄᭞ᬦᭂᬗᬓ᭄ᬦᬳᬦᬾᬦᬵᬕ᭄ᬫᬵᬃᬖ᭄ᬕ᭞ᬳᬕ᭄ᬮᬶᬲ᭄ᬧ᭄ᬭᬧ᭄ᬢᬭᬶᬂᬧᭀ
[᭓᭙ 39 A] (physical label incorrect, should have been 38 A)
ᬦ᭄ᬤᭀᬓᬾᬭᬤᬾᬦ᭄ᬩᬕᬸᬲ᭄᭞ᬩ᭄ᬬᬂᬗᬶᬭᬓᬧᬵᬗ᭄ᬕᬶᬄᬮᬶᬗ᭄ᬕ᭄ᬬ᭞ᬲᬋᬂᬮᬶᬗ᭄ᬕᬶᬄᬦᬶᬓ᭄ᬯᬲ᭄ᬢ᭄ᬭᬶ᭟ᬳᬶᬪᬵᬹᬦᬶᬭᬦᬸᬮ᭄ᬬᬦᬵᬩ᭄ᬥ᭞ᬫᬭᬶᬂᬢᬲᬶᬭᬧᬸᬢ᭄ᬭᬦᬾᬲᬶᬭᬾᬓᬶ᭞ᬳᬤᬸᬄᬜᬯ᭄ᬯᬳᬦᬓᬶᬗ᭄ᬲᬸᬦ᭄᭞ᬓᬬᬗᬵᬧᬦᬵᬓᬶᬗ᭄ᬯᬂ᭞ᬤᬾᬦᬾᬮᬵᬫᬫᬵᬗ᭄ᬓᬾᬢᬲᬶᬭᬳᬸᬫᬵᬦ᭄ᬢᬸᬓ᭄
᭞ᬲᬶᬦᬶᬗ᭄ᬕᬶᬄᬲᬶᬭᬯᬸᬲ᭄ᬮᬭ᭞ᬳᭂᬦ᭄ᬤᬶᬳᭀᬮᬶᬳᬦᬵᬫᬸᬶᬓ᭄ᬫᬫ᭄ᬫᬶ᭟ᬧᬸᬢ᭄ᬭᬡ᭄ᬦᬶᬭᬲᬸᬫᬯᬸᬭ᭞ᬲᬶᬗ᭄ᬕᬶᬄᬪ᭄ᬬᬂᬲᬯᬶᬚᬶᬦᭀᬭᬦᬳᭀᬮᬶᬄ᭞ᬧᬶᬦᬗᬦᬶᬧᬵᬓ᭄ᬱᬶᬳᬶᬓᬸ᭞ᬳᬗᬶᬂᬓᬧᬵᬓ᭄ᬱᬶᬧᬸᬦᬶᬓ᭞ᬳᬶᬂᬲᬸᬦ᭄ᬳᭀᬮᬶᬄᬆᬳᬫᬦ᭄ᬤᬵᬫᬭᬭᬶᬂᬲᬸᬦ᭄᭞ᬦᬸᬮ᭄ᬬᬩᬶᬲᬗᬸ
ᬘᬧ᭄ᬚᬦ᭄ᬫᬵ᭞ᬓᬤᬶᬚᬦ᭄ᬫᬵᬳᬦ᭄ᬤᬳᬸᬭᬶᬧ᭄᭟ᬦᬸᬮ᭄ᬬᬤᬾᬦ᭄ᬢᬸᬢᬸᬭᬶᬗ᭄ᬯᬂ᭞ᬤᬾᬦᬶᬂᬧᬵᬓ᭄ᬱᬶᬧᬸᬦᬶᬓᬲᬫ᭄ᬧᬸᬦ᭄ᬳᬸᬦᬶᬂ᭞ᬳᬶᬂᬯᬶᬯᬶᬢᬦ᭄ᬢᭂᬮᬲ᭄ᬢᬶᬦᬸᬢᬸᬃ᭞ᬤᬾᬦᬶᬂᬧᬵᬓ᭄ᬱᬶᬧᬸᬦᬶᬓ᭞ᬩᬶᬩᬶᬦᬶᬭᬕᬵᬯᭀᬓ᭄ᬲᬶᬭᬫᬗ᭄ᬓᬾᬗ᭄ᬭᬸᬗᬸ᭞ᬫ᭄ᬬᬵᬃᬲᬢᬸᬢᬸᬃᬳᬦᬵᬓᬶᬭ᭞ᬦᬶᬓ᭄ᬯᬲ᭄ᬢ᭄ᬭᬶᬕᬵᬯᭀ
ᬓ᭄ᬳᬫ᭄ᬬᬵᬃᬰᬶ᭟ᬭᬵᬳᬤᬾᬫᬮᬶᬳᬗᬸᬘᬧ᭄᭞ᬳᬶᬗ᭄ᬲᬸᬦ᭄ᬳᭀᬮᬶᬳᬢᬢᬦ᭄ᬬᬫᬗ᭄ᬓᬾᬩᬶᬩᬶ᭞ᬳᬢᬓᬾᬦᬭᬵᬫ᭄ᬫᬦᬶᬂᬲᬸᬦ᭄᭞ᬤᬾᬦᬶᬂᬦᭀᬭᬳᬶᬂᬓᬾᬦ᭄ᬬ᭞ᬲᬫᬾᬗᭂᬢᬾᬳᬶᬂᬲᬸᬦᭀᬭᬳᭀᬮᬶᬄᬦ᭄ᬥᬸᬮᬸ᭞ᬩ᭄ᬬᬂᬫᬗ᭄ᬓᬾᬯᬭᬳᬶᬗ᭄ᬯᬂ᭞ᬤᬶᬫᬾᬦᬾᬳᬶᬂᬲᬸᬦ᭄