Kaca:Bali-lontar-gaguritan-sangkur-udhang-01-300ppi.pdf/24

Saking Wikisource
Kaca puniki sampun kauji-wacén

[᭒᭓ 23 B] (physical label incorrect, should have been 22 B)
᭒᭒
ᬗᬯ᭄ᬬᬢ᭄ᬣᬶ᭞ᬲᬓᬶᬂᬕ᭄ᬮᬶᬲᬶᬂᬘᬭᬶᬢ᭄ᬣ᭟ᬓᬳᬸᬗ᭄ᬓᬸᬮᬦ᭄ᬳᬶᬂᬦ᭄ᬕᬵᬭᬾᬂᬗᬵᬃᬩᬶ᭞ᬳᬸᬫᬵᬃᬫᬵᬬ᭞ᬳᬜᬸᬢᬶᬓᬵᬂᬭᬸᬧ᭞ᬓᬂᬬ᭄ᬬᬤ᭄ᬬᬸᬓᬂᬭᬸᬧᬦᬾ᭞ᬳᬖ᭄ᬕᬹᬂᬗᬾᬮ᭄ᬯᬶᬃ᭞ᬚᬬᬾᬂᬭᬵᬡ᭄ᬦᬵᬓᬮᬢᬶᬦᬵᬂᬗ᭄ᬓᬶᬮ᭄᭞ᬧᭂᬧᭂᬓ᭄ᬳᬦᬾᬦᬵᬕ᭄ᬧᬲᬾᬩᬦ᭄᭞ᬲᬓᬾᬳᬶᬂᬧᬺᬭ
ᬢᬸ᭞ᬳᬶᬓᬵᬫᬸᬗ᭄ᬕ᭄ᬯᬾᬂᬗᬬᬸᬦᬵᬦ᭄᭞ᬭᬤᬾᬦ᭄ᬫᬓ᭄ᬢᬵᬮ᭄᭞ᬧᬸᬦᬶᬓ᭄ᬫᬗ᭄ᬓᬾᬳᬶᬂᬗᬵᬃᬰᬶ᭞ᬦᬸᬮ᭄ᬬᬢᬤᭂᬓ᭄ᬧᬸᬦᬵᬂᬕ᭄ᬭᬸᬵ᭟ᬦᬸᬮ᭄ᬬᬲᬋᬂᬓᬶᬳᬸᬫᬵᬫᬵᬬᬾᬓᬶ᭞ᬓᬵᬢᬶᬗᬵᬮᬦ᭄᭞ᬭᬤᬾᬦ᭄ᬋᬧᬵᬢ᭄ᬫᬚ᭞ᬮᬶᬗ᭄ᬕᬶᬄᬳᬵᬃᬱᬚᬬᬾᬂᬢᬶᬦᭀᬦ᭄᭞ᬲᬵ
ᬫᬓᬵᬕ᭄ᬬᬢ᭄ᬳᬦ᭄ᬥᬸᬮᬸ᭞ᬚᬬᬾᬂᬭᬵᬦᬗᬦ᭄ᬤᬶᬓᬳᬭᬶᬲ᭄᭞ᬳᬾᬄᬧᬵᬓ᭄ᬱᬶᬲᬸᬦ᭄ᬤᬢᬦ᭄ᬬ᭞ᬲᬓᬶᬂᬦ᭄ᬤᬶᬲᬶᬭᬾᬓᬸ᭞ᬫᬶᬯᬄᬧᬵᬭᬵᬦ᭄ᬕᬵᬯᬾᬦᬶᬭ᭞ᬧ᭄ᬭᬧ᭄ᬢᬾᬂᬓᬾᬦ᭄ᬬ᭞ᬮᬦ᭄ᬕᬵᬭᬦᬶᬭᬧᬸᬡ᭄ᬥᬵᬶ᭞ᬲᬂᬕ᭄ᬭᬸᬤᬳᬸᬫᬵᬢᬸᬭ᭟ᬲᬶᬗ᭄ᬕᬶᬄᬯ᭄ᬭᬸᬳᬦᬶᬭᬚ
ᬬᬾᬂᬨᬢ᭄ᬣᬶ᭞ᬳᬫ᭄ᬩᬵᬳᬶᬓᬶ᭞ᬦᬸᬮᬕ᭄ᬭᬸᬤᬓᬶᬦ᭞ᬓᬸᬮᬮᬵᬮᬾᬤᬵᬂᬳᬶᬂᬓᬾᬦᬾ᭞ᬢ᭄ᬯᬦ᭄ᬫᬾᬦᬓ᭄ᬗᬦ᭄ᬤᬶᬓᬳᬰ᭄ᬭᬸᬄ᭞ᬓᬶᬤᬦᬵᬯᬲᬓᬶᬂᬧᬸᬦ᭄ᬤᬶ᭞ᬧ᭄ᬭᬧ᭄ᬢᬲᬋᬂᬮᬦ᭄ᬲᬶᬭ᭞ᬲᬂᬕ᭄ᬭᬸᬤᬳᬸᬫᬢᬸᬃ᭞ᬲᬶᬗ᭄ᬕᬶᬄᬤᬵᬦᬵᬯᬧᬸᬦᬶᬓ᭞ᬳᬵᬃᬱᬯ᭄ᬭᬸᬳ᭞ᬫᬵᬭᬶᬂᬚᭂᬂ
[᭒᭔ 24 A] (physical label incorrect, should have been 23 A)
ᬳᬦ᭄ᬤᬶᬓᬲᬶᬗ᭄ᬕᬶᬄ᭞ᬩ᭄ᬥᬵᬶᬓᬓᬮᭀᬓᬾᬂᬚᬵᬕᬵᬢ᭄᭟ᬬᬤ᭄ᬬᬦ᭄ᬳᬓᬾᬄᬦᬵᬢ᭄ᬣᬫᬸᬂᬦ᭄ᬤᬶᬓᬾᬓᬶ᭞ᬳᬗᬶᬂᬳᬦ᭞ᬘᬘᬤ᭄‌ᬦ᭄ᬤᬶᬓᬯᬶᬚ᭄ᬬ᭞ᬳᬵᬦ᭄ᬤᬶᬓᬚᬸᬫ᭄ᬦᭂᬂᬓᬢᭀᬂ᭞ᬳᬵᬫ᭄ᬱ᭄ᬬᬄᬗᬦ᭄ᬤᬶᬓᬳᬰ᭄ᬭᬸᬄ᭞ᬳᭂᬦ᭄ᬤᬶᬫᬗ᭄ᬓᬾᬘᬘᬤ᭄ᬳᬶᬭᬾᬓᬶ᭞ᬯᬭᬳ᭄ᬦᬫᬗ᭄ᬓᬾᬳᬾᬗ᭄ᬕᬵᬮ᭄᭞ᬲᬂ
ᬕ᭄ᬭᬸᬤᬳᬸᬫᬵᬢᬸᬃ᭞ᬲᬶᬗ᭄ᬕᬶᬄᬓᬸᬭᬂᬧ᭄ᬪᬤᬵᬂᬭᬵᬖ᭄ᬕ᭞ᬤᬵᬦᬵᬗ᭄ᬭᬱ᭞ᬤᬾᬦᬶᬭᬲᬂᬚᬬᬾᬂᬧᬵᬢ᭄ᬣᬶ᭞ᬕ᭄ᬭᬸᬤᬬᭂᬭᬾᬯᬵᬂᬗᬶᬭ᭟ᬫᬵᬦᬶᬭᬫᬗ᭄ᬓᬾᬳᬗ᭄ᬭᬲᬾᬂᬗᬢᬶ᭞ᬢᬸᬳᬸᬫᬸᬮ᭞ᬲᬦ᭄ᬢᬶᬦᬾᬫᬵᬃᬫᬵᬬ᭞ᬳᬸᬫᬵᬃᬫᬵᬬᬳᬕ᭄ᬮᬶᬲ᭄ᬫᬗ᭄ᬓᬾ᭞ᬲᬮᬶᬦ᭄ᬯᬃᬦᬲᬶᬭᬾᬓᬸ᭞ᬦᬸᬮ᭄ᬬ
ᬳᬕ᭄ᬮᬶᬲ᭄ᬫᬭᬳᬶᬗᬵᬃᬰᬶ᭞ᬗᬸᬮᬸᬓ᭄ᬱᬵᬮᬫ᭄ᬢᬲᬶᬭ᭞ᬢᬶᬦᬵᬫ᭄ᬧᬶᬲᬮᬾᬫ᭄ᬓᬸ᭞ᬤᬾᬦᬶᬂᬲᬶᬭᬭᬚᬬᬾᬂᬭᬵᬡ᭄ᬦᬵ᭞ᬳᬤᬦ᭄ᬫᬗ᭄ᬓᬾ᭞ᬳᬦᬸᬮ᭄ᬬᬲᬶᬭᬳᬮᬶᬗ᭄ᬕᬶᬄ᭞ᬚᬬᬾᬭᬵᬕ᭄ᬭᬵᬦᬗᬵᬦ᭄ᬤᬶᬓ᭟ᬳᬦᬓᬶᬭᬓᬓᬂᬫᬗ᭄ᬓᬾᬳᭂᬦ᭄ᬤᬶ᭞ᬋᬧᬵᬢ᭄ᬫᬚ᭞ᬦᭀᬭᬦᬲᬸᬦ᭄ᬢᬶᬗᬵᬮ᭄᭞
ᬳᬦᬸᬮ᭄ᬬᬳᬸᬫ᭄ᬢᬸᬳᬕᬾ᭞ᬲᬓᬶᬂᬚ᭄ᬭᭀᬓᬓᬲᬂᬳᬶᬓᬸ᭞ᬋᬧᬵᬢ᭄ᬫᬚᬫᬗ᭄ᬓᬾᬳᬕ᭄ᬮᬶᬲ᭄᭞ᬤᬾᬦᬶᬭᬳᬸᬫᬢᬸᬭ᭞ᬓᬵᬤ᭄ᬬᬂᬗᬶᬧᬶᬓᬢ᭄ᬫᬸ᭞ᬳᬤᬵᬦᬸᬢᬸᬃᬧᭀᬮᬳᬶᬭ᭞ᬤᬸᬓᬶᬂᬗ᭄ᬓᬶᬦ᭞ᬫᬵᬃᬫᬵᬬᬫᬗ᭄ᬓᬡ᭄ᬦᬵᬳᬸᬕᬶ᭞ᬦᬸᬢᬸᬃᬢᬶᬦᬸᬢᬸᬃᬲᬶᬭ᭟ᬚᬬᬾᬦᬵᬕ᭄ᬭᬵ