[᭑᭑᭑ 111 B]᭠ (physical label incorrect, should have been 110 B)
᭑᭑᭐
ᬦ᭄ᬗ᭄ᬕᬯᬳᬸᬭᬶᬧ᭄᭞ᬫᬭᬳᬶᬂᬦ᭄ᬕᬵᬭᬾᬂᬗᬭᬩ᭄᭞ᬓᬶᬧᬢᬶᬄᬳᬦᬸᬳᬸᬤᬻᬓᭀ᭞ᬓᬶᬧᬢᬶᬄᬳᬕ᭄ᬮᬶᬲ᭄ᬧᬗᬭᬄ᭞ᬫ᭄ᬭᬶᬂᬲᬓᬾᬳᬶᬓᬂᬩᬮ᭞ᬳᬾᬄᬭ᭄ᬯᬂᬓ᭄ᬭᬲᬲᬸᬦ᭄ᬩᬸᬩᬸᬭᬸ᭞ᬫᬭᬶᬂᬳᬮᬰᬶᬂᬮᬭᬗᬦ᭄᭟ᬢᬸᬚᬸᬄᬯ᭄ᬲᬶᬫᬗ᭄ᬓᬾᬳᬫᬶᬢ᭄᭞ᬦᬸᬮ᭄ᬬᬩᬸᬩᬵᬃᬳᬶᬂᬧᬲᬾᬩᬦ᭄᭞ᬢᬸᬚᬸᬄ
ᬫ᭄ᬮᬾᬮᬫᬗ᭄ᬓᬾᬮᬾᬗ᭄ᬲᬾᬃ᭞ᬓᬾᬭᬶᬂᬤᬾᬦᬶᬂᬪᬵᬮᬦᬶᬭ᭞ᬲᬾᬢ᭄ᬚᬭᬶᬂᬳᬦᬗ᭄ᬕᬯ᭞ᬳᬦᬗ᭄ᬕᬯᬳᬶᬓᬂᬳᬲᬸ᭞ᬦᬸᬮ᭄ᬬᬲᬫᬤᬵᬦ᭄ᬮᬸᬫᬫ᭄ᬧᬄ᭟ᬧ᭄ᬭᬧ᭄ᬢᬭᬶᬂᬮᬭᬗᬦ᭄ᬢᬾᬓᬶ᭞ᬢᬸᬫᬸᬮ᭄ᬬᬲᬫᬳᬧᬲᬂ᭞ᬚᬭᬶᬂᬢᬦ᭄ᬧᬸᬲᬓᬩᬾᬳᬾ᭞ᬲᬫᬳᬸᬭᬳᬦ᭄ᬓᬂᬩᬮ᭞ᬧ᭄ᬭᬲᬫᬫ
ᬗ᭄ᬓᬾᬳᬲᬸᬭᬓ᭄᭞ᬓᬾᬄᬫᬜ᭄ᬚᬗᬦ᭄ᬓᭂᬦᬶᬢᬫ᭄ᬧᬸᬲ᭄᭞ᬓᬶᬤᬗ᭄ᬓᬜ᭄ᬘᬶᬮ᭄ᬳᬓᬾᬄᬓ᭄ᬦ᭟ᬲᬓ᭄ᬯᬾᬄᬲᬫ᭄ᬧᬸᬫ᭄ᬓᬭᬶᬳᬸᬭᬶᬧ᭄᭞ᬯᭂᬦ᭄ᬢᭂᬦ᭄ᬫᬗ᭄ᬓᬾᬢᬶᬖ᭄ᬕᬂᬗᬢᬓ᭄᭞ᬩᬮᬢᬸᬮᬓ᭄ᬱ᭄ᬓᬩᬾᬳᬾ᭞ᬫᬦ᭄ᬢᬸᬓ᭄ᬫᬭᬶᬂᬳᬶᬂᬦ᭄ᬕᬵᬭ᭞ᬲᬫ᭄ᬧᬸᬦ᭄ᬧ᭄ᬭᬢᬳᬶᬂᬦ᭄ᬕᬵᬭ᭞ᬲᬫᬗ᭄ᬕᬯᬳᬸᬮᬶᬳᬶᬧᬸᬦ᭄᭞ᬬᬢ᭄ᬣ
ᬧᬢ᭄ᬣᬶᬳᬸᬫ᭄ᬤᭂᬓ᭟ᬲᬂᬦᬢ᭄ᬣᬗ᭄ᬓᬾᬯᬸᬲ᭄ᬘᬯᬶᬲ᭄᭞ᬳᬶᬦ᭄ᬢᭂᬦ᭄ᬫᬶᬭᬄᬮᬦ᭄ᬧᬗ᭄ᬓᬚ᭄ᬚ᭞ᬤᬶᬦᬵᬃᬲ᭄ᬮᬓᬲᬫᬳᬓᬾᬄ᭞ᬯᬶᬦ᭄ᬢᭂᬦ᭄ᬢᬶᬕᬵᬗᬢᬸᬲ᭄ᬭᬫ᭄ᬩᬢ᭄᭞ᬯᬸᬲ᭄ᬓᬸᬫ᭄ᬧᬸᬮ᭄ᬲᬫᬤᬬ᭞ᬳᬵᬃᬚᬫᬶᬯᬄᬓ᭄ᬮᬯᬦ᭄ᬕᬫ᭄ᬩᬸᬄ᭞ᬧᬸᬗ᭄ᬲᬂᬳᬭᬸᬕ᭄ᬚᭀᬕᬾᬤ᭄ᬢᬦ᭄ᬤᬓ᭄᭟ᬓ᭄ᬦᭀᬩᬦ᭄ᬢᬾᬂᬲᬫ᭄ᬧᬸᬦ᭄ᬘᬯᬶᬲ᭄
[᭑᭑᭒ 112 A] (physical label incorrect, should have been 111 A)
᭞ᬦᬸᬮ᭄ᬬᬲᬋᬂᬳᬮᬸᬫᬫ᭄ᬧᬄ᭞ᬫ᭄ᬯᬄᬯᭀᬂᬫᬚᬧᬳᬶᬢ᭄ᬫᬗ᭄ᬓᭀ᭞ᬲᬂᬦᬢ᭄ᬣᬲᬫ᭄ᬧᬸᬦ᭄ᬮᬸᬫᬫ᭄ᬧᬄ᭞ᬫ᭄ᬯᬄᬯᭀᬂᬫᬚᬧᬳᬶᬢ᭄ᬫᬗ᭄ᬓᭀ᭞ᬲᬂᬦᬢ᭄ᬣᬲᬫ᭄ᬧᬸᬦ᭄ᬮᬸᬫᬵᬫ᭄ᬧᬄ᭞ᬳᬶᬦᬶᬭᬶᬂᬤᬾᬦᬶᬂᬩᬮ᭞ᬫᬶᬯᬄᬕᬵᬃᬯ᭄ᬯᬦᬾᬲᬂᬧ᭄ᬭᬪᬵᬹ᭞ᬦᭂᬗᬓ᭄ᬦᬲᬶᬭᬾᬂᬫᬵᬃᬖ᭄ᬕ᭟ᬯᬸᬲ᭄ᬧ᭄ᬭᬧ᭄ᬢᬧᬶᬗ᭄ᬕᬶᬭᬶᬂᬗᬵᬃ
ᬩᬶ᭞ᬭᬶᬲᬫ᭄ᬧᬸᬦᬶᬭᬦ᭄ᬫᬗ᭄ᬓᬡ᭄ᬦᬵᬓᬯᬃᬡ᭄ᬦᬵᬳᬶᬂᬗᬭᬩ᭄ᬋᬓᭀ᭞ᬤᬾᬦᬾᬧ᭄ᬥᭂᬓ᭄ᬳᬶᬬ᭄ᬬ᭞ᬮᬕᬶᬓᬂᬲᬗᬤᬶᬦᬵ᭞ᬚᬬᬾᬂᬭᬡ᭄ᬦᬵᬗᬦ᭄ᬤᬶᬓᬭᬸᬫ᭄᭞ᬳᬾᬄᬲᬓᬾᬳᬾᬧᬭᬦᬵᬢ᭄ᬣ᭟ᬢ᭄ᬧᬓ᭄ᬦᬢᭂᬗ᭄ᬭᬦᬕ᭄ᬮᬶᬲ᭄᭞ᬲᬓᬾᬳᬧᬺᬭᬢᬸᬳᬭᬩ᭄᭞ᬳᬦᬩᬸᬄᬢ᭄ᬗᭂᬭᬦ᭄ᬫᬳᬓᬾᬄᬓᬂ
ᬭᬶᬂᬕᬺᬄᬲ᭄ᬯᬭᬡ᭄ᬦᬵᬶᬭ᭞ᬳᬲᭂᬮᬸᬭᬦ᭄ᬯᭀᬂᬗᬭᬩ᭄᭞ᬕᭀᬂᬕᭂᬦ᭄ᬤᬶᬂᬦᬩᬸᬄ᭞ᬳᬸᬫᬸᬃᬩ᭄ᬤᬶᬮ᭄ᬫᬸᬦᬶᬳᬢᬶᬫ᭄ᬩᬮᬦ᭄᭟ᬬᬢ᭄ᬣᬤᬾᬯᬶᬓᬸᬭᬶᬳᬾᬲᬶᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬦ᭄ᬕᬭᬾᬂᬳᬭᬩ᭄᭞ᬲᬓᬶᬂᬮᬸᬳᬸᬃᬧ᭄ᬭᬧ᭄ᬢᬫᬗ᭄ᬓᭀ᭞ᬋᬫ᭄ᬋᬫ᭄ᬲᬂᬳ᭄ᬬᬂᬤᬶᬯᬗ᭄ᬓᬭ᭞ᬤᬾᬦᬶᬂᬳᬓᬾᬄᬓᬂ
ᬪᬵᬮ᭞ᬯᭀᬂᬗ᭄ᬳᬭᬩ᭄ᬕᬯᭀᬓ᭄ᬳᬦ᭄ᬤᬸᬮᬸ᭞ᬲᬫᬢᬓᭀᬦ᭄ᬢᬶᬦᬓᭀᬦᬦ᭄᭟ᬳᬸᬫ᭄ᬤᭂᬓ᭄ᬭᬫᬦᬶᬭᬾᬓᬶ᭞ᬫᬯᬄᬲᬋᬂᬳᬶᬪᬵᬹᬦᬶᬭ᭞ᬦᬶᬤᬾᬯᬶᬳᬲ᭄ᬫᬬᬭ᭞ᬦᬶᬤᬾᬯᬶᬳᬲ᭄ᬫᬬᬋᬓᭀ᭞ᬢ᭄ᬯᬦ᭄ᬫᬾᬦᬓ᭄ᬳᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬦᬶᬦᬶᬳᬭᬶᬦᬶᬗ᭄ᬯᬂ᭞ᬫᬶᬯᬄᬲᬶᬭᬳᬦᬓᬶᬗ᭄ᬲᬸᬦ᭄᭞ᬮᬄᬮᬸᬗ᭄ᬕᬸᬄᬯᬵᬳᬶᬂᬚᬳ
Kaca:Bali-lontar-gaguritan-sangkur-udhang-01-300ppi.pdf/112
Kaca puniki sampun kauji-wacén
