[ ᭒᭐ 20B]
᭒᭐᭞
ᬢ᭄ᬧᬮᬚᬳᬂᬫᬓᬧᬢ᭄ᬧᬢ᭄᭞ᬬᬧᬶᬢ᭄ᬯᬶᬩᭂᬲᬶᬓ᭄ᬩᭂᬲᬶᬓ᭄᭞ᬧᬗᬫᬦᬸᬢ᭄ᬕᭂᬦᬄ᭞ᬢᬶᬗ᭄ᬓᬳᬂᬤᬤᬶᬫᬦᬸᬱ᭞ᬮᬦ᭄ᬲᬭᬚᬓᬃᬬ᭄ᬬᬦᬸᬢᬶᬦ᭄᭞ᬫᬗ᭄ᬤᬾᬤᬦᬶᬲ᭄ᬧᬮ᭞ᬭᬶᬂᬲᬭᬶᬭᬬᬳᬸᬮᬢᬶ᭟ᬢᬶᬗ᭄ᬓᬄᬳᬦ
ᬓ᭄ᬫᬕᬸᬭᬸᬤᬾᬪᬓ᭄ᬢᬶᬲᬢᬢ᭞ᬲᬓᬾᬯᭂᬄᬓᬾᬯᭂᬄᬜᬳᬶᬭᬶᬂ᭞ᬳᬸᬭᬶᬧ᭄ᬢᬸᬯᬶᬧ᭄ᬚᬸᬄ᭞ᬳ᭄ᬤᬧᬶᬲᬦ᭄ᬲᬸᬫᬗ᭄ᬲᬬ᭞ᬳᭀᬩᬄᬓ᭄ᬦᭂᬳᬾᬜ᭄ᬚᬮᬦᬶᬦ᭄᭞ᬬᬦ᭄ᬫᬦᬸᬢ᭄ᬲᬲ᭄ᬢ᭄ᬭ᭞ᬢᬦ᭄ᬳᬸᬭᬸᬂᬬᬦ᭄ᬤᬸᬗ᭄ᬓᬧ᭄ᬮ᭄ᬯᬶᬄ᭟ᬭᬾᬄᬲᬂᬫᬭᬦ᭄ᬕᬸᬭᬸ
ᬯ᭄ᬦᬂᬭᬕᬓ᭄ᬱᬭ᭞ᬲᬯᬓᬶᬂᬭᬲᬦᬶᬂᬳᬚᬶ᭞ᬬᬳᬸᬢᬫᬭᬲ᭞ᬲᬭᬶᬦᬶᬂᬭᬲᬫᬸᬮ᭄ᬬ᭞ᬢᭀᬮᬶᬗ᭄ᬕᬦ᭄ᬫᬦᬸᬱᬲᬓ᭄ᬢᬶ᭞ᬫᬸᬮᬯᬓ᭄ᬩᬚ᭄ᬭ᭞ᬲᬦ᭄ᬤᬶᬚ᭄ᬜᬦᬲᬶᬸᬚᬧᬲᬶᬤ᭄ᬥᬶ᭟ᬯᬓ᭄ᬩᬚ᭄ᬭᬬᬫᬢ᭄ᬕᭂᬲ᭄ᬫᬸᬜᬶᬲᬚ᭞ᬲᬶᬤ᭄ᬥᬶᬦᬾᬢᭀ
ᬢ᭄ᬕᭂᬲᬶᬦ᭄᭞ᬫᬦᭀᬦ᭄ᬳᬦᭂᬭᬢᬂ᭞ᬫᬮᬸᬕᬲ᭄ᬭᬶᬂᬢᬸᬢᬸᬭᬦ᭄᭞ᬲᬦ᭄ᬤᬶᬢ᭄ᬕᭂᬲ᭄ᬳᬶᬧᬸᬦ᭄ᬫᬮᬶᬄ᭞ᬲᬫᬧ᭄ᬢᬾᬂᬚᬕᬢ᭄᭞ᬲᬗ᭄ᬓᭂᬧ᭄ᬧᬤᬲᬸᬓᬾᬂᬩᬸᬫᬶ᭞ᬦ᭄ᬢᭀᬢ᭄ᬗᭂᬃᬗᬭᬕᬬᬂᬕᬸᬭᬸᬳᬤᬜ᭞ᬮᬶᬗ᭄ᬕᬦᬾᬫᬦᬸᬱᬲᬓ᭄ᬢᬶ᭞ᬦᭀ
[ ᭒᭑ 21A]
ᬭᬫᬶᬮᬶᬄᬕ᭄ᬦᬄ᭞ᬭᬾᬄᬲᬫ᭄ᬧᬸᬦ᭄ᬭᬕᬓ᭄ᬱᬭ᭞ᬦᭀᬭᬦᬲᭀᬃᬮᬦ᭄ᬲᬶᬗ᭄ᬕᬶᬄ᭞ᬬᬦᬶᬂᬢᬲ᭄ᬢ᭄ᬭᬮᬶᬗ᭄ᬕ᭞ᬓᬬᬘᬓ᭄ᬭᬦᬶᬂᬧᬤᬢᬶ᭟ᬯ᭄ᬦᬂᬫᬶᬗ᭄ᬲᭀᬃᬫᬶᬂᬮᬸᬳᬸᬃᬳᬶᬂᬳᬶᬭᬶᬗᬦ᭄᭞ᬢᭀᬬᬲᬶᬧ᭄ᬢᬜᬲᬸᬚᬢᬶ᭞ᬦᬾᬫᬤᬦ᭄
ᬲᬭᬶᬦ᭄ᬲᬲ᭄ᬢ᭄ᬭ᭞ᬦ᭄ᬫᬸᬧᬯᬶᬯᬳᬦ᭄᭞ᬯᬶᬢ᭄ᬲᬲ᭄ᬢ᭄ᬭᬦᬾᬲᬸᬃᬬ᭄ᬬᬰᬰᬶᬄ᭞ᬬᬦ᭄ᬓᬾᬤᭂᬧ᭄ᬩᬳᬦ᭄᭞ᬦ᭄ᬢᭀᬦᬾᬫᬸᬮᬜᬦ᭄ᬤᬂᬳᬶᬭᬶᬂ᭟ᬦᬶᬓᬫᬤᬦ᭄ᬕᬸᬭᬸᬗᬮᬶᬗ᭄ᬕᬬᬂᬤᬾᬯ᭞ᬳᬓᬸᬢᬸᬲ᭄ᬲᬓ᭄ᬱᬶᬲ᭄ᬢᬶᬢᬶ᭞ᬲᭀᬗ᭄ᬕ᭄ᬯᬦᬾᬭᬶᬂᬚ
ᬦᬶᬂᬢᬸᬤᬸᬄᬲᬲ᭄ᬢ᭄ᬭ᭞ᬭᬶᬂᬚᬕᬢ᭄ᬭᭀᬭᭀᬳᬸᬮᬢᬶ᭞ᬲᬓᬩ᭄ᬯᬢᬦ᭄᭞ᬩᬦ᭄ᬗᬶᬭᬶᬂᬭᬾᬄᬲᬂᬲᬸᬚᬢᬶ᭟ᬬᬲᭂᬫ᭄ᬩᬄᬲᬸᬳᬸᬦ᭄ᬲᬗ᭄ᬕᭀᬦᬢᬫ᭄ᬧᬓᬾᬭᬶᬗᬂ᭞ᬲᬭᬾᬳᬾᬮᬦ᭄ᬳᬸᬚᬃᬚᬢᬶ᭞ᬢ᭄ᬯᬶᬢᬦ᭄ᬓᭂᬦ
Kaca:Bali-lontar-gaguritan-sandisastra-300ppi.pdf/21
Kaca puniki sampun kauji-wacén
