Kaca:Bali-lontar-gaguritan-sangkur-udhang-01-300ppi.pdf/38

[᭓᭗ 37 B] (physical label incorrect, should have been 36 B)
᭓᭖
ᬜᬸ᭞ᬳᭀᬮᬶᬄᬩ᭄ᬬᬗᬶᬭᬦᬸᬫ᭄ᬫ᭟ᬫᬵᬃᬕᬪᬵᬹᬗ᭄ᬲᬶᬂᬩ᭄ᬬᬗᬶᬭᬾᬓᬶ᭞ᬓᬵᬭᬦ᭄ᬩᬶᬦ᭄ᬯᬂᬩ᭄ᬬᬂᬗᬶᬭ᭞ᬭᬳᬤᬾᬦ᭄ᬳᭂᬤᬦ᭄ᬳᭂᬮᬶᬄᬗᬾ᭠ᬧᬵᬓ᭄ᬱᬶᬪᬵᬶᬲᬳᬦᬸᬢᬸᬭ᭞ᬳᬕ᭄ᬮᬶᬲ᭄ᬯᬭᬳ᭄ᬦᬦᬶᬭ᭞ᬲᬧᬳᬯᬭᬄᬲᬶᬭᬾᬓᬸ᭞ᬫᬵᬃᬫᬦᬾᬲᬶᬭᬫᬵᬯ᭄ᬭᬸᬳ᭟ᬧᬸᬦᬂᬧᬵᬓ᭄ᬱᬫ
ᬗ᭄ᬓᬾᬳᬗ᭄ᬮᬶᬂ᭞ᬮᬄᬢᬫᬗ᭄ᬓᬾᬯ᭄ᬭᬸᬳᬦᬶᬭ᭞ᬦᭀᬭᬦᬵᬦᬯᬭᬳᬶᬗᭀᬂ᭞ᬫᬵᬃᬫ᭄ᬫᬦᬶᬗ᭄ᬲᬸᬦ᭄ᬫᬗ᭄ᬓᬾᬯ᭄ᬭᬸᬳᬵ᭞ᬳᬧᬦ᭄ᬲᬸᬦ᭄ᬗᬾᬢᬾᬮ᭄ᬢᬶᬗᬮ᭄᭞ᬳᬶᬗ᭄ᬲᬸᬦ᭄ᬥᬸᬤᬸᬧᬵᬓ᭄ᬱᬶᬢᬸᬳᬸ᭞ᬳᬶᬗ᭄ᬲᬸᬦ᭄ᬩᬶᬲᬜ᭄ᬚᬸᬓᬶᬭᬸᬧ᭟ᬳᬶᬗ᭄ᬲᬸᬦ᭄ᬧ᭄ᬭᬪᬵᬹᬚᬗ᭄ᬕᬲᬓ᭄ᬢᬶ᭞ᬳᬶᬲᬸᬦ᭄ᬩᬶᬲᬰᬵᬮᬶᬦ᭄ᬯᬃᬡ᭄ᬦᬵ
᭞ᬢᬸᬭᬳᬶᬗ᭄ᬲᬸᬦ᭄ᬪᬾᬢᬾᬮ᭄ᬢ᭄ᬭᭀᬲ᭄᭞ᬜᭂᬦᭂᬂᬦᬵᬢ᭄ᬣᬳᬶᬂᬲᬗᭂᬦᬹᬃᬳᬸᬤᬂ᭞ᬚᬗᬶᬂᬢᬓᬓᬰᬶᬄᬳᬶᬗ᭄ᬯᬂ᭞ᬧ᭄ᬭᬪᬵᬹᬚᬗ᭄ᬕᬲᬓ᭄ᬢᬶᬳᬶᬲᬸᬦ᭄᭞ᬲᬂᬗ᭄ᬓᬹᬃᬳᬸᬤᬂᬦ᭄ᬕᬯᬦᬶᬗ᭄ᬯᬂ᭟ᬲᬶᬭᬫᬵᬮᬶᬄᬮᬯᬦ᭄ᬫᬫ᭄ᬫᬶ᭞ᬧ᭄ᬭᬦᬄᬧᬸᬢᬸᬦᬶᬗ᭄ᬲᬸᬦ᭄ᬲᬶᬭ᭞ᬧᬸᬢᬸᬦᬾᬲᬤᬸᬮᬸᬃᬳᬶᬗᭀᬂ᭞ᬜ᭄ᬦᭂᬂᬦ
ᬢ᭄ᬣᬳᬶᬗ᭄ᬳᬤᬶᬮᬸᬮᬄ᭞ᬲᬸᬦ᭄ᬜᬵᭂᬦᭂᬂᬇᬂᬲᬗ᭄ᬓᬹᬃᬳᬸᬤᬂ᭞ᬳ᭄ᬬᬂᬳᬶᬗ᭄ᬲᬸᬦ᭄ᬢᬫᬗ᭄ᬓᬾᬓᬸ᭞ᬲᬦᬓ᭄ᬳᬶᬗ᭄ᬲᬸᬦ᭄ᬳ᭄ᬬᬾᬂᬗᬶᬭ᭟ᬭᬵᬳᬤᬦ᭄ᬫᬶᬘᬭᬾᬗ᭄ᬳᬢ᭄ᬣᬶ᭞ᬲᬃᬯ᭄ᬬᬜ᭄ᬓᭂᬮ᭄ᬧᬸᬦᬂᬧᬵᬓ᭄ᬱ᭄ᬬ᭞ᬤᬾᬭᬾᬂᬳᬶᬗᬸᬘᬸᬮ᭄ᬫᬗ᭄ᬓᭀ᭞ᬭᬳᬤᬾᬦ᭄ᬫᬗ᭄ᬓᬾᬳᬯ᭄ᬮᬲ᭞ᬫᬦᬯᬶᬋ
[᭓᭘ 38 A] (physical label incorrect, should have been 37 A)
ᬓᬾᬚᬢ᭄ᬬ᭞ᬓᬤᬶᬧᬶᬢᬸᬢᬸᬭᬾᬳᬶᬓᬸ᭞ᬦ᭄ᬤᬦ᭄ᬳᬶᬗᬸᬘᬸᬮ᭄ᬧᬸᬦᬂᬧᬵᬓ᭄ᬱ᭄ᬬ᭟ᬲᬶᬭᬧᬵᬓ᭄ᬱᬶᬳᬵᬗ᭄ᬮᬶᬂᬇᬭᬶᬲ᭄᭞ᬧᬸᬢᬸᬦᬶᬗ᭄ᬲᬶᬦ᭄ᬫᬗ᭄ᬓᬾᬲᬶᬭ᭞ᬲᬶᬭᬯ᭄ᬮᬲ᭄ᬫᬭᬶᬂᬳᬗᭀᬂ᭞ᬫᬵᬗ᭄ᬓᬾᬧᬵᬭᬦ᭄ᬓᬂᬓᬶᬦᬵᬃᬱ᭞ᬫᬵᬭᬶᬂᬲᬸᬦ᭄ᬳᬦᬳᬸᬕ᭞ᬓᬸᬤᬲᬫ᭄ᬧᬶᬓ᭄ᬩᭀᬳᬶᬓᬸ᭞
ᬩᬾᬩᬾᬓ᭄ᬳᬬᬫ᭄ᬳᬦᬳᬸᬕ᭄ᬕ᭞ᬲᬯᬸᬲᬾᬫᬗ᭄ᬓᬦᬢᬾᬓᬶ᭞ᬭᬳᬤᬾᬦ᭄ᬳᬭᬶᬲ᭄ᬳᬗᬸᬘᬧ᭄᭞ᬦᭀᬭᬮ᭄ᬬᬦ᭄ᬲᬸᬦ᭄ᬢᭂᬤᬫᬗ᭄ᬓᭀ᭞ᬫᬗ᭄ᬓᬾᬲᬶᬚᬶᬳᬶᬂᬲᬸᬦ᭄ᬢᭂᬥ᭞ᬯᬭᬵᬳ᭄ᬦᬭᬵᬫᬡ᭄ᬦᬶᬗ᭄ᬯᬂ᭞ᬫ᭄ᬯᬂᬳᭂᬦ᭄ᬤᬶᬧᬸᬦᬵᬂᬦ᭄ᬕᬦ᭄ᬢᬸᬦ᭄᭞ᬫᬶᬯᬄᬲᬧᬳᬭᬦᬾᬓ᭟ᬦᬵ
ᬯ᭄ᬬᬫᬾᬦᬵᬓ᭄ᬫᬶᬯᬄᬝᬵᬦᬶ᭞ᬳᬶᬦ᭄ᬲᬸᬦ᭄ᬳᬵᬃᬲᬗᬸᬮᬢ᭄ᬦ᭞ᬲᬶᬭᬧᬵᬓ᭄ᬱᬶᬳᬤᬵᬦ᭄ᬮᬶᬗᬾ᭞ᬳᬾᬄᬢᬓᬓᬶᬫᬗ᭄ᬓᬾᬲᬶᬭ᭞ᬇᬥᭂᬧ᭄ᬦᬳᬸᬚᬵᬃᬳᬶᬗ᭄ᬯᬂ᭞ᬬᬦ᭄ᬲᬶᬭᬳᬵᬃᬲᬳᬢᬸᬫᬸᬢ᭄᭞ᬫᬵᬭᬵᬳᬶᬂᬓᬂᬯᬶᬲ᭄ᬫᬦᬶᬭ᭟ᬳᬶᬂᬫᬗ᭄ᬓᬾᬲᬋᬂᬮᬸᬫᬵᬭᬶᬲ᭄᭞ᬬ᭠
ᬦ᭄ᬢᬸᬮᬸᬲ᭄ᬳᬲᬶᬳᬶᬭ᭞ᬳᬗᬳ᭄ᬬᬂᬫᬭᬶᬂᬳᬶᬗᭀᬂ᭞ᬬᬦ᭄ᬲᬫ᭄ᬧᬸᬦᬲᬶᬭᬧ᭄ᬭᬧ᭄ᬢ᭞ᬫᬵᬭᬳᬶᬂᬯᬶᬲ᭄ᬫᬡ᭄ᬦᬶᬗ᭄ᬯᬂ᭞ᬲᬸᬦ᭄ᬯᬭᬄᬫᬗ᭄ᬓᬾᬲᬶᬭᬾᬓᬸ᭞ᬳᬶᬂᬧ᭄ᬭᬦᬳᬾᬭᬵᬫᬦᬶᬭ᭟ᬫ᭄ᬭᬶᬂᬓᬾᬦᬾᬦᭀᬭᬦᬤᬶᬤᬶ᭞ᬫᬵᬦᬯ᭄ᬯᬳᬦᬯᭀᬂᬫ᭄ᬬᬵᬃᬱ᭞ᬦᬵᬯ᭄ᬬᬓᬢᬸᬃ