[ ᭓᭘ 38B]
ᬢ᭄᭞ᬦᬾᬫ᭄ᬦᭂᬂᬲᭂᬗ᭄ᬕᬸᬄᬫᬫᬸᬜᬶ᭞ᬤᬸᬃᬚ᭄ᬚᬦᬲᭂᬗ᭄ᬕᬸᬄᬲᬸᬚᬦ᭞ᬢᬦ᭄ᬫᬗᬦ᭄ᬬᬲᭂᬗ᭄ᬕᬸᬄᬫ᭄ᬩᬸᬓ᭄ᬢᬶ᭞ᬧᬮᬦ᭄ᬗᭂᬤᭂᬧᬂᬢᬦ᭄ᬚᬢᬶ᭞ᬤᭀᬲᬕᭂᬂᬭᬾᬄᬢᬦ᭄ᬦᬸᬢ᭄ᬕᬸᬭᬸ᭞ᬓᭂᬦ᭄ᬤᭂᬮ᭄ᬫ᭄ᬩᬳᬦ᭄ᬜᬸᬮᬧᬶᬦ᭄ᬭᬕ᭞ᬲᭀᬓ᭄ᬓᬭᬫ᭄ᬬ
ᬦᬶᬂᬳᬸᬭᬶᬧ᭄᭞ᬗ᭄ᬬᬲᬶᬧᬦᬾᬦ᭄᭞ᬢᬦ᭄ᬗᭂᬢᬸᬂᬤᬶᬧᬸᬗ᭄ᬓᬸᬭᬦ᭄᭟᭐᭟ᬧᬸᬄᬧᬗ᭄ᬓᬸᬃ᭟ᬲᬳᬸᬃᬧᬗ᭄ᬓᬸᬃᬩᬩᭂᬦᭂᬳᬦ᭄᭞ᬫᬸᬮᬓᬾᬢᭀᬢᬶᬗ᭄ᬓᬄᬳᬦᬓ᭄ᬤᬸᬭᬸᬂᬳᬸᬦᬶᬂ᭞ᬳᬶᬦ᭄ᬤᬬᬂᬩᬾᬬᬦᬶᬂᬮ᭄ᬬᬸ᭞ᬲᬶᬜᬜᬓ᭄ᬫ᭄ᬮᬄᬭᬾᬲᬜ᭞
ᬫᬲᬶᬄᬦᭀᬭ᭞ᬲᬶᬤ᭄ᬥᬲᬸᬓᬦᬾᬓᬧᬗ᭄ᬕᬸᬄ᭞ᬭᬾᬢᭀᬗᭂᬢᭀᬳᬶᬦ᭄ᬢᬸᬭᬸᬦᬦ᭄᭞ᬢᬶᬗ᭄ᬳᬮ᭄ᬢᬦ᭄ᬧᬦᭀᬦᬶᬂᬮᬶᬭᬶᬂ᭞ᬓᬭᬶᬲᬗᭂᬢ᭄ᬓᬮᬫᬸᬓ᭄᭞ᬫᬮᬾᬦ᭄ᬤ᭄ᬭᬶᬬᬲᬗ᭄ᬓᬦ᭄ᬧᬳᭂᬓ᭄ᬢᬦ᭄ᬓᭀᬮᬢᬶ᭞ᬲᬗ᭄ᬓᬦ᭄ᬦᬾᬚᭀᬄᬲᬯᬢ᭄ᬤᬸ
ᬮᬸ᭞ᬦᬾᬲᬚᬧᬳᭂᬓ᭄ᬢᭀᬓᬸᬢᬂ᭞ᬦᬾᬭᬢᬯᬂ᭞ᬭᭀᬯᬂᬳᬲᬶᬄᬓᬤᬾᬦ᭄ᬫᬸᬲᬸᬄ᭞ᬫᬸᬲᬸᬄᬕᬮᬓ᭄ᬲᭂᬗ᭄ᬕᬸᬄᬢᬺᬱ᭄ᬡ᭞ᬫᬓᬤᬶᬯ᭄ᬭᬸᬤᬶᬳᬸᬭᬶᬧ᭄᭟ᬓᬾᬢᭀᬤᬶᬸᬤᬤᬶᬬᬦ᭄ᬳᬢᭀᬢᬂ᭞ᬫᬮᬚᬳᬶᬦ᭄ᬫᬸᬮᬲᬗ᭄ᬓᬦ᭄ᬧᬢᬶ
[ ᭓᭙ 39A]
ᬳᬸᬭᬶᬧ᭄᭞ᬢᭀᬦᬾᬢᬢᬲᬂᬧᬂᬧᬗ᭄ᬕᬸᬄ᭞ᬲᬳᬢᬂᬚᬕᬸᬮᬶᬢᬶᬓᬂ᭞ᬧᬗ᭄ᬤᬲᬫ᭄ᬧᬸᬦ᭄᭞ᬲᬳᬶᬗᬗᬶᬸᬦ᭄ᬤᭂᬦ᭄ᬲᬮᬄᬲᭂᬗ᭄ᬕᬸᬄ᭞ᬭᬾᬄᬲᬯ᭄ᬭᬸᬦ᭄ᬯᬶᬪᬯᬓᬢᬄ᭞ᬫᬧᬶᬳᬲᬶᬄᬧᭀᬮᬶᬄ᭟ᬮ᭄ᬬᬸᬢ᭄ᬓᬫᬲᬂᬤᬬ᭞ᬗᬾᬦ᭄ᬤᬄᬧᬾᬮ
ᬕ᭄ᬩᬦᬾᬩᬶᬸᬧᬗᬸᬲ᭄ᬫᬸᬜᬶᬫᬦᬶᬲ᭄᭞ᬳᬤᬢᭂᬳᭂᬩ᭄ᬩᬶᬓᬲ᭄ᬗᬚᬸᬫ᭄᭞ᬲᭀᬓ᭄ᬧᭀᬮᬶᬳᬦ᭄ᬭᬯᬳ᭄ᬬ᭞ᬳᬤᬜᬾᬤ᭞ᬮ᭄ᬬᬸᬩᬶᬓᬲᬾᬢᬦ᭄ᬢᬸᬳᬸ᭞ᬭᬾᬄᬢᭀᬬᬳᬗᬶᬸᬫ᭄ᬩᭂᬓ᭄ᬚᬕᬢ᭄᭞ᬩᬲ᭄ᬮ᭄ᬬᬸᬧᬘᬂᬢᬶᬫ᭄ᬧᬮᬶᬦ᭄᭞ᬤᭀᬦᬶᬂᬲᬳᬶ
ᬳᬧᬂᬬᬢ᭄ᬦ᭞ᬧᬂᬓᬳᬶᬤᭂᬧ᭄ᬩᬦ᭄ᬦᭀᬦ᭄ᬳᬶᬂᬲᬩ᭄ᬤᬯᬗ᭄ᬲᬶᬢ᭄᭞ᬤᬢᬦ᭄ᬯ᭄ᬭᬸᬄᬧᬂᬓ᭄ᬦᬤᬸᬮᬸᬄ᭞ᬗᭂᬦᭂᬳᬶᬦ᭄ᬢᭀᬦᬾᬤᬤ᭄ᬯ᭞ᬗ᭄ᬓᬦ᭄ᬢᬸᬳᬸ᭞ᬮᬦ᭄ᬦᭀᬭᬬᬗ᭄ᬕᬯᬾ ᬳᬬᬸ᭞ᬲᬶᬂᬚᬢᬶᬲᬶᬗ᭄ᬕᬶᬄᬢᬸᬳᬸᬢᬂ᭞ᬦᬾᬢᬦ᭄ᬚᬢᬶᬬᬧ᭄ᬮᬶᬳᬶ
ᬦ᭄᭟ᬭᬾᬳᬶᬂᬳᭂᬦ᭄ᬢᭀᬤᬾᬶᬸᬦᬤᬤ᭄ᬯ᭞ᬲᬶᬗ᭄ᬲᬮ᭄ᬫᬶᬮᬶᬄᬭᬶᬂᬚᬕᬢᬾᬦᬾᬢᬦ᭄ᬳᬸᬦᬶᬂ᭞ᬩᬸᬓᬳᭂᬦ᭄ᬢᭀᬤᭀᬮ᭄ᬳᬢᬸᬓᬸ᭞ᬓᬾᬳᬦ᭄ᬧᬤᬗᬚᬸᬫ᭄ᬕᭂᬮᬄ᭞ᬧᬂᬜᬓ᭄ᬮᬳᬶᬲ᭄᭞ᬫ᭄ᬮᬶᬗᬤᭂᬧ᭄ᬳᬾᬗ᭄ᬕᬮ᭄ᬕᬭᬸᬲ᭄᭞ᬧᬂᬓᬾᬄᬲ᭄ᬦᭂᬂᬧᬗ᭄ᬮᬜ᭄ᬚ᭞
Kaca:Bali-lontar-gaguritan-sandisastra-300ppi.pdf/39
Kaca puniki sampun kauji-wacén
