[ ᭕᭖ 56B]
᭕᭖᭞
ᬧᬤᬸᬓᬢ᭄ᬯᬦ᭄ᬩᬸᬢᬸᬲ᭄᭞ᬫᬳᬯᬶᬦᬦ᭄ᬮᬭᬶᬲ᭄ᬩᬾᬩᬲ᭄᭞ᬫᬫ᭄ᬦᬂᬢᬜ᭄ᬚᬸᬗᬾᬮᬶᬮᬶᬄ᭟ᬕᬸᬩᬸᬕ᭄ᬕᬸᬩᬸᬕ᭄ᬕᭂᬲᭂᬂᬧᬺᬢᬓ᭄᭞ᬤᬤᬶᬳᬯᬸᬲᬶᬮᬧᬶᬦ᭄ᬚ᭄ᬭᬦᬢ᭄ᬰᬓ᭄ᬢᬶ᭞ᬮᬸᬤᬶᬦ᭄ᬲᭀᬭᭀᬄᬲ᭄ᬮᬫ᭄ᬲᬫ᭄ᬧᬸᬦ᭄᭞ᬓᬋᬧᬾᬩᬦᬶ
ᬘᭀᬗᬄ᭞ᬓᬦᬕᬭᬤᬾᬦᬶᬂᬧᬸᬗ᭄ᬕᬯᬦᬾᬤᬶᬢᬸ᭞ᬓᬳᬶᬭᬶᬂᬮᭀᬮᭀᬲ᭄ᬫᬗᬮᬲ᭄᭞ᬍᬫᭂᬂᬍᬫᬄᬦᬾᬫᬫᬃᬕ᭄ᬕᬶ᭟ᬫᭂᬗ᭄ᬕᭂᬮ᭄ᬕᬸᬦᬸᬂᬩᬸᬓᬶᬢ᭄ᬢᭂᬕᬮ᭄᭞ᬧᬕᬭᬾᬦᭀᬓ᭄ᬳᬤᬫᬜᬸᬳᬸᬦ᭄ᬜᬗ᭄ᬓᬶᬮ᭄᭞ᬳᬤᬦᭂᬕᭂᬦ᭄ᬓᬩᭂᬢ᭄ᬓᬶ
ᬓᬸᬓ᭄᭞ᬫᬧᭀᬳᭀᬢ᭄ᬦᭂᬕᭂᬦ᭄ᬳᬃᬣ᭞ᬳᬜᬶᬗᬮ᭄ᬳᬤᬜᬸᬗ᭄ᬕᬶᬧᬦᬓ᭄ᬘᬸᬘᬸ᭞ᬧᬓᬭᬾᬬᬓ᭄ᬩᬶᬮᬚᬮᬦ᭄᭞ᬗ᭄ᬮᬶᬂᬧᬤᬦᬕᬶᬄᬦᬲᬶ᭟ᬫᬾᬫᬾᬩᬧᬦᬾᬩᬧᬦᬾᬓᬮᬶᬦ᭄ᬢᬂ᭞ᬓᬓᬤᬤᭀᬂᬫᬫ᭄ᬭᬕᬢᬂᬩᬦ᭄ᬲ᭄ᬤᬶᬄ᭞ᬦᬗ᭄ᬳᬶᬂᬯᬾᬦ᭄ᬢᭂᬦ᭄
ᬢᭀᬬᬦ᭄ᬳᭂᬩᬸᬦ᭄᭞ᬓᬳᬗ᭄ᬕᬾᬫᬦᬸᬗ᭄ᬓᬸᬮᬂ᭞ᬘ᭄ᬦᬶᬂᬘ᭄ᬦᬶᬂᬗ᭄ᬳᬶᬂᬩᬲᬗᬾᬓᬭᬶᬓᭂᬩᬸᬲ᭄᭞ᬩᬦᬾᬢ᭄ᬯᬭᬫ᭄ᬩᬳᬦ᭄ᬗᬫᬄ᭞ᬘᭂᬦ᭄ᬤᭂᬢᬂᬲᬢ᭄ᬯᬦᬾᬫᬗ᭄ᬓᬶᬦ᭄᭟ᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬦᬕᬭ᭞ᬢᬸᬃᬓᬳᬢᬸᬃᬭᬶᬂᬳᬦᬓ᭄ᬳᬕᬸᬂᬮᬶᬗ᭄ᬲᬶᬃ᭞ᬫᬯᬸ
[ ᭕᭗ 57A]
ᬯᬸᬄᬓᭀᬩᭂᬢ᭄ᬭᬶᬂᬓᬬᬸᬦ᭄᭞ᬚᬦ᭄ᬢᭂᬦ᭄ᬲᭀᬭᭀᬄᬧᬤᬲᬦ᭄᭞ᬤ᭄ᬮᭀᬤ᭄ᬓᬸᬲᬸᬓ᭄ᬫᬜᬋᬗᬶᬦ᭄ᬩᬮᬾᬃᬕᬸᬦᬸᬂ᭞ᬓᬦᬕᬭᬚᬢᬶᬧᬂᬧᬂ᭞ᬦᬾᬫᬗ᭄ᬓᬶᬦ᭄ᬳᬘᬧᬂᬫᬮᬶᬄ᭟ᬲᬲᭀᬭᭀᬳᬦ᭄ᬫᬸᬲᬸᬄᬲ᭄ᬮᬫ᭄᭞ᬪᬗᬶᬦ᭄ᬚᬸᬭᬶᬂ
ᬢᬦ᭄ᬫᬋᬦ᭄ᬫᬗᬫ᭄ᬩ᭄ᬬᬭᬶᬦ᭄᭞ᬓ᭄ᬮᭀᬤ᭄ᬓᬗᬶᬦ᭄ᬮᬶᬦ᭄ᬢᬂᬓᬸᬓᬸᬄ᭞ᬲᬶᬓᭂᬧᬾᬭᬶᬂᬦᬕᬭᬢᬸᬃᬫᬯᬦᬦ᭄ᬤᬾᬰᬩᭂᬗ᭄ᬓᭂᬓᬾᬶᬸᬮᬓᬲᭂᬤᬸᬢ᭄᭞ᬩᬕᬾᬫᬦᬶᬲ᭄ᬓᬮᬶᬄᬤᭂᬳ᭞ᬭᬾᬄᬢᬶᬦᬸᬢ᭄ᬓᬤᬗᬶᬦ᭄ᬚᬸᬭᬶᬂ᭞ᬦᬾᬫᬗ᭄ᬓᬶᬚᬕ᭄ᬚᬕᬂ
ᬜ᭄ᬭᬶᬢ᭞ᬓᬸᬢᬘᬓ᭄ᬭᬫᬢᬭᬫ᭄ᬓᬳᬶᬤᭂᬭᬶᬦ᭄᭞ᬳᬦ᭄ᬢᬸᬓ᭄ᬰᬢ᭄ᬭᬸᬲᬫᬶᬗᬸᬘᬸᬃ᭞ᬬᬦᬶᬂᬲᭀᬭᭀᬳᬦ᭄ᬲ᭄ᬮᬫ᭄᭞ᬲᬘᬶᬢᬜᬲᬶᬓᭂᬧ᭄ᬦᬕᬭᬦᬾᬫᬕᬸᬢ᭄᭞ᬤ᭄ᬬᬧᬶᬦ᭄ᬓᭂᬢᬶᬓᭂᬢ᭄ᬬᬦ᭄᭞ᬲᬮᬶᬂᬧᭂᬳᭂᬢ᭄ᬓᬢᬶᬫ᭄ᬧᬮᬶᬦ᭄
᭟ᬲᬮᬶᬂᬳᬶᬦ᭄ᬢᬸᬓ᭄ᬲᬮᬶᬂᬘᬓ᭄ᬘᬓ᭄᭞ᬧᬾᬢ᭄ᬯᬶᬦ᭄ᬤ᭄ᬯᬦ᭄ᬢᭀᬂᬤᬸᬕᬧᬘᬂᬗᬸᬜ᭄ᬘᬶᬃ᭞ᬗᭂᬦ᭄ᬤᭀᬦ᭄ᬓᬳᭂᬦ᭄ᬤᭀᬦᬶᬦ᭄ᬧᬸᬧᬸᬓ᭄᭞ᬳᬦᬓ᭄ᬳᬕᬸᬂᬜᬤ᭄ᬬᬬᬂ᭞ᬲᬘᬶᬢᬜᬩᬩᭀᬬᭀᬗᬦ᭄ᬫᬫ᭄ᬩᭂᬓ᭄ᬩᬶᬚᬸᬕ᭄᭞ᬗ᭄ᬳᬶᬂᬳᬋᬧᬾᬭᬶᬂᬳᬶ
Kaca:Bali-lontar-gaguritan-rusak-sasak-02-300ppi.pdf/57
Kaca puniki sampun kauji-wacén
