[ ᭓᭙ 39B]
᭓᭙᭞
ᬩᬢᬶᬜᬢᬦ᭄ᬓᭂᬢᬶᬓᭂᬢᬶ᭟ᬤᬤᬶᬬᬢᭀᬲᬫ᭄ᬩᬢ᭄ᬥᬃᬫ᭄ᬫ᭞ᬲ᭄ᬯᬾᬘᬧᬶᬲᬦ᭄ᬗᬶᬕᬸᬤ᭄ᬕ᭄ᬮᬳᬾᬧᬂᬩᭂᬃᬲᬶᬄ᭞ᬚᬶᬦᬄᬭᬩᬵᬜᬜᬸᬫ᭄ᬧᬸᬢ᭄᭞ᬩᬲᬂᬩᭂᬗ᭄ᬓᬶᬲ᭄ᬲ᭄ᬫᬸᬢᬶᬗ᭄ᬕᬃ᭞ᬧᬮᬦ᭄ᬤᭂᬳᭂᬃ᭞ᬫᬸᬗ᭄ᬕᬸᬗᬶᬦ᭄ᬲᬳᬸᬫᬸᬃᬳᬶᬤᬸᬧ᭄᭞ᬢ᭄ᬯᬶᬲᬸ
ᬕᬶᬄᬫᬯᬓ᭄ᬢᬶᬯᬲ᭄᭞ᬧᬦ᭄ᬓᭂᬦᬩᬳᬦ᭄ᬮᭀᬩᬚᬳᬶᬮ᭄᭟ᬭᬾᬄᬤᬕᬂᬳᬚᬸᬫ᭄ᬳᬸᬢᬫ᭞ᬲᬓᬶᬂᬗᬸᬦᬶᬬᬦ᭄ᬫᬬᬦᬶᬦ᭄ᬮ᭄ᬯᬶᬄ᭞ᬕ᭄ᬦᬄᬦᬸᬭᬸᬩ᭄ᬕᭂᬮᬄᬮ᭄ᬬᬸ᭞ᬲᭀᬭᭀᬄᬲᬦᬾᬫ᭄ᬮᬄᬫ᭄ᬮᬄ᭞ᬲᬃᬯ᭄ᬯᬫᬸᬮᬾ ᭞ᬫᬲ᭄ᬫᬶᬭᬄᬲᬫᬶᬤᬗᬶ
ᬢᬸᬂ᭞ᬩ᭄ᬦᭂᬄᬚᬦᬶᬪᬬᬳᬾᬗ᭄ᬕᬮ᭄᭞ᬳᬸᬢᬫᬬᬦ᭄ᬫᬢᬶᬢᬫ᭄ᬧᬶ᭟ᬦᬶᬓᬢᬸᬯᬸᬃᬮ᭄ᬯᬶᬄᬓᭀᬘᬧ᭄᭞ᬲᬶᬂᬩ᭄ᬮᭀᬕᬦ᭄ᬬᬜ᭄ᬭᬳᬂᬳᬃᬣᬕᬸᬫᬶ᭞ᬮᬶᬦ᭄ᬢᬂᬓᭂᬦ᭄ᬤᭂᬮ᭄ᬫ᭄ᬩᬳᬦ᭄ᬲᬗ᭄ᬕᬸᬧ᭄᭞ᬬᬦ᭄ᬫᬢᬶᬋᬓᭀᬲ᭄ᬯᬃᬕ᭄ᬕ᭞ᬩᬲ᭄ᬓᬮᬶᬦ᭄ᬢᬂ᭞ᬤᭂ
ᬳᭂᬗᬾᬓᬸᬫ᭄ᬧᬸᬮ᭄ᬤᬶᬓᬬᬸᬦ᭄᭞ᬫ᭄ᬮᬶᬫᬸᬜᬶᬲᬶᬸᬦ᭄ᬫᬲ᭄ᬳᬃᬣ᭞ᬳᬶᬲᬶᬜᬬᬦ᭄ᬫᬢᬶᬢᬫ᭄ᬧᬶ᭟ᬳᭂᬦ᭄ᬢᭀᬤᬤᬶᬬᬦ᭄ᬳᬩᭀᬢᬂ᭞ᬫᬕᬸᬭᬸᬯᬶᬦ᭄ᬭᬶᬂᬲᬂᬲᬫ᭄ᬧᬸᬦ᭄ᬫᬯᬓ᭄ᬚᬚᬶ᭞ᬦᬾᬢᭂᬲ᭄ᬭᬶᬂᬧᬲᬸᬓ᭄ᬯᭂᬢᬸ᭞ᬢ᭄ᬯᬶᬥᬃᬫ᭄ᬫᬓᬧᬦ᭄ᬥᬶᬢᬦ᭄᭞
[ ᭔᭐ 40A]
ᬲᬚᬗᬤᭂᬧ᭄᭞ᬫᬸᬜᬶᬩᬦ᭄ᬫᬲ᭄ᬫᬶᬭᬄᬮ᭄ᬬᬸ᭞ᬭᬾᬄᬲᬩ᭄ᬤᬚᬢᬶᬦᬾᬩᬬᬄ᭞ᬳᬦ᭄ᬢᬸᬓ᭄ᬗᬶᬭᬶᬂᬦᭂᬓᬾᬂᬳᬢᬶ᭟ᬲᬗ᭄ᬓᬦ᭄ᬯᬭᬄᬲᬂᬧᬡ᭄ᬥᬶᬢ᭞ᬲᬃᬯ᭄ᬯᬩᬭᬂᬬᬩᬬᬄᬩᬦ᭄ᬳᬃᬣᬕᬸᬫᬶ᭞ᬳᬗᬶᬦ᭄ᬳᬶᬤᭂᬧ᭄ᬕᭀᬦ᭄ᬦᬯᬸᬃ᭞ᬳᬢ᭄ᬫᬚᬶᬯᬧ
ᬫ᭄ᬩᬬᬄᬜ᭞ᬮᬫᬸᬦ᭄ᬫᬢᬶ᭞ᬫᬢᬸᬢᬮ᭄ᬬᬸᬲ᭄ᬗ᭄ᬕᭀᬦ᭄ᬦᬯᬸᬃ᭞ᬩᬸᬓᬳᬦ᭄ᬤᬾᬜᬫᬫᬶᬓᬢ᭄᭞ᬧᬓ᭄ᬱᬶᬧᬢᬸᬄᬗ᭄ᬕᭀᬦ᭄ᬫᬶᬓᬸᬢᬶᬦ᭄᭞ᬢᭀᬬᬯᬗ᭄ᬲᬶᬢ᭄ᬩᬩ᭄ᬦᭂᬳᬦ᭄᭞ᬧᬂᬲᬫ᭄ᬧᬸᬦ᭄ᬜᭂᬦ᭄ᬗᬤᬾᬦᬂᬳᬯᬓ᭄ᬲᬳᬶ᭞ᬫᬸᬗ᭄ᬕᬸᬗᬶᬦ᭄ᬩᬦ᭄ᬤᬸᬭᬸᬂ
ᬢᬳᬸ᭞ᬲᭀᬓ᭄ᬲᬸᬩᬫ᭄ᬩᬳᬦ᭄ᬫᬶᬦ᭄ᬤ᭄ᬭᬶᬬ᭞ᬬᬫᬓᬤ᭞ᬓᬾᬄᬤᬸᬃᬰᬶᬮᬫᬮᬗ᭄ᬮᬶᬧᬸᬢ᭄᭞ᬤ᭄ᬫᭂᬦ᭄ᬫᬫᬮᬶᬗᬶᬦ᭄ᬳᬢᬓ᭄᭞ᬲᬳᬶᬗᬧᬸᬲ᭄ᬫᬦᬄᬳᬸᬭᬶᬧ᭄᭟ᬬᬦᬶᬂᬲᬶᬤ᭄ᬥᬲᬫ᭄ᬧᬸᬦ᭄ᬧᬶᬲᬦ᭄᭞ᬫᬕᬸᬭ᭄ᬯᬶᬦ᭄ᬦᬾᬗ᭄ᬕᬯᬾᬓᬶᬭᬸᬢ᭄ᬗ
ᬗᭀᬩᬶᬦ᭄᭞ᬬᬦ᭄ᬫ᭄ᬭᬶᬄᬢᬸᬭᬸᬦᬦ᭄ᬳᬬᬸ᭞ᬓᬲᬶᬳᬦᬶᬂᬳ᭄ᬬᬂᬲᬸᬓ᭄ᬱ᭄ᬫ᭞ᬦᬾᬧᬲᬚ᭞ᬕᬸᬕᬸᬓᬘᬘᬤ᭄ᬤᬗ᭄ᬭᬸᬗᬸ᭞ᬲᭀᬓ᭄ᬲᬸᬩᬬᬫᬸᬮᬦ᭄ᬬᬧᬮᬯᬶᬤ᭄ᬥᬶᬲᬶᬄᬲᬸᬂᬓᬦ᭄ᬢᬶ᭟ᬬᬦᬶᬂᬲ᭄ᬦᭂᬂᬗᬧᬸᬲ᭄ᬭᬕ᭞ᬬᬫᬓᬤᬢᬸᬭᬸ
Kaca:Bali-lontar-gaguritan-sandisastra-300ppi.pdf/40
Kaca puniki sampun kauji-wacén
