[ ᭔ 4B]
᭔᭞
ᬓ᭄ᬯ᭄ᬬᬓ᭄ᬢᬶ᭞ᬲᬦᬾᬤᬸᬳᬸᬭᬦ᭄᭞ᬓᬗ᭄ᬳᬶᬂᬯ᭄ᬢᬸᬦᬾᬓᬯᬶ᭟ᬦᬾᬫᬧᬭᬩ᭄ᬳᬦᬓ᭄ᬳᬕᬸᬂᬫᬥᬾᬓᬭᬂ᭞ᬳᬲᭂᬫ᭄ᬓᬗ᭄ᬕᭀᬗ᭄ᬭᬯᭀᬲᬶᬦ᭄᭞ᬦᬾᬤᬶᬚᬕᬢ᭄ᬲᬲᬓ᭄᭞ᬫᬸᬧᬸᬢᬂᬲᬧ᭄ᬭᬳᬾᬮᬦ᭄᭞ᬳᬮᬳᬬᬸ
ᬜ᭄ᬚᬕᬢ᭄ᬲᬫᬶ᭞ᬗᬶᬓᬸᬢ᭄ᬲᭀᬩᬬ᭞ᬭᬳᬸᬳᬾᬓᬩᬢᬯᬶ᭟ᬦᬾᬧᬗᬚᭂᬂᬳᬦᬓ᭄ᬳᬕᬸᬂᬓ᭄ᬢᬸᬢ᭄ᬓᬭᬂ᭞ᬳᬲᭂᬫ᭄ᬫᬭᬸᬧᬫᬭᬶ᭞ᬯ᭄ᬬᬓ᭄ᬢᬶᬓᭂᬤᭂᬂᬢᬶᬢᬄ᭞ᬧᬗ᭄ᬭᬯᭀᬲ᭄ᬯᭂᬢᬸᬳᬓᬲ᭄᭞ᬰᬸᬭᬳᬫ᭄ᬮᬧᬸᬭᬤᬤᬶ
᭞ᬗᭂᬩᬸᬲᬶᬦ᭄ᬚᬕᬢ᭄᭞ᬭᬯᭀᬲᬾᬮᬶᬦ᭄ᬢᬂᬧᬶᬤᬶᬓ᭄᭟ᬧᬳᬶᬗᬦᬦ᭄ᬓᬮᬶᬬᬸᬕᬦᬾᬫᬫ᭄ᬭᬢ᭄᭞ᬳᭂᬦ᭄ᬢᭀᬓ᭄ᬭᬡᬤᬤᬶ᭞ᬲᬲᭀᬭᭀᬳᬦ᭄ᬲ᭄ᬮᬫ᭄᭞ᬫᬸᬃᬓ᭄ᬓᬳᬶᬥᭂᬧ᭄ᬫᬫᬦ᭄ᬤᬮ᭄᭞ᬤᬾᬰᬧ᭄ᬭᬫᬸᬃᬯ᭄ᬯᬦᬶᬦ᭄᭞ᬦᬶᬗᬮ᭄
ᬫ᭄ᬩᬸᬓᬢᬂ᭟ᬘᭀᬗᬄᬭᬶᬂᬭᬚᬩᬮᬶ᭟ᬤᬸᬓ᭄ᬭᬶᬂᬤᬶᬦᬲᬸᬓ᭄ᬭᬧᭀᬦ᭄ᬯᬭᬧ᭄ᬭᬂᬩᬓᬢ᭄᭞ᬢᬗ᭄ᬕᬮ᭄ᬧᬶᬂᬢᬶᬕᬰᬲᬶᬄᬓᬭᭀᬫᬦᬸᬚᬸᬭᬄ᭞ᬢᬶᬕᬢᬸᬃᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬳᬶᬰᬓᬜᬲ᭄ᬬᬸᬩᬗ᭄ᬲᬶᬢ᭄᭞ᬦᬗ᭄ᬕᬸᬢ᭄ᬮᬸᬮᬲ᭄
[ ᭕ 5A]
᭞ᬲ᭄ᬫᭂᬂᬩᬳᬸᬦ᭄ᬤᬕ᭄ᬳᬳᬶᬓᬯᬶᬢ᭄ᬓᬢᬸᬃᬓᬦᬕᬭᬬᬳᬶᬧ᭄ᬭᬬ᭞ᬲᬶᬓᭂᬧ᭄ᬜᬦᬾᬤᬶᬫᬃᬕ᭄ᬕᬶ᭞ᬤᬯᬸᬄᬧᬸᬬᬸᬂᬗᭂᬦ᭄ᬢᬲ᭄᭞ᬧᬘᬂᬫᬦᬶᬜ᭄ᬘᬧ᭄ᬤᬾᬰ᭞ᬲᬸᬓᬭᬭᬤᬶᬢᬸᬃᬭᬶᬲ᭄᭞ᬰᬸᬭᬳᬫ᭄ᬮᬧᬸᬭ᭞ᬳᬾᬕᬃᬳᬕᬾᬫᬧ
ᬫᬶᬢ᭄᭞ᬭᬶᬂᬳᬶᬳᬚᬶᬧᬘᬂᬫᭂᬦ᭄ᬤᬓ᭄ᬳᬦ᭄ᬢᬸᬓ᭄ᬬᬸᬤ᭄ᬥ᭄᭟ᬓᬸᬮ᭄ᬓᬸᬮᬾᬫᬗᭂᬫ᭄ᬩᬸᬢᬶᬦ᭄᭞ᬩᬶᬮᬂᬤᬾᬰᬩᬜ᭄ᬚᬃ᭞ᬧᬸᬗ᭄ᬕᬯᬫᬭᬦ᭄ᬢᬳᬦ᭄᭞ᬲᬺᬕᭂᬧ᭄ᬗᬗ᭄ᬕᬾᬲᬃᬯ᭄ᬯᬩ᭄ᬘᬶᬓ᭄᭞ᬲᬾᬭᬶᬂᬩᬜ᭄ᬘᬶᬗᬄ᭞ᬫᬫᭀᬳᭀᬲ᭄ᬭᬾᬜ᭄ᬘᬂᬢᬶᬢᬶᬩ᭄᭞ᬢᬸ
ᬫ᭄ᬩᬓ᭄ᬩᭂᬤᬶᬮ᭄ᬫᬲᭀᬭᭀᬄᬲᭀᬭᭀᬳᬦ᭄ᬓᬧᬓ᭄᭞ᬲᬶᬓᭂᬧᬾᬭᬶᬂᬦᬕᬭᬶ᭞ᬗᭂᬦᬄᬧᬤᬩᬸᬗᬄ᭞ᬲᬲᭂᬩᭂᬂᬧᬤᬳᬾᬕᬃ᭞ᬩᬸᬓᬢ᭄ᬯᬭᬩᬶᬲᬩᬶᬳᬶᬤ᭄᭞ᬫᬢᬢᬓ᭄ᬭᬦ᭄᭞ᬫᬢᬸᬫ᭄ᬩᬓ᭄ᬳᭂᬩᭂᬓ᭄ᬕᬶᬲᬶ᭟ᬰᬸᬭᬳᬫ᭄ᬮᬧᬸ
ᬭᬓᭀᬤᬮ᭄ᬓᬩᬜ᭄ᬘᬶᬗᬄ᭞ᬧᬗᬗ᭄ᬕᭀᬦᬾᬫᬗᭂᬦ᭄ᬤᬶᬄ᭞ᬯ᭄ᬬᬓ᭄ᬢᬶᬭᬚᬧᬸᬢ᭄ᬭ᭞ᬢᬸᬲ᭄ᬢᬸᬲ᭄ᬧᬸᬭᬸᬱᬭᬶᬂᬧ᭄ᬭᬂᬗᭂᬲᬾᬦᬵᬗᬶᬦ᭄ᬧᬸᬗ᭄ᬕᬯᬲᬫᬶ᭞ᬦᬾᬗᬶᬭᬶᬂᬫᬗ᭄ᬓᬢ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬲᬶᬦᭂᬮᬶᬃ᭟ᬧᬓᬬᬸᬦᬦ᭄ᬳᬶᬤᬧᬘᬂ
Kaca:Bali-lontar-gaguritan-rusak-sasak-02-300ppi.pdf/5
Kaca puniki sampun kauji-wacén
