[ ᭓᭐ 30B]
᭓᭐᭞
ᬢᭀᬢᬶᬗ᭄ᬓᬄᬲᬫ᭄ᬧᬸᬦ᭄ᬢᬢᬲ᭄᭞ᬢᬦ᭄ᬭᬶᬫ᭄ᬩᬶᬢ᭄ᬮ᭄ᬬᬸᬢᬶᬦᭀᬮᬶᬄ᭞ᬤᬾᬦᬶᬂᬲᬂᬫ᭄ᬧᬸᬦ᭄ᬚᬢᬶᬫᬦᭀᬦ᭄᭞ᬲᬗᬸᬦᬶᬂᬯᭀᬂᬫᬢᬶᬳᬶᬤᬸᬧ᭄᭞ᬓᬾᬢᭀᬚᬢᬶᬦ᭄ᬜᬭᬲᬬᬂ᭞ᬧᬂᬓᬤᬸᬮᬸ᭞ᬓᬾᬄᬢᬸᬤᬸᬳᬦ᭄ᬫᬸᬮ
ᬓ᭄ᬱᬭ᭟ᬭᬾᬄᬓᬭᭀᬲᬶᬂᬕᬯᬾᬩᬓᬢ᭄᭞ᬢᬶᬗ᭄ᬓᬄᬓ᭄ᬭᬫᬦᬶᬂᬳᬳᬸᬭᬶᬧ᭄᭞ᬩᬾᬲᬸᬓ᭄ᬢᭀᬩᬸᬳᬸᬂᬢᭂᬫ᭄ᬯᬂ᭞ᬧᬚᬮᬦᬾᬲᬮᬄᬲᬸᬭᬸᬧ᭄᭞ᬓᬸᬤ᭄ᬬᬂᬢᭀᬧᬘᬂᬜᬶᬕᭂᬫᬂ᭞ᬦᬾᬤᭀᬱᬕᬸᬂ᭞ᬲᬦ᭄ᬢᬦᬲᬶᬗ᭄ᬲ
ᬮᬶᬂᬲᬲ᭄ᬢ᭄ᬭ᭟ᬢ᭄ᬯᬶᬬᬧᬦᭂᬗᭂᬭᬦ᭄᭞ᬓᬸᬦᬳᬶᬤᭂᬧ᭄ᬳᬮᬩ᭄ᬘᬶᬓ᭄᭞ᬲᬫᬶᬢᬦ᭄ᬓᭂᬦᬲᬗᬶᬤᬂ᭞ᬤᬶᬚᬕᬢᬾᬳᬶᬮᬳᬾᬲ᭄ᬢᬸ᭞ᬕᭂᬂᬯᬾᬭᬘᬯᬸᬄᬓᬘᬘᬤ᭄᭞ᬲᬲᬃᬲᬸᬲᬸᬃ᭞ᬲᬸᬗ᭄ᬲᬂᬕᬗ᭄ᬲᬶᬂᬫᬗᬸᬘᬧᬂ᭟ᬬᬫ
ᬓᬤᬫᬗ᭄ᬓᬶᬦ᭄ᬓᬢᬄ᭞ᬚ᭄ᬜᭂᬓ᭄ᬤᬗᬸᬧᭂᬢᬶᬳᬸᬭᬶ᭞ᬳᬗᬍᬫ᭄ᬭᬶᬂᬳᬱᬧᬦ᭄᭞ᬢᭀᬗᬤᬓᬂᬩᬸᬤᬸᬄᬮ᭄ᬬᬸ᭞ᬬᬦ᭄ᬩᭂᬮᭀᬕ᭄ᬤᭂᬫᭂᬦ᭄ᬳᬚᬸᬫᬂ᭞ᬫᬯᬓ᭄ᬕᬸᬭᬸ᭞ᬲᬮᬄᬢᭀᬂᬓ᭄ᬦᬲᬫ᭄ᬩᬤ᭟ᬦᬶᬓᬦᬾᬢᬦ᭄ᬯ᭄ᬭᬸᬄᬳᬶᬭᬂ᭞ᬲᭀᬓ᭄ᬳᬤ
[ ᭓᭑ 31A]
ᬓᬦ᭄ᬤᭂᬮ᭄ᬳᬓᬶᬓᬶᬢ᭄᭞ᬲᬭᬶᬦ᭄ᬲᬸᬘᬶᬓᬾᬄᬓᬢᭀᬦ᭄ᬢᭀᬦ᭄᭞ᬧᭂᬲᬸᬭᬯᭀᬲᬾᬫᬢᬸᬢᬸᬃ᭞ᬲᬶᬂᬩ᭄ᬮᭀᬕ᭄ᬫᬦᬸᬳᬶᬕᬸᬮᬂ᭞ᬲᬓᬶᬂᬲᬭᬸ᭞ᬗᬮᬧ᭄ᬳᬸᬭᬶᬧ᭄ᬕᭂᬮᬄᬩᬓᬢ᭄᭟ᬳᭂᬦ᭄ᬢᭀᬫᬶᬢ᭄ᬭᬤ᭄ᬭᭀᬳᬓ᭞ᬗᭂᬦᬾᬦ᭄ᬳ
ᬩᭀᬢ᭄ᬫᬮᬚᬳᬶᬦ᭄᭞ᬩ᭄ᬮᭀᬕ᭄ᬕᭂᬮᬄᬳᬤᭂᬧᬶᬜ᭞ᬤᬸᬭᬸᬂᬢᬯᬂᬧᬮᬮᬸᬢᬸᬓ᭄᭞ᬲᬫᬶᬢ᭄ᬕᭂᬲ᭄ᬚᬦᬶᬗᭂᬢᬂ᭞ᬢᬦ᭄ᬓᬸᬤᬸᬮᬸ᭞ᬲᬗ᭄ᬓᬦ᭄ᬮ᭄ᬬᬸᬗᬶᬫ᭄ᬧᬲ᭄ᬭᬕ᭟ᬲᬂᬯ᭄ᬭᬸᬳᬶᬂᬫᬃᬕ᭄ᬕᬲᬫ᭞ᬬᬦ᭄ᬫᬲᬂᬳᬸᬧᬫᬲᬦ᭄ᬤᬶ᭞ᬯ᭄ᬦᬂᬚᬬᬫᬂᬢᬦ᭄
ᬧ᭄ᬭᬸᬂ᭞ᬲᬸᬕᬶᬄᬭᭀᬭᬗᬮᬶᬄᬳᬗ᭄ᬓᬸᬄ᭞ᬧᬂᬫ᭄ᬩᬸᬓ᭄ᬢᬶᬦᬾᬭᬗ᭄ᬮᬶᬯᬢᬶᬦ᭄᭞ᬫᬲᬲᬸᬭᬸᬄ᭞ᬬᬫᬓᬲᬸᬕᬸᬄᬬ᭟ᬢ᭄ᬓᬳᬾᬮᬄᬩᬦ᭄ᬦᬶᬗ᭄ᬓᬤᬂ᭞ᬬᬦ᭄ᬲᬸᬩᬦᬯᬂᬧᬤᬶᬤᬶ᭞ᬬᬦ᭄ᬤᬾᬯᬾᬓ᭄ᬮ᭄ᬬᬸᬦᬦ᭄ᬩᭂᬮᭀᬕ᭄᭞ᬢᬦ᭄ᬳᬸᬭᬸᬂᬲᬳᬶᬓᬳᬧᬸᬲ᭄᭞ᬲᭀ
ᬓ᭄ᬗᬤᬸᬭᭀᬱᬗ᭄ᬭᬓᬧᬓ᭄ᬢᬦ᭄ᬧᬕᬸᬭᬸ᭞ᬲᬸᬕᬶᬄᬳᬃᬣᬭᬦᬶᬂᬢᬶᬯᬲ᭄᭟ᬬᬦ᭄ᬦᬶᬲ᭄ᬢᬮᬸᬤ᭄ᬳᬶᬦᬲᬲ᭄ᬢ᭄ᬭ᭞ᬫ᭄ᬮᬳᬾᬲᬢ᭄ᬩᬸᬗᬦ᭄ᬘᬗᬶᬂ᭞ᬫᬸᬭᬸᬩ᭄ᬬᬢᬦ᭄ᬧᬧᬓ᭄ᬦ᭞ᬩᭀᬬᬯᬗᬶᬳᬾᬗ᭄ᬕᬮ᭄ᬮᬬᬸ᭞ᬓᬾᬢᭀᬢ᭄ᬯᬶᬳᬸᬧᬫᬜ᭞ᬢᬦ᭄ᬧᬲᬸᬮᬸᬄ
