[ ᭒᭙ 29B]
᭒᭙᭞
ᬫᬤᬦ᭄ᬩᬸᬤᬶᬓᬸᬳᬓ᭞ᬤᬸᬃᬰᬶᬮᬬᬢᬸᬘᬾᬂᬳᬢᬶ᭞ᬳᬤᬭᭀᬲᬢ᭄ᬓᬫ᭄ᬭᬂ᭞ᬳᬤᬲ᭄ᬮᬾᬂᬲᬩᬶᬢ᭄ᬲᬸᬤᬸᬓ᭄᭞ᬳᬦᬩᬶᬦ᭄ᬯᬂᬓᬩ᭄ᬯᬂ᭞ᬧᬢᬶᬢᬸᬲᬸᬓ᭄᭞ᬳᬤᬓᬗ᭄ᬕᭀᬢᬦ᭄ᬓᬗ᭄ᬕᭀᬯᬦ᭄᭟ᬲ᭄ᬮᬾᬂᬕᬯᬾᬦᬂᬬᬳᬮ᭞ᬲ᭄ᬮᬾᬂᬤ
ᬮᬶᬄᬗᬓᬸᬲᬶᬗ᭄ᬕᬶᬄ᭞ᬫᬋᬩᬸᬢ᭄ᬳᬶᬲ᭄ᬢ᭄ᬭᬶᬮᬦ᭄ᬳᬃᬣ᭞ᬢᬦ᭄ᬧᬗᬶᬢᬸᬂᬚ᭄ᬗᬄᬧᬗ᭄ᬕᬸᬄ᭞ᬲᭀᬓᬫ᭄ᬩᬾᬳᬩᬸᬢ᭄ᬓᬯᬶᬪᬯᬦᬦ᭄᭞ᬫ᭄ᬢᭂᬂᬳᬶᬩᬸᬢ᭄᭞ᬧᬂᬫᬦᬼᬕᬳᬩᭂᬢᭂᬓᬦ᭄᭟ᬓᬾᬢᭀᬦᬾᬗᬫ᭄ᬩᬄᬢᭀᬢᭀᬦᬦ᭄᭞ᬫᬃᬕ᭄ᬕᬦᬾᬲᭂᬗ᭄ᬓ
ᬫᬮᬶᬗ᭄ᬕᬶᬄ᭞ᬫᬲᬶᬄᬦᬸᬗᬓᬸᬤ᭄ᬯᭂᬕᬦ᭄᭞ᬮ᭄ᬬᬸᬪᬬᬫᬾᬮᬕ᭄ᬳᬾᬦ᭄ᬤᬄ᭞ᬗᬦ᭄ᬢᬶᬬᬢᬦ᭄ᬓᭂᬦᬳᬶᬢᬸᬂ᭞ᬭᬶᬂᬲᬂᬯ᭄ᬭᬸᬄ᭞ᬲᬶᬂᬚᬜᬓ᭄ᬓᬮᬳᬦ᭄ᬫᬦᬄ᭟ᬬᬾᬤᬍᬫ᭄ᬲᬫ᭄ᬩᬢ᭄ᬩᭂᬮᭀᬕᬦ᭄᭞ᬓᬾᬢᭀᬓ᭄ᬦᭂᬳᬶᬂᬓᬸᬚᬦᬂ᭞ᬤ᭄ᬫᭂᬦ᭄ᬗᬫ᭄ᬩᬄᬭᬾ
ᬚᬾᬂᬲᬸᬦᬸᬢ᭄᭞ᬧᬤᬓᭂᬦ᭄ᬤᭂᬮ᭄ᬕᬶᬭᬂᬫᬦᬄ᭞ᬗ᭄ᬭᬲᬧᬗᬸᬲ᭄᭞ᬤᬾᬯᬾᬓᬾᬢᭀᬂᬳᬤᬧᬤ᭟ᬳᭂᬦ᭄ᬢᭀᬓ᭄ᬦᭂᬄᬚ᭄ᬭᭀᬦᬶᬂᬓᬯᬄ᭞ᬢᬫ᭄ᬩ᭄ᬭᬕᭀᬫᬸᬓᬦᬾᬲᬳᬶ᭞ᬲᬶᬫᬮᬸᬬᬢᬦ᭄ᬓᬢᬶᬗ᭄ᬳᬮ᭄᭞ᬳ᭄ᬦᭂᬗᬶᬦ᭄ᬢᬦ᭄ᬫ᭄ᬭᬲᬓᭂᬩᬸᬲ᭄᭞
[ ᭓᭐ 30A]
ᬲᬫᬶᬗᬸᬘᬧ᭄ᬓᬤᭀᬂᬲᬸᬩ᭞ᬳᬫ᭄ᬩᬄᬤᬸᬫᬸᬦ᭄᭞ᬓᬸᬤ᭄ᬬᬂᬫᭂᬦ᭄ᬫᬲᬮᬶᬦ᭄ᬫᬃᬕ᭄ᬕ᭟ᬧᬤᬤ᭄ᬫᭂᬦ᭄ᬲᬮᬶᬂᬘᬶᬤ᭄ᬭ᭞ᬲ᭄ᬮᬾᬂᬲᬶᬗ᭄ᬲᬾᬲ᭄ᬮᬾᬂᬳᬶᬦ᭄ᬢᬶᬧ᭄᭞ᬓᬾᬢᭀᬳᬩᬶᬸᬫ᭄ᬩᬳᬾᬦᬾᬓᬸᬦ᭞ᬳᭀᬩᬄᬫᬶᬤᭂᬃᬲᬶᬮᬸᬓ᭄ᬘᬸᬂᬓ᭄ᬭᬸᬂ᭞ᬳ᭄ᬚᭀᬄᬢ
ᬦ᭄ᬓᭂᬦ᭄ᬯᭂᬮᬗ᭞ᬭᬶᬘᬭᬂᬮ᭄ᬬᬸ᭞ᬳᬗ᭄ᬕᬶᬢᬦ᭄ᬧᬬᬲᬦ᭄ᬫᬃᬫ᭄ᬫ᭟ᬤᭀᬂᬚᬓᬤᬶᬲᬂᬯᬸᬲ᭄ᬢᬢᬲ᭄᭞ᬳᬸᬦᬶᬂᬭᬶᬂᬫᬃᬕ᭄ᬕᬶᬦᬾᬩ᭄ᬘᬶᬓ᭄᭞ᬦᬧᬓ᭄ᬩᭂᬦᭂᬂᬳᬮᬸᬲ᭄ᬕᬮᬂ᭞ᬤ᭄ᬯᬤᬰᬗ᭄ᬕᬸᬮᬭᬯᬸᬄ᭞ᬢᬦ᭄ᬧᬗᬸᬦᬲᬶᬚᬶᬦᬄ᭞ᬢ᭄ᬯᬭᬲᭂᬤᬸ
ᬓ᭄᭞ᬳᬲᬶᬗ᭄ᬮᬃᬭᬯᬸᬄᬳᬶᬂᬧᬶᬸᬭᬸᬶᬦᬶᬸᬲᬗ᭄ᬓᬦ᭄᭞ᬫᬮᬶᬄᬢ᭄ᬕᭂᬲ᭄ᬲᬮᬶᬂᬲᬸᬫ᭄ᬩᬄ᭞ᬭᬶᬂᬲᬂᬯ᭄ᬭᬸᬄᬲᬮᬶᬂᬳᬶᬭᬶᬂ᭞ᬲᬮᬶᬂᬧᬭᬶᬤᬾᬢ᭄ᬕᭂᬲ᭄ᬜ᭞ᬲᬮᬶᬂᬢᬸᬳᬸᬢᬂᬲᬢᬸᬳᬸ᭞ᬲᬮᬶᬂᬢ᭄ᬕᭂᬦᬾᬓᭀᬘᬧ᭞ᬫᬗ᭄ᬤᬾᬳᬬᬸᬲᬮᬶᬂᬩ᭄ᬯᬢᬂᬧᬂᬲ
ᬚ᭟ᬮᬾᬢᭀᬢᬶᬗ᭄ᬓᬄᬲᬂᬯᬸᬲ᭄ᬝᬢᬲ᭄᭞ᬲᬗ᭄ᬓᬦ᭄ᬢᬦ᭄ᬭᬶᬫ᭄ᬩᬶᬢ᭄ᬭᬶᬂᬫᬢᬶ᭞ᬭᬶᬗ᭄ᬓᭂᬲ᭄ᬢ᭄ᬯᬶᬩᬾᬬᬧ᭄ᬚᬄ᭞ᬦᭀᬭᬦᬬᬫᬓᬲᬗᬸ᭞ᬫᬓᭂᬩᬢ᭄ᬓᭂᬫ᭄ᬩᬂᬓᬸᬭᬶᬧᬦ᭄᭞ᬲᬗᬸᬮ᭄ᬬᬸ᭞ᬲᬳᬦᬳᬶᬲᬶᬦᬶᬂᬚᬕᬢ᭄
Kaca:Bali-lontar-gaguritan-sandisastra-300ppi.pdf/30
Kaca puniki sampun kauji-wacén
