Kaca:Bali-lontar-gaguritan-rusak-sasak-02-300ppi.pdf/71

Saking Wikisource
Kaca puniki sampun kauji-wacén

[ ᭗᭐ 70B]
᭗᭐᭞
᭞ᬫᬗ᭄ᬓᬶᬦ᭄ᬳᬾᬮᬶᬂᬭᬶᬂᬓᬚᬢ᭄ᬬᬦ᭄᭞ᬳᬸᬭᬶᬧᬾᬫᬦ᭄ᬢᬸᬓ᭄ᬓᬧᬢᬶ᭞ᬳᬯᬶᬦᬦ᭄ᬲᬫ᭄ᬧᬸᬦ᭄ᬕᬶᬮᬶᬓ᭄᭞ᬫᬗ᭄ᬕᭂᬄᬢᬦ᭄ᬓᬬᬸᬦ᭄ᬫᬦᬸᬗ᭄ᬓᬸᬮ᭄᭞ᬫᬗ᭄ᬓᬶᬦ᭄ᬫᬮᬶᬄᬓᭀᬘᬧᬂ᭞ᬰ᭄ᬭᬶᬧᬤᬸᬓᬢ᭄ᬯᬦ᭄ᬓᬮᬶᬄ᭞ᬋᬱᬶᬤᬾᬦ᭄‌ᬚᬾ
ᬦ᭄ᬤ᭄ᬭᬮ᭄‌ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬓᬬᬸᬦᬦ᭄᭟ᬧᬘᬂᬫᬗ᭄ᬤᬕᬶᬗᬶᬦ᭄ᬧᬶᬲᬦ᭄᭞ᬓᬲᭂᬓ᭄ᬱᬭᬶᬗᬬᬸᬤᬳᬶᬦ᭄᭞ᬲᬶᬂᬫᬓᬬᬸᬦ᭄ᬫᬧᬸᬧᬸᬢᬦ᭄᭞ᬫᬗ᭄ᬤᬕᬾᬦ᭄ᬢᬲ᭄ᬲᬓᬶᬂᬕ᭄ᬮᬶᬲ᭄᭞ᬜᬫ᭄ᬩᬸᬢ᭄ᬲᬢ᭄ᬯᬦᬾᬫᬗ᭄ᬓᬶᬦ᭄᭞
ᬩᬾᬜ᭄ᬚᬂᬢᬢᬲᬼᬫᬄᬲᬫ᭄ᬧᬸᬦ᭄᭞ᬲᬸᬭᬤᬤᬸᬦᬾᬦᬧᬓ᭄᭞ᬫᬗᬶᬢᭂᬃᬕ᭄ᬭᬶᬬᬲᭂᬓ᭄ᬱᬭᬶ᭞ᬳᬦᬓ᭄ᬳᬕᬸᬂᬳᬶᬲ᭄ᬢ᭄ᬭᬶᬓᬓᬸᬂᬕ᭄ᬮᬶᬲ᭄ᬫᭂᬤᬮ᭄᭟ᬓᬮᬶᬄᬯᬢᭂᬓ᭄ᬧᬭᬭᬗ᭄ᬤ᭞ᬭᬩᬶᬧᬧᬘᬗᬦ᭄ᬫᬮᬶᬄ᭞ᬧᬧᬶᬗᬶᬢ
ᬦ᭄ᬫᬳᬶᬭᬶᬗᬦ᭄᭞ᬯᬾᬦ᭄ᬢᭂᬦ᭄ᬳᬗᬦ᭄ᬲᬢᬸᬲ᭄ᬲᬶᬓᬶ᭞ᬦᬾᬳᬶᬲ᭄ᬢ᭄ᬭᬶᬮᬦᬂᬫ᭄ᬯᬦᬶ᭞ᬩ᭄ᬭᬳ᭄ᬫᬦᬫᬓᬤᬶᬯᬶᬓᬸ᭞ᬳᬤᬯᬸᬄᬩᬾᬩᬲ᭄‌ᬢ᭄ᬮᬲ᭄᭞ᬩᬗ᭄ᬓᬾᬮᬬᭀᬦᬾᬫᬢᬶᬦ᭄ᬤᬶᬄ᭞ᬢᬸᬢᬶᬂᬘ᭄ᬦᬶᬓ᭄‌ᬤᬶᬢᬸᬳᬤᬫᬶᬮᬸ
[ ᭗᭑ 71A]
ᬭᬸᬲᬓ᭄᭟ᬯ᭄ᬬᬓ᭄ᬢᬶᬩᬸᬓᬧᬶᬢᬸᬤᬸᬳᬂ᭞ᬦᬾᬳᬲᬶᬓᬶᬤᬸᬭᬸᬲ᭄ᬮᬶᬘᬶᬦ᭄᭞ᬳᬦᬓ᭄ᬳᬕᬸᬂᬦ᭄ᬗᬄᬓᬭᬂ᭞ᬲᬳᬶᬭᬶᬗᬦ᭄ᬳᬶᬤᬓᬭᬶ᭞ᬫᬗᬦ᭄ᬢᭀᬲ᭄ᬩᬮᬾᬃᬳ᭄ᬦᬶᬂ᭞ᬲᬸᬭᬤᬤᬸᬢ᭄ᬯᬭᬢᬳᬸ᭞ᬭᬾᬄᬳᬦᬓ᭄ᬳ
ᬕᬸᬂᬳᬶᬤ᭞ᬫᬩ᭄ᬮᬢ᭄ᬢᬸᬓᬤ᭄ᬫᬮᬶᬗ᭄ᬕᬶᬄ᭞ᬓ᭄ᬭᬡᬮᬸᬧᬸᬢ᭄‌ᬫᬗ᭄ᬓᬶᬦ᭄ᬫᬕᬶᬗ᭄ᬲᬶᬭᬶᬦ᭄‌ᬕᭂᬦᬄ᭟ᬓᬢᭀᬄᬫᬢᬶᬫᬳᬶᬭᬶᬗᬦ᭄ᬫᬗ᭄ᬕᭂᬄᬧᬓᬬᬸᬦᬦ᭄‌ᬕᬶᬦ᭄ᬢᬶᬂ᭞ᬲᬳᬶᬭᬶᬗᬦ᭄ᬲᬫᬶᬭᬸᬲᬓ᭄᭞ᬳᬶᬢ᭄ᬯᬦ᭄ᬫᬶᬲ᭄ᬓᬶᬦ᭄ᬤ
ᬕᬶᬗᬶᬦ᭄᭞ᬫᬳ᭄ᬮᬢ᭄‌ᬯ᭄ᬗᬶᬭᬭᬶᬲ᭄᭞ᬲᬸᬭᬤᬤᬸᬲᬫ᭄ᬧᬸᬦ᭄ᬭᬯᬸᬄᬓᬢᭀᬄᬧᬢᬶᬫᬗᬫ᭄ᬩ᭄ᬬᬃ᭞ᬳᬦᬓ᭄ᬳᬕᬸᬂᬗᬫᬶᬚᬶᬮᬶᬦ᭄᭞ᬗ᭄ᬳᬶᬂᬫᬲᬸᬭᬸᬂᬗᬳᬦ᭄ᬓᬸᬃᬲᬶᬓᬮᬶᬗ᭄ᬕᬶᬳᬂ᭞ᬤᬶᬫᬃᬕ᭄ᬕᬶᬦᬾᬤᬶᬢᬸᬩᬾᬩᬲ᭄
᭞ᬳᬶᬲᬸᬭᬤᬤᬸᬫ᭄ᬩᭂᬤᬶᬮᬶᬦ᭄᭞ᬲᬳᬶᬭᬶᬗᬦ᭄‌ᬢ᭄ᬮᬲ᭄ᬭᬸᬲᬓ᭄᭞ᬯᬾᬦ᭄ᬢᭂᬦ᭄ᬓᬮᬶᬄᬤᬰᬲᬶᬓᬶ᭞ᬳᬶᬢ᭄ᬯᬦ᭄‌ᬲᬫ᭄ᬧᬸᬦ᭄‌ᬗ᭄ᬕᬶᬮᬶᬲ᭄᭞ᬧᬓᬬᬸᬦᬦ᭄ᬳᬸᬲᬦ᭄‌ᬍᬲᬸ᭞ᬕᬸᬧᬸᬄᬫ᭄ᬩᬯᭀᬲᬂᬬᬸᬕ᭞ᬓ