Kaca:Bali-lontar-gaguritan-sangkur-udhang-01-300ppi.pdf/32

Saking Wikisource
Kaca puniki sampun kauji-wacén

[᭓᭑ 31 B] (physical label incorrect, should have been 30 B)
᭓᭐
ᬳᬚᬵᬳᭂᬫ᭄ᬩᬦ᭄ᬓᬗᭂᬦ᭄ᬫᬭᬶᬂᬳᬯᬓ᭄ᬫᬫᬶ᭞ᬫᬸᬮᬢᬶᬢᬄᬲᬸᬦ᭄ᬳᭂᬫ᭄ᬩᬦ᭄᭞ᬤᬾᬦᬶᬭᬤᬾᬭᬳ᭄ᬬᬂᬯᬶᬥᬶ᭞ᬯᬸᬲ᭄ᬓᬘᬢ᭄ᬭᬶᬫᬸᬮᬫᬗ᭄ᬓᬦ᭟ᬲ᭄ᬫᬮᬶᬄᬩ᭄ᬬᬂᬦᭀᬭᬧᬯᬾᬄᬦᬸᬭᬸᬢ᭄ᬫᬫᬶ᭞ᬤᬾᬦᬾᬰ᭄ᬭᬶᬦᬮᬾᬡ᭄ᬤᬺ᭞ᬳᬶᬗ᭄ᬲᬸᬦ᭄ᬳᬫᬶᬢ᭄ᬫᬗ᭄ᬓᬾᬩᬶᬪᬵᬶ᭞ᬳᬾᬜ᭄ᬚᬂᬗ
ᬦᬫᬗ᭄ᬓᬾᬧ᭄ᬭᬧ᭄ᬢ᭟ᬧᬯᬺᬢᬦᬾᬳᬶᬗ᭄ᬲᬸᬦ᭄ᬫᬗ᭄ᬓᬾᬲᬫ᭄ᬧᬸᬦ᭄ᬫᬢᬶ᭞ᬩᬶᬩᬶᬬᬾᬦ᭄ᬯᬍᬲ᭄ᬦ᭞ᬧᬸᬜ᭄ᬚᬸᬗᬵᬲᬸᬦ᭄ᬲᬤᬶᬤᬶᬓ᭄᭞ᬤᬤᬶᬲᬗᬶᬦ᭄ᬳᬶᬗ᭄ᬲᬸᬦ᭄ᬧ᭄ᬚᬄ᭟ᬳᭂᬫ᭄ᬩᬦ᭄ᬓᬭᭀᬳᬢᬸᬭᬾᬲᬃᬯ᭄ᬯᬶᬳᬦᬗᬶᬲ᭄᭞ᬢᬦ᭄ᬯᬗ᭄ᬤᬾᬓᬯᬸᬮ᭞ᬓᬸᬮᬦᭂᬤ᭠
ᬫᬗ᭄ᬓᬾᬳᬫᬶᬢ᭄᭞ᬤᬾᬦ᭄ᬩᭂᬘᬶᬓ᭄ᬦᬶᬓᬮᬸᬫᬵᬫ᭄ᬧᬄ᭟ᬤᬾᬦ᭄ᬓᬶᬧᬢᬶᬄᬳᬢᬸᬭᬾᬤᬵᬯᭂᬕ᭄ᬫᬫᬵᬃᬕᬶ᭞ᬓᬵᬯᬸᬮᬗᬶᬭᬶᬗ᭞ᬫᬡ᭄ᬦᬵᬶᬓ᭄ᬱᬰᬶᬄᬫᬢᬸᬭᬵᬭᬶᬲ᭄᭞ᬲᬶᬗ᭄ᬕᬶᬄᬫᬗ᭄ᬓᬾᬪᬵᬧᬧᬵᬢ᭄ᬬ᭟ᬳᬶᬗ᭄ᬲᬸᬦ᭄ᬥᬳᬶᬂᬫᬗ᭄ᬓᬾᬢᬧᬫᬦ᭄ᬧᬢᬶᬄᬳᬰᬶᬄᬫᬵ
ᬭᬶᬂᬳᬶᬗ᭄ᬯᬂ᭞ᬢ᭄ᬯᭂᬓ᭄ᬦᬳᬶᬗ᭄ᬲᬸᬦ᭄ᬫᬗ᭄ᬓᬶᬦ᭄᭞ᬤᬶᬤᬶᬦᬾᬲᬸᬦ᭄ᬳᬕᬾᬧ᭄ᬚᬄ᭟ᬲᬸᬓᬧ᭄ᬚᬄᬳᬶᬗ᭄ᬲᬸᬦ᭄ᬫᬭᬶᬂᬭᬶᬓᬶ᭞ᬤᬶᬫᬾᬦᬾᬦᭀᬭᬍᬲ᭄ᬯ᭞ᬓᬶᬧᬢᬶᬄᬳᬸᬫᬢᬸᬭᬭᬶᬲ᭄᭞ᬲᬶᬗ᭄ᬕᬶᬄᬤᬾᬯᬫᬵᬲ᭄ᬧᬗᬾᬭᬵᬦ᭄᭟ᬬᬦ᭄ᬓᬯᬸᬮᬓᬶᬦᬾᬦ᭄ᬫᬚᬄᬦ᭄ᬤᬓᬕᬸᬲ᭄ᬢᬶ᭞
[᭓᭒ 32 A] (physical label incorrect, should have been 31 A)
ᬢᬦ᭄ᬯᬗ᭄ᬤᬾᬓᬳᬸᬮ᭞ᬩ᭄ᬘᬶᬓ᭄ᬤᬾᬯᬫᬗ᭄ᬓᬾᬫᬫᬵᬃᬖ᭄ᬕᬶ᭞ᬦᬸᬮ᭄ᬬᬤᬵᬢᭂᬂᬓᬂᬳᬸᬢᬸᬲᬵᬦ᭄᭟ᬦᬸᬮ᭄ᬬᬕ᭄ᬮᬶᬲ᭄ᬳᬸᬢᬸᬲᬡ᭄ᬦᬶᬭᬲᬂᬗᬚᬶ᭞ᬳᬕᬾᬧ᭄ᬭᬧ᭄ᬢᬡ᭄ᬦᬵᬶᬭ᭞ᬲᬤᬵᬢᭂᬗᬾᬫᬢᬸᬃᬳᬭᬶᬲ᭄᭞ᬲᬶᬗ᭄ᬕᬶᬄᬫᬗ᭄ᬓᬾᬕᬸᬲ᭄ᬢᬶᬧᬢ᭄ᬬ᭟ᬓᬵᬬᬗᬵᬧᬕᬸᬲ᭄ᬢᬶᬧᬢᬶᬄᬤᬸ
ᬭᬸᬂᬫᬵᬫᬵᬃᬖ᭄ᬕᬶ᭞ᬫᭂᬗ᭄ᬕᬄᬤᬲᬂᬦᬵᬢ᭄ᬣ᭞ᬬᬦ᭄ᬢᬦ᭄ᬕᭂᬮᬲ᭄ᬫᬗ᭄ᬓᬾᬫᬫᬵᬃᬕ᭄ᬕᬶ᭞ᬕᬸᬲ᭄ᬢᬶᬧᬢᬶᬄᬓᬶᬦᬾᬦ᭄ᬤᬫ᭄ᬚᬄ᭟ᬤᬵᬦ᭄ᬓᬶᬧᬢᬶᬄᬫᬗ᭄ᬓᬾᬳᬦᬳᬸᬭᬶᬦ᭄ᬳᬭᬶᬲ᭄᭞ᬳᬾᬄᬤᬸᬢ᭄ᬣᬯᬗ᭄ᬲᬸᬮ᭞ᬳᬢᬸᬭᬦᬲᬸᬦ᭄ᬮᬸᬫᬭᬶᬲ᭄᭞ᬧᬸᬦᬵᬂᬤᬸᬢ᭄ᬣᬕ᭄ᬮᬶᬲ᭄ᬯᬗ᭄ᬲᬸᬮ᭟ᬦᬸᬮ᭄ᬬᬕ᭄ᬮᬶ᭠
ᬲ᭄ᬫᬢᬸᬃᬫᬭᬶᬂᬰ᭄ᬭᬶᬪᬵᬹᬧᬵᬓᬶ᭞ᬲᬶᬗ᭄ᬕᬶᬄᬯᬸᬲ᭄ᬮᬸᬫᬵᬫ᭄ᬧᬄ᭞ᬲᬋᬂᬢ᭄ᬭᬶᬫᬗ᭄ᬓᬾᬮᬸᬫᬭᬶᬲ᭄᭞ᬮᬦᬵᬂᬮᬦᬵᬂᬮᬸᬫᬵᬫ᭄ᬧᬳ᭟ᬮᬦᬵᬂᬯᬤᭀᬦ᭄ᬓᬧᬵᬧᬵᬕ᭄ᬲᬶᬭᬳᬶᬂᬫᬵᬃᬕ᭄ᬕᬶ᭞ᬲᬵᬫᬯᬵᬲ᭄ᬢᬸᬫᬶᬗᬮ᭄᭞ᬦᬸᬮ᭄ᬬᬫᬗ᭄ᬓᬾᬢᬵᬓᭀᬦ᭄ᬢᬾᬓᬶ᭞ᬦ᭄ᬤᬶᬪᬵᬶᬦᬵᬢ᭄ᬓᬲᬂᬭᬵᬢ᭄ᬦ᭟ᬫ
ᬡ᭄ᬦᬶᬓ᭄ᬱᬰᬶᬄᬲᬤᬮᬦ᭄ᬤᬮᬦ᭄ᬳᬦᬵᬗᬶᬲ᭄᭞ᬢᬦᬶᬗᬵᬮᬶᬦ᭄ᬧᬭᬵᬦ᭄᭞ᬳᬶᬂᬲᭀᬃᬳᬸᬕᬤᬾᬦ᭄ᬢᬶᬗᬮᬶ᭞ᬫᬾᬭᬗᬾᬓᬮᬶᬦ᭄ᬢᬵᬂᬮᬶᬦ᭄ᬢᬵᬂ᭟ᬤᬾᬦᬾᬫᬗ᭄ᬓᬾᬲᬂᬤᬾᬯᬶᬦᭀᬭᬦᬲᬶᬲᬶᬧ᭄᭞ᬳᬶᬓᬓᬵᬭᬦᬾᬭᬵᬂ᭞ᬲᬫ᭄ᬧᬸᬦ᭄ᬫᬗ᭄ᬓᬾᬧ᭄ᬭᬧ᭄ᬢᬾᬦᬵᬕ᭄ᬚᬯᬶ᭞ᬫᬶ