Kaca:Bali-lontar-gaguritan-sandisastra-300ppi.pdf/32

Saking Wikisource
Kaca puniki sampun kauji-wacén

[ ᭓᭑ 31B]
ᬓ᭄ᬦᬤᬬᬚᬭᬕ᭄‌ᬘᭀᬭᬄ᭟ᬦᬶᬓᬩᬸᬓ᭄ᬢᬶᬬᬦᬶᬂᬢᬶᬯᬲ᭄᭞ᬲᬶᬂᬗ᭄ᬮᭀᬕ᭄ᬮ᭄ᬬᬸᬜᬓᬶᬢᬶᬦ᭄᭞ᬬᬦ᭄ᬮᬶᬯᬢ᭄ᬕᭂᬂᬓᬫᬳᬃᬣ᭞ᬳᬧᬶᬥᬃᬫ᭄ᬫᬲᬫᬃᬲᬭᬸ᭞ᬲᬗᬶᬤ᭄ᬗᬫ᭄ᬩᬄᬤᬲᬃᬢᬦᬄ᭞ᬫᬸᬜᬶᬳᬮᬸᬲ᭄᭞wᬳᬶᬦ᭄ᬢᭂᬦ᭄ᬭᬕᬓᬸᬜᬩᬳᬂ᭟ᬢᭀᬩᬸᬓ᭄ᬢᬶ
ᬬᬾᬦ᭄ᬢᭂᬓᬩᭀᬢ᭄᭞ᬫᬕᬸᬭᬸᬯᬶᬦ᭄ᬫᬸᬗ᭄ᬕᬸᬳᬸᬭᬶᬧ᭄᭞ᬧᬬᬸᬲᬳᬶᬧᬢᬶᬕᬩᬕ᭄᭞ᬲᬦᬾᬩᭀᬬᬓᬤᬾᬢᬸᬳᬸᬲᭀᬓ᭄ᬗᬦ᭄ᬤᭂᬮ᭄ᬢᬸᬢᬸᬃᬓᬾᬯᬮ᭞ᬓ᭄ᬦᬕᬸᬕᬸ᭞ᬲᬗ᭄ᬓᬦ᭄ᬲᬶᬭᬾᬂᬭᬲᬳᬶᬮᬂ᭞ᬢ᭄ᬕᬲ᭄ᬧᬮᬮᬸᬢᬸᬓ᭄ᬓᬸᬢᬂ᭞ᬤᬶᬢᬸᬓᬾᬄ
ᬧᬮᬓᬶᬦᬃᬥᬶ᭞ᬦᬸᬤᬸᬄᬲᬓᬮᬦᬶᬲ᭄ᬓᬮ᭞ᬲᬂᬯ᭄ᬭᬸᬄᬳᬸᬢᬫᬾᬂᬫᬂᬳᬬᬸ᭞ᬫᭀᬮᬶᬄᬲᬸᬮᬩᬭᬶᬂᬚᬕᬢ᭄᭞ᬧᬮᬳᬬᬸ᭞ᬭᬶᬂᬲᬂᬫᬢᬶᬩᬦ᭄ᬢᭂᬦ᭄ᬤᬕᬦ᭄᭟ᬫᬮᬶᬄᬤᬕᬦᬾᬢ᭄ᬕᭂᬲ᭄ᬜ᭞ᬧᬶᬦᬓᬚᭂᬂᬳᬶᬤᭂᬧ᭄ᬳᬸᬭᬶᬧ᭄᭞ᬫᬢᬶᬥᬃᬫ᭄ᬫᬓᬧᬡ᭄ᬥᬶᬢ
ᬦ᭄᭞ᬫᬦᬸᬢ᭄ᬧᬜ᭄ᬘᬲ᭄ᬢᬸᬢ᭄ᬬᬳᬬᬸ᭞ᬯᬶᬓ᭄ᬱᬸᬧᬸᬗᬸᬥᬫ᭄ᬫᭀᬢᬫ᭞ᬧᬮᬮᬸᬢᬸᬓ᭄᭞ᬫᬳᬚ᭄ᬜᬦᬬᬓᬫ᭄ᬩᬸᬮᬦ᭄᭟ᬤᬶᬢᬸᬓᭀᬘᬧ᭄ᬫ᭄ᬤᬸᬮᬸᬭᬦ᭄᭞ᬢᭀᬬᬦᬾᬧᬂᬫᬦᬸᬢ᭄ᬳᬚᬶ᭞ᬢᭀᬬᬢ᭄ᬕᭂᬲ᭄ᬦᬸᬤᬸᬄᬲᬚ᭞ᬫᬦᬸᬢ᭄ᬳᬚᬶᬳᬶᬢᬳ
[ ᭓᭒ 32A]
ᬬᬸ᭞ᬓᬭᬂᬯ᭄ᬭᬸᬳᬶᬂᬧ᭄ᬭᬬᭀᬕ᭞ᬳᬸᬓᬸᬃᬲᬶᬓᬸᬢ᭄᭞ᬚ᭄ᬜᬦᬳᬬᬸᬳᬭᬶᬫ᭄ᬩᬯ᭞ᬢᭀᬳᬸᬢᬫᬩᬦ᭄ᬢᭂᬦ᭄ᬧ᭄ᬚᬄ᭞ᬭᬾᬄᬯᬸᬲ᭄ᬧᬸᬢᬸᬲ᭄ᬳᬶᬤᭂᬧ᭄ᬢᬸᬗ᭄ᬕᬶᬮ᭄᭞ᬤᭀᬂᬚᬫᬢᬶᬢᬦ᭄ᬧᬚᬶᬯ᭞ᬫᬸᬮᬩᬦ᭄ᬢᭂᬦᬶᬦ᭄‌ᬲᬢᬸᬳᬸᬤᬲᬗᭂᬢ᭄ᬲᬮᬄᬢᬭᬶᬫ᭞
ᬤᬾᬯᬢᬸᬳᬸ᭞ᬲᬫ᭄ᬧᬸᬦ᭄ᬯᬋᬕ᭄ᬢᬦ᭄ᬧᬦ᭄ᬤᬸ᭟ᬓᬾᬄᬩᬦ᭄ᬢᭂᬦ᭄ᬳᬘᭂᬲᬫ᭄ᬬᬦ᭄᭞ᬧᬂᬫᬦᬸᬢ᭄ᬤᬶᬯᬲᬾᬂᬯᬶᬤ᭄ᬥᬶ᭞ᬫᬦᬸᬢᬶᬂᬲᬸᬥᬃᬫ᭄ᬫᬲᬂᬳ᭄ᬬᬂ᭞ᬯᬮᬶᬳᬦᬢ᭄ᬮᬲᬶᬂᬳᬬᬸ᭞ᬦᬶᬓᬚ᭄ᬯᬧᬮᬚᬳᬂ᭞ᬫᬸᬗ᭄ᬧᬸᬂᬳᬶᬤᬸᬧ᭄᭞ᬳ᭄ᬤᬓᬧᬸᬲ᭄ᬩᬦ᭄‌ᬳᬶᬦ᭄ᬤ᭄ᬭᬶᬬ᭟ᬳ᭄ᬜᬾ
ᬦ᭄ᬲᬩᬜᬓ᭄ᬳᬶᬫ᭄ᬧᬲ᭞ᬗᬦ᭄ᬢᬶᬫᬯᬓ᭄ᬩᬢᬸᬩᬸᬗ᭄ᬓᬶᬮ᭄᭞ᬕ᭄ᬮᬄᬢ᭄ᬮᬄᬢᬦ᭄ᬧᬯ᭄ᬭᬢ᭄᭞ᬲᬗ᭄ᬲᬭᬲᬲᬃᬲᬸᬳᬸᬫᬸᬃ᭞ᬧᬧᬓᬬᬩ᭄ᬭᬳ᭄ᬫᬢ᭄ᬬ᭞ᬫᬸᬭᬸᬕ᭄ᬢᬸᬢᬸᬃ᭞ᬲᬗ᭄ᬓᬦ᭄ᬦᬭᬓᬧᬮᬜ᭞ᬓ᭄ᬭᬦᬚᬦᬶᬲᬳᬢᬂ᭞ᬳᬸᬮᬢᬶᬬᬫᬸᬗ᭄ᬧᬸᬂᬳᬸᬭᬶᬧ᭄᭞ᬓ
ᬯᬶᬢᬦᬶᬂᬫᬸᬮᬓ᭄ᬱᬭ᭞ᬩᬶᬮᬶᬄᬤᬤᬶᬳᬗ᭄ᬕᭀᬦ᭄ᬲᬗᬸ᭞ᬲᬗ᭄ᬓᬦ᭄ᬧᬢᬶᬳᬸᬭᬶᬧ᭄ᬢᬢᬲ᭄᭞ᬧᬮᬳᬬᬸ᭞ᬬᬦ᭄ᬫᬦᭀᬦ᭄ᬲᬗ᭄ᬓᬦᬶᬂᬲᬗ᭄ᬓᬦ᭄᭟ᬬᬦᬶᬂᬤ᭄ᬫᭂᬦ᭄ᬦᭂᬫᬸᬲ᭄ᬯᬃᬕ᭄ᬕ᭞ᬲᬓᬶᬂᬚᬦᬶᬤᬸᬓᬶᬂᬳᬸᬭᬶᬧ᭄᭞ᬲᬧᬢᬸᬤᬸᬄᬢ᭄ᬕᭂᬲ᭄ᬲᬲ᭄ᬢ᭄ᬭ᭞ᬲᬶᬂ