[ ᭒᭑ 21B]
᭒᭑᭞
ᬳᭀᬩᬄ᭞ᬧᬦ᭄ᬳᬲᬓ᭄ᬱᬶᬤᬾᬯᬲ᭄ᬢᬦ᭞ᬲᬂᬳ᭄ᬬᬂᬘᬬᭀᬤᬰᬲᬓ᭄ᬱᬶ᭞ᬕ᭄ᬦᬶᬮᬦ᭄ᬢᭀᬬ᭞ᬳᬗᬶᬦ᭄ᬮᬶᬦ᭄ᬢᬂᬲᬸᬃᬬ᭄ᬬᬰᬰᬶᬄ᭟ᬕᬸᬫᬶᬮᬗᬶᬢ᭄ᬳᬸᬢᬫᬲᬓ᭄ᬱᬶᬭᬶᬂᬚᬕᬢ᭄᭞ᬦᬶᬓᬲ᭄ᬢᬤᬾᬯᬳᬸᬮᬢᬶ᭞ᬲᬧᬭ
ᬦᬾᬂᬲᬭᬢ᭄᭞ᬦᬾᬲᬢᬸᬳᬸᬮᬦ᭄ᬦᭀᬭᬦ᭞ᬕᬸᬭᬸᬧᬸᬢ᭄ᬭᬧᬶᬢ᭄ᬯᬶ᭞ᬤᬾᬦ᭄ᬳᬲ᭄ᬢᬶᬢᬶᬲᬚ᭞ᬬᬦ᭄ᬳᬓᬾᬢᭀᬲᬶᬤ᭄ᬥᬧᬗᬧ᭄ᬢᬶ᭟ᬲᬫᬶᬓᬲᬶᬦᬳᬶᬂᬳ᭄ᬬᬂᬭᬶᬂᬲᬲᬭᬢ᭄᭞ᬫᭀᬮᬶᬄᬳᬸᬢᬫᬾᬂᬓᬤᬤᬶᬦ᭄᭞ᬲᬮᬄᬢᬸᬗ᭄ᬕᬮ᭄
ᬲᭀᬯᬂ᭞ᬬᬦ᭄ᬧᬤᬗ᭄ᬕᬤᬸᬄᬧᬲᬚ᭞ᬬᬦ᭄ᬲᬫᬶᬬᬦᭀᬭᬚᬢᬶ᭞ᬕᬸᬭᬸᬮᬦ᭄ᬳᬦᬓ᭄᭞ᬢ᭄ᬯᬶᬲᭀᬯᬂᬧᬧᬧᬗ᭄ᬕᬶᬄ᭟ᬢᭀᬦᬶᬸᬮᬦᬂᬲᬂᬫᬕᬸᬭᬸᬮᬦ᭄ᬫᬳᬦᬓ᭄᭞ᬲᬶᬚᬶᬲᭀᬯᬂᬍᬜᭀᬓ᭄ᬫᬗ᭄ᬕᬶᬄ᭞ᬫ᭄ᬩᬸ
ᬓ᭄ᬢᬶᬓᬯᬄᬦ᭄ᬭᬓ᭞ᬧᬢᬓᬢᬦ᭄ᬲᬭᬾᬳᬳ᭄ᬬᬂᬓᬲᬸᬳᬸᬦ᭄ᬳᬫᬲ᭄ᬢᭀᬦᬶᬦ᭄᭞ᬲᬗ᭄ᬓᬦ᭄ᬢᭀᬧᬕᭂᬳᬂ᭞ᬕᬸᬭᬸᬳᬦᬓ᭄ᬧᬗᬚᬢᬶ᭞ᬢ᭄ᬯᬶᬗᬶᬤᭂᬧᬂᬤᬦᬲᬯᬸᬃᬧᬶᬦᭂᬳᬂ᭞ᬤᬧᬧᬓ᭄ᬩᬦ᭄ᬢᭂᬦ᭄ᬓᬭᭀᬦᬶᬦ᭄
[ ᭒᭒ 22A]
᭞ᬦᬾᬧᬢᬸᬢ᭄ᬬᬲ᭄ᬤᭂᬗᬂ᭞ᬓᬾᬄᬦᭀᬭᬬᬢ᭄ᬯᬭᬬᬂ᭞ᬧᬂᬤᬲᬸᬩᬦᭂᬦ᭄ᬫᭀᬮᬶᬳᬶᬦ᭄᭞ᬢᬸᬤᬸᬄᬯᬭᬶᬕ᭞ᬳᬸᬲᬤᬯᬾᬤ᭄ᬤᬸᬲᬸᬚᬢᬶ᭞ᬦ᭄ᬢᭀᬦᬾᬯ᭄ᬦᬂᬲᬸᬂᬲᬸᬂᬓᬢᬶᬕᬧᬢᬸᬗ᭄ᬕᬮ᭄᭞ᬫᬓᬲᬸᬮᬸᬄᬧᬢᬶ
ᬳᬸᬭᬶᬧ᭄᭞ᬫᬯᬓ᭄ᬢᬸᬂᬢᬸᬂᬩᬸᬗ᭄ᬓᬄ᭞ᬗᬸᬦ᭄ᬤᬸᬓᬂᬧᬭᬶᬓ᭄ᬭᬫ᭞ᬢᬶᬗ᭄ᬓᬄᬧᬂᬫᭀᬮᬶᬳᬶᬂᬤᬤᬶ᭞ᬬᬦ᭄ᬓᬾᬤᭂᬧ᭄ᬩᬳᬦ᭄᭞ᬓᬾᬄᬢᬸᬤᬸᬄᬲᬸᬚᬢᬶᬳᬶᬭᬶᬂ᭟ᬲᬫᬶᬲᬗ᭄ᬓᭂᬧ᭄ᬭᬶᬂᬓᬸᬲᬸᬫᬳ᭄ᬬᬂᬲᬸᬓ᭄ᬱ᭄ᬫ᭞ᬭᬶᬂᬢ᭄ᬭᬶᬪ᭄ᬯᬦᬮᬶᬗ᭄ᬕᬶᬄ᭞ᬳᬶᬤᭂᬧ᭄ᬩᬬᬸᬲ
ᬩ᭄ᬤ᭞ᬪᬯᬮᬓ᭄ᬱᬦᬾᬂᬓᬃᬬ᭄ᬬ᭞ᬫ᭄ᬭᬶᬄᬭᬶᬂᬯᬶᬪᬯᬳᬸᬭᬶᬧ᭄᭞ᬦᬶᬓᬦᬾᬫᬓᬤ᭞ᬩᬦ᭄ᬢᭂᬦ᭄ᬦᭀᬭᬳᬦᬩᬸᬓ᭄ᬢᬶ᭟ᬧᬗᬢᬸᬢᬸᬃᬲᬤᬫᬸᬮᬦᬶᬂᬲᬭᬶᬭ᭞ᬤᬸᬓᬶᬂᬚᬕᬢ᭄ᬢᬶᬕᬲᬲᬶᬸᬫᬶ᭞ᬦᬸᬲᬸᬧᬶᬂᬦᬸᬫ᭄ᬧᬕᬦ᭄᭞ᬩᬦ᭄ᬢᭂᬦ᭄ᬳᬶᬤᭂᬧᬂᬧ
ᬲᬚ᭞ᬭᬾᬄᬬᬓᬫᬸᬮᬦᬶᬂᬳᬸᬭᬶᬧ᭄᭞ᬳᬚᬸᬫᬶᬂᬤᬸᬮᬂ᭞ᬮᬂᬧᬤᬲᬸᬓᬾᬂᬩᬸᬫᬶ᭟ᬲᬗ᭄ᬓᬦ᭄ᬫᬗ᭄ᬕᭀᬧᬭᬶᬲᬸᬤᬦ᭄ᬓᬯᬄᬫᬮ᭞ᬢᬸᬦᬲᬂᬭᬶᬂᬤᬾᬯᬲᬫᬶ᭞ᬲᬸᬘᬶᬦ᭄ᬲᬓᬧᬗᬦ᭄᭞ᬧᬂᬕ᭄ᬭᬶᬂᬓᬯᬄᬬᬓᬲᬸᬤ᭞ᬫᭀᬮᬶᬄᬲᬭᬶ
Kaca:Bali-lontar-gaguritan-sandisastra-300ppi.pdf/22
Kaca puniki sampun kauji-wacén
