Kaca:Bali-lontar-gaguritan-rusak-sasak-02-300ppi.pdf/7

Saking Wikisource
Kaca puniki sampun kauji-wacén

[ ᭖ 6B]
᭖᭞
ᬧ᭄ᬦᬕᬭᬓᬤᬶ᭞ᬲᬶᬗ᭄ᬳᬲ᭄ᬥᭂᬂᬕᬮᬓ᭄᭞ᬕᭂᬦ᭄ᬢᬶᬂᬧᬤᬗᬋᬧᬂ᭞ᬓᬶᬯᬢ᭄ᬗᭂᬦ᭄ᬫᬫ᭄ᬩᭂᬤᬶᬮᬶᬦ᭄᭞ᬓᬮᬶᬄᬧᬗᬯᬓ᭄᭞ᬲᬶᬓᭂᬧᬾᬭᬶᬂᬦᬕᬭᬶ᭟ᬲᬸᬭᬓ᭄ᬲᬶᬦᬸᬭᬓ᭄ᬓᬸᬤᬶᬢᬸᬫ᭄ᬩᬓ᭄ᬫᬢᬶᬫ᭄ᬩᬮ᭄᭞ᬳ
ᬜ᭄ᬘᬸᬢᬾᬓ᭄ᬮᬾᬤ᭄ᬤᬤᬶ᭞ᬮᬶᬮᬶᬄᬫᬕ᭄ᬮᬶᬬᬸᬭᬦ᭄᭞ᬤᬾᬦᬶᬂᬲᭀᬭᭀᬳᬦ᭄ᬲ᭄ᬮᬫ᭄᭞ᬓᬤᬶᬭᬶᬧ᭄ᬭᬾᬲᬗᬫ᭄ᬧᬶᬤᬶᬦ᭄᭞ᬩᬸᬓᬜᬤ᭄ᬬᬬᬂᬩ᭄ᬮᬶᬢ᭄ᬢᬦ᭄ᬲᬓᬶᬂᬳᬚ᭄ᬭᬶᬄ᭟ᬳᭂᬦ᭄ᬢᭀᬓ᭄ᬭᬡᬳᬸᬤᬦ᭄ᬤᬤᬶ
ᬢᬸᬭᬓ᭄᭞ᬧ᭄ᬭᬕᬸᬲ᭄ᬢᬶᬫᬓᬗ᭄ᬕᬮᬶᬦ᭄᭞ᬧᬗᬫᬸᬓ᭄ᬧ᭄ᬭᬬ᭞ᬭᬾᬜ᭄ᬘᬗᬾᬫᬶᬮᬸᬩᬸᬦ᭄ᬢᬲ᭄᭞ᬓᬢᬳᬸᬭᬕ᭄ᬧᬤᬩ᭄ᬮᬶᬢ᭄᭞ᬕᬸᬲ᭄ᬢᬶᬦᬾᬓᬸᬢᬂ᭞ᬫᬩᬾᬮᬓᬮᬶᬄᬲᬶᬓᬶ᭟ᬳᬶᬧᬭᬬᬫᬮᬶᬄᬗᬸᬦ᭄ᬢᬸᬲᬂ
ᬓᬢ᭄ᬗᬄ᭞ᬩᬗ᭄ᬓᭀᬮ᭄ᬫᬳᬶᬮ᭄‌ᬜ᭄ᬚᬸᬚᬸᬓᬶᬦ᭄᭞ᬫᬗᬤ᭄ᬯᬂᬭᭀᬜ᭄ᬘᬂ᭞ᬲᬶᬓᭂᬧ᭄ᬤᬍᬫᬾᬫᬧᬕ᭄᭞ᬲᭀᬭᭀᬄᬚᬃᬫ᭄ᬫᬦᬾᬗᬫᬳᬶᬦ᭄᭞ᬫᬲ᭄ᬭ᭄ᬬᬓ᭄ᬕᬦ᭄ᬢᬲ᭄᭞ᬫᬸᬲᬸᬳᬾᬳᬓᬾᬄᬫᬢᬶ᭟ᬮᬾᬦ᭄ᬫᬢᬢᬸᬫᬲᬸᬭᬸᬂ
[ ᭗ 7A]
ᬲᬸᬭᬸᬗᬦ᭄‌ᬦᬩ᭄ᬭᬂ᭞ᬫᬮᬳᬶᬩ᭄ᬦᭂᬓᭂᬧ᭄ᬚᬶᬢ᭄᭞ᬳᬶᬩᬗ᭄ᬓᭀᬮ᭄ᬫᬤᬦ᭄ᬤᬦ᭄᭞ᬓᬭᬾᬩᬾᬂᬩᬳᬦ᭄ᬭᬾᬜ᭄ᬘᬂ᭞ᬍᬗᭂᬦᬾᬓ᭄ᬦᬩᬦ᭄ᬫᬶᬫᬶᬲ᭄᭞ᬲᬶᬓᭂᬧ᭄ᬦᬕᬭ᭞ᬗᬸᬩᭂᬭᬶᬦ᭄ᬫᬫ᭄ᬩᭂᬤᬶᬮᬶᬦ᭄᭟ᬢᬦ᭄ᬘᬭᬶᬢ
ᬯᬶᬭᬾᬄᬳᬶᬤᬲᬂᬳ᭄ᬬᬂᬲᬸᬃᬬ᭄ᬬ᭞ᬲᬫ᭄ᬧᬸᬦ᭄ᬫᬦᬸᬗ᭄ᬕᬂᬕᬶᬭᬶ᭞ᬩᬸᬓᬜᬧ᭄ᬬ᭞ᬬᬸᬤᬦᬾᬭᬭᬶᬲ᭄ᬳᬶᬤ᭞ᬲᬸᬭᬳᬫ᭄ᬮᬧᬸᬭᬕ᭄ᬮᬶᬲ᭄᭞ᬫᬗ᭄ᬭᬜ᭄ᬚᬶᬂᬓᬸᬢ᭞ᬓᬤᬶᬭᬶᬓᬚᬕ᭄ᬭᬳᬶᬦ᭄᭟ᬭᬾᬄᬓᬩᬯᭀᬲ᭄ᬘᬶ
ᬢᬦᬶᬧᬸᬦ᭄ᬲᬫ᭄ᬧᬸᬦ᭄ᬕᬶᬗ᭄ᬕᬂ᭞ᬪᬓ᭄ᬢᬶᬦᬾᬓᬦᬕᬭᬶ᭞ᬓᬮᬶᬄᬳᬶᬧᬭᬾᬲ᭞ᬲᬫ᭄ᬧᬸᬦ᭄ᬲᬓᭀᬗ᭄ᬓᭀᬮ᭄ᬫᬦᬄ᭞ᬓᬶᬦᬸᬢᬶᬦ᭄ᬳᬶᬩᬗ᭄ᬓᭀᬮ᭄ᬫᬳᬶᬮ᭄᭞ᬳᬬᬢᬦ᭄ᬩᬾᬗ᭄ᬚᬂ᭞ᬗᬗ᭄ᬓᬢᬶᬦ᭄ᬧ᭄ᬭ
ᬬᬾᬤᬾᬰᬶ᭟ᬫᬗ᭄ᬤᬾᬧᬸᬘᭂᬄᬩᭀᬗ᭄ᬓᭀᬮ᭄ᬜᬦᬾᬳᬩ᭄ᬭ᭄ᬬᬓᬦ᭄᭞ᬧᬶᬮᬶᬄᬩᭀᬬ᭞ᬗᬭᬶᬲᬶᬓ᭄᭞ᬘᬭᬗᬾᬦᬾᬓᬢᬄ᭞ᬢᭀᬩᬦᬶᬫᬗ᭄ᬕᭀᬩᬬᬂ᭞ᬲ᭄ᬬᬢ᭄‌ᬫᬋᬧ᭄ᬓ