[ ᭘ 8B]
᭘᭞ᬓᬦᬕᬶᬭᬶ᭞ᬳᬧᬦ᭄ᬲᬫ᭄ᬧᬸᬦ᭄ᬩᬾᬩᬲ᭄᭞ᬓᬮᬸᬕ᭄ᬭᬳᬧᬸᬘᬸᬓᬂ᭞ᬫᬗ᭄ᬭᬶᬲ᭄ᬢᬬ᭄ᬭᬬᬤᬾᬰ᭞ᬢᬸᬃᬲᬫ᭄ᬧᬸᬦ᭄ᬦᬧᬓ᭄᭞ᬭᬾᬜ᭄ᬘᬗᬾᬧᬤᬕᬶᬦ᭄ᬢᭂᬂ᭞ᬳᬩ᭄ᬭᬶᬬᬸᬓᬦ᭄ᬧᬫᬃᬕ᭄ᬕᬶᬦᬾᬲᬧᬶᬲᬦᬦ᭄᭞ᬲᬸᬭᬓ᭄ᬲᬮᬶᬂᬢᬶ
ᬫ᭄ᬩᬮᬶᬦ᭄᭞ᬢᬫ᭄ᬩᬭᬾ ᬫᬗᬃᬓᬃ᭞ᬩᬸᬓᬫᬭᬲᬳᭀᬬᬕ᭄᭞ᬕᬸᬫᬶᬦᬾᬲᬮᬦ᭄ᬢᬂᬫᬃᬕ᭄ᬕᬶ᭞ᬩᬦ᭄ᬕᬋᬤᭂᬕᬦ᭄᭞ᬧᬫᬢᬶᬂᬳᬓᬾᬄᬗᬶᬭᬶᬂ᭟ᬍᬯᬶᬄᬲᬓᬶᬂᬤᬾᬰᬤᬸᬲᬸᬦ᭄ᬢᬭᬶᬓ᭄ᬢᭂᬓ᭞ᬲᭀᬭᭀᬳᬦ᭄ᬤᬗᬶᬦ᭄ᬚᬸᬭᬂ᭞ᬤ᭄ᬮᭀ
ᬤ᭄ᬤᬗᬶᬦ᭄ᬧ᭄ᬭᬬ᭞ᬧᬸᬚᬸᬢ᭄ᬓᬢᬭᬫᬶᬯᬄ᭞ᬧᬦᬸᬚᬮᬦ᭄ᬩᬢᬸᬚᬳᬶ᭞ᬚᬚᬳᬦ᭄ᬓᬢᬾᬂ᭞ᬫᬗ᭄ᬓᬸᬢ᭄ᬮᬲ᭄ᬗᬶᬭᬶᬂ᭞ᬧᬤᬗᬮᬶᬄᬕᬸᬲ᭄ᬢᬶᬕ᭄ᬮᬄᬫᬜᬶᬦᬾᬬᬂ᭞ᬢᬓᬸᬢ᭄ᬓᬢᬃᬓᬚᬸᬲ᭄ᬢᬶ᭞ᬓᬋᬧᬾᬫᬫᬦ᭄ᬤᬮ᭄᭞ᬲᬓᭀᬗ᭄ᬓᭀᬮ᭄ᬓᬧ᭄ᬭᬬ
ᬳᬧᬦ᭄ᬧᬋᬫ᭄ᬩᬕᬾᬧᬲ᭄ᬢᬶ᭞ᬗᬜᬓᬶᬦ᭄ᬘᭀᬗᬄ᭞ᬭᬶᬂᬳᬤᬶᬭᬚᬩᬮᬶ᭟ᬤᬾᬦᬶᬂᬢ᭄ᬯᬭᬳᬶᬧ᭄ᬭᬬᬫᬜᬶᬤ᭄ᬥᬬᬂ᭞ᬗ᭄ᬕᬶᬲᬶᬤᬾᬰᬓᬤᬶᬭᬶ᭞ᬳᬦ᭄ᬢᭀᬫᬓ᭄ᬭᬡ᭞ᬳ᭄ᬦᬫᬓᬶᬭᬓᬶᬭᬢᬦ᭄ᬳᬸᬘᬧᬦ᭄ᬦᬾᬤᬶᬫᬃᬕ᭄ᬕᬶ᭞ᬳᬓᬸ
[ ᭙ 9A]
ᬤᬂᬮᬓ᭄ᬱᬧᬫᬢᬶᬂᬲ᭄ᬮᬫ᭄ᬩᬮᬶ᭞ᬤᬯᬸᬄᬧᬶᬲᬦ᭄ᬓᬗᬶᬦ᭄ᬦᬧᬓ᭄ᬓᬳᬶᬤᭂᬭᬦ᭄᭞ᬓᬸᬢᬧ᭄ᬭᬬᬤᬾᬰᬶ᭞ᬳᬶᬧᬸᬬᬸᬂᬫᬕᬾᬩ᭄ᬭᬲ᭄᭞ᬦᬋᬚᬓ᭄ᬗᬯᬸᬕ᭄ᬤᬾᬰ᭞ᬳᬶᬧ᭄ᬭᬬᬫᬢᬗ᭄ᬕᬮ᭄᭞ᬓᬶᬜ᭄ᬘᬶᬢ᭄᭞ᬩᬦ᭄ᬢ
ᬲ᭄ᬧᬸᬢᬸᬲᬦ᭄᭞ᬩᬾᬘᬾᬓ᭄ᬫᬢᬢᬸᬫᬢᬶ᭟ᬓᭀᬘᬧ᭄ᬳᭂᬦ᭄ᬢᭀᬲᭀᬲᭀᬄᬫᬾᬦᬓ᭄ᬜᬤᬶᬤᬾᬰ᭞ᬳᬚᬳᬦ᭄ᬧᬤᬩ᭄ᬮᬶᬢ᭄᭞ᬗᬮᬶᬄᬢᭀᬗᭀᬲ᭄ᬲᭂᬗ᭄ᬓ᭞ᬓᬸᬫ᭄ᬧᬸᬮ᭄ᬲᬸᬓᬫᬗᭂᬦᬄ᭞ᬤᬶᬧ᭄ᬭᬧᬾᬦ᭄ᬓ
ᬓᬸᬓᬸᬳᬶᬦ᭄᭞ᬤᬶᬢᬸᬤᬗ᭄ᬓᬜ᭞ᬳᬶᬕᬸᬭᬸᬩᬗ᭄ᬓᭀᬮ᭄ᬫᬳᬶᬮ᭄᭟ᬧᬤᬦᭂᬗᬶᬮ᭄ᬳᬧᬳᬦ᭄ᬢᬶᬫᬧᬸᬧᬸᬢᬦ᭄᭞ᬤᬗ᭄ᬓᬸᬘᬸᬗ᭄ᬓᬸᬩᬾᬩᬺᬲᬶᬄ᭞ᬓᬢᬸᬦᬸᬓᬚᬭᬄ᭞ᬲᭀᬭᭀᬄᬳᬸᬩᬸᬦ᭄ᬧ᭄ᬭᬢᬓ᭄᭞ᬳᬦ᭄ᬢᬸᬘ
ᬧᬦ᭄ᬧᭀᬭᭀᬄᬧᬤᬶ᭞ᬮᬦ᭄ᬲᬃᬯ᭄ᬯᬩᬭᬂ᭞ᬢ᭄ᬯᬭᬧ᭄ᬕᬢ᭄ᬦᬓᬢᬶᬂ᭟ᬤᬤᬶᬓᬢᬸᬃᬭᬶᬂᬳᬶᬤᬰᬸᬭᬫ᭄ᬮᬧᬸᬭ᭞ᬫᬸᬗ᭄ᬕᬸᬄᬫᬜᬾᬦᬧᬢᬶ᭞ᬤᬶᬧᬭᬧᬾᬦ᭄ᬓᭀᬘᬧ᭄᭞ᬳᬶᬩᬗ᭄ᬓᭀᬮ᭄ᬓᬬ᭞ᬲᬸᬕᬶᬄᬮ᭄ᬬᬸ
Kaca:Bali-lontar-gaguritan-rusak-sasak-02-300ppi.pdf/9
Kaca puniki sampun kauji-wacén
