Kaca:Bali-lontar-gaguritan-sandisastra-300ppi.pdf/38

Saking Wikisource
Kaca puniki sampun kauji-wacén

[ ᭓᭗ 37B]
᭓᭗᭞
ᬧ᭄ᬫᬶᬯᬄᬧ᭄ᬚᬄ᭞ᬧᬤᬮᬾᬦ᭄‌ᬲᬗᬸᬦᬾ ᬮ᭄ᬯᬶᬄ᭞ᬲᬤ᭄ᬭᬲᬲᬗᬸᬳᬸᬭᬶᬧ᭄᭞ᬦᬶᬭᬲᬲᬗᬸᬲᬂᬮᬫ᭄ᬧᬸᬲ᭄᭞ᬯᬳ᭄ᬬᬦᬾᬓᬳᬸᬭᬶᬧᬦ᭄᭞ᬳᬤ᭄ᬬᬢ᭄ᬫᬶᬓᬢᭀᬓᬧᬢᬶᬦ᭄᭞ᬳ᭄ᬤᬩᬶᬗᬸᬂ᭞ᬲᬫ᭄ᬧᬸᬦᬂᬲᬮᬄᬤᬮᬶᬳ
ᬦ᭄᭟ᬲ᭄ᬤᬸᬓ᭄‌ᬦᭀᬭᬯᬾᬳᬶᬦ᭄ᬤᬳᬃ᭞ᬲᬦᬾ ᬢᬦ᭄‌ᬫ᭄ᬩᬸᬓ᭄ᬢᬶᬤᬸᬕ᭄ᬤᬸᬕᬶᬦ᭄᭞ᬘᬶᬭᬶᬦ᭄ᬢᬦ᭄‌ᬯ᭄ᬭᬸᬳᬶᬂᬧᬦᬸᬢᬦ᭄᭞ᬭᬾᬳᬵᬤᬸᬭᬸᬂᬧᬩ᭄ᬥᬶᬢᬲᬶᬸᬚᬶᬸᬚᬢᬶ᭞ᬢᬦ᭄ᬫᬦᭀᬦ᭄ᬭᬲᬦᬶᬂᬳᬚᬶ᭞ᬲᬗ᭄ᬓᬦ᭄‌ᬗ᭄ᬕᬩᬕ᭄ᬗᬮᬶᬄᬭᬸᬭᬸᬂ᭞ᬲᭀᬓ᭄ᬗᬤ᭄ᬯᬂᬓᬍ
ᬲᭂᬕᬦ᭄᭞ᬢᬦ᭄ᬯ᭄ᬭᬸᬄᬳᬸᬫᬸᬮᬢᬶᬗ᭄ᬳᬓ᭄ᬱᬶ᭞ᬤᬾᬦᬶᬂᬯᬗ᭄ᬲᬶᬢ᭄᭞ᬓᬾᬯᬮᬫᬸᬗ᭄ᬕᬸᬄᬤᬶᬲᬲ᭄ᬢ᭄ᬭ᭞ᬳᭂᬦ᭄ᬢᭀᬲᬢ᭄ᬯᬦᬾᬲᬫ᭄ᬬᬦ᭄᭞ᬬᬦ᭄ᬢᬦ᭄ᬢᬧ᭄‌ᬗ᭄ᬕᭀᬦ᭄ᬗᬸᬮᬢᬶ᭞ᬚᬦ᭄ᬢᭂᬦ᭄ᬧᬦᭀᬦᬾᬢᬦ᭄ᬦᬶᬗ᭄ᬳᬮ᭄᭞ᬤᬾᬦᬶᬂᬢᭀᬦᬾᬮᬶᬦ᭄ᬢᬂ
ᬮᬶᬢ᭄᭞ᬜᬗᬶᬤ᭄‌ᬭᬶᬂᬳᬚᭂᬂᬲᬳᬶ᭞ᬤᬓᬶᬦᭀᬭᬬᬤᬸᬮᬸ᭞ᬫᬮᬶᬗᬦ᭄‌ᬭᬶᬂᬳᬶᬦ᭄ᬤ᭄ᬭᬶᬬ᭞ᬭᬚᬄᬢᬫᬳᬾᬜᬧᬸᬢᬶᬦ᭄᭞ᬲᬤ᭄ᬭᬶᬧᬸ᭞ᬮᬦ᭄ᬭᬕᬤ᭄ᬯᬾᬲᬦᬾᬗᬶᬮᬶᬤᬂ᭞ᬢᬶᬸᬬᬦ᭄ᬢᬦ᭄‌ᬯ᭄ᬭᬸᬄᬳᬶᬂᬮᬸᬗ᭄ᬕᬸᬄᬜ᭟ᬢᭀᬦᬾ
[ ᭓᭘ 38A]
ᬳᬗ᭄ᬕᭀᬦ᭄ᬫᬸᬲᬸᬄᬲᬳᬶ᭞ᬦ᭄ᬤᬸᬤᬸᬢ᭄ᬳᬢᬶᬦᬾᬲᬋᬭᬭᬶᬸᬦ᭄᭞ᬗ᭄ᬕᬯᬾᬩᬶᬗᬸᬂᬧᬸᬜᬄᬲᬳᬶ᭞ᬲᬦᬾᬧᬸᬬᬸᬂᬲᭂᬗ᭄ᬕᬸᬄᬫᬶ᭞ᬦᬾᬩᭀᬬᬢᭀᬓᬤᬾᬦ᭄ᬢᬸᬳᬸ᭞ᬢᭀᬧᬗ᭄ᬕᬶᬄᬢᬦ᭄ᬳᬧ᭄ᬭᬬᭀᬕ᭞ᬗ᭄ᬕᬯᬾᬲᬢ᭄ᬭᬸᬕᬸᬂᬳᬦᬶᬓ᭄ᬤᬶᬄ
᭞ᬬᬦᬶᬂᬯ᭄ᬭᬸᬄ᭞ᬤᬤᬶᬓᬦ᭄ᬢᬶᬬᬲᬫ᭄ᬬᬦ᭄᭟ᬲᬗ᭄ᬓᬦ᭄ᬦᬾᬚᬦᬶᬢᬧᬬᬂ᭞ᬧᬂᬯᬲ᭄ᬧᬤᬩᬦ᭄ᬗᬸᬮᬢᬶ᭞ᬫᬦ᭄ᬤᬾᬤᬗᬦ᭄ᬕᬾᬦ᭄ᬢᬸᬢᬸᬭᬦ᭄᭞ᬢᬶᬗ᭄ᬳᬮᬾᬢᬦ᭄ᬦᭀᬦ᭄ᬦᬶᬂᬮᬶᬭᬶᬂ᭞ᬬᬦ᭄ᬤᬸᬭᬸᬂᬳᬸᬮᬶᬄᬚᬢᬶ᭞ᬤᬤᬶᬗ᭄ᬭᬸᬯᬸᬓ᭄ᬢᬦ᭄ᬧᬲᬸ
ᬮᬸᬄ᭞ᬫ᭄ᬢᭂᬂᬳᬶᬩᬸᬢ᭄‌ᬦᬾᬕᭂᬂᬢᬺᬱ᭄ᬡ᭞ᬧᬬᬸᬫᬶᬦ᭄ᬤᬬᬂᬤᬶᬳᬢᬶ᭞ᬫᬲᬸᬲᬸᬕᬸᬄ᭞ᬋᬱᬂᬫᬢᬶᬦᬾᬢᬦ᭄ᬫᬗᬦ᭄᭟ᬲᬗ᭄ᬓᬦ᭄‌ᬢᭀᬬᬧᬮᬚᬳᬂ᭞ᬧᬂᬓᬳᬶᬤᭂᬧ᭄ᬩᬦ᭄ᬓᭀᬮᬢᬶ᭞ᬢᬶᬗ᭄ᬓᬄᬳᬢ᭄ᬫᬮᬦ᭄ᬲᬭᬶᬭ᭞ᬲ᭄ᬤᭂᬓ᭄ᬳᬦᬸᬗ᭄ᬕᬮᬶᬂ
ᬳᬸᬭᬶᬧ᭄᭞ᬮᬦ᭄ᬧᬲᬄᬜᬲᬸᬚᬢᬶ᭞ᬤᬶᬚᬲᬗ᭄ᬓᬦ᭄ᬧᬭᬦ᭄‌ᬳᬸᬭᬶᬧ᭄᭞ᬓ᭄ᬭᬦᬗ᭄ᬕᬸᬭᬸᬳᬸᬘᬧᬦ᭄᭞ᬋᬓᭀᬳᬢ᭄ᬫᬓᬺᬂᬫ᭄ᬩᬸᬓ᭄ᬢᬶ᭞ᬲᬦᬾᬲᬫ᭄ᬧᬸᬦ᭄᭞ᬢᬶᬗ᭄ᬕᬮ᭄ᬭᬶᬂᬭᬕᬓᬧᬲᬄ᭟ᬧᬶᬦᭂᬄᬧᬂᬤᬲᬮᬄᬳᬸᬮ