[ ᭑᭑ 11B]
᭑᭑᭞
ᬳᬦᬬᬬᬄᬩᬶᬩᬶ᭞ᬲᬂᬳ᭄ᬬᬂᬮᬶᬘᬶᬦ᭄ᬳᬲ᭄ᬢᬦ᭄ᬳᬶᬤ᭞ᬫᬬᭀᬕᬳᬶᬤᬭᬶᬗᬸᬦᬶ᭟ᬫᬸᬮᬦᬾᬢᬸᬗ᭄ᬕᬮ᭄ᬳᬸᬫᭂᬢᬸ᭞ᬲᬂᬳ᭄ᬬᬂᬳᬾᬓ᭞ᬚᬮᬭᬲᬶ᭞ᬢ᭄ᬳᭂᬃᬫᬮᬶᬄᬳᬶᬤᬬᭀᬕᬭᭀᬕᬳᬶᬓᬫᬮᬶᬄᬫᬶᬚᬶᬮ᭄᭞ᬭᬯᬸᬓᬾᬢᬸᬳᬭᬸᬦᬶᬓ᭞
ᬩ᭄ᬭᬳ᭄ᬫᬯᬶᬱ᭄ᬡᬸᬗᬭᬕᬦᬶᬦ᭄᭞ᬩ᭄ᬯᬶᬦ᭄ᬫᬬᭀᬕᬳ᭄ᬬᬸᬂᬓᬾᬯᬸ᭞ᬗᬤᬓᬂᬓᬮᬦᬾᬲᬓ᭄ᬢᬶ᭞ᬭᬾᬄᬳᬶᬤᬫᬭᬕᬫ᭄ᬗ᭞ᬤᭀᬭᬤᬮᬦ᭄ᬫᬫ᭄ᬧᬓ᭄ᬲᬫᬶ᭞ᬲᬂᬳ᭄ᬬᬂᬲᬸᬃᬬ᭄ᬬᬧ᭄ᬭᬩᬢ᭞ᬫᬜᬸᬮᬸᬳᬶᬦ᭄ᬚᬕᬢ᭄ᬲᬫᬶ᭟ᬬᬫᬤᬦ᭄ᬧᬸᬃᬡ᭄ᬦᬫᬢᬸ
ᬳᬸ᭞ᬤᬶᬓᬳᬫ᭄ᬩᬄᬧᬮᬶᬮ᭄ᬯᬶᬄ᭞ᬲᬯᬾᬦ᭄ᬢᭂᬦ᭄ᬧᬂᬲᬫᬶᬮᬶᬮ᭞ᬢᭀᬲᬭᬶᬦ᭄ᬤᬾᬯᬲᬩᭂᬲᬶᬓ᭄᭞ᬧᬸᬃᬡ᭄ᬦᬫᬦ᭄ᬘᬦ᭄ᬤ᭄ᬭᬕ᭄ᬭᬳ᭞ᬭᬳᬓᬾᬢᬸᬲᬋᬂᬫᬶᬚᬶᬮ᭄᭟ᬳᬮᬲ᭄ᬤᭂᬓᬾᬧᬸᬦᬶᬓᬸ᭞ᬢᬦ᭄ᬯᭂᬦᬂᬦᬶᬓᬳᬫ᭄ᬩᬳᬶᬦ᭄᭞ᬲ
ᬓᬂᬬ᭄ᬬᬸᬦᬾᬬᬓᬫᬮᬦ᭄᭞ᬦᬶᬓᬧᬶᬦᭂᬄᬧᬂᬓᬾᬮᬢᬶ᭞ᬗ᭄ᬳᬶᬂᬬᬢ᭄ᬦᬳᬶᬦ᭄ᬫᬗᬶᬤᬧᬂ᭞ᬩᬶᬦ᭄ᬤᭂᬭᬂᬫᬮᬸᬧᬂᬚᬢᬶ᭞ᬫᬮᬶᬄᬳᬶᬤᬲᬂᬳ᭄ᬬᬂᬭᬳᬸ᭞ᬗᬤᬓᬂᬤᬾᬯᬦᬾ ᬲᬓ᭄ᬢᬶ᭞ᬫᬯᬓ᭄ᬢᬢᬶᬸᬢᬸᬂᬚᬢᬶᬳᬶᬤ᭞ᬳᬮᬦᬶᬂ
[ ᭑᭒ 12A]
ᬤᬶᬯᬲᬢ᭄ᬯᬶ᭞ᬢᬦ᭄ᬯᭂᬦᬂᬬᬳᬫ᭄ᬩᬳᬦ᭞ᬲᬭᬚᬓᬃᬬ᭄ᬬᬢᬦ᭄ᬤᬤᬶ᭟ᬢᬶᬍᬫᬾᬲᬸᬚᬢᬶᬦ᭄ᬳᬶᬧᬸᬦ᭄᭞ᬧᬸᬦᬶᬓᬤᬶᬯᬲᬫᬶᬧᬶᬢ᭄᭞ᬢᭀᬬᬧᬤᬮᬯᬦ᭄ᬩᬲᬄ᭞ᬦᭀᬭᬯ᭄ᬦᬂᬬᬧᬃᬕ᭄ᬕᬶᬦᬶᬦ᭄᭞ᬧ᭄ᬭᬯᬦᬶᬦᬾᬳᭂ
ᬦ᭄ᬢᭀᬫᬤ᭄ᬬ᭞ᬮ᭄ᬬᬦ᭄ᬭᬶᬂᬗᬸᬢᬂᬦᭂᬫᭀᬦᬶᬦ᭄᭟᭐᭟ᬧᬸᬄᬲᬶᬦᭀᬫ᭄᭟ᬲᬶᬦᭀᬫ᭄ᬫᬲᬳᬸᬃᬢᬸᬧ᭄ᬢᬸᬧᬂ᭞ᬫᬮᬶᬄᬕ᭄ᬦᬄᬲᬂᬳ᭄ᬬᬂᬳᬚᬶ᭞ᬭᬶᬂᬢᬸᬢᬸᬃᬪ᭄ᬯᬦᬫᬩᬄ᭞ᬓᬸᬭᬦ᭄ᬢᬩᭀᬮᭀᬂᬩᬂᬲᭂᬩᬶᬢ᭄᭞ᬓᬮᬶᬄᬩᬸᬗ᭄ᬓᬄᬦᬶᬂᬲᬸᬦ᭄ᬤᬭᬶ
᭞ᬫᬓᬤᬶᬢᬸᬢᬸᬃᬚᭀᬂᬩᬶᬭᬸ᭞ᬩᬢᬸᬃᬓᬮᬯᬲᬦ᭄ᬧ᭄ᬝᬓ᭄᭞ᬭᬚᬧᬾᬦᬶᬲᬭᬲ᭄ᬯᬢᬶ᭞ᬩᬸᬓ᭄ᬢᬢᬸᬢᬸᬃ᭞ᬲᬸᬮᬸᬄᬲᬲ᭄ᬢ᭄ᬭᬭᬶᬂᬲᬭᬶᬭ᭟ᬢᭀᬫᬤᬦ᭄ᬳᬲ᭄ᬢᬓᭀᬲᬮ᭞ᬫᬸᬮᬕ᭄ᬦᬄᬲᬲ᭄ᬢ᭄ᬭᬧᬶᬗᬶᬢ᭄᭞ᬭᬶᬂᬯᬭᬶᬕᬬ
ᬢᬢᬲᬂ᭞ᬤᬶᬢᬸᬓᬯᬶᬢᬦ᭄ᬜᬲᬫᬶ᭞ᬧ᭄ᬤᬲᬂᬗᬶᬦ᭄ᬤᭂᬂᬧᬂᬚᬢᬶ᭞ᬋᬲᭂᬧ᭄ᬳᬶᬤᭂᬧᬂᬓᬤᬸᬮᬸ᭞ᬫᬓᬮᬶᬗ᭄ᬕᬦᬶᬂᬲᬭᬶᬭ᭞ᬲᬗ᭄ᬓᬦ᭄ᬲᬲ᭄ᬢ᭄ᬭᬦᬾᬕᬸᬕᭀᬦᬶᬦ᭄᭞ᬢ᭄ᬯᬶᬤᬶᬢᬸ᭞ᬧᬸᬃᬯ᭄ᬯᬦᬶᬂᬲᬓᬾᬄᬢᬸᬢᬸᬮᬓ᭄
Kaca:Bali-lontar-gaguritan-sandisastra-300ppi.pdf/12
Kaca puniki sampun kauji-wacén
