[ ᭑᭒ 12B]
᭑᭒᭞
᭟ᬮᬦ᭄ᬩᬮ᭄ᬬᬦᬾᬫᬭᬶᬂᬭᬕ᭞ᬫᬦᬸᬱᬲᬓ᭄ᬢᬶᬗᬸᬲᬤᬶ᭞ᬳᬫᭀᬭᬶᬂᬲᬶᬯᬤ᭄ᬯᬭ᭞ᬦᬸᬗ᭄ᬕᬮᬶᬂᬤᬸᬤᬸᬓᬸᬓ᭄ᬱᬓ᭄ᬢᬶ᭞ᬓᬢᬶᬕᬢᭀᬲᬫᬶᬮ᭄ᬯᬶᬄ᭞ᬫᬲᬗᬂᬢᬸᬢᬸᬮᬓᬳᬕᬸᬂ᭞ᬧᬤᬲᬓ᭄ᬢᬶᬢᬸᬃᬯᬶᬱᬾᬲ᭞ᬧᬚ
ᬧᬦ᭄ᬳᬚ᭄ᬜᬦᬲᬦ᭄ᬥᬶ᭞ᬯᬸᬲ᭄ᬓᬲᬸᬫ᭄ᬩᬸᬂ᭞ᬬᬦ᭄ᬗᬸᬜ᭄ᬘᬃᬫᬦ᭄ᬢ᭄ᬭᬦ᭄ᬢᬸᬢᬸᬮᬓ᭄᭟ᬒᬁᬲᬂᬳ᭄ᬬᬂᬓᭀᬫᬭᬬᬚ᭄ᬜ᭞ᬲᬂᬳ᭄ᬬᬂᬘᬢᬸᬃᬤᬰᬪᬸᬫᬶ᭞ᬲᬂᬳ᭄ᬬᬂᬢᭀᬬᬫᬺᬘᬸᬓᬸᬦ᭄ᬤ᭞ᬳᬓᬸᬲᬂᬳ᭄ᬬᬂᬫᬳᬫᬸᬦᬶ᭞ᬢᬸᬗ᭄ᬕᬸᬦᭂᬦ᭄ᬳᬸᬫᬄᬫᬫᬶ᭞ᬯᬾᬢ
ᬦ᭄ᬓᬮ᭄ᬯᬦ᭄ᬮᭀᬃᬓᬶᬤᬸᬮ᭄᭞ᬳᬯ᭄ᬤᬶᬓᭀᬢᬭᬦ᭄ᬚᬦ᭞ᬢᬸᬚᬸᬢᭂᬮᬸᬄᬓᬮᬤᬾᬱ᭄ᬝᬶ᭞ᬤᭂᬗᭂᬦ᭄ᬧᬸᬮᬸᬂ᭞ᬮᬾᬬᬓ᭄ᬳᬂᬕ᭄ᬭᬾᬓ᭄ᬳᬘᭂᬧ᭄ᬳᬘᭂᬧᬦ᭄᭟ᬢᬦ᭄ᬯᬦᬶᬓᭀᬲᬃᬯ᭄ᬯᬕᬮᬓ᭄᭞ᬲᬃᬯ᭄ᬯᬳᬳᬾᬂᬲᬃᬯ᭄ᬯᬫᬦ᭄ᬤᬶ᭞ᬲᬾᬢ᭄ᬭᬯ
ᬢᭂᬲ᭄ᬧᬩᬬᬗᬦ᭄᭞ᬳᬓᬸᬦᬸᬮᬓ᭄ᬓᬶᬢᬫᬸᬮᬶᬄ᭞ᬲᬓ᭄ᬯᬾᬄᬫᬸᬗ᭄ᬕᬯᬾᬕ᭄ᬭᬶᬂ᭞ᬯᬸᬭᬸᬂᬲᬓᬜ᭄ᬘᬦᬶᬂᬲᬢ᭄ᬭᬸ᭞ᬲᬶᬂᬕᭂᬂᬓ᭄ᬭᭀᬤᬲᬫ᭄ᬧᬸᬃᬡ᭄ᬦ᭞ᬤᬾᬯᬪᬸᬢᬲᬓᬾᬄᬫᬸᬯ᭄ᬤᬶ᭞ᬳᬧᬦ᭄ᬳᬓᬸ᭞ᬫᬯᬓ᭄ᬲᬂᬳ᭄ᬬᬂᬓᭀᬫᬭᬜ᭄ᬚ
[ ᭑᭓ 13A]
᭟ᬲᬓᬾᬂᬳᬶᬂᬤᬸᬃᬕ᭄ᬕᬤᬸᬃᬰᬶᬮ᭞ᬲᬲᬩ᭄ᬫ᭄ᬭᬦᬧᬸᬦᬄᬳᭂᬦ᭄ᬢᬶ᭞ᬢᬢᬸᬫ᭄ᬧᬸᬃᬬᬫᬸᬓ᭄ᬱᬄᬳᬶᬮᬂ᭞ᬯᬶᬱᬦᬶᬂᬳᬸᬧᬲ᭄ᬢᬦ᭄ᬫᬦ᭄ᬤᬶ᭞ᬳᬶᬗ᭄ᬲᬸᬦ᭄ᬳ᭄ᬬᬂᬦᬕᬫᬸᬃᬣᬶ᭞ᬧᬸᬢ᭄ᬭᬦ᭄ᬳᬶᬤᬲᬂᬳ᭄ᬬᬂᬕᬸᬭᬸ᭞ᬲᬓ᭄ᬢᬶᬢᬦ᭄ᬧᬧᬤᬾᬂᬳ᭄ᬬᬂ᭞ᬫ᭄ᬭ
ᬬᬲ᭄ᬘᬶᬢᬲᬓᬾᬄᬦᬶᬂᬕ᭄ᬭᬶᬂ᭞ᬲᬶᬳᬗᬶᬤᬸᬂ᭞ᬢᬦ᭄ᬢᬸᬫᬫᬾᬂᬚᬭᬫ᭄ᬭᬦ᭟ᬫᬮᬶᬄᬳᬦᬢᬸᬢᬸᬃᬓᭀᬘᬧ᭄᭞ᬘᬭᬶᬢᬦᬾᬫᬦ᭄ᬤᬶᬲᬓ᭄ᬢᬶ᭞ᬢᬦᬄᬲ᭄ᬫᬦᬾᬲᬫ᭄ᬩᭂᬳᬂ᭞ᬋᬓᭀᬳᬢ᭄ᬫᬄᬳᬮᬲ᭄ᬲᬫᬶ᭞ᬗᬦ᭄ᬢᬶᬢᭀᬂᬓ᭄ᬦᬳᬶ
ᬗᭂᬢᬶᬦ᭄᭞ᬫᬲ᭄ᬢᬢᬗᬦ᭄ᬗᬶᬫ᭄ᬧᬸᬲ᭄ᬲᬸᬓᬸ᭞ᬜᭂᬍᬓ᭄ᬓᬸᬧᬶᬂᬦᭂᬓᭂᬧ᭄ᬫᬢ᭞ᬘᬸᬗᬸᬳᬾᬫᬲᬶᬄᬳᭂᬫ᭄ᬧᭂᬢᬶᬦ᭄᭞ᬘᬶᬳ᭄ᬦᬗ᭄ᬓᬸ᭞ᬢᬮᬶᬫ᭄ᬧᬸᬓ᭄ᬢᬓᬶᬮᬦ᭄ᬫᬢᬮᬂ᭞ᬫᬦᬸᬮᬓ᭄ᬲᬓᬾᬄᬯᬶᬕ᭄ᬦ᭞ᬭᬶᬂᬮ᭄ᬯᬄᬮᬸᬫᬓᬸᬯ᭄ᬗᬶ᭞ᬓᬾᬩᬾᬬ
ᬦᬾᬂᬧᬧ᭄ᬭᬗᬦ᭄᭞ᬭᬶᬂᬳᬮᬲ᭄ᬫᬶᬯᬄᬭᬶᬂᬕᬶᬭᬶ᭞ᬭᬶᬂᬧᭀᬫᬳᬦ᭄ᬲ᭄ᬫᬫᬮᬶᬄ᭞ᬲᬓᬾᬳᬶᬂᬤᬸᬃᬚ᭄ᬚᬦᬭᬶᬧᬸ᭞ᬫᬓᬤᬶᬭᬶᬂᬧᬗᬶᬦᭂᬧᬦ᭄᭞ᬢ᭄ᬯᬶᬓᬯᬸᬢ᭄ᬳᬶᬬᬲᬫᬶ᭞ᬬᬦ᭄ᬢᬦ᭄ᬲᬶᬤ᭄ᬥ᭞ᬫᭂᬢᬸᬲᬭᬶᬮᬾᬓᬦᬣ
Kaca:Bali-lontar-gaguritan-sandisastra-300ppi.pdf/13
Kaca puniki sampun kauji-wacén
