[ ᭓᭖ 36B]
ᬩᬓᬃᬫ᭄ᬫᬗᬸᬦᬶ᭞ᬢ᭄ᬯᬶᬧᬤᬓ᭄ᬦᬧᬸᬧᬸ᭞ᬦᬾᬳᬬᬸᬳᬸᬮᬄᬮᬦ᭄ᬫᬦᬄ᭞ᬫᬦ᭄ᬤᬸᬗ᭄ᬓᬧ᭄ᬲ᭄ᬯᬶᬕ᭄ᬕᬮ᭄ᬯᬶᬄ᭞ᬤᬸᬭᬘᬭ᭞ᬫᬓᬳᬸᬫᬄᬓᬯᬄᬦ᭄ᬭᬓ᭟ᬢᭀᬫᬸᬜᬶᬦ᭄ᬢᬸᬢᬸᬃᬧᬲᬚ᭞ᬳᬶᬦ᭄ᬤᬭᬂᬫᬮᬶᬄᬕᬮᬶᬳᬶᬦ᭄᭞ᬤᬸᬮᬸᬄ
ᬧᬂᬫᬕᬮᬶᬄᬳᬸᬮᬢ᭄᭞ᬫᬮᬫᬓ᭄ᬩᬦ᭄ᬥᬃᬫ᭄ᬫᬚᬢᬶ᭞ᬫᬓᭂᬮᬦ᭄ᬭᬶᬂᬧᬦᬲ᭄ᬢ᭄ᬭᬶᬢ᭄᭞ᬮᬗ᭄ᬕᭂᬗᬶᬂᬳᬦᬗᬸᬦ᭄ᬳᬬᬸ᭞ᬤᬲᬓᬶᬤ᭄ᬫᭂᬦ᭄ᬤᭂᬫᭂᬦᬦ᭄᭞ᬲᭀᬓ᭄ᬲᬸᬩᬫᬩ᭄ᬭᬶᬬᬸᬓ᭄ᬳᬮᬶᬄ᭞ᬲᬸᬃᬬ᭄ᬬᬓ᭄ᬲᬸᬃᬬ᭄ᬬᬓ᭄᭞ᬗᭂᬢᭀᬳᬶ
ᬦ᭄ᬦᬾᬦᭀᬭᬳᬦ᭟ᬧᬶᬢ᭄ᬯᬶᬬᬓᬾᬳᬂᬩᬾᬬ᭞ᬬᬯᬓᬲ᭄ᬓᬭᬕᬯᬾᬦᬶᬦ᭄᭞ᬓᬤᬶᬢᬸᬢᬸᬃᬓᭀᬘᬧ᭄ᬩᬸᬲᬦ᭄᭞ᬲᭀᬓ᭄ᬲᬸᬩᬲᬭᬢ᭄ᬩᬾᬬᬦᬶᬦ᭄᭞ᬬᬦ᭄ᬲᬸᬩᬫᬢᬶᬢᭂᬩᬸᬲᬶᬦ᭄᭞ᬓᬶᬚᬮᬓᬸᬫᬬᬄᬢᬸ
ᬳᬸ᭞ᬧᬳᬸᬢᬗᬦ᭄ᬦᬾᬲᬂᬧ᭄ᬚᬄ᭞ᬭᬾᬄᬬᬳᬸᬢᬂᬤᬓᬶᬳᬸᬭᬶᬧ᭄᭞ᬮᬫᬸᬦ᭄ᬫᬢᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬬᬄᬳᬸᬢᬂ᭟ᬤᬾᬦᬶᬂᬳᬸᬢᬗᬾᬭᬶᬂᬚᬕᬢ᭄᭞ᬭᬶᬂᬲᬂᬯ᭄ᬯᬫᬳᬸᬭᬶᬧ᭄ᬲᬫᬶ᭞ᬤᬶᬳᬸᬭᬶᬧᬾᬩᬾᬲᬸᬓ᭄ᬩᬬᬄ᭞ᬓᬸᬤ᭄ᬬᬂᬫ
[ ᭓᭗ 37A]
ᬬᬄᬮᬫᬸᬦ᭄ᬫᬢᬶ᭞ᬧᬶᬢ᭄ᬯᬶᬬᬩᬬᬳᬶᬦ᭄᭞ᬩᬦ᭄ᬳᬃᬣᬫᬶᬭᬄᬫᬲ᭄ᬮ᭄ᬬᬸ᭞ᬫᬲᬶᬄᬲᬶᬂᬚᬤᬕᬯᬾᬜ᭞ᬯᬶᬤ᭄ᬥᬶᬦᬾᬧᬦ᭄ᬦᭀᬭᬢᬫ᭄ᬧᬶ᭞ᬭᬾᬄᬯᬶᬪᬯ᭞ᬩᬸᬓ᭄ᬢᬶᬳᬸᬢᬂᬓᬳᬸᬭᬶᬧᬦ᭄᭟ᬲᬗ᭄ᬓᬦ᭄ᬓᬾᬄᬩᬾᬬᬲ
ᬫ᭄ᬬᬦ᭄᭞ᬤᬕᬶᬂᬳᬢᬦᬄᬳᬮᬗᬶᬢ᭄᭞ᬦᭀᬭᬳᬦᬭᬶᬂᬲᬂᬧ᭄ᬚᬄ᭞ᬭᬾᬄᬢᭀᬯᬶᬦᬯᬲᬂᬳᬸᬭᬶᬧ᭄᭞ᬓᬫᬸᬮᬦ᭄ᬬᬗ᭄ᬕᭀᬦ᭄ᬦᬲᬭᬶᬦ᭄᭞ᬫ᭄ᬩᬬᬄᬳᬸᬢᬂᬭᬶᬂᬲᬂᬳᬶᬩᬸ᭞ᬢᭀᬕᬸᬦᬦᬶᬂᬓᬲᬸᬕᬶᬳᬦ᭄᭞ᬢ
ᬦ᭄ᬤᬤᬶᬬᬳᬩᬫᬢᬶ᭞ᬫᬸᬮᬦ᭄ᬲᬗᬸ᭞ᬧᬚᬮᬦᬾᬚ᭄ᬮᬾᬫ᭄ᬮᬄ᭞ᬲᬗ᭄ᬓᬦᬶᬂᬭᬾᬄᬲᬂᬧᬡ᭄ᬥᬶᬢ᭞ᬢᬢ᭄ᬓᬮᬫ᭄ᬩᬦ᭄ᬢᭂᬦᬦ᭄ᬫᬢᬶ᭞ᬧᬢᬶᬧᬢᬸᬢ᭄ᬢᬸᬮᬂᬲᬗᭀᬦ᭄᭞ᬦᭀᬭᬬᬲᬗᬸᬦᬶᬂᬫᬢᬶ᭞ᬳᬦᬲᬗᬸᬲᬗᬳᬸᬭᬶᬧ᭄᭞ᬫ᭄ᬭᬶᬄ
ᬤᬗᬶᬸᬕᬶᬂᬲᬗᬸᬮ᭄ᬬᬸ᭞ᬢᭀᬬᬯᬗ᭄ᬲᬶᬢ᭄ᬩᬩ᭄ᬦᭂᬳᬦ᭄᭞ᬫᬾᬢ᭄ᬲᭂᬮᬦᬶᬂᬧᬢᬶᬳᬸᬭᬶᬧ᭄᭞ᬫᬶᬲᬶᬧᬸᬬᬸᬂ᭞ᬬᬦ᭄ᬧᬗ᭄ᬕᬶᬄᬢᭀᬬᬳᬸᬢᬫ᭟ᬦ᭄ᬢᭀᬦᬾᬓᬲᭂᬗ᭄ᬕᬸᬄᬫᬡ᭄ᬥᬶᬢ᭞ᬳᬸᬦᬶᬂᬭᬶᬂᬧᬦᬸᬢᬦ᭄ᬲᬫᬶ᭞ᬲᬦᬾᬳᬸᬭᬶ
Kaca:Bali-lontar-gaguritan-sandisastra-300ppi.pdf/37
Kaca puniki sampun kauji-wacén
