[ ᭔᭕ 45B]
᭔᭕᭞
ᬢᬸᬂᬫᬲ᭄ᬳᬃᬣᬕᬸᬫᬶ᭞ᬕ᭄ᬤᭀᬂᬫᬶᬭᬄᬤᬗᬶᬢᬸᬗᬂ᭞ᬫ᭄ᬩᬳᬦ᭄ᬲ᭄ᬯᬃᬕ᭄ᬕᬲᬤᬫᭀᬫᭀᬢ᭄᭞ᬧᬮᬶᬂᬓᬾᬄᬲᬗᬸᬧᬤᬶᬤ᭄ᬬᬦ᭄᭞ᬤᬶᬢᬸᬳᬸᬫᬄᬳᬦᬓ᭄ᬤᬳᬓ᭄᭞ᬲᬗ᭄ᬓᭂᬧ᭄ᬤᬕᬶᬂᬦᭀᬭᬲᬗᬸ᭞ᬤᬶᬢᬸᬩᬋᬂᬳᬚᬓ᭄
ᬫ᭄ᬯᬄ᭟ᬧᬤᬤᬤᬶᬓᬸᬭᬂᬩᬸᬓ᭄ᬢᬶ᭞ᬲᬶᬂᬢᬯᬂᬕ᭄ᬦᬄᬦᬸᬫ᭄ᬩᬲᬂ᭞ᬲᬗ᭄ᬓᬦ᭄ᬕᭂᬦᭂᬧᬶᬦ᭄ᬲᬲᬗᭀᬦ᭄᭞ᬧᬂᬗᬗ᭄ᬲᭂᬄᬫ᭄ᬩᬸᬓ᭄ᬢᬶᬲᬶᬸᬲᬧᬶᬲᬦ᭄᭞ᬦᬶᬓᬸᬮ᭄ᬓᬾᬳᬶᬂᬳᬸᬧᬩᭀᬕ᭞ᬭᬾᬄᬤᬶᬢᬸᬳᬭᬂᬬᬲ᭄ᬓᬸᬮ᭄᭞ᬲᬸᬦ᭄ᬬᬢᬦ᭄ᬧ
ᬲᬩᬦ᭄ᬚᬦ᭄ᬫ᭟ᬓᬾᬢᭀᬩᬦ᭄ᬫᬶᬦ᭄ᬤᬤᬶᬳᬢᬶ᭞ᬭᬾᬄᬧᬮᬶᬂᬮᬶᬧᬸᬢ᭄ᬳᬶᬦ᭄ᬤ᭄ᬭᬶᬬ᭞ᬢᬺᬱ᭄ᬡᬦᬾᬫᬗᬧᬸᬲ᭄ᬓᬳᭀᬢ᭄᭞ᬮᬮᬶᬢ᭄ᬓᬾᬦ᭄ᬕᭂᬮᬄᬳᭀᬜ᭞ᬓᬤᬾᬦ᭄ᬲᬚᬳᬩᬜ᭞ᬳᬦ᭄ᬢᬸᬓ᭄ᬲᬂᬢᬶᬦᭀᬦᬶᬂᬓᬬᬸᬦ᭄
᭞ᬧᬸᬧᬸᬢ᭄ᬦᭀᬭᬓᬲᬗ᭄ᬯᬂ᭟ᬲᬸᬩᬵᬲᬸᬩᬓᬃᬫ᭄ᬫᬗᬸᬦᬶ᭞ᬢᭀᬬᬮ᭄ᬯᬶᬄᬲᬗᬸᬦ᭄ᬳᬢ᭄ᬫ᭞ᬬᬾᬦ᭄ᬳᬮᬢᬗᬸᬦᬂᬳᭂᬦ᭄ᬢᭀ᭞ᬲᬃᬯ᭄ᬯᬳᬮᬲᬗᬸᬦ᭄ᬳᬢ᭄ᬫ᭞ᬦᬗᬸᬦ᭄ᬳᬬᬸᬭᬶᬂᬲᬲᬭᬢ᭄᭞ᬫᬧᬲᬗᬸᬲᬂᬯ᭄ᬯᬳᬬᬸ᭞ᬬ
[ ᭔᭖ 46A]
ᬫᬦᬸᬦ᭄ᬢᬸᬦ᭄ᬢᭂᬓᬾᬂᬧᬭᬦ᭄᭟ᬧ᭄ᬭᬕᬢ᭄ᬲᬶᬂᬚᬩᬦ᭄ᬩᬾᬬᬦᬶᬦ᭄᭞ᬢ᭄ᬯᬭᬩᬦ᭄ᬢᬦ᭄ᬧᬩᬾᬬ᭞ᬲᬗ᭄ᬓᬦᬶᬂᬓᬫᭀᬓ᭄ᬱᬦ᭄ᬋᬓᭀ᭞ᬫᬓᬤᬶᬲ᭄ᬯᬃᬕ᭄ᬕᭀᬢᬫ᭞ᬬᬦ᭄ᬢᬦ᭄ᬳᬶᬤᭂᬧ᭄ᬢᬸᬢᬸᬃᬲᬤ᭞ᬢᬦ᭄ᬳᬸᬭᬸᬂ
ᬤᬸᬓᬲᬳᬸᬫᬸᬃ᭞ᬦᬦ᭄ᬤᬂᬍᬍᬄᬲ᭄ᬗᬮ᭄ᬲ᭄ᬗᬮ᭄᭟᭐᭟ᬧᬸᬄᬤᬂᬤᬂ᭟ᬤᬂᬤᬂᬫᬮᬶᬄᬬᬲᬳᬸᬃᬜᬫ᭄ᬩᬸᬗᬶᬦ᭄᭞ᬢ᭄ᬯᬄᬲᬚ᭞ᬬᬦ᭄ᬢᬦ᭄ᬯ᭄ᬭᬸᬄᬗᬸᬦ᭄ᬤᬸᬓᬂ᭞ᬭᬾᬳᬶᬂᬫᬸᬮᬲᬭᬶᬭᬦᬾ᭞ᬫᬯᬓ᭄ᬩᬾᬬᬳᭀ
ᬜᬗᬜᬸᬢ᭄᭞ᬬᬾᬶᬸᬭᬄᬢᬸᬬᬸᬄᬢᬦ᭄ᬧᬧᬶᬓᭀᬮᬶᬄ᭞ᬬᬦ᭄ᬢᬦ᭄ᬢᬦᬶᬧ᭄ᬮᬚᬳᬂ᭞ᬩᬸᬗᬂᬲᬤ᭄ᬭᬶᬧᬸᬦᬾᬗᬫᬸᬓ᭄᭞ᬳᬫ᭄ᬭᬶᬄᬧᬸᬚ᭄ᬬᬦᬶᬂᬲᬭᬢ᭄᭞ᬓᬚᬸᬢ᭄ᬬᬦᬾ᭞ᬧᬬᬸᬫᬶᬗ᭄ᬓᬶᬭᬶᬂᬬᬫᬦᬶ᭞ᬓ᭄ᬦᬲᭂ
ᬗ᭄ᬕᬄᬲ᭄ᬯᬃᬕ᭄ᬕᭀᬢᬦᬶᬸᬫ᭟ᬓᬾᬢᭀᬤᬤᬶᬢᭀᬬᬢᬦ᭄ᬓᭀᬮᬢᬶ᭞ᬦᬾᬧᬲᬚ᭞ᬭᬶᬂᬩᬸᬫᬶᬳᬓᬲ᭞ᬧᬦ᭄ᬧᬤᬫᬶᬲᬶᬢᬶᬕᬦᬾ᭞ᬳᬸᬮᬢ᭄ᬧ᭄ᬤᬲᬵᬂᬮᬸᬳᬸᬃ᭞ᬧᬤᬦ᭄ᬳᭂᬮᬶᬂᬕᬸᬕᬸᬚᬢᬶ᭞ᬢᬶᬕ
Kaca:Bali-lontar-gaguritan-sandisastra-300ppi.pdf/46
Kaca puniki sampun kauji-wacén
