Kaca:Bali-lontar-gaguritan-sangkur-udhang-01-300ppi.pdf/111

Saking Wikisource
Kaca puniki sampun kauji-wacén

[᭑᭑᭐ 110 B] (physical label incorrect, should have been 109 B)
᭑᭐᭙
ᬗ᭄ᬓᬾ᭞ᬮ᭄ᬯᬶᬃᬝᬝᬶᬢ᭄ᬧᬶᬩᭂᬃᬳᬶᬧᬸᬦ᭄᭞ᬦᭀᬭᬭᬵᬃᬬ᭄ᬬᬦ᭄ᬫᬭᬳᬶᬂᬫᬵᬃᬖ᭄ᬕᬶ᭞ᬢᬵᬦ᭄ᬧᬦ᭄ᬢᬭᬯᬸᬲ᭄ᬧ᭄ᬭᬧ᭄ᬢᬶ᭞ᬓᬸᬗ᭄ᬓᬸᬮᬦ᭄ᬕᬦ᭄ᬢᬸᬦ᭄᭞ᬕ᭄ᬮᬶᬲ᭄ᬢᬸᬫ᭄ᬤᬓ᭄ᬫᬗ᭄ᬓᬾᬲᬶᬭ᭞ᬫᭀᬦ᭄ᬤᬺᬓᬮ᭞ᬳᬸᬫᬵᬭᬶᬲ᭄ᬮᬫ᭄ᬧᬳᬶᬭᬾᬓᬶ᭞ᬫᬸᬗ᭄ᬕᬄᬫᬭᬶᬂᬘᬦ᭄ᬤᬶᬭᬭᬵᬲ᭄᭛ᬲ᭄ᬫ᭛ᬦᬵᬝᬫᭀᬦ᭄ᬤᬺᬓ
ᬳᬳᬗ᭄ᬮᬶᬂ᭞ᬳᬶᬂᬗᬵᬃᬲᬦᬶᬭᬲᬂᬦᬢ᭄ᬣ᭞ᬲᬦ᭄ᬦᬢ᭄ᬣᬕᬯᭀᬓ᭄ᬢᬋᬓᭀ᭞ᬦᬶᬗᬮᬶᬲᬂᬯᬯᬸᬧ᭄ᬭᬧ᭄ᬢ᭞ᬫᬶᬯᬄᬓᬶᬧᬢᬶᬄᬤ᭄ᬫᬸᬂᬦ᭄ᬤᬵᬂ᭞ᬧᬺᬱ᭄ᬫᬳᬧ᭄ᬬᬓ᭄ᬲᬶᬭᬾᬓᬸ᭞ᬧᬺᬦᬄᬫᭀᬦ᭄ᬤᬺᬓᬮᬮᬶᬗ᭄ᬕ᭄ᬬ᭟ᬲᬂᬦᬢ᭄ᬣᬓᬶᬦᬾᬦ᭄ᬳᬮᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬤᬾᬦᬶᬭᬳᬮᬶᬗ᭄ᬕ᭄ᬬ᭞ᬳᬶᬂ᭠
ᬗᬃᬲᬦᬶᬭᬲᬂᬓᬢᭀᬂ᭞ᬬᬢᬫᬗ᭄ᬓᬾᬢᬲᬓ᭄ᬱᬡ᭄ᬦ᭞ᬲᬂᬦᬢ᭄ᬣᬳᬗᭂᬦ᭄ᬤᬶᬓ᭞ᬢᬢᬫᬸᬲᬓᬶᬂᬦ᭄ᬤᬶᬭᬵᬯᬸᬄ᭞ᬯᬭᬳ᭄ᬦᬫᬗ᭄ᬓᬾᬤᬾᬦ᭄ᬯᬓ᭄ᬘ᭟ᬫᭀᬦ᭄ᬤᬺᬓᬮᬫᬢᬸᬃᬳᬭᬶᬲ᭄᭞ᬳᬫ᭄ᬩᬓᬶᬦᬾᬦ᭄ᬤᬾᬭᬳᬫ᭄ᬱ᭄ᬬᬄ᭞ᬗᬢᬸᬭᬶᬦ᭄ᬤᬶᬓᬲᬂᬓᬢᭀᬂ᭞ᬤᬶᬤᬶ᭠
ᬦ᭄ᬤᬶᬓᬭᬯᬸᬳᬸᬕ᭄ᬕ᭞ᬫ᭄ᬭᬶᬂᬓᬺᬤᬶᬦᬶᬭᬳᬫ᭄ᬱ᭄ᬬᬄ᭞ᬮᬕᬶᬲᬗᬯ᭄ᬮᬲ᭄ᬤᬶᬦᬾᬓᬸ᭞ᬫ᭄ᬯᬄᬲᬋᬂᬭᬳᬶᬧᬤᬸᬓ᭟ᬮᬯᬦ᭄ᬲᬓᬳᬶᬂᬧ᭄ᬭᬫᬵᬦ᭄ᬢ᭄ᬭᬶ᭞ᬯᬸᬲ᭄ᬢᭂᬮᬲ᭄ᬓᬂᬳᬢᬸᬭᬶᬭ᭞ᬓᬤᬶᬧᬯ᭄ᬓᬲ᭄ᬚᬬᬾᬂᬢᬶᬦᭀᬦ᭄᭞ᬲᬤᬶᬤᬶᬓ᭄ᬦᭀᬭᬦᬲᬶᬯᬄ᭞ᬓᬯᬸᬮᬦ᭄ᬥᬳᬫᬶᬢ᭄ᬣ᭞
[᭑᭑᭑ 111 A] (physical label incorrect, should have been 110 A)
ᬦᬸᬮ᭄ᬬᬮᬾᬗ᭄ᬲᬾᬃᬲᬓᬶᬂᬗᬬᬸᬦ᭄᭞ᬦᬸᬚᬾᬂᬳᬶᬦ᭄ᬤᬺᬧᬢᬶᬦ᭄ᬕᬵᬭ᭟ᬯᬸᬲ᭄ᬫᬸᬮᬸᬓᬶᬂᬗᬯ᭄ᬬᬢ᭄ᬣᬶ᭞ᬲᬓᬶᬂᬳᬕ᭄ᬮᬶᬲ᭄ᬢᬶᬦ᭄ᬤᬓᬶᬭ᭞ᬳᬶᬦ᭄ᬤᬺᬧᬢᬶᬗᬸᬗ᭄ᬓᬸᬮ᭄ᬋᬓᭀ᭞ᬯᬸᬲ᭄ᬫᬶᬂᬲᭀᬃᬲᬂᬫᭀᬦ᭄ᬤᬺᬓᬮ᭞ᬯᬸᬲ᭄ᬧ᭄ᬭᬧ᭄ᬢᬾᬂᬲᬶᬭᬾᬂᬤᬭᬢ᭄᭞ᬲᬂᬫᭀᬦ᭄ᬤᬺᬓᬮᬮᬸᬫᬓᬸ᭞ᬳᬦᬸᬚᬾᬂᬲᭀᬃᬭᬶᬂᬩᬜ᭄ᬘᬶ
ᬗᬄ᭟ᬦᭂᬗᬓ᭄ᬦᬳᬦᬓᬯᬃᬡ᭄ᬦᬵᬶ᭞ᬰ᭄ᬭᬶᬦᬮᬾᬦ᭄ᬤᬺᬨᬢ᭄ᬬ᭞ᬓᬮᬲᬶᬦᬾᬩᬲᬂᬓᬢᭀᬂ᭞ᬧᭂᬧᭂᬓ᭄ᬫᬦ᭄ᬢ᭄ᬭᬶᬳᬦᬗ᭄ᬓᬶᬮ᭞ᬳᬗᬩᬶᬳᬶᬲᬂᬦᬢ᭄ᬣ᭞ᬮ᭄ᬯᬶᬃᬲ᭄ᬓᬵᬃᬲ᭄ᬢᬫᬦ᭄ᬳᬶᬦᬸᬮᬸ᭞ᬳᬩ᭄ᬭᬂᬪᬵᬹᬲᬦᬲᬂᬡᬵᬢ᭄ᬣ᭟ᬫᭀᬦ᭄ᬤᬺᬓᬮᬫ᭄ᬭᭀᬚᭀᬕᬶᬂᬗᬃᬱᬶ᭞ᬲᬓᬾᬄᬳᬶᬓᬂᬧᬺᬦᬢ᭄ᬣ᭞ᬲᬫᬶᬳᬧ᭄ᬬᬓ᭄ᬲᬓᬩᬾ
ᬳᬾ᭞ᬢᬸᬫᭀᬡ᭄ᬦᬵᬶᬂᬳᬸᬢᬸᬲᬦ᭄ᬧ᭄ᬭᬧ᭄ᬢ᭞ᬦᬸᬮ᭄ᬬᬲᬋᬂᬳᬮᬶᬗ᭄ᬕ᭄ᬬ᭞ᬦᬵᬢ᭄ᬣᬳᬶᬦ᭄ᬤᬺᬧᬢᬶᬫᬸᬯᬸᬲ᭄᭞ᬳᬾᬄᬢᬵᬫ᭄ᬬᬸᬲᬓᬶᬂᬦ᭄ᬤᬶᬧ᭄ᬭᬧ᭄ᬢ᭟ᬮᬦ᭄ᬧᬸᬦᬵᬧᬓᬵᬃᬬ᭄ᬬᬦᬾᬓᬶ᭞ᬫᭀᬦ᭄ᬤᬺᬓᬮᬳᬸᬫᬢᬸᬭ᭞ᬳᬫ᭄ᬩᬓᬶᬦᬾᬦ᭄ᬧ᭄ᬤᭂᬓ᭄ᬱᬂᬓᬢᭀᬂ᭞ᬤᬾᬦᬶᬭᬲᬂᬚᬬᬾᬂᬭᬡ᭄ᬦᬵ᭞ᬫ᭄ᬯᬄᬭᬤᬾᬦ᭄ᬩᬤᬶᬅ᭄ᬳᬲ᭄ᬓᬵᬃ᭞ᬳᬫ᭄ᬩ
ᬫᬵᬢᬸᬃᬭᬶᬂᬲᬂᬧ᭄ᬭᬪᬵᬹ᭞ᬳᬶᬂᬓᬺᬤᬶᬦᬾᬳᬫᬶᬃᬳᬫ᭄ᬱ᭄ᬬᬄ᭟ᬲᬂᬦᬢ᭄ᬣᬗᬦ᭄ᬤᬶᬓᬳᬭᬶᬲ᭄᭞ᬲᬶᬗ᭄ᬕᬶᬄᬫᬗ᭄ᬓᬾᬲᬸᬦᬵᬭᬶᬫ᭄ᬫ᭞ᬲᬸᬓᬸᬃᬭᬶᬂᬗᬮᬄᬢᬫᬓᭀ᭞ᬳᬾᬄᬢᬧᬢᬶᬄᬚᬸᬕᬸᬮ᭄ᬯᭂ [Strike] ᬲ᭄ᬬ [Strike] ᬲ᭄ᬬ᭞ᬫᬓᬫ᭄ᬯᬄᬚᬸᬕᬸᬮ᭄ᬫᬮᬾᬮ᭞ᬮᬸᬗᬲᬶᬭᬳᬩᬩᬸᬭᬸ᭞ᬬᬦ᭄ᬧᭀᬮᬶᬄᬳᬚᬫ᭄ᬚᬳ᭄ᬦ᭟ᬓ᭄ᬭᬲᬦᬶᬂᬲᬸ᭠