Kaca:Bali-lontar-gaguritan-sangkur-udhang-01-300ppi.pdf/103

[᭑᭐᭒ 102 B] (physical label incorrect, should have been 101 B)
᭑᭐᭑
ᬭᬫᬮᬶᬄᬚᬸᬭᬶᬢ᭄᭞ᬳᬧᬦᬶᬂᬲᬸᬦ᭄ᬯᬸᬲᬵᬯ᭄ᬭᬸᬳ᭟ᬳᬧᬦ᭄ᬲᬶᬭᬳᬶᬂᬫᬗ᭄ᬓᬾᬳᬲᬦᬓ᭄ᬫᬢᬶ᭞ᬳᬶᬥᭂᬧ᭄ᬳᬸᬚᬭᬶᬗ᭄ᬯᬂ᭞ᬳᬚᬲᬶᬭᬫᬮᬶᬄᬚᬸᬭᬶᬢ᭄᭞ᬬᭀᬕ᭄ᬬᬲᬋᬂᬧ᭄ᬚᬄᬕ᭄ᬲᬂ᭟ᬳᬾᬄᬢᬲᬶᬭᬫᬺᬢ᭄ᬣᬧᬢᬶᬩᬸᬬᬸᬢ᭄ᬫᬫᬶ᭞ᬫᬶᬯᬄᬩᬤᬶᬓ᭄ᬳᬲ᭄ᬓᬵᬃ᭞ᬲᬶᬭᬤᬤᬶᬧᬦ᭄ᬯᬫᬗ᭄ᬓᬶᬦ᭄᭞ᬫᬺᬢ᭄ᬣᬧᬢᬶᬳᬭᬶᬦᬶ
ᬭ᭟ᬯ᭄ᬦᬗᭂᬦᬲᬶᬭᬫᬗ᭄ᬓᬾᬳᬜᭂᬫ᭄ᬩᬳᬶᬦ᭄᭞ᬫᬭᬶᬂᬭᬓᬵᬦ᭄ᬦᬶᬭ᭞ᬫᬺᬢ᭄ᬝᬧᬢᬶᬫᬢᬹᬃᬪᬵᬓ᭄ᬢᬶ᭞ᬲᬶᬗ᭄ᬕᬶᬄᬓᬓᬂᬩᬤᬶᬅ᭄ᬳᬲ᭄ᬓᬵᬃ᭞ᬦᬪᬵᬶᬳᬶᬮᬶᬃᬫᬸᬱ᭄ᬡᬢᬵᬦᬦᬓᬳᬓ᭄ᬲᬶ᭞ᬫᬭᬶᬂᬗᬯᬂᬗᬯᬂ᭞ᬳᬯᭀᬮᬯᬦ᭄ᬫᬾᬕᬧᬸᬢᬶᬄ᭞ᬫᬦ᭄ᬢᬸᬓ᭄ᬫᬭᬶᬂᬰ᭄ᬯᬃᬖ᭄ᬕᬮᭀᬓ᭟ᬩᬤᬶᬅ᭄ᬳᬲ᭄ᬓᬵᬃᬳᬵᬃᬲᬦᬾᬫᬗ᭄ᬓᬾᬗᬸᬮ
ᬢᬶ᭞ᬲᬋᬂᬫᬺᬢ᭄ᬣᬧᬢ᭄ᬬ᭞ᬳᬗᬸᬮᬢᬶᬭᬫᬦᬾᬓᬶ᭞ᬳᬶᬂᬫᭀᬦ᭄ᬤᬺᬓᬮᬦ᭄ᬕᬵᬭ᭟ᬦᬸᬮ᭄ᬬᬲᬋᬂᬲᬓᬭᭀᬦᬾᬳᬗᬸᬮᬢᬶ᭞ᬮᬚᬸᬦ᭄ᬬᬮᬸᬫᬫ᭄ᬧᬄ᭞ᬲ᭄ᬓᬭᭀᬦᬾᬳᬗᬸᬮᬢ᭄ᬣᬶ᭞ᬲᬋᬂᬓᬃᬯ᭄ᬯᬢᬮᬸᬫᬫ᭄ᬧᬄ᭟ᬦᭂᬗᬓ᭄ᬦᬮᬫ᭄ᬧᬳᬶᬭᬫᬗ᭄ᬓᬾᬓᬵᬮᬶᬄ᭞ᬳᬕ᭄ᬮᬶᬲ᭄ᬲᬶᬂᬘᬭᬶᬢ᭞ᬮ
ᬫ᭄ᬧᬳᬶᬭᬳᬦᬾᬂᬫᬵᬃᬖ᭄ᬕᬶ᭞ᬯᬸᬲ᭄ᬓᬸᬗ᭄ᬓᬸᬮᬦ᭄ᬫᭀᬦ᭄ᬤᬺᬓᬮ᭛ᬤᬹᬃ᭛ᬮᬄᬢᬧᬬᬸᬬᬬᬶᬢᬸᬫᬸᬭᬸᬦ᭄ᬗᬫᬸᬓ᭞ᬲᬫᬧ᭄ᬭᬶᬬᬢ᭄ᬦᬾᬂᬬᬬᬶ᭞ᬯᬸᬲ᭄ᬧ᭄ᬭᬶᬬᬢ᭄ᬦᬲᬶᬭ᭞ᬭᬶᬂᬲᬓ᭄ᬱᬡ᭄ᬦᬵᬯᬸᬲ᭄ᬢᬸᬫ᭄ᬤᬓ᭄᭞ᬯᬸᬲ᭄ᬧ᭄ᬭᬧ᭄ᬢᬫᬗ᭄ᬓᬾᬢᬸᬫᬸᬮᬶ᭞ᬮᬚᬸᬗᬫᬸᬓ᭞ᬫᭀᬦ᭄ᬤᬺᬓᬮᬳᬫᬸᬓᬶ᭟ᬧᬗᬫᬸᬓᬾ
[᭑᭐᭓ 103 A] (physical label incorrect, should have been 102 A)
ᬮ᭄ᬯᬶᬃᬲᬗᬗᬫᬳᬫᬄ᭞ᬲᬶᬂᬢᬶᬦᬺᬚᬂᬧᬢᬾᬦᬶ᭞ᬳᬓᬾᬄᬯᭀᬂᬗᬾᬓᬂᬧ᭄ᬚᬄ᭞ᬯᬗ᭄ᬓᬾᬳᬲᬸᬲᬸᬦ᭄ᬢᬸᬫ᭄ᬧᬵᬂ᭞ᬲᬬᬦ᭄ᬓ᭄ᬭᭀᬤᬳᬗᬫᬸᬓᬶ᭠ᬦ᭄᭞ᬯᭀᬂᬫᭀᬦ᭄ᬤ᭄ᬭᬓᬮ᭞ᬲᬬᬦ᭄ᬳᬓᬾᬂᬫᬢ᭄ᬣᬶ᭟ᬢᭀᬂᬩᬲ᭄ᬓᬭᬲᬫᬫᬸᬦ᭄ᬥᬸᬭᬾᬂᬧᬬᬸᬤᬦ᭄᭞ᬧᬲᬗ᭄ᬕ᭄ᬭᬳᬦ᭄ᬤᬾᬦ᭄ᬳᬸᬗ᭄ᬲᬶ᭞ᬦᬵᬢ᭄ᬝᬫᬺᬢ᭄ᬣᬯᬗ᭄ᬰ᭞ᬲᬋᬂᬮᬦ᭄ᬳᬸ
ᬫᬵᬃᬫᬬ᭞ᬳᬶᬫᬸᬦ᭄ᬲᬸᬯᭀᬗ᭄ᬲᬗᬮᬶ᭞ᬳᬶᬂᬧᭀᬮᬄᬳᬶᬭ᭞ᬤᬾᬦᬶᬭᬳᬗᬫᬸᬓᬶ᭟ᬧᬺᬱᬫᬦᬾᬳᬶᬗᬫᬸᬓ᭄ᬯᭀᬂᬫᭀᬦ᭄ᬤᬺᬓ᭠ᬮ᭞ᬩᬬᬓᬂᬲᬓᬶᬂᬧᬸᬦ᭄ᬤᬶ᭞ᬯᭀᬯᭀᬂᬗᬗᬫᬸᬓᬶᬓ᭞ᬕᬚᬄᬳᬸᬮᬸᬂᬤᬾᬦᬕ᭄ᬮᬶᬲ᭄᭞ᬢᬦ᭄ᬧᬦ᭄ᬢᬭᬦ᭄ᬬ᭞ᬮᬯᬦ᭄ᬯᭀᬂᬗᬫᬸᬔᬶᬓᬶ᭟ᬧᬮᬬᬸᬦᬾᬲᬮᬾᬂᬕᬸ
ᬮᬸᬂᬮᬯᬦ᭄ᬭᭀᬯᬂ᭞ᬲᬯᬶᬚᬶᬦᭀᬭᬓᬭᬶ᭞ᬲᬯ᭄ᬦᬾᬄᬫᬗ᭄ᬓᬾᬫᬢᬸᬭ᭞ᬳᬶᬗᬢᬸᬃᬲᬧᭀᬮᬄᬦᬾᬓᬶ᭞ᬲᬶᬭᬭᬳᬤ᭄ᬬᬦ᭄᭞ᬩᬤᬶᬅ᭄ᬳᬲ᭄ᬓᬵᬃᬗᬫᬸᬓᬶ᭟ᬦ᭄ᬤᬦ᭄ᬲᬂᬦᬢ᭄ᬣᬮᬶᬦ᭄ᬢᬂᬓᬕ᭄ᬬᬢ᭄ᬦᬮᬦᬶᬭ᭞ᬧᬦ᭄ᬩᬤᬶᬅ᭄ᬳᬲ᭄ᬓᬵᬃᬗᬫᬸᬓᬶ᭞ᬳᬯᬲ᭄ᬓᬢᬶᬗᬮᬦ᭄᭞ᬤᬸᬓᬶᬂᬬᬸᬤᬫ᭄ᬭᬶᬂᬗᬯᬦ᭄᭞ᬩ᭄ᬘᬶᬓ᭄ᬳᬶᬂᬲᬸᬦ᭄ᬫ
ᬗ᭄ᬓᬾᬦᬶᬗ᭄ᬓᬸᬮᬶ᭞ᬫᬸᬂᬧᬸᬂᬓᬭᬶᬕᭂᬲᬂ᭞ᬯᬲ᭄ᬢ᭄ᬭᬧ᭄ᬝᬓ᭄ᬧᬜ᭄ᬚᬂᬭᭀᬂᬤ᭄ᬧᬶ᭟ᬬᬢ᭄ᬝᬧ᭄ᬭᬧ᭄ᬢᬫᭀᬦ᭄ᬤᬺᬓᬮᬲᬋᬂᬧᬢ᭄ᬬ᭞ᬲᬩᬵᬮᬦᬶᬭᬲᬫ᭄ᬫᬶ᭞ᬗᬢᬸᬃᬧᬦᬸᬗ᭄ᬓᬸᬮ᭄ᬳᬶᬭ᭞ᬫ᭄ᬭᬶᬂᬲᬶᬭᬩᬤᬶᬅ᭄ᬳᬲ᭄ᬓᬵᬃ᭞ᬲᬶᬗ᭄ᬕᬶᬄᬢᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬗ᭄ᬓᬾᬓᬯᬸᬮ᭞ᬳᬫ᭄ᬩᬦ᭄ᬥᬳᬸᬭᬶᬧ᭄ᬫᬗ᭄ᬓᬶᬦ᭄᭟ᬦ᭄ᬥᬫᬗ᭄ᬓᬾᬲᬫ᭄ᬧᬸᬭᬦᭂ