Kaca:Bali-lontar-gaguritan-salya-250ppi.pdf/3

Saking Wikisource
Kaca puniki sampun kauji-wacén

[᭒ 2B]

ᬲᬂᬦᬓᬸᬮ᭞ᬮᬶᬮᬬᬂᬇᬥᭂᬧᬾᬚᬦᬶ᭞ᬢᬸᬲᬶᬂᬩᬸᬳᬸᬂ᭞ᬘᬳᬶᬫᬫᬗ᭄ᬕᬶᬳᬂᬚᬬ᭟ᬚᬦᬶᬯ᭄ᬯᬫᬧᬦᬳᬸᬭᬦ᭄᭞ᬭᬶᬂᬳᬶᬤᬲᬂᬓᬸᬭᬸᬧᬢᬶ᭞ᬫᬗ᭄ᬤᬾᬦ᭄‌‌ᬤᬯ᭄ᬯᬫᬶᬭᬢ᭄ᬥᬵᬦ᭞ᬰᬵᬲᬦᬦ᭄ᬭᬢᬸᬦᬾᬮ᭄ᬯᬶᬄ᭞ᬭᬶᬂᬳᬶᬤᬭᬓᬦ᭄‌ᬘᬳᬶ᭞ᬉᬭᬶᬧ᭄‌‌ᬯ᭄ᬯᬲᬸᬩᬓᬳᬢᬹᬃ᭞ᬲᬤᬸᬓᬾᬤᬶᬯᬶᬭᬝ᭞ᬢᬸᬯᬶᬧᬶᬂᬲᬧ᭄ᬢ
ᬤᬸᬫᬤᬶ᭞ᬫᬗ᭄ᬤᬾᬦ᭄ᬢᬸᬫᬹᬢ᭄᭞ᬳᬮᬳᬬᬸᬭᬶᬂᬧᬵᬡ᭄ᬥᬯ᭟ᬤᬾᬦᬶᬂᬲᬵᬓᬮᬢᬦ᭄ᬲᬶᬤ᭄ᬥ᭞ᬦᬶᬲ᭄ᬓᬵᬮᬦᬾᬚ᭄ᬯᬓᬧᬗ᭄ᬕᬶᬄ᭞ᬦᬾᬚᬦᬶᬯ᭄ᬯᬫᬗᬶᬃᬢ᭄ᬢᬶᬬᬂ᭞ᬫᬗ᭄ᬤᬾᬦ᭄ᬲᬫᬶᬫᬧᬶᬓᭀᬮᬶᬄ᭞ᬉᬭᬶᬧ᭄‌ᬯ᭄ᬯᬦᬾᬘᬳᬶ᭞ᬮᬓ᭄ᬱᬡᬤᬶᬦᬶᬓᬳᬢᬹᬃ᭞ᬓᬲᬸᬓᬦᬾᬩᭂᬲ᭄ᬓᬮᬶᬯᬢ᭄᭞ᬩᬵᬦᬶᬤᬲᬂᬓᬸᬭᬸᬧᬢᬶ᭞ᬢ
ᬦ᭄ᬧᬗᬶᬢᬸᬂ᭞ᬚ᭄ᬗᬄᬯ᭄ᬯᬫᬫᬶᬭᬢ᭄ᬥᬵᬦ᭟ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭞ᬍᬕᭃᬧᬶᬲᬦ᭄‌ᬯ᭄ᬯᬫᬵᬢᬶ᭞ᬫᬭᬭᬧᬦ᭄ᬭᬡᬬᬚ᭄ᬜ᭞ᬦᬾᬚᬦᬶᬯ᭄ᬯᬫᬂᬯᬶᬥᬶ᭞ᬢᬦ᭄ᬮ᭄ᬬᬦ᭄ᬭᬓᬦ᭄‌ᬘᬳᬶ᭞ᬲᬂᬥᬃᬫ᭄ᬫᬧᬸᬢ᭄ᬭᬦᬾᬧᬸᬢᬸᬲ᭄᭞ᬳᬶᬤᬧᬕᬸᬢᬂᬢ᭄ᬓᬾᬦ᭄‌ᬯ᭄ᬯ᭞ᬫᬦᬶᬗ᭄ᬕᬮᬂᬲᬂᬳ᭄ᬬᬂᬉᬭᬶᬧ᭄᭞ᬤᬾᬦᬶᬂᬧᬸᬢᬸᬲ᭄᭞ᬲᬜ᭄ᬚᬢᬲᬂᬳ᭄ᬬᬂ
ᬧᬹᬱ᭄ᬝᬓ᭟ᬓᬾᬯᭂᬄᬬᬦ᭄ᬫᬂᬮᬯᬦ᭄‌ᬯ᭄ᬯ᭞ᬤᬾᬦᬶᬂᬧᬦᬸᬕ᭄ᬭᬳᬦ᭄‌ᬮ᭄ᬯᬶᬄ᭞ᬧᬳᬶᬘ᭄ᬙᬦ᭄ᬪᬝᬵᬭᬮᬹᬤ᭄ᬭ᭞ᬳᬘᬶᬦ᭄ᬢ᭄ᬬᬦᬶᬃᬫ᭄ᬫᬮᬳ᭄ᬦᬶᬂ᭞ᬳᭂᬦ᭄ᬢᭀᬘ᭄ᬦᬶᬂᬲᬜ᭄ᬚᬢᬮ᭄ᬯᬶᬄ᭞ᬧᬰᬹᬧᬢᬶᬖ᭄ᬦᬶᬫᬸᬭᬸᬩ᭄᭞ᬲᬸᬩᬗᬮᬳᬂᬤᬾᬯᬢ᭞ᬤᬿᬢ᭄ᬬᬭᬵᬓ᭄ᬱᬲᬦᬾᬮ᭄ᬯᬶᬄ᭞ᬳᬲᬶᬂᬫᬸᬲᬸᬄ᭞ᬧᬶᬢᬸᬯᬶᬬᬓ᭄ᬱᬧᬶᬲᬘ᭟ᬧᬸᬦᬶ

[᭓ 3A]

ᬓᬵᬦᬾᬓᬩᭂᬲᭂᬦᬂ᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬧᬰᬹᬧᬢᬶ᭞ᬳᬶᬤᬲᬂᬗᬸᬕ᭄ᬯᬦᬶᬦ᭄ᬥᬃᬫ᭄ᬫ᭞ᬧᬕᭂᬄᬳᬶᬂᬩ᭄ᬭᬢᬲᬫᬵᬥᬶ᭞ᬦᬵᬗ᭄ᬳᬶᬂᬲᬶᬓᭂᬧᬲ᭄ᬢ᭄ᬭᬦᬾᬮ᭄ᬯᬶᬄ᭞ᬲᬸᬩᬗᬮᬳᬂᬲᬤ᭄ᬭᬶᬧᬸ᭞ᬳᭂᬦ᭄ᬢᭀᬬᭀᬕ᭄ᬬᬫᬗᬮᬳᬂ᭞ᬭᬭᬧᬦ᭄‌ᬯ᭄ᬯᬦᬾᬫᬸᬮᬶᬄ᭞ᬧᬘᬂᬦᭂᬫᬸ᭞ᬲ᭄ᬯᬃᬕ᭄ᬕᬮᬹᬤ᭄ᬭᬪᬯᬦ᭟ᬳᬓᬾᬢᭀᬲᬸᬩᬧ᭄ᬭᬕᬢ᭄᭞ᬕᬢᬶ
ᬬᬂᬦᬾᬚᬦᬶᬫᬸᬮᬶᬄ᭞ᬫᬗ᭄ᬤᬾᬦ᭄ᬢᬸᬲᬶᬂᬓᬢᬗᭂᬳᬂ᭞ᬦᬾᬓᬸᬮᬫ᭄ᬩᬶᬫᬵᬲ᭄ᬫᬢ᭄ᬭᬶᬓ᭄᭞ᬩᭂᬓᭂᬮᬂᬘᬳᬶᬫᬸᬮᬶᬄ᭞ᬮᬯᬸᬢᬂᬳᬗ᭄ᬕᭀᬦ᭄ᬓᬓᬸᬤᬸᬂ᭞ᬲᬂᬦᬓᬸᬮᬭᬭᬶᬲ᭄ᬦᬸᬦᬲ᭄᭞ᬫᬜᬸᬫ᭄ᬩᬄᬭᬭᬶᬲ᭄ᬫᬧᬫᬶᬢ᭄᭞ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬢᬗᬶᬲᬾᬢᬦ᭄ᬧᬧᭂᬕᬢᬦ᭄᭟ᬲᬭᬯᬸᬳᬾᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬲᬵᬫ᭄ᬧᬸᬦ᭄ᬲᬫᬶ
ᬓᬧ᭄ᬬᬸᬦᬶᬂ᭞ᬭᬶᬂᬳᬶᬤᬲᬂᬥᬃᬫ᭄ᬫᬧᬸᬢ᭄ᬭ᭞ᬳᬢᬹᬭᬾᬫᬢᬸᬂᬢᬸᬂᬢᬗᬶᬲ᭄᭞ᬳᬶᬤᬲᬗᬭᬶᬫᬹᬃᬢ᭄ᬢᬶ᭞ᬮᬾᬤᬂᬓᬳ᭄ᬬᬸᬦᬾᬫᬂᬭᬸᬗᬹ᭞ᬤᬾᬦᬶᬂᬳᬶᬤᬗᬸᬫᬦ᭄ᬤᭂᬮᬂ᭞ᬤᬾᬦᬶᬂᬚᬵᬢᬶᬲᬵᬫ᭄ᬧᬸᬦ᭄ᬧᭀᬮᬶᬄ᭞ᬓᬤᬶᬢᬸᬤᬸᬄ᭞ᬯᬮᬸᬬᬲᬵᬫ᭄ᬧᬸᬦ᭄ᬭᬶᬂᬢᬗᬦ᭄᭟ᬲᬂᬦᬓᬸᬮᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬲᬂᬰᬵᬮ᭄ᬬᬳᭀ
ᬲᭂᬓ᭄‌‌ᬦᬾᬫᬗ᭄ᬓᬶᬦ᭄᭞ᬉᬬᬂᬫᬯ᭄ᬢᬸᬩ᭄ᬬᬧᬭ᭞ᬩᭂᬮᬗ᭄ᬲᬄᬫᬭᬱᬧᬮᬶᬂ᭞ᬤᭂᬓ᭄ᬤᭂᬓ᭄ᬫᬜᬓᬶᬢᬶᬦᬢᬶ᭞ᬜᭀᬯᬢᬾᬦ᭄ᬗᬯᬾᬧᬂᬮᬶᬧᬹᬃ᭞ᬘᬵᬭᬦᬾᬫᬗ᭄ᬤᬾᬦ᭄ᬧᬸᬦᬄ᭞ᬢ᭄ᬯᬄᬳᬶᬤᬲᬂᬲᬵᬢ᭄ᬬᬯᬢᬶ᭞ᬕᭂᬫ᭄ᬧᭀᬃᬍᬲᬸ᭞ᬫᬭᭀᬤᭀᬲ᭄ᬳᬶᬩᬸᬓ᭄ᬫᬸᬮᬶᬲᬄ᭟ᬢᬦ᭄ᬲᬓᬵᬭᬶᬂᬳᬚ᭄ᬭᬶᬄ