[ ᭑ 1B]
᭑᭞
᭚ᬅᬯᬶᬖ᭄ᬦᬫᬲ᭄ᬢᬸ᭚᭟ᬧᬸᬄᬲᬶᬦᭀᬫ᭄᭟ᬲᬫ᭄ᬧᬸᬭᬲᬫᬶᬲᬫ᭄ᬧᬸᬭ᭞ᬲᬶᬂᬲᬸᬤᬶᬓᬬᬸᬦ᭄ᬫᬯᭀᬲᬶᬦ᭄᭞ᬫᬦᬯᬶᬢᬦ᭄ᬯᬾᬦ᭄ᬢᭂᬦ᭄ᬲᬶᬗ᭄ᬲᬮ᭄᭞ᬢᬦ᭄ᬦᬸᬢ᭄ᬧᬸᬧᬸᬄᬢᬸᬢᬸᬃᬲᬶᬗ᭄ᬕᬶᬄ᭞ᬳᬶᬘ᭄ᬙᬚᬲᬂᬧᬸᬢᬸᬲᬶᬂᬦᬶᬲ᭄᭞ᬲᬶᬓᬶᬭᬂᬬᬢᬫ᭄ᬩᬸᬄ
ᬧᬢᬸᬢ᭄᭞ᬦᬾᬭᬗ᭄ᬓᬸᬂᬤᬾᬦ᭄ᬓᬸᬭᬗᬦ᭞ᬭᬲᬦᬾᬫᬸᬮᬧᬶᬦᭂᬳᬶᬦ᭄᭞ᬦᬾᬲᬸᬚᬢᬶ᭞ᬫᭂᬢᬸᬲᬓᬶᬂᬫᬸᬮᬵᬓ᭄ᬱᬭ᭟ᬲᬶᬜᬲᬶᬤ᭄ᬥᬗ᭄ᬕᭀᬦ᭄ᬧᬶᬗᭂᬢᬦ᭄᭞ᬦᬸᬢᬸᬃᬧᬓᬸᬋᬦᬦ᭄ᬲᬫᬶ᭞ᬫᬓᬤᬶᬜᬓᬤᬂᬯᬃᬕ᭄ᬕ᭞ᬤᬸᬫᬤ
ᬓ᭄ᬢᬾᬳᬶᬘ᭄ᬙᬯᬶᬤ᭄ᬥᬶ᭞ᬫᬲᬶᬂᬳᬲᬭᬶᬭᬢᬸᬗ᭄ᬕᬶᬮ᭄᭞ᬲᬫᬶᬗ᭄ᬕᬶᬦᭂᬂᬢᬸᬢᬸᬃᬳᬬᬸ᭞ᬚ᭄ᬜᭂᬓᬶᬂᬢᬧᬩ᭄ᬭᬢ᭞ᬚᬧᬬᭀᬕᬮᬦ᭄ᬲᬫᬤᬶ᭞ᬯᬦᬧ᭄ᬭᬲ᭄ᬢ᭞ᬫᬗᬸᬗ᭄ᬲᬶᬃᬳᬃᬰ᭄ᬰ᭄ᬳᬕᬫᬦ᭟ᬮᬫᬓ᭄ᬗᬮᬶᬄᬓᬩ᭄ᬬᬸᬤᬬᬦ᭄᭞ᬲᬶᬕᭂᬂᬓ
ᬫᬵᬃᬣᬳᬶᬫ᭄ᬧᬲᬶᬦ᭄᭞ᬥᬃᬫ᭄ᬫᬫᬸᬮᬬᬢᬧᬓᬂ᭞ᬫᬗ᭄ᬤᬾᬓᬲᬶᬤ᭄ᬥᬦ᭄ᬧᬗᬧ᭄ᬢᬶ᭞ᬳᬶᬘ᭄ᬙᬳ᭄ᬬᬂᬓᬲᬸᬳᬸᬦ᭄ᬓᬮᬶᬄ᭞ᬫᬲᬸᬂᬲᬳᬸᬦ᭄ᬢᭂᬗᬶᬂᬓᬬᬸᬦ᭄᭞ᬲᭂᬧᬢᬶᬂᬲᬃᬯ᭄ᬯᬵᬓ᭄ᬱᬭ᭞ᬓᬯᬶᬢᬦᬶᬂᬚᬕᬢ᭄ᬲᬲᬶ᭞ᬯ᭄ᬭᬸᬳᬶᬂᬭᬕ
[ ᭒ 2A]
ᬲᬫᬦᬶᬂᬫᬦᬸᬱᬢᬸᬗ᭄ᬕᬮ᭄᭟ᬭᬸᬳᬶᬂᬲᭀᬓ᭄ᬳᬜ᭄ᬘᭂᬂᬓᬾᬯᬮ᭞ᬫᬸᬮᬦᬾᬓᭀᬘᬧᬶᬂᬢᬸᬮᬶᬲ᭄᭞ᬤᬾᬦᬶᬂᬚᬢᬶᬦᭀᬭᬢᬯᬂ᭞ᬲᬗ᭄ᬓᬦᬢᬧᬬᬂᬳᬸᬮᬶᬸ᭞ᬳᬢᬶ᭞ᬫᬦᬸᬫ᭄ᬧᬓᬶᬂᬲᬸᬦ᭄ᬬᬦᬸᬲᬸᬧ᭄᭞ᬩᬶᬮᬶᬄᬳᬤᬲᬶ
ᬳᬶᬂᬳ᭄ᬬᬂ᭞ᬦᬸᬮᬸᬄᬧᬂᬳᬸᬦᬶᬂᬓᬤᬤᬶᬦ᭄᭞ᬲᬶᬤ᭄ᬥᬫᭂᬢᬸ᭞ᬓᬸᬫᬸᬮᬘᬸᬓᬸᬮᬶᬃᬲᬶᬮ᭟ᬬᬦ᭄ᬓᬾᬢᭀᬬᬓᭂᬦᬦ᭄ᬤᭂᬮᬂ᭞ᬯ᭄ᬭᬸᬳᬶᬂᬭᬲᬢᬸᬢᬸᬃᬧᬶᬗᬶᬢ᭄᭞ᬘᬶᬳ᭄ᬦᬦᬾᬯᬸᬲ᭄ᬲᬶᬤ᭄ᬥᬦᬸᬗ᭄ᬕᬮ᭄᭞ᬓᬯᬶᬢᬦ᭄ᬲᬲ᭄ᬢ᭄ᬭᬦᬾᬲᬫᬶ᭞ᬬ
ᬦᬾᬯ᭄ᬦᬂᬦᬸᬮᬸᬄᬚᬢᬶ᭞ᬭᬶᬂᬚᬕᬢ᭄ᬲᭀᬚᬭᬾᬢᬸᬳᬸ᭞ᬬᬦ᭄ᬢᬦ᭄ᬓᬾᬢᭀᬢ᭄ᬯᬶᬜ᭞ᬤᬦ᭄ᬤᬾᬦ᭄ᬳᬶᬚᬸᬗᬓᬸᬳᬸᬦᬶᬂ᭞ᬦᬸᬮᬸᬄᬢᬸᬢᬸᬃ᭞ᬮ᭄ᬬᬸᬫᬗ᭄ᬕᬶᬄᬢᬲ᭄ᬢ᭄ᬭᬓᭀᬘᬧ᭄᭟ᬭᬾᬄᬬᬾᬦ᭄ᬧᭂᬮᬶᬄᬩᬦ᭄ᬦᬸᬮᬸᬳᬂ᭞ᬲᬋᬂᬲᬂᬓᬢᬸᬮᬸᬄᬲᬶ
ᬲᬶᬧ᭄᭞ᬩ᭄ᬭᬳ᭄ᬫᬢ᭄ᬬᬳᬮ᭄ᬧᬬᬸᬲ᭞ᬬᬦ᭄ᬧᬢᬸᬢ᭄ᬩᬦ᭄ᬦᬸᬮᬸᬄᬲᬶᬗ᭄ᬕᬶᬄ᭞ᬲᭂᬓᬭᭀᬦᬾᬫᬗ᭄ᬕᬶᬄᬩᭂᬘᬶᬓ᭄᭞ᬦᬸᬮᬸᬄᬓᬢᬸᬮᬸᬄᬲᬓᬬᬸᬦ᭄᭞ᬲᬸᬮᬩᬕᬵᭂᬂᬤᬶᬃᬕ᭄ᬕᬬᬸᬲ᭞ᬲᬗ᭄ᬓᬦ᭄ᬜᬦ᭄ᬤᬬᬬᬢ᭄ᬦᬳᬶᬦ᭄᭞ᬲ᭄ᬮᬾᬂᬢᬸᬮᬸᬄ᭞ᬗᬦ᭄ᬤᭂᬮ᭄ᬮᬸ
