[ ᭒᭒ 22B]
᭒᭒᭞
ᬦ᭄ᬩᬸᬓ᭄ᬢᬶᬮ᭄ᬯᬶᬄ᭞ᬓᬤᬶᬃᬕ᭄ᬕᬬᬸᬲᬦ᭄᭞ᬩᬬᬸᬲᬩ᭄ᬤᬳᬶᬤᭂᬧ᭄ᬳᬸᬭᬶᬧ᭄᭟ᬲᬗ᭄ᬓᬦ᭄ᬩᬦ᭄ᬢᭂᬦ᭄ᬢ᭄ᬭᬶᬢᬢ᭄ᬯᬬᬳᬸᬢᬫ᭞ᬫᬓᬲᬸᬤᬦᬾᬤᬸᬓ᭄ᬳᬸᬭᬶᬧ᭄᭞ᬫᬓᬲᬸᬤᬦᬶᬂᬲᬭᬶᬭ᭞ᬬᬲᬸᬤᬦᬶᬂᬪᬸᬯᬦ᭞ᬢᭀᬳᭀᬲᬤᬶᬮᬭᬓᬶᬗ᭄ᬓᬶᬂ᭞ᬲᬸᬭ
ᬓ᭄ᬱᬾᬂᬭᬕ᭞ᬫᬾᬢ᭄ᬓᬃᬬ᭄ᬬᬓᬃᬣᬦ᭄ᬤᬤᬶ᭟ᬢᭀᬬᬫᬃᬕ᭄ᬕᬦ᭄ᬲᬂᬓᬮᬶᬄᬢᬦ᭄ᬤᬤᬶᬧᬲᬄ᭞ᬯᬭᬶᬕᬯᬸᬲ᭄ᬳᬸᬤᬳᬸᬭᬶᬧ᭄᭞ᬢᬶᬕᬯᬾᬤ᭄ᬥᬦᬾᬜ᭄ᬚᬮᬦᬂ᭞ᬢᬸᬤᬸᬄᬲᬂᬭ᭄ᬯᬓ᭄ᬱᬭ᭞ᬓᬸᬲᬸᬫᬦᬶᬂᬳ᭄ᬬᬂᬦᬲᬭᬶᬦ᭄᭞ᬳᬲ᭄ᬢᬶᬢᬶᬲᬢ᭄ᬬ᭞ᬲᬧ
ᬓᭀᬦᬶᬂᬳᬶᬩᬸᬚᬢᬶ᭟ᬭᬾᬄᬫᬓᬩᬧᬲᬸᬮᬸᬄᬲᬭᬶᬦ᭄ᬯᬭᬶᬕ᭞ᬫᬳᬶᬩᬸᬯᬸᬲ᭄ᬳᬤᬲᬭᬶ᭞ᬫᬦᬓᬾᬳᬶᬂᬯᬾᬤ᭄ᬥ᭞ᬮᬦ᭄ᬚᬧᬫᬦ᭄ᬢ᭄ᬭᬧᬸᬚ᭞ᬫᬓᬃᬤ᭄ᬥᬦᬭᬾᬲ᭄ᬯᬭᬶ᭞ᬳᬸᬲᬤᬯᬭᬶᬕ᭞ᬳ᭄ᬬᬂᬯᬾᬤ᭄ᬥᬫᬫ᭄ᬩᬢᬦᬶᬦ᭄
᭟ᬳᬸᬲᬤᬦᬾᬓᬢᭀᬦ᭄ᬋᬗᬓᬳᬸᬘᬧᬂ᭞ᬲᬸᬦ᭄ᬤᬃᬦᬸᬤᬸᬄᬧᬢᬶᬳᬸᬭᬶᬧ᭄᭞ᬯᬾᬤ᭄ᬥᬦᬾᬲᬃᬯ᭄ᬯᬗ᭄ᬕ,ᬲᬗ᭄ᬓᭂᬧᬶᬂᬭᬫᬭᬾᬩ᭞ᬦᬶᬓᬫᬤᬦ᭄ᬫᬯᬓ᭄ᬚᬢᬶ᭞ᬬᬧᬗᬢᭂᬭᬦ᭄᭞ᬲᬓᬮᬦᬶᬲ᭄ᬓᬮᬫᭀᬮᬶᬄ᭟ᬢᭀ
[ ᭒᭓ 23A]
ᬓᬭᬭᬩᬦ᭄ᬢᭂᬦ᭄ᬳᬦᬦᭀᬭᬲᬚ᭞ᬬᬲᬭᬢᬂᬳᬸᬭᬶᬧ᭄ᬧᬢᬶ᭞ᬧᬦ᭄ᬳᬦᬗ᭄ᬭᬓ᭄ᬱᬂᬢᬲ᭄ᬢ᭄ᬭ᭞ᬢ᭄ᬯᬶᬬᬯᬸᬲ᭄ᬧ᭄ᬭᬮᬬ᭞ᬤᬕᬶᬂᬦᭀᬭᬫᬓᬲᬚᬶ᭞ᬧᬦ᭄ᬭᬕᬓᬧᬲᬄ᭞ᬳᬸᬧᬩᭀᬕᬢᬦ᭄ᬓᬢᭀᬮᬶᬄ᭟ᬮ᭄ᬯᬶᬄᬲᬓᬾᬂᬦᬶᬲ᭄ᬢᬲᬚᬶᬭᬶᬂ
ᬲᬧ᭄ᬚᬄ᭞ᬦᬶᬃᬢᬂᬲᬤ᭄ᬭᬲᬲᬫᬶ᭞ᬯᬸᬲ᭄ᬳᬦᬶᬗ᭄ᬕᬮ᭄ᬭᬕ᭞ᬳᬫᬮᬶᬄᬳᬶᬂᬢᬲ᭄ᬢ᭄ᬭ᭞ᬬᬓᬫ᭄ᬩᬸᬮᬦ᭄ᬢᬲ᭄ᬢ᭄ᬭᬲᬶᬸᬫᬶᬸ᭞ᬧᬢᬶ᭞ᬦᬶᬃᬗ᭄ᬓᬾᬂᬲᬃᬯ᭄ᬯᬬ᭞ᬫᬸᬮᬦ᭄ᬲᬸᬓᬦᭀᬭᬫ᭄ᬩᬸᬓ᭄ᬢᬶ᭟ᬲᬗ᭄ᬓᬦ᭄ᬦᬶᬲ᭄ᬧᬮᬓᬾᬄᬩᬦ᭄ᬢᭂᬦ᭄ᬢᬦ᭄ᬓᬧᬗᬦ᭄᭞ᬬᬦ᭄ᬯᬸᬲ᭄ᬧ᭄ᬚᬄᬲᬸᬗᭂᬓ᭄ᬩᬸᬓ᭄ᬢᬶ᭞ᬳᬸ
ᬧᬫᬦᬾᬂᬧᬯᬶᬯᬳᬦ᭄᭞ᬦᬶᬓᬫᬤᬦ᭄ᬲᬮᬄᬢᬶᬫ᭄ᬧᬮ᭄᭞ᬲᬢᭀᬢᬶᬦᬶᬫ᭄ᬧᬮᬾᬂᬧᬓ᭄ᬱᬶ᭞ᬓᬸᬤ᭄ᬬᬂᬩᬦ᭄ᬫ᭄ᬮᬄᬬᬦ᭄ᬧᬸᬗ᭄ᬕᬸᬗᬶᬦ᭄ᬧᬦᬲ᭄ᬕᬸᬫᬶ᭟ᬬᬫᬯᬶᬦᬦ᭄ᬢᬶᬗ᭄ᬓᬄᬫᬩᬦ᭄ᬢᭂᬦ᭄ᬳᬸᬢᬫ᭞ᬳᬚᭂᬂᬲᬫ᭄ᬩᬳᬶᬂᬳ᭄ᬬᬂᬯᬶᬤ᭄ᬥᬶ᭞ᬦᬸᬦᬲ᭄ᬓᬦᬶᬃ
ᬫ᭄ᬫᬮᬦ᭄᭞ᬲᬸᬘᬶᬦᬶᬂᬳᬸᬧᬚᬶᬯ᭞ᬲᬶᬂᬫ᭄ᬩᬸᬓ᭄ᬢᬶᬳᬬᬸᬦᬶᬂᬳᬸᬭᬶᬧ᭄᭞ᬢᬦ᭄ᬤᬤᬶᬓᬸᬢᬂ᭞ᬲᬶᬓᬸᬢ᭄ᬕ᭄ᬦᭂᬧᬂᬕᬯᬾᬦᬶᬦ᭄᭟ᬯᬦ᭄ᬢᬄᬮ᭄ᬬᬸᬫᬮ᭄ᬯᬳᬦ᭄ᬓᬾᬄᬫᬓᬸᬢᬂ᭞ᬳ᭄ᬬᬂᬕᬸᬭᬸᬦᭀᬭᬳᬲᬶᬄ᭞ᬫkᬳᬤᬲᬮᬄᬯᬶᬤ᭄ᬥᬶ᭞
Kaca:Bali-lontar-gaguritan-sandisastra-300ppi.pdf/23
Kaca puniki sampun kauji-wacén
