Kaca:Bali-lontar-gaguritan-sandisastra-300ppi.pdf/19

Saking Wikisource
Kaca puniki sampun kauji-wacén

[ ᭑᭘ 18B]
᭑᭘᭞
ᬯᬸᬄ᭞ᬫᬢᬶᬫᬲᬶᬄᬋᬓᭀᬲ᭄ᬯᬃᬕ᭄ᬕ᭟ᬢᭀᬳᬸᬜ᭄ᬘᬭᬦ᭄ᬲᬂᬯ᭄ᬭᬸᬄᬭᬶᬂᬦᬬᬳᬮᬸᬲ᭄᭞ᬤ᭄ᬯᭂᬕ᭄ᬗᬮᬧ᭄ᬫᬦᬄ᭞ᬦᬾᬚ᭄ᬭᬶᬄᬬᬤᬤᬶᬩᬦᬶ᭞ᬗ᭄ᬳᬶᬂᬗᬮᬮᬸ᭞ᬩᬦᬶᬧᬶᬢᬶᬓ᭄‌ᬓᬓᬼᬕᬦ᭄᭟ᬳᬧᬶᬯ᭄ᬭᬸᬄᬦᬶᬭᬸᬲᬂᬲᬢ᭄ᬭᬶᬬᬾᬂᬳᬬᬸᬦ᭄᭞ᬢ᭄ᬮ
ᬲ᭄ᬧᬕᬸᬭᬸᬯᬦ᭄᭞ᬤᬾᬯᬾᬓ᭄ᬫᬶᬮᬸᬫᬗᭂᬢ᭄ᬭᬶᬭᬶᬄ᭞ᬢᬦ᭄ᬧᬕᬸᬭᬸ᭞ᬗᬦᬸᬢᬶᬦ᭄ᬲᬢ᭄ᬭᭀᬢᬫ᭟ᬦᬾᬓᬾᬢᭀᬬᬫᬤᬦ᭄ᬫᬢᬶᬤᭀᬲᬧᬸᬭᬸᬕ᭄᭞ᬫᬢᬶᬧᬧᬗᭂᬦᬦ᭄᭞ᬳᬦᬓ᭄ᬭᬩᬶᬳᬃᬣᬢᭀᬮᬶᬄ᭞ᬲᬳᬶᬗᬶᬩᬸᬓ᭄᭞ᬬᬦ᭄ᬫᬢᬶ
ᬦᬾᬢᭀᬓᬲᬲᬃ᭟ᬓᬾᬢᭀᬤᬤᬶᬫᬢᬶᬦᬾᬩᬦ᭄ᬲᬓᬶᬂᬓᬚᬸᬫ᭄᭞ᬭᬾᬄᬬᬦ᭄ᬋᬲᬗ᭄ᬲ᭞ᬦᭀᬭᬦᬭᬶᬫ᭄ᬩᬯᬳᬲᬶᬄ᭞ᬫᬸᬚᬶᬧᬸᬗ᭄ᬕᬸᬂ᭞ᬧᬂᬩᬦᬶᬬᬳᬤ᭄ᬯᬂᬧ᭄ᬭᬂ᭟ᬢᭀᬧᬫᬦ᭄‌ᬓ᭄ᬯᬾᬬᬾᬚ᭄ᬜᬢᬶᬢᬶᬯᬧᬗ᭄ᬕᬸᬂ᭞ᬩᬦᬶᬩᬾᬶᬸᬗᬵᬜᬂᬕ᭄ᬮᬄ᭞ᬧᬂ
ᬓᬚᬸᬫ᭄ᬓᬲᬫ᭄ᬩᬢ᭄ᬲᬸᬕᬶᬄᬢ᭄ᬮᬄᬲᬫ᭄ᬧᬸᬦ᭄᭞ᬭᬕᬫᬢᬶᬢᬦ᭄ᬧᬳᭀᬭᬢ᭄᭞ᬢᭀᬧᬮᬜᬬᬦ᭄ᬕᬸᬭᬸᬦᭀᬭᬬᬓᬢᬸᬢ᭄᭞ᬬᬋᬓᭀᬲ᭄ᬯᬃᬕ᭞ᬲ᭄ᬯᬃᬕ᭄ᬕᬦ᭄ᬳᬧᬦᬾᬢᭂᬧᬸᬓᬶᬦ᭄᭞ᬓᭂᬮᬶᬢ᭄ᬢᬓᬸᬢ᭄᭞ᬕ᭄ᬮᬄᬢ᭄ᬮᬄᬫᬢᬶᬧᬧ᭟ᬮ᭄ᬬᬸᬧ᭄ᬚᬄᬳᬗ᭄ᬮᬄ
[ ᭑᭙ 19A]
ᬮᬄᬳᬶᬂᬫᬃᬕ᭄ᬕᬲᬶᬮᬸᬓ᭄᭞ᬗᬍᬢᬸᬳᬶᬦ᭄ᬚᬕᬢ᭄᭞ᬬᬳᬤᬦᬶᬦ᭄ᬲ᭄ᬯᬃᬕ᭄ᬕᬮ᭄ᬯᬶᬄ᭞ᬘᬶᬭᬶᬦ᭄ᬫᬸᬭᬸᬂ᭞ᬬᬾᬦ᭄ᬓᬾᬢᭀᬫᬤᬦ᭄ᬳᬸᬢᬫ᭟ᬤᬶᬚᬮᬸᬳᬸᬂᬫᬢᬶᬦᬾᬕᬯᬾᬦᬶᬦ᭄‌ᬧᬸᬯᬸᬓ᭄᭞ᬲᬶᬮᬶᬄᬩ᭄ᬤᬶᬮ᭄ᬢᬸᬫ᭄ᬩᬓ᭄᭞ᬢᭀᬦᬾᬫᬤᬦ᭄ᬲᬮᬄᬧᬢᬶ᭞ᬲᬮᬄ
ᬲᬸᬭᬸᬧ᭄᭞ᬦᬶᬦ᭄ᬤᬶᬳᬶᬦ᭄ᬳᬶᬫᭀᬫᭀᬫᬸᬃᬓ᭄ᬓ᭟ᬲᬗ᭄ᬓᬦ᭄ᬢᬸᬳᬸᬢ᭄‌ᬫᬃᬕ᭄ᬕᬫᬢᬶᬦᬾᬧᬸᬦᬶᬓᬸ᭞ᬩᬦ᭄ᬳᬯᬓᬾᬩᬗ᭄ᬕ᭞ᬲᬶᬕᬸᬕᬾᬧᬂᬓᬸᬘᬧ᭄ᬭᬶᬭᬶᬄ᭞ᬢᬸᬃᬓᬲᬸᬫ᭄ᬩᬸᬂ᭞ᬲᬓ᭄ᬢᬶᬮᬕᬯᬧᬸᬭᬸᬲ᭟ᬢᭀᬲᬶᬓᭂᬧᬶᬂᬳᬶᬦᬸᬲᬲ᭄ᬢ᭄ᬭᬦᭀᬭᬢᬸᬢᬸᬃ᭞ᬲᬸᬫ᭄ᬩᬸᬂᬧᬗᬕ
ᬮᬓ᭄᭞ᬍᬕᬦᬶᬦ᭄ᬫᬸᬜᬶᬓᭂᬍᬕᭂᬦ᭄᭞ᬫᬗ᭄ᬤᬾᬢᬸᬭᬸᬢ᭄᭞ᬬᬫᭂᬢᭀᬄᬳᬸᬭᬶᬧ᭄ᬪᬶᬸᬧ᭄‌ᬯᬶᬦᬯ᭟ᬲᬗ᭄ᬓᬦ᭄ᬓᬾᬳᬶᬂᬢᬯᬦ᭄ᬯ᭄ᬭᬸᬳᬶᬂᬲᬭᬶᬭᬢᬸᬳᬸ᭞ᬯᬮᬸᬗᬦ᭄‌ᬓᭀᬧᬫᬦ᭄᭞ᬤᬾᬲᬂᬧ᭄ᬭᬚ᭄ᬜᬾᬂᬳᬚᬶᬯ᭄ᬕᬶᬕ᭄᭞ᬳᬧᬶᬕᬸᬭᬸ᭞ᬯᬋᬕ᭄ᬳᬸᬧᭂᬢ᭄ᬳᭀ
ᬮᬶᬄᬫᬗᬦ᭄᭟ᬧᬦᬶᬂᬚᬬᬕᬸᬭᬸᬫᭀᬮᬶᬳᬶᬂᬓᬲᬸᬫ᭄ᬩᬸᬂ᭞ᬤᬾᬯᬾᬓ᭄ᬓᬚᬸᬫ᭄ᬧ᭄ᬚᬄ᭞ᬲᬢ᭄ᬜᭂᬓᬄᬢᭀᬳᬃᬣᬕᬸᬫᬶ᭞ᬲᬫᬶᬓᬸᬫ᭄ᬧᬸᬮ᭄᭞ᬭᬶᬂᬲᬂᬫᬶᬗᬸᬭᬕᬤᬯᬓ᭄᭟ᬦᬶᬓᬲᬫ᭄ᬧᬸᬦ᭄‌ᬦᬾᬫᬳᬤᬦ᭄ᬢᬸᬤᬸᬄᬳᬸᬕᬸᬕ᭄᭞ᬭᬾ