[ ᭗ 7B]
᭗᭞
ᬦᬕᬭᬶ᭞ᬳᬓᬾᬢᭀᬧ᭄ᬭᬕᬢ᭄᭞ᬧᬗ᭄ᬭᬯᭀᬲ᭄ᬲ᭄ᬤᭂᬓ᭄ᬯᭂᬗᬶ᭟ᬧ᭄ᬭᬧᬸᬗ᭄ᬕᬯᬫᬫᬢᬸᬢ᭄ᬩᬩᬯᭀᬲ᭄ᬳᬶᬤ᭞ᬲᬂᬫᬓᬲᬾᬦᬧᬢᬶ᭞ᬳᬧᬦ᭄ᬯᬕ᭄ᬫᬶᬫᬬ᭞ᬢᬦ᭄ᬓᬸᬭᬂᬧᬯᬶᬯᬾᬓ᭞ᬳ᭄ᬦᭂᬂᬢᬦ᭄ᬓᭀᬘᬧ᭄ᬭᬶᬂ
ᬯ᭄ᬗᬶ᭞ᬩᬸᬢᬢᬲᬼᬫᬄ᭞ᬢᬫ᭄ᬩᬸᬭᬾᬗᬯᬗ᭄ᬲᬶᬲᬶᬸᬢᬶᬦ᭄᭟ᬧ᭄ᬭᬧᬸᬗ᭄ᬕᬯᬲᬫ᭄ᬧᬸᬦ᭄ᬦᬧᬓ᭄ᬫᬗᬫ᭄ᬩ᭄ᬬᬭᬂ᭞ᬭᬾᬜ᭄ᬘᬂᬫᬧᭀᬳᭀᬲ᭄ᬩᭂᬘᬶᬓ᭄᭞ᬫᬸᬭᬸᬩ᭄ᬬᬦ᭄ᬳᬶᬭᬶᬩᬂ᭞ᬓᬤᬶᬕ᭄ᬦᬶᬲᬳᬮᬲ᭄᭞ᬧᬘᬗ᭄ᬕᭂᬲᬶᬂᬧ᭄ᬭ
ᬬᬤᬾᬰᬶ᭞ᬰᬸᬭᬫ᭄ᬮᬧᬸᬭ᭞ᬕᬦ᭄ᬢᬲ᭄ᬓᭀᬤᬮᬾᬕ᭄ᬮᬶᬲ᭄᭟ᬧᬫᬃᬕ᭄ᬕᬶᬦᬾᬕᬕᬗ᭄ᬲᬭᬦ᭄ᬮᬭᬶᬲ᭄ᬩᬸᬦ᭄ᬢᬲ᭄᭞ᬭᬶᬂᬰᬧᬸᬬᬸᬂᬭᬭᬶᬲ᭄᭞ᬧᬫᬢᬶᬂᬦᬕᬭ᭞ᬗᬸᬦ᭄ᬢᬲᬂᬫᬗᬭᬶᬲ᭄ᬢ᭞ᬤᬸᬲᬸᬦ᭄ᬤᬸᬲᬸᬦ᭄ᬧ᭄ᬭᬬᬲᬫᬶ᭞ᬲᬄ
ᬳ᭄ᬮᭀᬃᬓᬸᬮ᭄ᬯᬦ᭄᭞ᬢ᭄ᬮᬲ᭄ᬓᬕ᭄ᬲᭂᬂᬭᬤᬶᬦ᭄᭟ᬯᬶᬭᬾᬄᬲᬶᬤ᭄ᬥᬧᬗ᭄ᬭᬶᬲ᭄ᬢᬦᬾᬲᬶᬦᬋᬗᬦ᭄᭞ᬭᬶᬂᬲᬦᬾᬗᬫᬃᬕ᭄ᬕᬶᬦᬶᬦ᭄᭞ᬤᬾᬰᬧ᭄ᬭᬶᬧ᭄ᬭᬶᬗ᭄ᬕᬭᬢ᭞ᬧᬸᬗ᭄ᬕᬯᬲᬲ᭄ᬮᬶᬭᬦ᭄᭞ᬢᬢᬶᬕᬫᬜᬾᬦᬧᬢᬶ᭞ᬲᬫᬶᬮᬕᬯ᭞ᬢ᭄ᬯᬭᬫ
[ ᭘ 8A]
ᬗᬾᬢᬭᬶᬫ᭄ᬩᬸᬢ᭄᭟ᬲᬳᬶᬲᬶᬦᬶᬂᬤᬸᬲᬸᬦ᭄ᬧ᭄ᬭᬬᬓᬢᬸᬦ᭄ᬯᬦ᭄᭞ᬯᬾᬦ᭄ᬢᭂᬦ᭄ᬫᬮᬓᬸᬳᬸᬭᬶᬧ᭄᭞ᬯᬾᬦᬵᬢᭂᬦ᭄ᬦᬩ᭄ᬭᬳᬮᬲ᭄᭞ᬜᬸᬳᬸᬦ᭄ᬫᬫᬶᬓᬸᬮ᭄ᬩᬭᬂ᭞ᬜᬶᬗᬮ᭄ᬧᬦᬓ᭄ᬧᬓᬭᬸᬯᬶᬓ᭄᭞ᬳᬶᬧᬧᬸᬓᬸᬢᬂ᭞ᬗ᭄ᬮᬶᬂᬫᬦᬕᬶᬄᬳᬦ᭄ᬢᬶ
᭟ᬚᭂᬫ᭄ᬧ᭄ᬬᬄᬚᭂᬫ᭄ᬧ᭄ᬬᬸᬄᬧᬚᬮᬦᬾᬫᬢ᭄ᬭᬸᬬᬸᬤᬦ᭄᭞ᬫᬜᬸᬳᬸᬦ᭄ᬩᬭᬶᬩᬭᬶ᭞ᬩᬄᬫᬜᬸᬕᬾᬕᬾᬕ᭄᭞ᬢᬦ᭄ᬚᬸᬢ᭄ᬓᬲᬸᬭᬓᬦ᭄᭞ᬧᬗ᭄ᬮᭀᬘᭀᬓᬓᬾᬫᬼᬂᬓ᭄ᬢᬶᬓ᭄᭞ᬫᬲᬲᬫ᭄ᬩᬢᬦ᭄᭞ᬩᬺᬫ᭄ᬩᬾᬗᬳᬾᬕᭂᬦ᭄ᬤᬳᬶᬢ᭄᭞ᬓᬧᭀ
ᬕ᭄ᬮᬶᬲ᭄ᬲᬂᬳ᭄ᬬᬂᬲᬸᬃᬬ᭄ᬬᬲᬫ᭄ᬧᬸᬦ᭄ᬗᬦ᭄ᬤᬧ᭄᭞ᬫᬾᬄᬧᬘᬂᬦᬫ᭄ᬧᬶᬯ᭄ᬗᬶ᭞ᬕ᭄ᬮᬶᬲ᭄ᬫᬗᬶᬍᬲᬂ᭞ᬲᬶᬓᭂᬧᬾᬗᬸᬗ᭄ᬲᬶᬤᬾᬰ᭞ᬧᬸᬬᬸᬂᬓᬧᬶᬘᬕᭂᬃᬪᬓ᭄ᬢᬶ᭞ᬧᬧᬮᬦ᭄ᬤᬾᬰ᭞ᬳᬶᬭᬤᬾᬦ᭄ᬯᬶᬭᬪᬓ᭄ᬢᬶ᭞ᬰᬸᬭᬳᬫ᭄ᬮᬧᬸᬭᬲᬫ᭄ᬧᬸᬦ᭄ᬫᬲᬗ᭄ᬕ᭄ᬭᬳ
ᬦ᭄᭞ᬩᬾᬜ᭄ᬚᬂᬳᬸᬘᬧᬦ᭄ᬫᬮᬶᬄ᭞ᬩᬳᬸᬫᬸᬧᬸᬓᭂᬫ᭄ᬩᬂ᭞ᬢᬫ᭄ᬩᬸᬭᬾᬫᬗ᭄ᬕᬕᬶᬭᬲ᭄᭞ᬗᬢᬕ᭄ᬧᬫᬢᬶᬗᬾᬫᬶᬚᬶᬮ᭄᭞ᬧᬸᬧᬸᬢ᭄ᬫᬗᬫ᭄ᬩ᭄ᬬᬃ᭞ᬭᬶᬓᬸᬢᬧᬸᬬᬸᬂᬓᬗᬶᬦ᭄᭞ᬭᬤᬾᬦ᭄ᬯᬶᬭᬪᬓ᭄ᬢᬶᬫᬗ᭄ᬓᬶᬦ᭄ᬫᬜᬶᬄᬦᬯᬂ᭞ᬪᬓ᭄ᬢᬶᬦᬾ
