Kaca:Bali-lontar-gaguritan-sandisastra-300ppi.pdf/3

Saking Wikisource
Kaca puniki sampun kauji-wacén

[ ᭒ 2B]
᭒᭞
᭚ᬲᬲ᭄ᬢ᭄ᬭᬢᬫ᭟ᬬᬾᬦ᭄ᬤᬶᬚᬳᬸᬢᬫᬜ᭞ᬲ᭄ᬮᬾᬂᬢᬸᬮᬸᬄᬦᬶᬱ᭄ᬝᬫᬓᬤᬶ᭞ᬲᬸᬩᬓᬾᬓ᭄ᬦᬭᬲᬬᬂ᭞ᬳᬦ᭄ᬤᬾᬲᬤ᭄ᬭᬲᬓᭂᬘᬧᬶᬦ᭄᭞ᬓᬢᭀᬦ᭄ᬦᬶᬳᬕ᭄ᬭᬦᬶᬂᬮᬶᬭᬶᬂ᭞ᬲᬸᬘᬶᬦᬶᬂᬭᬕᬲᬢᬸᬳᬸ᭞ᬬᬵᬭᬦ᭄ᬯ᭄ᬭᬸᬄᬭᬶᬂᬲᬭᬶᬭ
᭞ᬯ᭄ᬦᬂᬦᬸᬮᬸᬄᬳᬸᬭᬶᬧ᭄ᬧᬢᬶ᭞ᬬᬦ᭄ᬢᬦ᭄ᬢᬶᬦᭀᬦ᭄᭞ᬢᬸᬮᬸᬄᬲᬲ᭄ᬢ᭄ᬭᬦ᭄ᬢᬦ᭄‌ᬯ᭄ᬭᬸᬳ᭄ᬳ᭞ᬬᬦ᭄ᬲᬸᬩᬳᬶᬬᬓᬢᭀᬦ᭞ᬬᬦᬾᬗᬢᭀᬦᬂᬲᬳᬶ᭞ᬤᬶᬢᬸᬫᬭᬓᭂᬫᬦ᭄ᬤᭂᬮᬂ᭞ᬓᬩᬶᬲᬦ᭄ᬳᬶᬤᭂᬧᬾᬚᬢᬶ᭞ᬗᬧᬸᬲ᭄‌ᬲᬤ᭄ᬭᬶᬧᬸᬦᬾᬲᬳᬶ᭞ᬩ
ᬜ᭄ᬘᬶᬧ᭄ᬚᬬᬩᬸᬤᬶᬳᬬᬸ᭞ᬲᬦᬾᬫᬦᬸᬢᬶᬂᬯᬾᬤᬸ᭞ᬲᬲ᭄ᬢ᭄ᬭᬫᬸᬮᬦ᭄‌ᬲ᭄ᬧᬢ᭄ᬳᬸᬭᬶᬧ᭄᭞ᬦᬶᬓᬢᬸᬭᬸᬢ᭄᭞ᬓᬾᬄᬧᬮᬬᬸᬫᬗ᭄ᬓᬶᬦ᭄‌ᬯ᭄ᬓᬲ᭄᭟ᬲᬶᬧᬢ᭄ᬲᬶᬓᬸᬲᬶᬓᬸᬦ᭄ᬭᬕ᭞ᬫᬮᬦ᭄ᬲᬲ᭄ᬢ᭄ᬭᬦᬾᬕᬸᬕᭀᬦᬶᬦ᭄᭞ᬮᬫᬓ᭄ᬗᬲ᭄ᬢᬶᬢᬶᬭᬶᬂ
ᬳ᭄ᬬᬂ᭞ᬯᬶᬤ᭄ᬥᬶᬦᬾᬤᬸᬫᬤᬓ᭄ᬳᬲᬶᬄ᭞ᬭᬾᬄᬳᬶᬤᬧᬢᬸᬢ᭄ᬳᬲ᭄ᬢᬸᬢᬶ᭞ᬢᬸᬦᬲᬶᬦ᭄ᬧᬓ᭄ᬫᬶᬢ᭄ᬢᬸᬳᬸ᭞ᬫᬗ᭄ᬤᬾᬓᬲᬶᬤ᭄ᬥᬦ᭄ᬧᬜᬶᬧ᭄ᬢ᭞ᬳᬸᬢ᭄ᬧᭂᬢᬶᬳᬲ᭄ᬢᬶᬢᬶᬲᬳᬶ᭞ᬧ᭄ᬢᭂᬂᬍᬫᬄ᭞ᬧᬢᬶᬢᬶᬲᬾᬳ᭄ᬦ᭄ᬤᬳᭀᬩᬄ᭟ᬢᬸᬂᬢᬸᬗᬶᬦ᭄ᬩᬦ᭄ᬳᬭᬶᬫ᭄ᬩᬯ᭞ᬮᬫ
[ ᭓ 3A]
ᬓ᭄ᬢᬶᬢᬧᬕᭂᬄᬚᬢᬶ᭞ᬧᬸᬦᬶᬓᬳᬗ᭄ᬕᭀᬦ᭄ᬳᬓ᭄ᬱᬶᬦ᭞ᬲᬦᬾᬓᬢᬸᬃᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬯᬶᬫᭀᬳᬦᬾᬬᬲᬫ᭄ᬧᬶᬗᬶᬦ᭄᭞ᬤᭂᬗ᭄ᬓᬶᬚᬳᬶᬮ᭄‌ᬤᭀᬳᬂᬯᬸᬗ᭄ᬤᬸᬂ᭞ᬧᬜ᭄ᬘᬦᬬᬦᬾᬳᬶᬫ᭄ᬧᬲᬂ᭞ᬯᬶᬤ᭄ᬥᬶᬦᬾᬳᬶᬘ᭄ᬙᬲᬸᬓ
ᬦ᭄ᬢᬶ᭞ᬫᬗ᭄ᬓᬶᬦ᭄ᬜᬸᬲᬸᬧ᭄‌ᬓᭀᬢᬫᬦᬾᬫᬲᬭᬶᬭ᭟ᬲᬮ᭄ᬯᬶᬭᬶᬂᬭᬚᬓᬃᬬ᭄ᬬ᭞ᬲᬲ᭄ᬢ᭄ᬭᬦᬾᬳᬗ᭄ᬕᭀᬦ᭄ᬜᬸᬮᬸᬳᬶᬦ᭄᭞ᬦᬗ᭄ᬳᬶᬂᬲᬲ᭄ᬢ᭄ᬭᬦᬾᬫᬸᬮᬬᬂ᭞ᬭᬾᬄᬢᬸᬳᬸᬬᬦ᭄ᬲᬓᬶᬂᬯᬶᬤ᭄ᬥᬶ᭞ᬧᬦ᭄ᬲᬲ᭄ᬢ᭄ᬭᬦᬾᬮᭀ
ᬦ᭄ᬢᬃᬢᬸᬯᬶ᭞ᬤᬸᬭᬸᬂᬲᬲ᭄ᬢ᭄ᬭᬳᬭᬦ᭄ᬳᬶᬓᬸ᭞ᬓᬾᬯᬮᬳᬗ᭄ᬕᭀᬦ᭄‌ᬦᬸᬢᬸᬭᬂ᭞ᬩᭀᬶᬸᬕᭀᬩᬦ᭄ᬯᬯᬬᬗᬦ᭄ᬫᬸᬜᬶ᭞ᬲᬦᬾᬗᭂᬗᬶᬸᬦᬶ᭞ᬧᬗᬫᬲᬶᬄᬫᬕᬫ᭄ᬩᬭᬂ᭟ᬗ᭄ᬓᬾᬦ᭄ᬦᬾᬲᬸᬚᬢᬶᬲᬲ᭄ᬢ᭄ᬭ᭞ᬦᬾᬯᬸᬲ᭄‌ᬫ᭄ᬭᬕ
ᬲᬭᬲ᭄ᬯᬢᬶ᭞ᬳᭂᬦ᭄ᬢᭀᬳᬸᬮᬢᬶᬳᬧᬂᬢᬯᬂ᭞ᬬᬦ᭄ᬕᬸᬭᬶᬢᬶᬂᬮᭀᬦ᭄ᬢᬃᬲᬫᬶ᭞ᬲᬫ᭄ᬧᬸᬦ᭄ᬳᬫ᭄ᬧᬄᬩᬦ᭄ᬫᬶᬦᭂᬳᬶᬦ᭄᭞ᬫᭂᬢᬾᬓ᭄ᬩᭂᬲᬶᬓ᭄‌ᬤ᭄ᬯᬢᭂᬯᬸ᭞ᬦ᭄ᬢᭀᬢ᭄ᬯᬭᬤᬕᬯᬾᬜ᭞ᬲᭀᬓ᭄ᬳᬤᬳᬗ᭄ᬕᭀᬗᬶᬦ᭄᭞ᬯᬸ