[ ᭕ 5B]
᭕᭞
ᬫᬗ᭄ᬕᬫᭂᬮᬂ᭞ᬤᬾᬰᬓᬤᬶᬭᬶᬢ᭄ᬬᬓ᭄ᬢᬶ᭞ᬲᬫ᭄ᬧᬸᬦ᭄ᬓᬤᬯᬸᬳᬦ᭄᭞ᬧᬧᬸᬘᬸᬓᬾᬫᬫᬃᬕ᭄ᬕ᭞ᬯᬾᬦ᭄ᬢᭂᬦ᭄ᬓᭂᬮᭀᬤ᭄ᬯᬾᬦ᭄ᬢᭂᬦ᭄ᬓᬗᬶᬦ᭄᭞ᬲᬦᬾᬗᬗᬶᬦᬂ᭞ᬧ᭄ᬭᬶᬗ᭄ᬕᬭᬢᬓᬸᬓᬸᬳᬶᬦ᭄᭟ᬲᬸᬭᬳᬫ᭄ᬩᭂᬮᬧᬸᬭᬫᬸᬗ᭄ᬕᬄᬫᬸᬗ᭄ᬕᬸ
ᬳᬶᬂᬤᬧ᭄ᬧ᭞ᬧᬧᬬᬸᬓᬺᬢᬲ᭄ᬓᬸᬦᬶᬂ᭞ᬫᬫᬄᬲᬗᬶᬭᬶᬗᬂ᭞ᬩᬸᬗᬄᬫᬧᭀᬦ᭄ᬢᬂᬳ᭄ᬫᬲ᭄᭞ᬧᬫᬃᬕ᭄ᬕᬶᬕᬾᬧᬤᬕ᭄ᬮᬶᬲ᭄᭞ᬢᬫ᭄ᬩᬸᬃᬫᬢᬶᬫ᭄ᬩᬮ᭄᭞ᬫᬸᬜᬶᬦᬾᬫᬗᭂᬫ᭄ᬧᭂᬗᬶᬦ᭄᭟ᬓᭂᬩ᭄ᬬᬃᬓᭂᬩ᭄ᬬ᭄ᬬᬸᬃᬮᬮᭀᬦ᭄ᬢᬾᬓᬾᬫᬧ
ᬭᬤᬂ᭞ᬫᬸᬭᬸᬩ᭄ᬫᬲᬯᬂᬢᬢᬶᬢ᭄᭞ᬲᬸᬭᬓᬾᬫᬢᬶᬫ᭄ᬩᬮ᭄᭞ᬓᬤᬶᬲᬕᬭᬗᭂᬜ᭄ᬘᬄᬧᬕᬺᬤᭂᬕ᭄ᬲᬮᬦ᭄ᬢᬂᬫᬃᬕ᭄ᬕᬶ᭞ᬲᬶᬓᭂᬧ᭄ᬮᬓ᭄ᬱᬬᬦ᭄᭞ᬕᬶᬦ᭄ᬢᬶᬂᬧᬤᬩᬜ᭄ᬘᬶᬓ᭄᭟ᬢᬦ᭄ᬘᬭᬶᬢᬦ᭄ᬤᬶᬫᬃᬕ᭄ᬕᬶᬲᬫ᭄ᬧᬸᬦ᭄ᬫᬦᬧᬓ᭄᭞
ᬫᬸᬗ᭄ᬕ᭄ᬯᬶᬂᬤᬾᬰᬓᬤᬶᬭᬶ᭞ᬳᬤᬫᬗᬢᬸᬭᬂ᭞ᬫᬸᬲᬸᬳᬾᬲᬸᬩᬢ᭄ᬓ᭞ᬤᬶᬚᬮᬦ᭄ᬢᬶᬓ᭄ᬯ᭄ᬬᬓ᭄ᬢᬶᬢᬶᬢᬶᬩ᭄᭞ᬩᬸᬓᬓ᭄ᬢᭀᬕᬂ᭞ᬲᬧ᭄ᬭᬬᬫᬫ᭄ᬩ᭄ᬭᬶᬬᬸᬓᬶᬦ᭄᭟ᬦᬾᬫᬳᬤᬦ᭄ᬩᬗ᭄ᬓᭀᬮ᭄ᬫᬳᬶᬮ᭄ᬧᬕᬸᬭ᭄ᬯᬦ᭄᭞ᬢᬢᭂ
[ ᭖ 6A]
ᬓ᭄ᬳᬮᬫᬾᬲᬫᬶ᭞ᬤᬶᬤᬾᬰᬧᬭᬬ᭞ᬲᬳᬢ᭄ᬧᬤ᭄ᬦᬸᬳᬸᬢᬂ᭞ᬘᭀᬗᬄᬜᬦᬾᬓᬦᬕᬭᬶ᭞ᬰᬸᬭᬫ᭄ᬩᭂᬮᬧᬸᬭ᭞ᬕᬗ᭄ᬲᬸᬗᬾᬦ᭄ᬤᬶᬓᬕ᭄ᬮᬶᬲ᭄᭟ᬫᬗᬸᬢᬸᬲᬂᬩᬳᬸᬥᬦ᭄ᬤᬓᬧᬃᬘ᭄ᬙᬬ᭞ᬧᭂᬦ᭄ᬤᬓ᭄ᬫᬸ
ᬲᬸᬳᬾᬭᬭᬶᬲ᭄᭞ᬭᬦ᭄ᬢᬩᬦ᭄ᬫᬚᬮᬦ᭄᭞ᬗᬸᬦ᭄ᬢᬲᬂᬤᬗᬶᬦ᭄ᬢᬸᬓᬤ᭄᭞ᬧᬓᬸᬓ᭄ᬮᬶᬂᬓᬯᬲ᭄ᬢᬦᬶᬦ᭄᭞ᬤᬶᬢᬸᬓᬧᭂᬦ᭄ᬤᬓ᭄᭞ᬲᬢ᭄ᬭᬸᬦᬾᬫᬗ᭄ᬭᬶᬳᬶᬦ᭄᭟ᬕᬮᬓ᭄ᬗᬫᬸᬓ᭄ᬲᬶᬓᭂᬧᬾᬲᬓᬶᬂᬦᬕᬭ᭞ᬯᬾᬦ᭄ᬢᭂᬦ᭄ᬭ
ᬲᬓ᭄ᬮᬾᬦ᭄ᬓᬦᬶᬦ᭄᭞ᬓᬲᬾᬧᬦ᭄ᬫᬢᬶᬗ᭄ᬓᬄ᭞ᬫᬓᬶᬍᬲ᭄ᬤᬯᬸᬄᬢᬸᬓᬤ᭄᭞ᬤᬶᬢᬸᬗᬮᬶᬄᬢᬥᬄᬩ᭄ᬘᬶᬓ᭄᭞ᬕ᭄ᬮᬶᬲ᭄ᬫᬦ᭄ᬤᬩ᭄ᬤᬩ᭄᭞ᬗᬫ᭄ᬩ᭄ᬬᬭᬂᬲᬶᬓᭂᬧ᭄ᬢᬭᬶᬓ᭄᭟ᬓᬮᬶᬄᬳᬶᬤᬰᬸᬭᬳᬫ᭄ᬮᬧᬸᬭᬫᭂᬗ᭄ᬕᬄ᭞ᬳᬦ᭄ᬢᬸᬓᬾ
ᬓᬳᬩᬦᬶᬦ᭄᭞ᬩᬳᬦ᭄ᬫᬸᬲᬸᬄᬧᬭᬬ᭞ᬭᬭᬶᬲ᭄ᬳᬶᬤᬗᬦ᭄ᬤᬶᬓ᭞ᬗᬋᬧᬂᬩ᭄ᬤᬶᬮ᭄ᬧᬗᬯᬶᬦ᭄᭞ᬫᬸᬲᬸᬳᬾᬳᬸᬘᬧ᭄᭞ᬫᬗ᭄ᬮᬶᬦ᭄ᬢᬂᬢᬸᬓᬤ᭄ᬕᭂᬮᬶᬲ᭄᭟ᬲᬓ᭄ᬱᬢ᭄ᬩᬦ᭄ᬢᬾᬂᬳᬫ᭄ᬩᬭᬦ᭄ᬓᬸᬘᬸᬓ᭄ᬗᬋᬧᬂ᭞ᬲᬶᬓᭂᬭᬶᬸ
Kaca:Bali-lontar-gaguritan-rusak-sasak-02-300ppi.pdf/6
Kaca puniki sampun kauji-wacén
