[ ᭑᭗ 17B]
ᬫᬶᬲᬶᬧᬸᬬᬸᬂ᭞ᬭᬾᬄᬫᬧ᭄ᬯᬬᬗᬦ᭄᭞ᬯᬬᬂᬮᬯᬢ᭄ᬮᬦ᭄ᬲᬫᬺᬢᬶ᭞ᬲᬗ᭄ᬓᬦ᭄ᬯ᭄ᬭᬸᬄ᭞ᬳᭂᬜᬾᬦ᭄ᬓᬮᬯᬢ᭄ᬢᭀᬢᭀᬜ᭟ᬩᬧᬩᬩᬸᬫᬮᬯᬢ᭄ᬫᬦ᭄ᬤᬤᬶᬲᬸᬓᬸ᭞ᬲᬗ᭄ᬓᬦ᭄ᬳᬤᬳᬸᬚᬃ᭞ᬜ᭄ᬚᬸᬯᬂᬳᬶᬩᬸᬜ᭄ᬚᬸᬯᬂᬳᬚᬶ᭞
ᬢ᭄ᬯᬄᬧᬗᬸᬲ᭄᭞ᬕᭀᬩᬦ᭄ᬫᬾᬫᬾᬮᬸᬲᬧᬗ᭄ᬲᭂᬕᬂ᭟ᬩᬲ᭄ᬮ᭄ᬬᬸᬬᬾᬦ᭄ᬳᬶᬢᬸᬗᬂᬲᬫᬶᬘᬭᬸᬓ᭄᭞ᬓᬾᬄᬭᬕᬬᬗ᭄ᬕᬯᬾᬧᬮᬶᬂ᭞ᬲᬗ᭄ᬓᬦ᭄ᬧᬢᬸᬢ᭄᭞ᬢᬸᬢᬸᬃᬗᬩᬾᬦᬾᬓᭀᬘᬧᬂ᭟ᬢᭀᬬᬋᬓᭀᬬᬦ᭄ᬗᬸᬢᬂᬳᬸᬢᬫ
ᬳᬬᬸ᭞ᬭᬶᬓᬮᬯᭀᬂᬧ᭄ᬚᬄ᭞ᬗᬸᬗ᭄ᬓᬾᬬᬩᬋᬱᬶᬳᬶᬦ᭄᭞ᬫᬗ᭄ᬤᬾᬳᬬᬸ᭞ᬲᬂᬮᬮᬶᬲ᭄ᬭᬶᬂᬦᭀᬭᬢᬯᬂ᭟ᬕ᭄ᬦᬄᬦᬸᬭᬸᬄᬕ᭄ᬮᬳᬾᬢᬸᬜ᭄ᬚᭂᬮ᭄ᬧᬂᬮ᭄ᬬᬸ᭞ᬲᬶᬜᬢᭀᬫᬓ᭄ᬭᬦ᭞ᬲᬂᬫᬢᬶᬜᬓ᭄ᬫᬗ᭄ᬕᬶᬄᬮ᭄ᬯᬶᬄ᭞ᬦ᭄ᬤᬸᬗ᭄ᬓᬧ᭄ᬳᬬᬸ᭞
ᬫᬾᬭᬸᬦᬾᬫᬢᬸᬫ᭄ᬧᬂᬲᭀᬮᬲ᭄᭟ᬲᬗ᭄ᬓᬦ᭄ᬤᭀᬳᬂᬕᬸᬕᬸᬮ᭄ᬧᬸᬗ᭄ᬕᬸᬂᬤ᭄ᬫᭂᬦ᭄ᬳᬚᬸᬫ᭄᭞ᬲᬶᬭᬦᬯᬂᬳᬯᬓ᭄᭞ᬓᬭᬶᬫ᭄ᬧᬸᬲ᭄ᬩᬦ᭄ᬲᬢ᭄ᬯᬘᬗ᭄ᬓᬶᬢ᭄᭞ᬤᬤᬶᬢᬸᬭᬸᬢ᭄᭞ᬫᬦᬳᬾᬓᬧ᭄ᬭᬩᬾᬤ᭟ᬢᭀᬢ᭄ᬗᬦᬾᬓ
[ ᭑᭘ 18A]
ᬩᬶᬓᬲ᭄ᬗᬦ᭄ᬤᬬᬳᬮᬸᬲ᭄᭞ᬳᬸᬧᬫᬦᬾᬂᬧ᭄ᬭᬂ᭞ᬓᬸᬘᬧ᭄ᬩᬦᬾᬧᬮᬶᬂᬮ᭄ᬯᬶᬄ᭞ᬬᬦᬶᬂᬯ᭄ᬭᬸᬄ᭞ᬢ᭄ᬯᬶᬫᬢᬶᬬᬲ᭄ᬯᬃᬕ᭄ᬕ᭟ᬭᬶᬂᬲᬂᬲᬫ᭄ᬧᬸᬦ᭄ᬧᬸᬢᬸᬲᬶᬂᬭᬾᬄᬦᬶᬂᬳᬕᬸᬂ᭞ᬢᬶᬦ᭄ᬓᬄᬓ᭄ᬱᬢ᭄ᬭᬶᬬ᭞ᬯᬶᬤᬕ᭄ᬤᬾᬂᬳᬸᬧᬬᬲᬦ᭄ᬤᬶ᭞ᬤᬶᬦᬶᬤᬶᬢᬸ᭞ᬲᬓᬮ
ᬦᬶᬲ᭄ᬓᬮᬢᬯᬂ᭞ᬯ᭄ᬭᬸᬳᬶᬂᬢᬶᬢᬳᬮᬄᬫ᭄ᬦᬂᬫᬸᬢᬶᬳᬶᬤᬸᬧ᭄᭞ᬫᬶᬯᬄᬮᬗ᭄ᬓᬦ᭄ᬧᬭᬦ᭄᭞ᬥᬃᬫ᭄ᬫᬧᬸᬭᬸᬱᬲᬸᬚᬢᬶ᭞ᬭᬾᬳᬶᬂᬬᬤᬸ᭞ᬫᭀᬮᬶᬄᬦ᭄ᬢᭀᬮᬶᬄᬯᬲ᭄ᬧᬤ᭟ᬧᭂᬲᬸᬫᬸᬮᬶᬄᬢ᭄ᬓᬮ᭄ᬯᬲ᭄ᬧᬲᬂᬲᬸᬭᬸᬤ᭄᭞ᬘᬾᬘ᭄ᬢᬓᬭᬾᬂᬧ᭄ᬭᬂ᭞ᬯ᭄ᬭᬸᬄᬳᬦᬶ
ᬤ᭄ᬭᬘᬶᬮᬭᬶᬂ᭞ᬢ᭄ᬓᬲᬢ᭄ᬭᬸ᭞ᬫᬤᭂᬕ᭄ᬓᬲᬸᬭᬦᬶᬂᬮᬕ᭟ᬢᬦ᭄ᬳᬕᬶᬕᬸᬘᬶᬢᬦᬾᬬᬦ᭄ᬧ᭄ᬭᬂᬘᬸᬘᬸᬄ᭞ᬫᬗᬬᬸᬓᬤᬶᬭᬦ᭄᭞ᬧᬦ᭄ᬲᬫ᭄ᬧᬸᬦ᭄ᬳᬦᬶᬂᬓᬤᬤᬶᬦ᭄᭞ᬫᬗ᭄ᬓᬶᬦ᭄ᬧᬸᬗ᭄ᬓᬸᬃ᭞ᬲ᭄ᬯᬃᬕ᭄ᬕᬦᬭᬓᬯᬲ᭄ᬧᬤ᭞ᬢᭀᬲᬗ᭄ᬓᬦᬾᬓᬳᬸᬘᬧ᭄ᬓ᭄ᬱ
ᬢ᭄ᬭᬶᬬᬢᬸᬳᬸ᭞ᬦᬯᬂᬢᬶᬢᬄᬤᬾᬯ᭞ᬚᬬᬯᬶᬚᬬᬓᭀᬮᬢᬶ᭞ᬮᬶᬮᬾᬂᬳᬬᬸᬦ᭄᭞ᬬᬦ᭄ᬫᬢᬶᬢᭀᬬᬲ᭄ᬯᬃᬕ᭄ᬕ᭟ᬬᬦ᭄ᬢᬦ᭄ᬓᬾᬢᭀᬭᬾᬄᬯᬢᭂᬓ᭄ᬬᬤᬸᬗᬮᬮᬸ᭞ᬫᬢᬶᬦᬾᬓᬕᬚᬕ᭄᭞ᬫᬶᬲᬶᬢᬓᬸᬢ᭄ᬩᬦᬶᬗᬸᬜ᭄ᬚᬶᬃ᭞ᬫᭂᬢᬸᬓᬾ
Kaca:Bali-lontar-gaguritan-sandisastra-300ppi.pdf/18
Kaca puniki sampun kauji-wacén
