[ ᭒᭘ 28B]
᭒᭘᭞
ᬚᬶ᭞ᬧᬮᬶᬂᬢ᭄ᬯᬭᬦᬯᬂᬳᬯᬓ᭄᭞ᬦᬶᬸᬢᬸᬗ᭄ᬓᬸᬮ᭄ᬫᭀᬦ᭄ᬤᭀᬦᬶᬓᬸᬮ᭄ᬳᬚᬸᬫ᭄᭞ᬳᬗ᭄ᬲᬧ᭄ᬢᭂᬓᬾᬦ᭄ᬕᭂᬮᬄᬳᭀᬜ᭞ᬚᬭᬕ᭄ᬳᬲᬸ᭞ᬕᬚᬕ᭄ᬤᬱ᭄ᬝᬩᬸᬤᬶᬘᭀᬭᬄ᭟ᬤᬶᬲᬸᬩᬦ᭄ᬕᭂᬮᬳᬾᬢ᭄ᬮᬄᬢ᭄ᬓᬜᬓ᭄ᬲᬫᬶᬦᬶᬗ᭄ᬕᬮᬶᬦ᭄
᭞ᬓᬾᬄᬤᬸᬃᬰᬶᬮᬩᬸᬤᬶᬧᬧ᭞ᬩ᭄ᬮᭀᬕ᭄ᬳᬚᬸᬫᬾᬜᬓ᭄ᬫᬸᬦ᭄ᬤᬸᬃ᭞ᬳᬮᬂᬫᬸᬓ᭄ᬧᬲᬩᬋᬗᬦ᭄᭞ᬳᬯᬓ᭄ᬤᬸᬲᬸᬦ᭄᭞ᬦᬶᬲ᭄ᬢᬢᬶᬮᬲ᭄ᬓᬤᬂᬩ᭄ᬭᬬ᭟ᬢᭀᬧᬗ᭄ᬕᬶᬄᬲᬮᬦ᭄ᬢᬂᬚᬮᬦ᭄᭞ᬲᬶᬂᬗᬫ᭄ᬩᬄᬭᬶᬂᬫᬃᬕ᭄ᬕᬲ᭄ᬭᬶᬧᬶᬢ᭄᭞ᬭᬾᬳᬶᬂᬲᭂ
ᬗ᭄ᬓᬮᬶᬯᬢ᭄ᬳᬢ᭄ᬳᬩᭀᬢ᭄᭞ᬓᬾ ᬳᬦ᭄ᬘᬭᬂᬓ᭄ᬦᬕᬸᬕᬸ᭞ᬬᬾᬦ᭄ᬓᬸᬤᬂᬳᬢᬸᬲ᭄ᬧᬫ᭄ᬧᬢᬦ᭄᭞ᬓᬦ᭄ᬓᬳᬶᬢᬸᬂ᭞ᬗᬦ᭄ᬢᬶᬢᭀᬂᬓ᭄ᬦᬳᬶᬗᭂᬢᬂ᭟ᬮ᭄ᬬᬸᬩᬸᬗᭂᬂᬲ᭄ᬓᭂᬮ᭄ᬫᬦᬄ᭞ᬦᬾᬤᬸᬭᬸᬂᬢᬢᬲ᭄ᬭᬶᬂᬫᬃᬕ᭄ᬕᬶ᭞ᬬᬾᬦ᭄ᬧᬶᬤᬦ᭄ᬢᭀᬧᬘᬂᬲᬶᬦ᭄ᬥ᭞ᬭ
ᬯᬸᬄᬲᬧᬭᬦᬶᬂᬓᬬᬸᬦ᭄᭞ᬚᬫ᭄ᬚᬫ᭄ᬲᬳᬶᬧᬢᬶᬢᬳ᭞ᬳᬤᬩᬸᬳᬸᬢ᭄᭞ᬢᬸᬓᬂᬩᬦ᭄ᬩᬸᬓ᭄ᬢᬶᬧᬗᬦᬦ᭄᭟ᬲᬓᬾᬄᬚᬚᬲ᭄ᬕᬸᬮ᭄ᬕᬸᬮᬫ᭄᭞ᬬᬦ᭄ᬲᬫ᭄ᬧᬸᬦ᭄ᬓᬾᬦᬢᬢᬩᬶᬦ᭄᭞ᬧᬓᬤᬶᬳᬬᬩᬶᬦ᭄ᬲᭂᬕ᭄ᬯᬦ᭄᭞ᬓᬤᬂ
[ ᭒᭙ 29A]
ᬯᬃᬕ᭄ᬕᬲᬶᬂᬢᬦ᭄ᬓᬬᬸᬦ᭄᭞ᬫ᭄ᬩᬸᬓ᭄ᬢᬶᬓᬾᬄᬩᭀᬕᬲᬸᬭᬸᬤᬦ᭄᭞ᬯᬲ᭄ᬢᬸᬩᭂᬦ᭄ᬤᬸ᭞ᬲᬳᬲᬸᬕᬸᬄᬩᬸᬤᬶᬭᭀᬕ᭟ᬢ᭄ᬮᬲ᭄ᬢᬓᬃᬫᬸᬜᬶᬧ᭄ᬕᬢ᭄᭞ᬗᭂᬫᬲᬶᬦ᭄ᬚᬚᬩᬾᬦᬲᬶ᭞ᬫᬃᬓᬤᬂᬯᬃᬕ᭄ᬕᬲᭂᬗᬶᬢᬦ᭄᭞ᬲ᭄ᬮᬾᬂᬲᬸᬦ᭄ᬢᬶᬓ᭄ᬤᭂᬓ᭄ᬤᭂᬓᬺᬫᬸᬓ᭄᭞ᬢᭀ
ᬓᬸᬘᬧᬂᬫᬲᬸᬓ᭄ᬱ᭄ᬫ᭞ᬲᬮᬶᬂᬲᬸᬭᬸᬤ᭄᭞ᬩᬸᬓ᭄ᬢᬶᬦ᭄ᬲᬂᬕᭂᬂᬭᬚᬄᬢᬫᬄ᭞ᬫᬮᬶᬄᬦᬫᬤᬦᬶᬦ᭄ᬲᬸᬫ᭄ᬩᬄ᭞ᬲᭂᬮᬾᬲᬸᬫ᭄ᬩᬄᬋᬓᭀᬮ᭄ᬯᬶᬄ᭞ᬫᬲᬶᬄᬬᬧᬓᬶᬗ᭄ᬲᬮ᭄᭞ᬧᬲᬳᬶᬂᬯ᭄ᬯᬂᬲᬦᬓᬺᬤᬸᬢ᭄᭞ᬲᬶᬂᬢ᭄ᬯᬭᬳ᭄ᬜᬓ᭄ᬜᬸᬫ᭄ᬩᬄ᭞ᬢᬦ᭄ᬓᬮᬶᬗᬸ᭞ᬫ
ᬲᬶᬄᬬᬫᬓᬤᬢᬸᬃᬓᬃ᭟ᬫᬮᬶᬄᬦᬾ ᬢᭀᬲ᭄ᬮᬾᬂᬋᬫ᭄ᬩᬢ᭄᭞ᬕ᭄ᬦᭂᬦ᭄ᬓᬢ᭄ᬕᭂᬦ᭄ᬳᬤᬦᬶᬦ᭄᭞ᬫᬲᬶᬄᬫᬓᬤᬲᭂᬗᬶᬢᬦ᭄᭞ᬲᬫᬶᬋᬫᬸᬓ᭄ᬜ᭄ᬫᬢ᭄ᬳᬶᬦ᭄ᬢᬸᬓ᭄᭞ᬫᬓᬤᬂᬬᬧ᭄ᬕᬢ᭄ᬢᬲ᭄ᬢᬲ᭄᭞ᬳᬦᬓ᭄ᬧᬸᬢᬸ᭞ᬧᬲᬄᬧᬤᬲ᭄ᬮᬾᬂᬘᬤ᭄ᬘ
ᬤ᭄᭞ᬧᬤᬗᬶᬦ᭄ᬢᬶᬧ᭄ᬲᬮᬄᬢᬶᬫ᭄ᬧᬮ᭄᭞ᬳᭂᬦ᭄ᬢᭀᬫᬤᬦ᭄ᬤᭀᬱᬕᬺᬳᬶ᭞ᬲ᭄ᬮᬾᬂᬳᬸᬦ᭄ᬢᬶᬢᬂᬧᬂᬲᬮᬄ᭞ᬲᬫᬶᬲ᭄ᬮᬾᬂᬲᬸᬦ᭄ᬢᬶᬓ᭄ᬩᬸᬳᬸᬢ᭄᭞ᬲ᭄ᬮᬾᬂᬕᬯᬾᬦᬂᬧᬂᬤᭀᬱ᭞ᬧᬤᬗᬓᬸ᭞ᬧᬢᬸᬢᬦ᭄ᬢᬦ᭄ᬳᬸᬦ᭄ᬭᬶᬂᬳᬮ᭟ᬢᭀ
Kaca:Bali-lontar-gaguritan-sandisastra-300ppi.pdf/29
Kaca puniki sampun kauji-wacén
