Kaca:Bali-lontar-gaguritan-sandisastra-300ppi.pdf/20

Saking Wikisource
Kaca puniki sampun kauji-wacén

[ ᭑᭙ 19B]
᭑᭙᭞
ᬳᬤᬗᬯᬸᬕᬂ᭞ᬲᬗ᭄ᬓᬜᬧᬜᬸᬗᭂᬫᬲᬶᬦ᭄᭞ᬗᬸᬤ᭄ᬬᬂᬕᬸᬕᬸ᭞ᬳᬚᬸᬫᬬᬦ᭄ᬫᬢᬶᬲ᭄ᬯᬃᬕ᭄ᬕ᭟ᬳ᭄ᬤᬩᬶᬗᬸᬂᬢ᭄ᬯᬶᬦᬾᬫᬤᬦ᭄ᬤᬶᬭᬢᬸᬳᬸ᭞ᬲᬓ᭄ᬢᬶᬯ᭄ᬦᬂᬚᬬ᭞ᬲᬢ᭄ᬭᬸᬳᬦᬾᬂᬭᬕᬲᬫᬶ᭞ᬬᬦ᭄ᬓᬭᬶᬫ᭄ᬧᬸᬲ᭄᭞ᬓᬩᬦ᭄ᬤᬳᬶᬧᬸᬦ᭄ᬘᭀᬦ᭄ᬤ᭄ᬭᬶᬬ᭟
ᬲᬶᬂᬗᬮᬳᬂᬫᬸᬲᬸᬄᬓᬮᬶᬮᬶᬭᬦ᭄ᬤᬗᬸ᭞ᬲᬤ᭄ᬭᬶᬧᬸᬭᬶᬂᬭᬕ᭞ᬬᬭᬦ᭄ᬧᬸᬭᬸᬱᬤᬶᬮ᭄ᬯᬶᬄ᭞ᬫᬢᬶᬳᬶᬤᬸᬧ᭄᭞ᬬᬦ᭄ᬤᬸᬓ᭄ᬧ᭄ᬲ᭄ᬯᬃᬕ᭄ᬕᭀᬢᬫ᭟ᬓᬾᬢᭀᬢ᭄ᬯᬶᬮᬶᬂᬦᬶᬂᬳᬚᬶᬦᬸᬮᬸᬄᬳᬬᬸ᭞ᬤᬸᬮᬸᬭᬶᬦ᭄ᬓᬥᬃᬫ᭄ᬫᬦ᭄᭟ᬳᬭᬶᬫ᭄ᬪᬯᬮᬶᬦ᭄ᬢᬂ
ᬮ᭄ᬯᬶᬄ᭞ᬦᬾᬓᬲᬸᬫ᭄ᬩᬸᬂ᭞ᬦᭀᬭᬥᬃᬫ᭄ᬫᬗ᭄ᬕᬮᬾᬂᬫᬃᬕ᭄ᬕ᭟᭐᭟ᬧᬸᬄᬤᬸᬃᬫ᭄ᬫ᭟ᬤᬾᬦᬶᬂᬫᬸᬮᬓᬾᬄᬩᬾᬤᬦᬾᬤᬤᬶᬚᬦ᭄ᬫ᭞ᬬᬦ᭄ᬢᬦ᭄ᬯ᭄ᬭᬸᬳᬶᬂᬓᬤᬤᬶᬦ᭄᭞ᬢ᭄ᬯᬶᬫᬤᬸᬃᬕ᭄ᬕᬫ᭞ᬳᬶᬦᬲᬲ᭄ᬢ᭄ᬭᬓᬢᬶᬦ᭄ᬤᬶᬳᬦ᭄᭞ᬮ᭄ᬯᬶᬄᬢᬶᬯᬲ᭄ᬧᭂᬗ᭄ᬓᬸ
ᬜᬸᬮᬶᬕ᭄᭞ᬢᬦ᭄‌ᬯᬸᬦ᭄ᬓᬲᬲᬃ᭞ᬧᬧᬧᬗ᭄ᬕᬶᬄᬲᭀᬭᬶᬂᬩᬸᬫᬶ᭟ᬲᬗ᭄ᬓᬦ᭄ᬚᬦᬶᬲᬳᬢᬂᬚᬧᬮᬚᬳᬂ᭞ᬕᬸᬭᬸᬯᬾᬂᬫᬸᬂᬧᬸᬂᬳᬸᬭᬶᬧ᭄᭞ᬭᬶᬂᬤᬲᬂᬧᬡ᭄ᬥᬶᬢ᭞ᬭᬶᬂᬭᬾᬄᬘᬯᬸᬃᬯᬃᬡ᭄ᬦ᭞ᬧᬓᬧᬢ᭄ᬧᬢ᭄ᬧᬂᬳᬸᬦᬶᬗᬶᬦ᭄᭞ᬧᬃᬡ᭄ᬦᬜ
[ ᭒᭐ 20A]
ᬲᬫ᭄ᬬᬦ᭄᭞ᬭᬶᬂᬪ᭄ᬯᬦᬕᬸᬂᬳᬮᬶᬢ᭄᭟ᬮᬯᬦ᭄ᬲᬲ᭄ᬢ᭄ᬭᬜᬦᬾᬗᬯᬶᬢ᭄ᬮᬦ᭄ᬧᬫ᭄ᬓᬲ᭄᭞ᬫᬓᬧᬢ᭄ᬧᬢ᭄ᬧᬗᬧᬲ᭄ᬢᬶ᭞ᬲᬫ᭄ᬧᬸᬦ᭄‌ᬫ᭄ᬩᬳᬂᬲᬫᬃ᭞ᬲ᭄ᬓᭂᬦᬬᬢᬓᭀᬦᬂ᭞ᬧᬦᬶᬂᬳᬸᬦᬶᬂᬤᬤᬶᬓᬦ᭄ᬢᬶ᭞ᬘᬢᬸᬭᬲ᭄ᬭᬫ᭞ᬲᬭᬦᬾ
ᬳᬶᬓᬦᬸᬗ᭄ᬕᬶᬮ᭄᭟ᬢᭀᬬᬢᬸᬦᬲ᭄ᬭᬶᬂᬲᬂᬳᬤᬶᬕᬸᬭᬸᬦ᭄ᬚᬕᬢ᭄᭞ᬧᬂᬗᬾᬢᬾᬂᬩᬦ᭄‌ᬬᬓᭀᬮᬢᬶ᭞ᬤᬸᬓᬶᬂᬲᬭᬶᬭᬗ᭄ᬕ᭞ᬦᬧᬶᬲᬲ᭄ᬢ᭄ᬭᬦ᭄ᬳᬶᬧᬸᬦ᭄ᬫᬸᬮ᭞ᬓᬾᬦ᭄ᬓᬾᬦ᭄ᬭᬸᬧᬦᬾᬲᬸᬚᬢᬶ᭞ᬭᬾᬄᬘᬢᬸᬃᬯᬃᬡ᭄ᬦ᭞ᬲᬦᬾᬭᬶᬂᬲᬭᬶᬭᬲᬫᬶ᭟ᬫᬶ
ᬯᬄᬤᬤᭀᬬᬦᬾᬦᬶᬓᬲᬶᬚᬶᬲᭀᬯᬂ᭞ᬲᬗ᭄ᬓᬜᬗᬸᬓᬸᬳᬂᬕᬸᬫᬶ᭞ᬲᬓᬮᬦᬶᬲ᭄ᬓᬮ᭞ᬢ᭄ᬯᬶᬬᬢᬦ᭄ᬤᬤᬶᬧᬲᬄ᭞ᬩ᭄ᬭᬳ᭄ᬫᬦᬲᬢ᭄ᬭ᭄ᬬᬚᬢᬶ᭞ᬯᬾᬱ᭄ᬬᬮᬦ᭄ᬲᬸᬤ᭄ᬭ᭞ᬬᬦ᭄ᬫᬢᬸᬢ᭄‌ᬬᬧᬂᬲᬳᬸᬭᬶᬧ᭄᭟ᬬᬦᬲᬶᬗ᭄ᬲᬮ᭄‌ᬫᬓᬧᬢ᭄ᬧ
ᬢ᭄‌ᬩᬸᬤᬭᭀᬲ᭞ᬫᬕᭂᬜ᭄ᬚᭀᬢᬦ᭄‌ᬦᭀᬭᬲᬶᬄᬲᬶᬄ᭞ᬳᬭᭀᬳᬭᬢᬂᬭᬢ᭄᭞ᬬᬢ᭄ᬗᭂᬭᬶᬂᬪᬬᬢ᭄ᬓ᭞ᬓᬾᬄᬩᬜ᭄ᬘᬦᬢ᭄ᬓᬦᬶᬦ᭄ᬤᬶᬄ᭞ᬗ᭄ᬕᬯᬾᬓ᭄ᬲᬂᬲᬭᬦ᭄᭞ᬧᬂᬜᬓ᭄ᬮᬘᬸᬃᬤᭂᬦ᭄ᬤᬦ᭄‌ᬯᬶᬤ᭄ᬥᬶ᭟ᬲᬗ᭄ᬓᬦ᭄ᬧᬢᬸ