Kaca:Bali-lontar-gaguritan-sangkur-udhang-01-300ppi.pdf/31

[ 30 B] (physical label incorrect, should have been 29 B)
᭒᭙
᭞ᬳᬶᬗ᭄ᬲᬸᬦ᭄ᬳᬵᬃᬲᬳᬗᬵᬓᭀᬦ᭞ᬤᬾᬦᬶᬂᬧᬸᬢ᭄ᬭᬦ᭄ᬲᬸᬦ᭄ᬯᬯ᭄ᬭᬢ᭄᭞ᬦᭀᬭᬓᬵᬦ᭄ᬢᭂᬦ᭄ᬭᬾᬯᬂᬳᬶᬧᬸᬦ᭄᭞ᬲᬸᬦ᭄ᬓᬶᬦᬾᬦ᭄ᬲᬵᬫᬦᭂᬦᬸᬗ᭟ᬲᬓᬶᬂᬕ᭄ᬮᬶᬲ᭄ᬪᬭᬶᬢ᭄ᬣᬦᬸᬮᬶᬄ᭞ᬳᬶᬗᬸᬦ᭄ᬤᬗᬦ᭄ᬲᬫᬧ᭄ᬭᬧ᭄ᬢ᭞ᬳᬶᬂᬩᬵᬜ᭄ᬘᬶᬗᬄᬚᬸᬭᬸᬢ᭄ᬦᬸᬗᬾ᭞ᬧᬺᬲᬵᬫᬫᬗ᭄ᬓᬾᬯᬸ
ᬲ᭄ᬧ᭄ᬭᬧ᭄ᬢ᭞ᬳᬶᬗᬓᭀᬦ᭄ᬲᬫᬦ᭄ᬦᬸᬗ᭞ᬳᬯᬲ᭄ᬦᬧᬸᬢ᭄ᬭᬡ᭄ᬦᬵᬶᬗ᭄ᬲᬸᬦ᭄᭞ᬤᬾᬦᬵᬳᬶᬂᬫᬗ᭄ᬓᬾᬳᬯᬯ᭄ᬭᬢ᭄᭟ᬧᬵᬭᬦ᭄ᬭᬾ᭠ᬯᬂᬳᬮᬢᬾᬓᬶ᭞ᬳᬶᬦᬸᬫᬗ᭄ᬓᬾᬤᬾᬦᬵᬯᬲ᭄ᬦ᭞ᬤᬶᬫᬾᬦᬾᬓᬢ᭄ᬫᬸᬫᬵᬗ᭄ᬓᭀ᭞ᬫ᭄ᬦᬯᬯᭀᬂᬲᬸᬦᬦ᭄ᬢᬭ᭞ᬤᬾᬦᬾᬯᬦᬶᬧᭀ
ᬮᬄᬦ᭄ᬬ᭞ᬬᬤ᭄ᬬᬦ᭄ᬋᬓᬾᬭᬾᬜ᭄ᬘᬂᬳᬶᬂᬲᬸᬦ᭄᭞ᬳᬶᬗ᭄ᬲᬸᬦ᭄ᬳᬵᬃᬲᬳᬦᬹᬫ᭄ᬧᭂᬲ᭄ᬦ᭟ᬬᬢ᭄ᬣᬚᬸᬭᬸᬢ᭄ᬦᬶᬂᬲᬫ᭄ᬫᬶ᭞ᬧᬺᬱᬫᬳᬲᬯᬸᬃᬧᬵᬓ᭄ᬱ᭄ᬬ᭞ᬫᬵᬢᬸᬭᬫᬭᬶᬂᬲᬂᬓᬢᭀᬂᬭᬓᬵᬘ᭄ᬢᬤᬾᬦᬶᬂᬳᬫ᭄ᬩᬵ᭞ᬲᬂᬦᬝᬓᬾᬫ᭄ᬩᬵᬦᬶᬂᬢ᭄ᬯᬲ᭄᭞ᬰ᭄ᬯᬾᬫᬗ᭄ᬓᬾ
ᬦᭀᬭᬫᬸᬯᬸᬲ᭄᭞ᬲᬂᬦᬵᬢ᭄ᬣᬗᭂᬗ᭄ᬓᭂᬲᭂᬗ᭄ᬓᭂᬲᬦ᭄᭟ᬲᬂᬦᬵᬢ᭄ᬣᬗᬦ᭄ᬤᬶᬓᬫᬮᬶᬄ᭞ᬳᬾᬄᬢᬲᬶᬭᬫᬗ᭄ᬓᬾᬧᬵᬢ᭄ᬬ᭞ᬩ᭄ᬯᬂᬗᬦᬳᬦᬵᬓᬶᬗᭀᬂ᭞ᬫᬦᬶᬓ᭄ᬱᬰᬶᬄᬤᬶᬫᬾᬦᬾᬧ᭄ᬚᬄ᭞ᬪ᭄ᬯᬗᬦᬵᬫᬵᬭᬶᬂᬗ᭄ᬳᬮᬲ᭄᭞ᬫᬭᬶᬂᬯᬦᬳᬶᬓᬵᬂᬳᬖ᭄ᬕᬹᬵᬂ᭞ᬳᬚᬲᬶ
[᭓᭑ 31 A] (physical label incorrect, should have been 30 A)
ᬭᬜᬗᬸᬦᬵᬦ᭟ᬤᬶᬤᬶᬦᬾᬳᬕᬾᬗ᭄ᬫᬲᬶᬦ᭄᭞ᬧᬶᬦᬵᬗᬵᬦᬶᬂᬳᬲᬸᬳᬮᬲ᭄᭞ᬘᬶᬦᭀᬓ᭄ᬘᭀᬓ᭄ᬮᬯᬾᬬᬦ᭄ᬳᬾᬦ᭄ᬤᬾᬃ᭞ᬤᭀᬲᬦᬾᬦᭀᬭᬯᬯᬭᬄ᭞ᬫᬢᬶᬳᬕᬾᬩ᭄ᬯᬗᭂᬦ᭞ᬲᬶᬭᬧᬵᬢᬶᬄᬫᬗ᭄ᬓᬾᬳᬰ᭄ᬭᬸᬄ᭞ᬧᬫᬶᬢ᭄ᬫᬭᬶᬂᬰ᭄ᬭᬶᬦᬮᬾᬦ᭄ᬤᬺ᭟ᬲᬂ
ᬦᬵᬝᬵᬪᬵᬹᬩᬵᬃᬢᬶᬦᬗ᭄ᬓᬶᬮ᭄᭞ᬧᬺᬱᬫᬤᬾᬦᬶᬭᬩᬸᬪᬵᬃ᭞ᬲᬂᬦᬵᬢ᭄ᬣᬫ᭄ᬮᬩᬸᬳᬶᬂᬚ᭄ᬭᭀ᭞ᬓᭀᬘᬧᬧᬵᬢᬶᬄᬯᬸᬲ᭄ᬧ᭄ᬭᬧ᭄ᬢ᭞ᬫᬭᬳᬶᬂᬯᬶᬲ᭄ᬫᬡ᭄ᬦᬶᬭ᭞ᬲᬭᬧᬵᬢᬶᬄᬫᬗ᭄ᬓᬾᬳᬰ᭄ᬭᬸᬄ᭞ᬜᬗ᭄ᬲᬪ᭄ᬲᬭᬶᬭᬦᬾᬲᬂᬥ᭄ᬬᬄ᭛ᬫᬵ᭛ᬓᬯᬶᬡ᭄ᬦᬵᬳᬲᬶᬭᬤᬾ᭠
ᬯᬶᬫᬦᬶᬓ᭄ᬱᬰᬶᬄ᭞ᬯᬸᬰᬸᬦᬶᬗᬲᬶᬭ᭞ᬭᬖ᭄ᬕᬦᬾᬩᬶᬦᬸᬯ᭄ᬯᬵᬂᬢᬾᬓᬶ᭞ᬫᬦᬶᬓ᭄ᬱᬰᬶᬳᬦᬵᬗᬶᬲ᭟ᬧᬦᬵᬗᬶᬲᬾᬮ᭄ᬯᬶᬃᬲᬮ᭄ᬯᬶᬃᬧᬾᬦ᭄ᬤᬄᬧᬸᬮᬸᬂᬓᬧᬶᬧᬶᬓ᭄᭞ᬮ᭄ᬯᬶᬃᬲᬸᬦ᭄ᬤᬭᬶᬓᬧ᭄ᬯᬦᬵᬦ᭄᭞ᬳᭂᬫ᭄ᬩᬵᬦ᭄ᬓᬭᭀᬫᬶᬮᬸᬦᬗᬶᬲ᭄᭞ᬲᬲᬫ᭄ᬩᬢᬾᬓ᭄ᬮᬲ᭄ᬳᬵᬃᬱ᭟ᬫᬦᬶ᭠
ᬓ᭄ᬱᬰᬶᬄᬦ᭄ᬧ᭄ᬕᬢ᭄ᬤᬾᬦᬶᬭᬦᬗᬶᬲ᭄᭞ᬫᬗ᭄ᬓᬾᬚᬜ᭄ᬚᬶᬦᬶᬭ᭞ᬢᬶᬦᬸᬤᬸᬄᬤᬾᬭᬵᬳ᭄ᬬᬂᬯᬶᬥᬶ᭞ᬫᬾᬗ᭄ᬓᬾᬦᬾᬧᬦ᭄ᬫᬸᬦᬶᬗ᭄ᬯᬂ᭞ᬫᬡ᭄ᬦᬶᬓ᭄ᬱᬰᬶᬄᬗᬦ᭄ᬤᬶᬓᬵᬲᬵᬃᬯ᭄ᬯᬶᬳᬦᬗᬶᬲ᭄᭞ᬳᬾᬄᬢᬵᬳᭂᬫ᭄ᬩᬦ᭄ᬓᬃᬯ᭄ᬯ᭞ᬩ᭄ᬘᬶᬓ᭄ᬳᭂᬫ᭄ᬩᬦ᭄ᬓᬭᬶᬭᬶᬓᬶ᭞ᬗᬯᬸᬮᬫᬭᬶᬂᬚᭂᬂᬭᬵᬫ᭟