Kaca:Bali-lontar-gaguritan-sandisastra-300ppi.pdf/17

Saking Wikisource
Kaca puniki sampun kauji-wacén

[ ᭑᭖ 16B]
᭑᭖᭞
ᬭᬶᬳᬚᬓ᭄ᬲᬋᬂᬲᬳᬶ᭞ᬗ᭄ᬳᬶᬂᬢᭀᬬᬲᬫᬶᬫ᭄ᬯᬦᬶ᭞ᬦᭀᬭᬦᬾᬬᬧᬓᬶᬸᬦᬓ᭄ᬳᭂᬮᬸᬄ᭞ᬳᬩᭂᬲᬶᬓ᭄‌ᬢᭀᬬᬗᬶᬩᬸᬓᬂ᭞ᬳᭂᬮᬸᬄᬯᬦ᭄ᬢᬄᬧᬤᬶᬤᬶᬳᬶ᭞ᬫᬶᬜ᭄ᬘᬂᬫᬶᬜ᭄ᬘᬸᬂ᭞ᬧᭂᬲᬸᬫᬸᬮᬶᬄᬢ᭄ᬓᬮ᭄ᬯᬲ᭄᭟ᬧ᭄ᬢᭂᬂᬍᬫᬄᬫᬕᬭᬧᬦ᭄
᭞ᬤᬶᬧᬯᭀᬦ᭄‌ᬬᬦᭀᬭᬕᬶᬗ᭄ᬲᬶᬃ᭞ᬫᬦᬸᬗ᭄ᬕᬳᬂᬧᬬᬸᬓ᭄ᬚᬓᬦ᭄᭞ᬜᭂᬫᬓ᭄‌ᬬᬾᬄᬗᭂᬦ᭄ᬤᬶᬳᬂᬳᬧᬶ᭞ᬗᬶᬓᬶᬄᬲᬫ᭄ᬩᬶᬮᬂᬦᬦ᭄ᬤᬸᬲᬶᬦ᭄᭞ᬕᬗᬦᬾᬧᬸᬮᬂᬤᬶᬭᬶᬭᬸᬦ᭄᭞ᬲᬫ᭄ᬩᬶᬮᬂᬦᬸᬮᬸᬓᬂᬲᬳᬂ᭞ᬳᬧᬶᬦᬾᬫᬦ᭄ᬤᬶ
ᬮᬄᬫᬶᬚᬶᬮ᭄᭞ᬤᬲᬦ᭄ᬧᬸᬳᬸᬦ᭄᭞ᬓᬢᬸᬗ᭄ᬓᬸᬮ᭄ᬫᭂᬚᭂᬓ᭄ᬢᬦᬸᬲᬦ᭄᭞ᬕ᭄ᬦᬶᬫᬸᬭᬸᬩ᭄ᬫᬤᬾᬮᭀᬯᬦ᭄᭞ᬦ᭄ᬤᬶᬮᬧ᭄ᬲᬫᬶᬓᬧᬸᬢ᭄ᬳᬧᬶ᭞ᬧᬶᬂᬢᬶᬕᬬᬫᬓᬳᬸᬓᬦ᭄᭞ᬢ᭄ᬯᬭᬳᬤᬫᬜᬳᬸᬢᬶᬦ᭄᭞ᬚ᭄ᬭᬢ᭄ᬚ᭄ᬭᬶᬢ᭄‌ᬕᭀᬜ᭄ᬘᬂ
ᬧᬮᬶᬂ᭞ᬢ᭄ᬯᬭᬤᬳᬦᬓ᭄ᬫᬦᬸᬮᬸᬂ᭞ᬜᭂᬫᬓ᭄‌ᬬᬾᬄᬮᬳᬸᬢ᭄ᬫᬜᬶᬭᬫ᭄᭞ᬜᬸᬫ᭄ᬧᬸᬢ᭄‌ᬲ᭄ᬧᬶᬢ᭄ᬢᬸᬤᬂᬢᬸᬤᬶᬂ᭞ᬗᬗ᭄ᬕᬃᬲ᭄ᬬᬸᬢ᭄᭞ᬳᬧᬶᬦᬾᬗᭂᬳᭂᬲ᭄ᬧᬢᭂᬮᬲ᭄᭟ᬤᬶᬲᬸᬩᬦᬾᬚᬢᬶᬫᬸᬮ᭞ᬯᬮᬸᬬᬓᬬᬾᬂᬮᬕᬶ᭞
[ ᭑᭗ 17A]
ᬮᬸᬢ᭄ᬦᬸᬢᬸᬕᬂᬫᬕᬭᬧᬦ᭄᭞ᬧᬭᬩᭀᬢᬾᬧᬍᬂᬓ᭄ᬢᬶᬓ᭄᭞ᬫᬮᬶᬄᬬᬢᬸᬧ᭄ᬢᬸᬧᬂᬲᬫᬶ᭞ᬚᬸᬚᬸᬄᬓ᭄ᬮᭀᬤ᭄ᬓᬗᬶᬦ᭄ᬓᬯᬸᬄ᭞ᬦᬸᬤᬸᬓ᭄ᬓᬚᬫᬗᬮᭀᬤᬂ᭞ᬓᬯᬸᬄᬢᬢ᭄ᬓᬦᬶᬓᬗᬶᬦ᭄᭞ᬦᬸᬢᬢᬶᬕ᭞ᬧ᭄ᬭᬩᭀᬢ᭄ᬜᬤᬸᬭᬸᬂᬓ
ᬚᭂᬫᬓ᭄᭟ᬲᬶᬦ᭄ᬤᬸᬓ᭄ᬲ᭄ᬬᬸᬢ᭄‌ᬮᬯᬦ᭄ᬓᬾᬧᬂ᭞ᬦᬾᬓᬳᬗ᭄ᬕᭀᬦ᭄ᬧ᭄ᬭᬩᭀᬢ᭄ᬲᬳᬶ᭞ᬚᬓᬦᬾᬤᬶᬧᬬᬸᬓ᭄‌ᬬᬸᬢᬂ᭞ᬲᬫ᭄ᬩᬶᬮᬂᬦᬸᬮᬸᬓᬂᬳᬧᬶ᭞ᬤᬶᬲᬸᬩᬘᬮᬸᬄᬩᬦ᭄ᬗᬶᬲᬶ᭞ᬳᬗ᭄ᬕᭀᬦ᭄ᬲᬳᬶᬲᬬᬦ᭄ᬮᬸᬳᬸᬂ᭞ᬭᬾᬄᬩᬦ᭄ᬤ
ᬭᬦ᭄ᬫᬸᬮᬳᬩ᭞ᬲᬓᬚᬸᬫᬓᬬᬂᬤᬶᬦᬶ᭞ᬫᬶᬯᬄᬧᬸᬮᬸ᭞ᬫᬢᭂᬓᭂᬧ᭄ᬫᬳᬶᬲᬶᬩ᭄ᬭᬲ᭄᭟ᬳᬗ᭄ᬕᭀᬦ᭄ᬲᬳᬶᬲᬶᬂᬚᬢ᭄ᬮᬄ᭞ᬲᬋᬂᬧᬓᬸᬋᬦᬦ᭄ᬲᬫᬶ᭞ᬭᬾᬄᬩ᭄ᬭᬲ᭄‌ᬩᭂᬃᬲᬶᬄᬫ᭄ᬮᬄ᭞ᬫᬧᬶᬮᬶᬄᬯᬸᬲ᭄ᬫᬕᬮᬶᬳᬶᬦ᭄᭞ᬫᬲ᭄ᬭᬸᬄᬬᬲ
ᬫ᭄ᬧᬸᬦ᭄ᬧᬸᬢᬶᬄ᭞ᬫᬳᬶᬦ᭄ᬤᬂᬲᬫᬶᬧᬂᬢ᭄ᬮᬸ᭞ᬢᭀᬮᬶᬳᬾᬲᬂᬯ᭄ᬭᬸᬄᬫᬦᭀᬦ᭄᭞ᬬᬦ᭄ᬲᬸᬩᬓᬧᬮᬲᬭᬶ᭞ᬦᬾᬤᬶᬕᬸᬦᬸᬂ᭞ᬬᬾᬄᬜᬧᬸᬘᬸᬂᬢᬢᭂᬮᭀᬤᬦ᭄᭟᭐᭟ᬧᬸᬄᬧᬸᬘᬸᬂ᭟ᬫᬮᬶᬄᬧᬸᬘᬸᬂᬦᬸᬤᬸᬄᬢᭀᬓ᭄‌ᬬ