Kaca:Bali-lontar-gaguritan-sangkur-udhang-01-300ppi.pdf/106

[᭑᭐᭕ 105 B] (physical label incorrect, should have been 104 B)
᭑᭐᭔
ᬳᬾᬜ᭄ᬚᬂ᭞ᬧᬸᬢᬸᬢ᭄ᬯᬦ᭄ᬢᬦ᭄ᬯᬗ᭄ᬤᬾᬧ᭄ᬭᬧ᭄ᬢᬶ᭞ᬳᬦ᭄ᬢᭀᬲ᭄ᬦᬕᬶᬳᬾᬜ᭄ᬚᬂ᭟ᬪᬵᬕᬶᬦ᭄ᬤᬫ᭄ᬱ᭄ᬬᬄᬳᬗᬦ᭄ᬤᬶᬓᬭᬶᬲ᭄᭞ᬬᬦ᭄ᬫᬗ᭄ᬓᬵᬦ᭞ᬓᬂᬗᬗ᭄ᬭᬲᬾᬂᬦᬮ᭞ᬮᬄᬘ᭄ᬢᬦᬵᬦᬲᬂᬓᬢᭀᬂ᭞ᬧᬸᬢ᭄ᬭᬦ᭄ᬢᬸᬯᬦ᭄ᬮᬸᬗᬗ᭄ᬭᬸᬭᬸᬄ᭞ᬫᬦ᭄ᬢᬸᬓ᭄ᬫᬦᬯᬢᬦ᭄ᬫᬦ᭄ᬢᬸᬓ᭄ᬢᬾᬓᬶ᭞ᬩ᭄ᬘᬶᬓ᭄ᬳᬦ᭄ᬢᭀᬲ᭄ᬦ᭞ᬘ᭄ᬝᬦᬵᬦᬫᬗ᭄ᬓᬾᬓᬸ᭞ᬰ᭄ᬭᬶᬦᬮᬾ
ᬦ᭄ᬤᬺᬳᬗᬦ᭄ᬤᬶᬓ᭞ᬧᬸᬢᬸᬢ᭄ᬯᬦ᭄᭞ᬳᬗ᭄ᬱᬮ᭄ᬫᬗ᭄ᬓᬾᬳᬗᬸᬮᬢᬶ᭞ᬳᬶᬂᬫᬗ᭄ᬓᬾᬯᬸᬲ᭄ᬓᬧᬗ᭄ᬕ᭄ᬬᬂ᭟ᬤᬾᬭᬾᬂᬳᬲᬢ᭄ᬯᬶᬘᬭᬦᬾᬓᬶ᭞ᬚᬗ᭄ᬕᬲᬓ᭄ᬢ᭄ᬬ᭞ᬲᬋᬂᬩᬾᬲᬦᬶᬭ᭞ᬳᬦᬸᬮ᭄ᬬᬧ᭄ᬭᬧ᭄ᬢᬭᬳᬤᬾᬦ᭄᭞ᬲ᭄ᬯᬭᬦᬾᬰ᭄ᬭᬄᬕᬸᬫᬸᬭᬸᬄ᭞ᬓᬂᬮ᭄ᬯᬶᬃᬓᬶᬮᬢᬦ᭄ᬫᬯᬭᬶᬭᬶᬲ᭄᭞ᬓᬤᬶᬳᭀᬫ᭄ᬩᬓ᭄‌ᬲᬵ
ᬫᬸᬤᬺ᭞ᬲᬶᬭᬫᬵᬃᬬᬳᬶᬓᬸ᭞ᬦᭀᬭᬳᬃᬲᬫᬗ᭄ᬓᬾᬢᬸᬫ᭄ᬥᭂᬓ᭄᭞ᬳᬶᬂᬕᬕᬡᬵ᭞ᬲᬶᬗᬶᬤ᭄ᬫᬗ᭄ᬓᬾᬧᭀᬮᬄᬦᬾᬓᬶ᭞ᬢ᭄ᬯᬦ᭄ᬫᬾᬦᬓ᭄ᬥᬸᬓᬶᬂᬘᬢ᭄ᬣ᭟ᬚᬮᬭᬦᬾᬳᬓᬾᬲᬄᬳᬶᬂᬗᬸᬦᬶ᭞ᬳᬶᬓᬓ᭄ᬭᬦ᭞ᬓᬭᬶᬳᬶᬗ᭄ᬕᬕᬡ᭄ᬦᬵ᭞ᬳᬶᬗᬦ᭄ᬤᬨᬸᬫᬸᬂᬲ᭄ᬯᬭᬦᬾ᭞ᬯᭀᬂᬫᭀᬦ᭄ᬤᬺᬓᬮᬳᬫ᭄ᬓᬸᬮ᭄᭞
ᬓᭀᬢᬶᬓᭀᬢᬶᬯᭀᬗ᭄ᬭᬫ᭄ᬩᬢᬶ᭞ᬳᬫᬶᬓᬸᬮ᭄ᬩᬩᬦ᭄ᬤᬭᬦ᭄᭞ᬤᬾᬦ᭄ᬲᬸᬯᭀᬂᬗ᭄ᬰᬮᬚᬸ᭞ᬳᬸᬫᬜ᭄ᬚᬶᬗᬾᬦᬵᬕ᭄ᬓᬸᬢᬾᬂᬗᬭᬩ᭄᭞ᬦᬸᬮ᭄ᬬᬫᬸᬗ᭄ᬕᬸᬄ᭞ᬳᬶᬂᬧᬲᬾᬩᬦ᭄ᬫᬗ᭄ᬓᬾᬓᬓ᭄ᬱᬶ᭞ᬳᬯᬲ᭄ᬫᬗ᭄ᬓᬾᬢᬸᬫᬶᬗᬮ᭄᭞ᬩᬕᬶᬦ᭄ᬤᬵᬫ᭄ᬱ᭄ᬬᬄᬓᬕᬾᬢ᭄ᬳᬦᬶᬗᬵᬮᬶᬦ᭄᭞ᬫᬭᬶᬂᬧᬸᬢᬺ᭞ᬦᬸᬮ᭄ᬬᬭᬶᬦ
[᭑᭐᭖ 106 B] (physical label incorrect, should have been 105 A)
ᬗ᭄ᬓᬸᬮ᭄᭞ᬥᬸᬄᬫᬵᬲ᭄ᬫᬶᬭᬄᬳᬦᬓᬶᬗᭀᬂ᭞ᬲᬸᬓᬸᬃᬩᬕᬾᬬᬭᬯᬸᬄ᭞ᬋᬧᬢ᭄ᬫᬚᬫᬗ᭄ᬓᬾᬬᬳᬕ᭄ᬮᬶᬲ᭄᭞ᬗᬪᬵᬓ᭄ᬢᬶᬳᬲᬸᬂᬲᬮᬫ᭄᭞ᬬᬢᬲᬋᬂᬮᬸᬗ᭄ᬕᬸᬄ᭞ᬳᬮᬸᬗ᭄ᬕᬸᬳᬶᬂᬚᬳᬦ᭄ᬳᭂᬫᬲ᭄᭞ᬤᬵᬦ᭄ᬗᬦ᭄ᬤᬶᬓ᭞ᬳᬢᬦ᭄ᬬᬳᬶᬂᬧᬸᬢ᭄ᬭᬦᬾᬓᬶ᭞ᬯᭀᬂᬦ᭄ᬤᬶᬳᬶᬓᬶᬳᬓᬢᬄ᭞ᬋᬧᬢ᭄ᬫᬚ
ᬫᬗ᭄ᬓᬾᬫᬢᬸᬃᬳᬭᬶᬲ᭄᭞ᬫᬭᬶᬂᬭᬫ᭄ᬫ᭞ᬲᬶᬗ᭄ᬕᬶᬄᬳᬶᬓᬶᬭᬫ᭄ᬫ᭞ᬳᬶᬂᬫᬶᬦ᭄ᬤᬺᬓᬮᬲᬗ᭄ᬓᬦᬾ᭞ᬧᬸᬢᬺᬢ᭄ᬯᬦ᭄ᬓᬭᬶᬧᬸᬗ᭄ᬓᬸᬃ᭞ᬮᬦ᭄ᬲᬂᬦᬢ᭄ᬣᬫᭀᬦ᭄ᬤᬺᬓᬮᬾᬓᬶ᭞ᬤᬾᬭᬾᬂᬧ᭄ᬥᭂᬓ᭄ᬳᬦ᭄ᬤᬶᬓ᭞ᬳᬶᬂᬕᬕᬡᬵᬓᬦ᭄ᬢᬸᬦ᭄᭞ᬲᬋᬂᬳ᭄ᬯᬳᬸᬫᬵᬃᬫᬬ᭞ᬭᬶᬲᬓ᭄ᬱᬦ᭞ᬭᬳᬤ᭄ᬬᬦ᭄ᬮᬫᬸᬦᬧ᭄ᬭᬧ᭄ᬢᬶ᭞ᬢᬸᬫ᭄ᬥ
ᬓ᭄ᬱᬓᬶᬂᬕᬕᬡ᭄ᬦᬵ᭟ᬲᬂᬦᬢ᭄ᬣᬲᬋᬂᬳᬸᬫᬵᬃᬫᬬᬾᬓᬶ᭞ᬯᬸᬲ᭄ᬢᬸᬫᭂᬤᭂᬓ᭄᭞ᬦᬸᬮ᭄ᬬᬳᬸᬫᬋᬓ᭞ᬧᬺᬲᬫᬫᬸᬗ᭄ᬕᬳᬋᬓᬾ᭞ᬧᬢᬶᬄᬭ᭄ᬯᬗᬶᬭᬶᬂᬧᬸᬗ᭄ᬓᬸᬃ᭞ᬚᬸᬕᬸᬮ᭄ᬳᬩᬂᬮᬜ᭄ᬚᬸᬕᬸᬮ᭄ᬧᬸᬢᬶᬄ᭞ᬯᬸᬲ᭄ᬧ᭄ᬭᬧ᭄ᬢᬳᬶᬂᬗ᭄ᬳᬬᬸᬦᬦ᭄᭞ᬳᬸᬫᬵᬃᬫᬬᬮᬸᬗ᭄ᬕᬸᬄ᭞ᬳᬶᬂᬗᬵᬃᬲᬦᬾᬚᬬᬾᬂᬭᬡ᭄ᬦᬵ᭞ᬦᭀᬭᬳᬵᬃᬱ
᭞ᬤᬾᬦᬾᬭᬳᬤᬾᬦ᭄ᬗᬩᬓ᭄ᬢᬶ᭞ᬳᬶᬂᬗᬸᬭᬶᬤᬾᬦ᭄ᬬᬮᬶᬗ᭄ᬕ᭄ᬬ᭟ᬭᬤᬾᬦ᭄ᬓᬮᬶᬄᬲᬋᬂᬳᬗᬪᬵᬓ᭄ᬢᬶ᭞ᬲᬃᬯ᭄ᬯᬶᬗᬭᬲ᭄᭞ᬧᬤᬦᬾᬳ᭄ᬬᬂᬗᬶᬭ᭞ᬫᬶᬯᬄᬳᬲᬸᬚᬸᬖ᭄ᬕᬋᬓᬾ᭞ᬚᬗ᭄ᬕᬲᬓ᭄ᬢᬶᬲᬂᬧ᭄ᬭᬪᬵᬹ᭞ᬮᬦ᭄ᬳᬶᬩᬸᬦᬾᬤᬾᬦ᭄ᬳᬲᭂᬫ᭄ᬩᬳᬶᬦ᭄᭞ᬓᬯᬸᬮᬦ᭄ᬤᬮᬸᬕ᭄ᬭᬳ᭞ᬳᬫ᭄ᬱ᭄ᬬᬄᬗᬦ᭄ᬤᬶᬓ