Kaca:Bali-lontar-gaguritan-sangkur-udhang-01-300ppi.pdf/25

[᭒᭔ 24 B] (physical label incorrect, should have been 23 B)
᭒᭓
ᬡ᭄ᬦᬵᬯ᭄ᬮᬲᬾᬳᬶᬂᬗᬵᬢᬶ᭞ᬳᬫ᭄ᬬᬵᬃᬱᬳ᭞ᬢᬸᬢᬸᬃᬓᬶᬫᬵᬃᬫᬵᬬ᭞ᬦᭂᬂᬗᬵᬓ᭄ᬦᬳᬶᬂᬗᬵᬭᬵᬩ᭄ᬫᬗ᭄ᬓᬾ᭞ᬳᬦᬫᬮᬶᬄᬓᬯᬸᬯᬸᬲ᭄᭞ᬭᬢᬸᬳᬕᬸᬂᬳᬜᬓᬺᬯᬺᬢ᭄ᬣᬶ᭞ᬳᬶᬂᬗᬵᬭᬳᬤᬶᬮᬸᬮᬄ᭞ᬫᬚᬧᬵᬳᬶᬢ᭄ᬧ᭄ᬭᬪᬵᬹ᭞ᬦᬺᬩᬾᬧᬸᬢᬺᬱᬶᬚᬶᬧᬾᬮᬕ᭄᭞ᬳᬶᬓᬂᬗᬵᬭᬦ᭄᭞ᬬ
ᬦ᭄ᬲᬶᬦᬵᬫ᭄ᬩᬵᬢ᭄ᬫᬦᬶᬓ᭄ᬱᬰᬶᬄ᭞ᬯᬬᬳᬾᬲᬵᬫ᭄ᬧ᭄ᬢᬯᬵᬱ᭟ᬮᬶᬦ᭄ᬢᬂᬳᬬᬸᬯᬃᬡ᭄ᬦᬫᬦᬶᬓ᭄ᬱᬰᬶᬄ᭞ᬧᬶᬧᬶᬓᬵᬃᬯ᭄ᬯ᭞ᬓᬤᬶᬫᬲᬶᬦᭂᬧᬵᬄ᭞ᬓᬾᬄᬭᬢᬸᬮᬮᬶᬫᬵᬦᬳᬾ᭞ᬦᬶᬗᬮᬶᬲᬗᬳᬬᬸ᭞ᬮᬶᬦ᭄ᬢᬂᬳᬬᬸᬤᬢᬵᬦ᭄ᬧᬢᬦ᭄ᬤᬶᬂ᭞ᬮ᭄ᬯᬶᬃᬕᬵᬫ᭄ᬩᬵᬃᬯᬯᬗᬸᬦᬵᬦ᭄᭞ᬯᬃᬡ᭄ᬦᬦᬾ᭠
ᬲᬗ᭄ᬳᬬᬸ᭞ᬳᬗᬶᬂᬫᬗ᭄ᬓᬾᬓᬭᬶᬧ᭄ᬭᬯᬦ᭄᭞ᬓᬭᬶᬲᬶᬭ᭞ᬳᬗᬫᭀᬗᬳᬶᬓᬂᬭᬵᬖ᭄ᬕᬶ᭞ᬓᬾᬄᬭᬵᬢᬸᬳᬗ᭄ᬮᬶᬫᬵᬃᬭ᭛ᬲᬶ᭛ᬫᬡ᭄ᬦᬵᬶᬓ᭄ᬱᬰᬶᬄᬦᭀᬭᬳᬵᬃᬰ᭞ᬳᬓᬺᬫ᭄ᬫᬓᬾᬄᬳ᭄ᬮᬫᬵᬭᬶᬦ᭄᭞ᬳᬦᬩ᭄ᬚᬮᬸᬓ᭄ᬢᬶᬗ᭄ᬓᬳᬶᬭ᭞ᬳᬦᬳᬵᬃᬱᬳᬫᬫᬵᬮᬶᬂ᭞ᬲᬫᬦᬦᭀ
ᬭᬳᭀᬮᬶᬄ᭞ᬓᬾᬄᬭᬢᬸᬲᬫᬳᬸᬮᬗᬸᬦ᭄᭞ᬤᬾᬦᬾᬳᬬᬸᬲᬂᬭᬵᬢ᭄ᬦ᭞ᬫᬧᬵᬦ᭄ᬳᬓᬾᬄᬩ᭄ᬭᬗ᭄ᬢᬓᬶᬂᬓᬶᬂ᭞ᬲᬯᬶᬚᬶᬦᬦᭀᬭᬳᬦ᭄ᬢᬸᬓ᭄ᬳᬗ᭄ᬮᬫᬵᬃᬭ᭟ᬬᬢ᭄ᬣᬫᬗ᭄ᬓᬾᬲᬂᬰᬸᬤᬾᬯ᭄ᬬ᭞ᬆᬃᬲᬤ᭄ᬬᬸᬲ᭄‌ᬫ᭄ᬭᬶᬂᬢᬫᬵᬦ᭄ᬲᬭᬶ᭞ᬕ᭄ᬮᬶᬲ᭄ᬗᬦ᭄ᬤᬶᬓᬫᬭᬶᬂᬳᬶᬜ
[᭒᭕ 25 A] (physical label incorrect, should have been 24 A)
ᬳᬾᬄᬢᬳᬶᬜᬲᬶᬭᬳᬕ᭄ᬮᬶᬲ᭄᭞ᬩᬶᬩᬶᬮᬸᬗᬵᬳᬶᬂᬫᬗ᭄ᬓᬶᬦ᭄᭞ᬫᬵᬢᬸᬃᬫᬵᬭᬶᬂᬭᬫᬦᬶᬗ᭄ᬲᬸᬦ᭄᭞ᬳᬶᬗ᭄ᬲᬸᬦ᭄ᬳᬵᬃᬱᬫᬵᬗ᭄ᬓᬾᬤ᭄ᬬᬸᬲ᭞ᬧᬸᬦᬂᬳᬶᬜᬳᬕ᭄ᬮᬶᬲ᭄ᬳᬫᬶᬢ᭄᭞ᬳᬸᬫᬵᬋᬓᬳᬕ᭄ᬮᬶᬲ᭄ᬫᬗ᭄ᬓᬾᬢᬯᬸᬲ᭄ᬧ᭄ᬭᬧ᭄ᬢ᭟ᬲᬂᬦᬵᬢ᭄ᬣᬫᬗ᭄ᬓᬾᬗᬦ᭄ᬤᬶᬓ᭞ᬳᬯᬕᬵᬯᬾᬫ᭄ᬩᬵ
ᬦ᭄ᬫᬭᬶᬓᬶ᭞ᬦᬶᬳᭂᬫ᭄ᬩᬵᬦ᭄ᬳᬕᬾᬫᬵᬢᬸᬭ᭞ᬲᬶᬗ᭄ᬕᬶᬄᬓᬃᬬ᭄ᬬᬫ᭄ᬩᬲᬗᬚᬶ᭞ᬓᬸᬮᬓᬶᬦᬾᬦ᭄ᬢᬸᬃᬲᬶᬗ᭄ᬕᬶᬄ᭞ᬤᬾᬦᬶᬂᬧᬸᬢ᭄ᬭᬲᬗᬳᬸᬮᬸᬦ᭄᭞ᬧᬸᬢ᭄ᬭᬦ᭄ᬤᬶᬓᬬᬸᬦ᭄ᬲᬶᬭᬵᬫ᭄᭞ᬫᬭᬶᬂᬢᬫᬦ᭄ᬢᬳᬶᬂᬩᬾᬜ᭄ᬚᬶᬂ᭞ᬳᬗᬦ᭄ᬤᬶᬓᬲᬂᬦᬵᬢ᭄ᬣᬫᬵᬭᬶᬂᬧᬸᬦ᭄ᬳᭂᬫ᭄ᬩᬵᬦ᭄᭟ᬳᬶᬗ᭄ᬲᬸᬦ᭄ᬧᬯᬾᬳ
ᬦᬓᬶᬗ᭄ᬯᬂ᭞ᬲᬸᬦ᭄ᬓᬶᬦᬾᬦ᭄ᬧᬗᬭᬄᬤᬶᬫᬶᬦ᭄᭞ᬤᬶᬫᬾᬦᬾᬳᬦᬗᬶᬭᬶᬗ᭞ᬦᬶᬳᭂᬫ᭄ᬩᬵᬦ᭄ᬫᬗ᭄ᬓᬾᬬᬳᬕ᭄ᬮᬶᬲ᭄᭞ᬦᬸᬮ᭄ᬬᬳᬫᬶᬢ᭄ᬢᬗ᭄ᬓᬾᬓᬶ᭞ᬳᬕ᭄ᬮᬶᬲ᭄ᬫᬗ᭄ᬓᬾᬲᬶᬭᬭᬵᬯᬸᬄ᭞ᬳᬶᬂᬗᬵᬃᬲᬦᬾᬲᬂᬭᬵᬢ᭄ᬦ᭞ᬦᬸᬮ᭄ᬬᬫᬵᬢᬸᬃᬭᬶᬂᬲᬂᬤᬾᬯᬶ᭞ᬭᬵᬫᬦ᭄ᬤᬶᬓᬳᬧᬗᬭᬄ
ᬲᬫᬥᬵᬬ᭟ᬭᬳᬶᬦᬲᬫ᭄ᬧᬸᬦ᭄ᬓᬵᬂᬮᬢ᭄ᬬ᭞ᬢᬦ᭄ᬓᬯᬃᬦᬧᬸᬦᬂᬯ᭄ᬗᬶ᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬳᬶᬦ᭞ᬯᭀᬂᬳᬗᬶᬭᬶᬂᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬚᬸᬭᬸᬧᬶᬓᬸᬮ᭄ᬳᬘᬯᬶᬲ᭄᭞ᬮᬦᬂᬯᬤᭀᬦ᭄ᬲᬫᬭᬯᬸᬄ᭞ᬲᬫᬗᬵᬦ᭄ᬢᭀᬲᬾᬂᬚᬩ᭞ᬫᬵᬦᬶᬓ᭄ᬲᬰᬶᬄᬲᬫ᭄ᬧᬸᬦ᭄ᬫᬶᬚᬶ