[ ᭑᭔ 14B]
ᬬᬦᬸᬗ᭄ᬕᬮ᭄᭞ᬧᬶᬂᬢᬶᬕᬧᬢᭂᬫ᭄ᬯᬂᬲᬭᬶ᭞ᬲᬶᬤ᭄ᬥᬲᬳᬶᬫᬓᬸᬋᬦᬦ᭄᭞ᬲᬢᬸᬭᬸᬢ᭄ᬲᬮᬾᬂᬳᬸᬮᬤᬶᬦ᭄᭞ᬧ᭄ᬢᭂᬂᬍᬫᬄᬲᬦ᭄ᬤ᭄ᬬᬲᬦ᭄ᬤᬶᬂ᭞ᬲ᭄ᬢᬶᬢᬶᬗᬸᬮᬸᬭᬶᬦ᭄ᬓᬬᬸᬦ᭄᭞ᬫᬓᬫ᭄ᬢᬫᬶᬭᬚᬄᬢᬫᬄ᭞ᬫᭀᬮᬶᬄᬓᬤᬶᬃᬕ᭄ᬕᬬᬸᬲᬤᬶ᭞
ᬲᬮᬄᬮᬸᬗ᭄ᬕᬸᬄ᭞ᬲᬲ᭄ᬢ᭄ᬭᬬᬾᬦ᭄ᬫᬓ᭄ᬚᬂᬚ᭄ᬫᬓ᭄᭟ᬬᬦ᭄ᬯᬸᬲ᭄ᬧᬲᬄᬗ᭄ᬮᬄᬧᬦᬓ᭄᭞ᬢᬶᬢᬶᬕᬬᬲᬸᬩᬓ᭄ᬮᬶᬄ᭞ᬓᭂᬫ᭄ᬩᬃᬍᬓᬤ᭄ᬲᬶᬩᬋᬗᬦ᭄᭞ᬧᬶᬦᬶᬓ᭄ᬮᬾᬄᬧᬶᬦᬶᬄᬳᬮᬶᬢ᭄᭞ᬲᬫᬶᬦᭀᬭᬓ᭄ᬦᬶᬮᬶᬗᬶᬦ᭄᭞ᬢᭀᬧᬄᬧᬶᬭᬶᬩ᭄ᬲ
ᬫᬃᬲᬢᬸ᭞ᬤᬾᬦᬶᬂᬦᭀᬭᬬᬢᬦ᭄ᬧᬲᬄ᭞ᬲᬋᬂᬲᬳᬶᬫᬜ᭄ᬚᬶᬂᬫᬶᬚᬶᬮ᭄᭞ᬚᬢᬶᬮ᭄ᬯᬶᬄ᭞ᬧᬜᬫᬦᬾᬯ᭄ᬦᬂᬢᬸᬗ᭄ᬕᬸᬮ᭄᭟ᬳᬦᬳᬭᬶᬜᬳᬤᬰ᭞ᬯᭂᬢᬸᬧᬶᬂᬭᭀᬲᬶᬮᬶᬄᬤᬶᬭᬶ᭞ᬫᬲᬦᬓ᭄ᬲᬶᬳᬦᬸᬗ᭄ᬕᬸᬮ᭄᭞ᬫᬺᬂᬩᬸᬢ᭄ᬕᭂ
ᬦᬄᬲᬭᬶᬲᬭᬶ᭞ᬳᬤᬬᬫᬗᬸᬗ᭄ᬲᬶᬓᬗᬶᬦ᭄᭞ᬗᬸᬗ᭄ᬲᬶᬓ᭄ᬮᭀᬤ᭄ᬗᬸᬗ᭄ᬲᬶᬓᬯᬸᬄ᭞ᬳᬤᬗᬸᬗ᭄ᬲᬶᬗᬚᬦᬂ᭞ᬭᬶᬂᬢ᭄ᬗᬄᬬᬧᬶᬦᬶᬄᬓ᭄ᬮᬶᬄ᭞ᬦᬸᬗ᭄ᬕᬮ᭄ᬫᭂᬢᬸ᭞ᬲᬋᬂᬳᬭᬶᬜᬲᬫ᭄ᬬᬦ᭄᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬍᬓᬤ᭄᭞
[ ᭑᭕ 15A]
ᬲᬶᬤᬸᬭᬶᬢᭀᬧᬶᬦᬶᬓ᭄ᬮᬶᬄ᭞ᬓᬢᬸᬤᬸᬄᬬᬳᬦᬲᬾᬧᬦ᭄᭞ᬭᬶᬭᬶᬄᬦᭀᬭᬩᬶᬲᬫᬸᬜᬶ᭞ᬳᬶᬲ᭄ᬯᬭᬦ᭄ᬜᬢ᭄ᬯᬶ᭞ᬯ᭄ᬭᬸᬄᬫᬓ᭄ᬦᭂᬄᬢᬢ᭄ᬮᬸ᭞ᬦᬶᬓᬦᬸᬮᬸᬄᬮ᭄ᬬᬂᬧᬤᬂ᭞ᬦᬾᬲᬸᬳᬸᬂᬚᭀᬄᬓ᭄ᬦᬕᬶᬲᬶ᭞ᬫᬶᬲᬶᬧᬸᬬᬸᬂ᭞ᬮ᭄ᬯᬶᬄᬦᭀᬭᬦ
ᬯᭀᬂᬯᬶᬓᬦ᭄ᬩᬬᬲᬩ᭄ᬤᬦᬶᬂᬯᭀᬂᬧ᭄ᬚᬄ᭞ᬫᬦᬸᬤᬸᬳᬂᬢᬗ᭄ᬕᬸᬦ᭄ᬮᬗᬶᬢ᭄᭞ᬚᬢᬶᬦᬶᬂᬒᬁᬓᬭᬭᭀᬯ᭞ᬦᬸᬗ᭄ᬲᬂᬲᬦ᭄ᬗᬤᭂᬕ᭄ᬭᬶᬂᬩᬸᬫᬶ᭞ᬩ᭄ᬭᬳ᭄ᬫᬇᬰ᭄ᬯᬭᬤᬤᬶ᭞ᬫᬲᬭᬶᬭᬳᬶᬩᬸ᭞ᬤᬤᬶᬧᬜ᭄ᬚᬢᬦ᭄ᬫᬢ᭄ᬭ᭞ᬫᬦᬸᬤᬸᬳᬂᬢ᭄ᬯ
ᬧᬢᬶ᭞ᬤᬸᬓ᭄ᬳᬧᬸᬧᬸᬮ᭄᭞ᬫᬯᬓ᭄ᬲᬂᬜ᭄ᬘᬫᬳᬦᬸᬢ᭟ᬦ᭄ᬢᭀᬦᬾᬫᬤᬦ᭄ᬯᬶᬦ᭄ᬥᬸᬚ᭄ᬜᬃ᭞ᬦᬶᬓᬳᬶᬤᭂᬧ᭄ᬧᬂᬓᬧᬗ᭄ᬕᬶᬄ᭞ᬭᬶᬂᬕᬸᬭᬸᬳᬸᬮᬢ᭄ᬢᬢᬲᬂ᭞ᬦᬾᬯ᭄ᬭᬸᬄᬭᬶᬂᬲᬲ᭄ᬢ᭄ᬭᬳᬚᬶ᭞ᬬᬳᬗ᭄ᬕᭀᬗᬪᬓ᭄ᬢᬶᬮ᭄ᬯᬶᬄ᭞ᬢᬶᬢᬶᬲᬗᬦ᭄ᬫᬢᬶ
ᬳᬶᬤᬸᬧ᭄᭞ᬬᬤᬶᬦ᭄ᬢᬸᬬᬸᬄᬤᬗᬶᬢᬸᬗᬂ᭞ᬧᬕᭂᬳᬂᬲᬳᬶᬳᬲ᭄ᬢᬶᬢᬶ᭞ᬬᬦ᭄ᬫᬕᬸᬭᬸ᭞ᬲᬸᬲ᭄ᬭᬸᬲᬭᬶᬂᬲᬲ᭄ᬢ᭄ᬭᬚ᭄ᬜ᭞ᬢ᭄ᬯᬶᬫᭂᬮᬶᬩᬦ᭄ᬫᬲ᭄ᬫᬶᬭᬄ᭞ᬬᬾᬦ᭄ᬓᭂᬦᬩᬦ᭄ᬲ᭄ᬮᬓᬕᬸᬫᬶ᭞ᬕ᭄ᬤᭀᬂᬳᬃᬣᬤᬗᬶᬢᬸᬗᬂ᭞ᬓᬾᬄᬯᬶᬭᬯ
Kaca:Bali-lontar-gaguritan-sandisastra-300ppi.pdf/15
Kaca puniki sampun kauji-wacén
