[ ᭓᭒ 32B]
᭓᭒᭞
ᬲᬸᬚᬢᬶᬚᬸᬕᬢᬸᬳᬸᬢ᭄᭞ᬲᬫ᭄ᬧᬸᬦ᭄ᬫᭂᬍᬤ᭄ᬭᬶᬂᬧᬸᬚ᭄ᬬᬂᬦ᭄᭞ᬬᬦ᭄ᬢᬦ᭄ᬢᬸᬳᬸ᭞ᬫᬦᬸᬢ᭄ᬲᬲ᭄ᬢ᭄ᬭᬬᬩᬜ᭄ᬘᬦ᭟ᬩᭀᬕ᭄ᬩᭀᬕ᭄ᬩᬗ᭄ᬕᬬᬳᭂᬦ᭄ᬢᬸᬗᬂ᭞ᬚᭀᬳᬂᬓᬬᬸᬦᬾᬗᭂᬗ᭄ᬕᬸᬗᬶᬦ᭄᭞ᬩ᭄ᬮᭀᬕ᭄ᬫᬢᬶᬫ᭄ᬧᬮ᭄ᬓᬚᬸᬫᬦ᭄᭞ᬓᬸᬢᬂᬲᬗ᭄ᬓᭂᬧᬶᬂᬲᬤ᭄ᬭᬶ
ᬧᬸ᭞ᬬᬤᬶᬭᬕᬦᬾᬫᬓ᭄ᬚᬂ᭞ᬳᬧᬶᬫᬦᬸᬄ᭞ᬗ᭄ᬕᬶᬂᬕᬮᬓ᭄ᬤᭀᬬᬦ᭄ᬫᬦ᭄ᬢᬶᬕᬂ᭟ᬢ᭄ᬯᬶᬫᬶᬮᬶᬄᬬᬫᬜ᭄ᬘᬦ᭟ᬤᭂᬗ᭄ᬓᭂᬚᬳᬶᬮ᭄ᬓᬤᬾᬦ᭄ᬳᬲᬶᬄ᭞ᬩᬶᬓᬲ᭄ᬳᬮᬸᬲ᭄ᬍᬬᭂᬧ᭄ᬋᬓᭀᬲᬶᬂᬩᬶᬦᬲᬲ᭄ᬢ᭄ᬭᬓᬳᬧᬸᬲ᭄᭞ᬓᬭᬶᬫ᭄ᬧᬸᬲ᭄ᬩᬦ᭄ᬲᬸᬢ᭄ᬭᬚᬶᬗ᭄ᬕ᭞
ᬢᬦ᭄ᬫᬭᬲ᭞ᬲᭂᬮᬸᬦ᭄ᬭᬕᬦᬾᬓᬩᬦ᭄ᬤ᭟ᬓᬾᬢᭀᬭᬾᬄᬲᬢ᭄ᬭᬸᬤᬶᬭᬕᬳᬧᬂᬘ᭄ᬮᬂᬫᬗᬶᬗᭂᬢᬶᬦ᭄᭞ᬤ᭄ᬯᭂᬕ᭄ᬜᬗ᭄ᬕᭀᬮᬮᬾᬩᬗᬦ᭄᭞ᬩᬶᬓᬲ᭄ᬜᬦ᭄ᬤᬾᬦ᭄ᬗᬶᬲᭂᬧ᭄ᬲᬭᬸ᭞ᬦᬶᬓᬲᬢ᭄ᬭᬸᬓᬮᬶᬮᬶᬭᬦ᭄᭞ᬲᬳᬢ᭄ᬳᬶᬧᬸᬦ᭄᭞ᬬ
ᬦ᭄ᬲᬶᬤ᭄ᬥᬫᬵᬮᬶᬄᬲ᭄ᬯᬃᬕ᭄ᬕ᭟᭐᭟ᬧᬸᬄᬲᬶᬦᭀᬫ᭄᭟ᬲᬶᬦᭀᬫ᭄ᬫᬜᬫ᭄ᬩᬗᬶᬦ᭄ᬲᬢ᭄ᬯ᭞ᬭᬾᬄᬢᬢ᭄ᬯ᭞ᬭᬾᬄᬢᬢ᭄ᬯᬓ᭄ᬭᬦᬮ᭄ᬯᬶᬄ᭞ᬭᬶᬂᬧᬸᬃᬯ᭄ᬯᬤᬶᬲᬲᬦ᭞ᬮᬦ᭄ᬗᬸᬤ᭄ᬥᬕᭀᬘᬭᬫᬮᬶᬄ᭞ᬰᬶᬯᬕᬸᬳ᭄ᬬᬫᬓᬤᬶ᭞ᬫᬓᬢᬶᬕᬜᬦ᭄ᬤᬂᬢᬸᬯᬸ
[ ᭓᭓ 33A]
ᬢ᭄᭞ᬓᬦ᭄ᬤᬦᬶᬂᬤᬤᬶᬚᬦ᭄ᬫ᭞ᬢᬶᬸᬤᬶᬢᬸᬢᬓᭀᬦᬂᬧᬂᬧᬗ᭄ᬕᬶᬄ᭞ᬢᬶᬗ᭄ᬓᬄᬳᬦᬓ᭄᭞ᬫᬜᬫᬫᬓᬤᬂᬯᬃᬕ᭄ᬕ᭞ᬫᬓᬤᬶᬬᬦ᭄ᬫᬧᬸᬫᬳᬦ᭄᭞ᬤᬶᬢᬸᬚ᭄ᬯᬧᬮᬚᬳᬶᬦ᭄᭞ᬤᬕᬶᬂᬳᬮᬳᬬᬸᬲ᭄ᬫᬫ᭄ᬬᬦ᭄᭞ᬲᬶᬦᬄᬲᬫ᭄ᬧᬸᬦ᭄ᬫᬸ
ᬗ᭄ᬕᬸᬄᬲᬫᬶ᭞ᬜᬦ᭄ᬤᬂᬢᬶᬗ᭄ᬳᬮᬾᬳᬸᬮᬢᬶ᭞ᬢᬶᬗ᭄ᬓᬄᬫᬓᬸᬋᬦᬦ᭄ᬳᬬᬸ᭞ᬳᬧᬂᬤᬤᬤᬶᬫᬕᬩᬕ᭄᭞ᬦᬾᬧᬢᬸᬢ᭄ᬬᬲᭂᬗ᭄ᬕᬸᬄᬲᬶᬲᬶᬧ᭄᭞ᬫᬲᬮᬶᬲᬸᬢ᭄᭞ᬲᭀᬫᬳᬾᬮᬯᬦ᭄ᬫᬕᭀᬂᬕᭀᬂ᭟ᬳ᭄ᬤᬫᬳᬶᬚᬸᬳᬶᬚᬸᬯᬦ᭄᭞ᬳᬸ
ᬮᬄᬫ᭄ᬩᬳᬦ᭄ᬤᭂᬫᭂᬦ᭄ᬳᬢᬶ᭞ᬳᭀᬮᬶᬄᬍᬕᬢᬄᬳᬩᭀᬲ᭄ᬩᭀᬲ᭄᭞ᬢ᭄ᬯᬭᬚᬗᬶᬢᬸᬂᬤᬶᬤᬸᬭᬶ᭞ᬦ᭄ᬫᬸᬮᬭᬲᬶᬢ᭄ᬳᬢᬶ᭞ᬲᭂᬤᬶᬳᬾᬲᬳᬸᬫᬸᬃᬳᬶᬤᬸᬧ᭄᭞ᬲᬗ᭄ᬓᬦ᭄ᬢᭀᬦᬾᬧᬮᬚᬳᬂ᭞ᬥᬃᬫ᭄ᬫᬦᬾᬬᬗ᭄ᬕᭀᬦ᭄ᬦᬲᬭᬶᬦ᭄᭞ᬫᬓᬸ
ᬋᬦᬦ᭄᭞ᬧᬂᬫᬗ᭄ᬤᬲᬮᬶᬂᬲᬬᬗᬂ᭟ᬢᬶᬗ᭄ᬓᬄᬳᬶᬲ᭄ᬢ᭄ᬭᬶᬢᬸᬢᬸᬩᬤᬄ᭞ᬧᬕᭂᬄᬪᬓ᭄ᬢᬶᬲᬢ᭄ᬬᬾᬂᬮᬓᬶ᭞ᬫᬧᬶᬢᬸᬤᬸᬄᬫᬗᬶᬭᬶᬗᬂ᭞ᬢᬦ᭄ᬩᬦᬶᬬᬧᬶᬢᭂᬮ᭄ᬓᬶᬤᬶᬓ᭄᭞ᬲᬸᬚᬢᬶᬬᬦᭂᬓᬾᬂᬳᬢᬶ᭞ᬮᬕᬯᬗᬾᬦᬓᬶᬦ᭄ᬓᬬᬸᬦ᭄
Kaca:Bali-lontar-gaguritan-sandisastra-300ppi.pdf/33
Kaca puniki sampun kauji-wacén
